الثلاثاء، 2 يونيو 2009

حلم جميل

بسم الله الرحمن الرحيم

السلام عليكم ورحمة الله وبركاته



فيها ايه لما مايبقاش فيه موبايل كل شويه يرن

ولا يبقى فيه كمبيوتر ولا نت

فيها ايه لما الواحد يرجع من شغله

ياكل كده براحته

وبعدين يدخل ينام شويه ويصحى براحته

ويقوم من النوم كده فايق ومافيش اى حاجه مضايقاه

*************

النهارده انا حصل معايا كده

رجعت من الشغل

غيرت هدومى وصليت واكلت

وبعدين نمت

(مش عاوز قر وحسد)

وصحيت من النوم لقيت الموبايل فاصل شحن

قلت ادخل على النت شويه

لقيت النت كمان فاصل

الـــــــــــــــــــــــــــــلـــــــــــــــــــــه

ايه الجمال ده

لأ واللى اكتر من كده كمان

ان البيت كان رااااااااااااايق خالص

الحاج كان فى مشوار بعيد شويتين

وابن اخويا اللى انا شغال عنده مرجيحه كان مع ابوه

وامى ربنا يديها الصحه ويطول فى عمرها يارب

كان عندها ماتش غسيل ومش فاضيه (كالعاده)

لقيت الدنيا رايقه رايقه رايقه

وفيه كده حاله من الصفاء النفسى والروقان الذهنى والمعنوى

حسيت بحاجه حلوة كده من فترة ماحسيتش بيها

وعلشان كده قررت انى مش طالع من البيت النهارده

واخدت نص يوم كامل من الأنتخه (على رأى الدكتورة ستيته)

عقبال كده كل اللى نفسه يأنتخ ومش عارف

****************

انا قلت كفايه نص يوم وابقى اكمل فى يوم تانى

وفتحت الكمبيوتر اهه

بس هشغل الموبايل بكره ان شاء الله

بس بجد بجد

الدنيا من غير الحاجات دى بتبقى مريحه جدا

حاولوا تجربوا كده انكم تستغنوا عنها يوم وشوفوا

واسيبكم بقى واروح اكمل لعب (Games)

ياريت نزور المدونة دى

http://ramezabas.blogspot.com/

ونعلن تضامننا معاهم

ســــــــــــــــــــــــــــــــــــــــــلام

هناك 32 تعليقًا:

رامز عباس بيرحب بيك يقول...

سعدت بمجيئك لمدونتي

ربنا ميحرمنا منك سواء متضامنا في قضية ما او زائرا عزيزا علي مدونتنا
اخوك رامز عباس

موناليزا يقول...

وهذا هو المعنى الحقيقى للأجازة:)
تعرف ممكن أشعر بكل ده لما النور يتقطع بس وقتها ببقى طبعا متضايقة لانى مجبرة على الوضع ده
لكن بقى الجميل انك تقرر انك هتستغنى عن كل الحاجات دى فى وقت معين وبمزاجك

ماقولتلناش بقى سيادتك دلؤتى رايح تلعب ايه؟

المعتصم يقول...

بسم الله الرحمن الرحيم
السلام عليكم ورحمة الله وبركاته
***********
رامز عباس
تحياتى
اخى الكريم انا الاسعد
ونورت المدونة واسعدنى مرورك
وربنا يكرمكم ان شاء الله
تحياتى ودمت بكل خير وود
*************
موناليزا
اختى الكريمه
تحياتى
هى فعلا دى الاجازة
بس يعنى بتشعرى بيها لما النور يتقطع !!! هى غريبه شويه انما ممكن يعنى بس ساعتها الموبايل بيبقى برضو شغال
انما لما يكون بالمزاج بتبقى دى فعلا قمة المتعه والروقان
سيادتى كنت بلعب max payne
انا مدمن اللعبه دى وبقالى فترة مالعبتهاش قلت استغل الظروف بقى
ههههههههههههههههههه
نورتى المدونة واسعدنى مرورك اختى الكريمه
تحياتى ودمتِ بكل خير وود
والسلام عليكم ورحمة الله وبركاته

د. ياسر عمر عبد الفتاح يقول...

تصدق غنك اضفتلي جديد في قاموس ومفردات الأنتخة

فعلاً الأنتخة لما نضيف إليها غلق الموبايل وحرق الكمبيوتر .. هتبقي ألذ

انا أدعوك بقي للحلف بتاع الأنتخة بتاعنا
وده ملهوش إجتماعات ولا مهام .. لأن كله مكسل ومأنتخ

محلاها عيشة الأنتخة
أنا مأنتخ .. إذاً أنا موجود

mimi يقول...

الله ... حلوة اوي الأجازة دي .. نفسي أبقي غير متاحة شوية ... وأقول :
mimi is not available now

بجد أنا بحب اللحظات اللي النور بيقطع فيها .. علشان انا بحب الكمبيوتر جداااااا ... نفسي أخد أجازة منه ...

أنا خلاص ضهري بيوجعني من لزقتي في الكرسي عليه ..

ربنا يمتعك بصحتك ..

وربنا يخليلك والدتك ... يارب أمين

حلم جميل وأنتخة جميلة


تحياتي

MaNoOoSh يقول...

سيادتك يا ريس انا موبايلي اتسرق اساسا من 3 شهور
ومش راضية اجيب واحد تاني هفأ لاني نفسي فى واحد كله حركات بقى وكدة
بس اكتشفت اني فعلا من غير الموبايل اكثر استقرارا

بس
لااااااااااااااااااااااااء
كلة الا النت.. دة لما قعد اسبوعين بايظ انا كنت قاعدة اهرش واصوتلهم فى البيت وهم يكتفوا فيا ويقولولي مالك يا بنتي
وانا اقولهم لاااااااااااااء.. كلة الا النت.

أنتوخة سعيدة يا ريس الحلف بتاعنا.. وعقبال كل المطحونين.. (انا مأنتخة علطول اساسا.. مش بغيظكم ولا حاجة.. هع هع هع)

المعتصم يقول...

بسم الله الرحمن الرحيم
السلام عليكم ورحمة الله وبركاته
************
د/ياسر
وزير الصحه
تحياتى
اى خدمه ياعمنا
وبعدين هى الانتخه تبقى انتخه من غير ماتقفل المحروق اللى اسمه الموبايل
ولا تبعد عن البتاع اللى اسمه الكمبيوتر ده
ههههههههههههههههههه
وعلى فكرة انت لو راجعت مؤسسين حلف الانتخه هتلاقينى منهم
اصل انا من الجماعه بتوع الكسل احلى والذ مليون ومتين وتلت تلاف مرة من العسل
ههههههههههههههههههههههههه
نورت ياوزير
تحياتى ودمت بكل خير وود
******************
ميمى
تحياتى
يارب عقبال ماتاخدى اجازة وتبقى غير متاحه شويه بس مش كتير
وسلامة ضهرك
انما انتِ تقدرى تاخدى الاجازة بمزاجك ودى بتكون متعتها اكبر واحلى
تيجى فى يوم كده وتقفل الكمبيوتر خالص وتقفلى الموبايل وتأنتخى
وابقى ادعيلى (بس بعد ماتخلصى انتخه)
هههههههههههههههههه
والف سلامه على ضهرك مرة تانيه
واشكرك على دعواتك ليا ولوالدتى
اسعدنى مرورك
تحياتى ودمتِ بكل خير وود
والسلام عليكم ورحمة الله وبركاته

المعتصم يقول...

بسم الله الرحمن الرحيم
السلام عليكم ورحمة الله وبركاته
منووووووووش
ايه ده ؟؟
بقى الموبايل يتسرق وماتقوليش ؟؟
ده اسمه كلام برضو ؟؟
مش لو كنتى قلتى كنت اتصرفت ورجعتهولك
ولا انا رئيس حلف اونطه يعنى
ماعلينا
ع العموم خلاص هانت
شيك المرتبات قرب يطلع وابقى هاتيلك واحد جديد من ابو حركات ده
ههههههههههههههه
(هتجيبى 95 ولا آى فون ولا ايه بالظبط)
ههههههههههههههه
بس برضو النت على طول متعبه
دى بقت ادمان
لا ادمان ايه
دى تخطت مرحلة الادمان دى بقت ازمان
واحنا بقينا مزمنين نت
ولازم كل فترة كده نريح منها شويه بدل ماناخد جرعه تودينا فتوكر
وايه الغيظ ده ؟؟؟؟
على طول مأنتخه
جتنا نيلة فى حظنا الهباب
(ده مش حقد ولا حسد ده قر بس )
ويارب عقبال كل المطحونين يارب
ههههههههههههههههه
نورتى المدونة يامنى
تحياتى ودمتِ بكل خير وود
والسلام عليكم ورحمة الله وبركاته

ستيتة يقول...

يا سلاااااااااااااااااام

ما شاء الله لا قوة الا بالله

مرحبا بك مؤنتخا سعيدا

بس احقاقا للحق

ذُكر في البهبهاني ان لفظ ها أنتخ أو من نطق به في مدونات بهنسيا العظمى هو الأديب المفوه والعالم اللي لابس طقية الإخفا والمتواضع دائما تامر علي رضي الله عنا وعنه

احب ادب كل ذي حق حقه

تحياتي

رحلتنا في الحياة يقول...

على فكرة انا بفكر اعمل كده فعل افصل النت الى اجل غير مسمى واكسر الموبايل واعيش شوية فى بساطة مفيش اجمل من البساطة
بس ولله الحمد انا مقدرش انى ارتاح شوية واقعد فى هدوء مع نفسى اصلا البيت عندنا مش بيفضى عيال عيال عيال اخواتى وعيال الجيران وجيران الجيران ولااااااا كمان عيال ضيوف من القاهرة لما قربت افتح الحنفية هنزل عيال مش مية والله العظيم حاجة تجيب العصبى والاسبوع ده بالذات جحيم مش بيت
انت قلبت ليه عليا المواجع من بكرة اهتصرف مع العيال دى :(

د/عرفه يقول...

بجد حاجة جميلة اوى
عن نفسى كل يوم تقريبا
بقعد فى البلكونة شوية بعيد عن وش النت والموبايل
وبكتفى بوش العيال الصغيرة اللى فى الشارع

انا ناوى أتكلم عن حاجى زى كدة ان شاء الله قريب


تسلم حبيبى
وياريت متنساش ترشيحاتك يوم الخميس
ههههههههههههههه
لو انت فاضى يعنى براحتك مش هضغط عليك اكتر من كده

عمرو جويلى يقول...

حضرة الصعيدى الهمام
السلام عليكم
يا محلا عيشة الأنتخة
يا درش فى هذه الأيام وخصوصاً من المدرسين
ولكن يا صديقى لا يمكن أن أستغنى عن النت خاصة وبالتالى أطلب منك أن يكون النت من ضمن الأنتخة
دمت أخى فى سعادة وخفة ظل دائماً
ولا حرمنا الله منك

يوميات شاب منوفى يقول...

يابختك بالانتخة ياعم مش بحسد بقر بس بس الحياة بهدوء وصفاء شى جميل انا لما بروح بشطح الموبايل بتاعى فى اى داهية علشان اخلص من بجد اختراع زى مالية مزايا لية عيوب برضة
يارب تكون فى حالة نفسية جيدة بعد الانتخة

Unknown يقول...

السلام عليكم
احجز
وبعدين اعلق

Unknown يقول...

السلام عليكم ورحمة الله وبركاتة
يا سلاااااااااااااااااااااااااااام
اللى نفسى يتانتخ
هوا زوجى
انت عارف اول لما تتزوج مش هيكون عندك اى وقت لغير الشغل+الشغل+ حاجة مهمة جدا الشغل
بحقد عليك
ولا بلاش
يلا الله يسهل لعبيدة
المهم انى مقدرش استغنى عن الموبيل لانى معنديش ت بيت
ودا الحاجة اللى بكمأن منها على زوجى
واهلى بردوا يعنى
وهما كمان بيطمنوا عليا وعلى الجميل الصغير
الانسة سولى
الجميلة اللى بتنام من بدرى ولا بتزن ولا بتتعبنى ولا اى حاجة ربنا يخلهالى ويهديهاااااااا
يلا كفاية كدا عليك
دمت بالف خير وتعيش وتتأنتخ

غير معرف يقول...

انا بعمل كده كتير.....يعنى البيت للنوم....الموبيل غالبا بعيد.....ومفيش نت....علشان اخويا مستولي عليه.....بس حتى فى عدم وجوده موش بدخل علشان البيت للراحه وبس

Unknown يقول...

السلام عليكم ورحمة
الله تعالى وبركاته
بس دى تبقى دنيا صعبة اوى
ياريس لا موبايل ولا كومبو!
عن نفسى حتضايق بجد!!
ممكن يكون فى المصيف
لكن هنا صعب اوى!

Unknown يقول...

معلش نسيت
تعيش وتتهنى
وتتهنى وتعيش
وتعيش وتتهنى
وتتهنى وتعيش:)

المعتصم يقول...

بسم الله الرحمن الرحيم
السلام عليكم ورحمة الله وبركاته
****************
د/ستوتيته
تحياتى
بشكر مرورك الجميل
بس انا ماليش دعوة بتامر رضى الله عنا وعنه
انا لما افتكرتها كان من مدونتك
وبعدين اصلا بقى لو هتدورى على مرجع كلمة انتخه
هتلاقيها كلمه دارجه جدا بين عساكر الجيش (انا كنت بستعملها اثناء فترة التجنيد الله لايعيدهامن حوالى سبع سنين)
نورتى المدونة يادكتورة
تحياتى ودمتِ بكل خير وود
****************
ايوشه بنت خالى
تحياتى
معلش انى قلبت عليكى المواجع
بس اعمل ايه انا قلت اغيظكم شويه ودى فرصه مش بتتكرر كتير
هههههههههههههههههه
هو صحيح الاطفال احباب الله
انما يعنى لازم يكون فيه هدنه منهم شويه
دول بيجننوا بجد
الله يكون فى عونك
بس عجبتنى حكاية الحنفيه وتنزل عيال دى
هههههههههههههههههههههه
ربنا يعينك ويقويكى
نورتى المدونة
تحياتى ودمتِ بكل خير وود
****************
د/عرفه
صديقى الحبيب
تحياتى
بص يامحمد
صحيح قعدة البلكونه حلوة
ونوع من انواع الانتخه والاسترخاء
بس مش زى الحاله اللى كانت معايا امبارح
بس جميل انك بتعمل كده كل يوم
يارب دايما كده مبسوط وسعيد ومأنتخ
ههههههههههههههه
بالنسبه للترشيحات
حاضر يامحمد
هبعتهم دلوقتى
نورت المدونة معاليك
تحياتى ودمت بكل خير وود
***************
عمرو جويلى
وعليكم السلام ورحمة الله وبركاته
حضرة المنوفى التمام
تحياتى
منور بلوجر كله
محلاها عيشة الانتخه لاى حد فى الدنيا مش بس للمدرس ياعمنا
هو فيه حد يطول يأنتخ ويقول لأ ؟؟
انما انا نفسى بقى استغنى هن الموبايل والنت (اه النت)لمدة شهر
ياسلااااااااااااااام
تبقى ظبطت معايا
ههههههههههههههههه
ربنا يكرمك ياعمرو ومايحرمنيش منك
تحياتى ودمت بكل خير وود
****************
يوميات شاب منوفى
تحياتى
ايه ياعم رامى
هو انت وعمرو بلدياتك متفقين مع بعض ولا ايه ؟؟
مش هتبطلوا شغل المنايفه ده ؟؟
وبعدين انت جاى تقر عليا
بس ولا بيهمنى
والحمد لله النفسويات تمام
نورت المدونة ياعمنا
تحياتى ودمت بكل خير وود
**************
حتى تشرق الشمس
وعليكم السلام ورحمة الله وبركاته
ام سلمى
اختى الكريمه
تحياتى
بقى بتحقدى عليا ؟؟؟
ماشى ماشى
وبعدين هو انا اللى قايل لجوزك مايأنتخش ؟؟؟
وكمان لو انتِ زوجه شاطرة هتعرفى تأنتخيه
انما الظاهر كده ان سلمى شغلتك عنه شويتين
بقولك ايه خلى بالك واوعى تغلطى الغلطه دى
لاحسن يفلسع
انا حذرتك اهه
ههههههههههههههههههه
صحيح فيه اوقات مش بنقدر نستغنى عن الموبايل
بس فيه اوقات بيبقى لازم نستغنى عنه
علشان نعرف نريح شويه
المهم سلميلى على الانسه سولى الجميلة
وتعيش وتزن وتعمل كل اللى هى عاوزاه
ههههههههههههههههههههههه
نورتى المدونة
تحياتى ودمتِ بكل خير وود
****************
فتاة من الصعيد
مروة هانم
تحياتى
يابختك
البيت للنوم بس ومافيش نت ولا موبايل
ايه ده ؟؟
امال المدونة والردود والكلام دا كله بتعمليه فين ؟؟
فى الشغل ولا ايه ؟؟
اوعى تكونى منهم ؟؟
هزعل منك
احنا ناس بندى كل حاجه حقها
ايووووووووووووووة
الشغل شغل
وربنا يخليلك اخوكى يارب
نورتى المدونة
تحياتى ودمتِ بكل خير وود
***************
الدكتورة نورا
عندنا
يامرحبا يامرحبا
وعليكم السلام ورحمة الله وبركاته
اهلا اهلا بوزيرة الصحه بتاعتنا
ايه بس اللى هيصعبها ؟؟
مااحنا هنبقى عاوزين نأنتخ يبقى مش صعبه ولا حاجه
مافيش موبايل ؟؟ عادى ماكنا عايشين قبل مايطلع
مافيش كومبو ؟؟ ماكنا مقضيينها ساندوتشات من عند التابعى وماشيه العمليه
ههههههههههههههههههههه
وبعدين ماهى نفس فكرة المصيف
احنا بنروح المصيف علشان ايه ؟؟
جاوبى حضرتك
اه
اهه
تمام كده
يبقى نفس الفكرة
ولا ايه ؟؟
صح كده
ههههههههههههههههههه
وربنا يكرمك يادكتورة يارب
وانتِ كمان تأنتخى كده فى المكان اللى بتحبى تتأنتخى فيه(اسكندريه انا عارف)
وتعيشى وتتهنى وتتهنى وتعيشى
(كفايه لاعلق)
ههههههههههههههههههه
نورتى المدونة
تحياتى ودمتِ بكل خير وود
والسلام عليكم ورحمة الله وبركاته

z!zOoOo يقول...

السلام عليكم

ازيك يا معتصم يارب تكون بخير

ربنا يرزقك وقت أكبر للأنتخه المشكله اني انا كمان مش بعرف أأنتخ

يلا نبقي ناخد كورس أنتخه (يعني هي جت علي الانتخه الي مش هيعملولها كورس )

والظاهر كده اني انا كمان هشيل الكمبيوتر واقضيها ( أنتوخا كبيرا )

بإذن الله يا معتصم هبعتلك نمرتي

وإن شاء الله ننظم مقابله

دمت مأنتخا بكل ود

في رعايه الله

تأثير الفراشة يقول...

كلام حضرتك فى محله جداااا
لأن الانسان مش المفروض إنه يعتمد على التكنولوجيا اعتماد زائد عن الحد
و جميل فعلا إن الإنسان ياخد هدنة من وقت للتانى

فمهم أثناء سعى الإنسان فى حياته أن يقف من وقت لآخر ليشم الزهور

تحياتى لحضرتك على البوست الجميل و المعنى الأجمل

بالتوفيق دائما

بـسـمـــة صـــــلاح يقول...

فعلا حلم جميل ساعات بحس براجة نفسية لما بيحصل كدا

بس ساعات بتنرفز جدا

ــــــــــ
قولي بأه كل دي نرفزة اتنرفزتها بسبب البوست بتاعي
بالعكس المفروض مع كون الرجل قوي لازم يكون عنده قلب
افرض واحد مراته ماتت
امه ابوه اخوه
شاف اهلنا في غزة بيتدبحوا

ابنه اللي مكملش سنتين ومات

حاجات زي كدا ميبكيش عليها ليه؟؟
عينه متدمعش حتى ولو دمعتين
تبين ان عنده رحمهّ!!!
انا عن نفسي مش بحب الراجل اللي ميبكيش
بجد بحس اللي بيبكي قد ايه هو حنين
بس مش عياط عمال على بطال

واحلى واهم بكى البكى من حشية الله

دا رايي
معتقدش هتزعل

رد عليا وفهمني بأه

موناليزا يقول...

يافندم عاجزين عن الشكر:)
ايوا كده الله يخليك خليك متابعنى دايماً انت عارف كله الا اللغة العربية:)
==
ممكن تشرحلى لعبةmax payne لانى اول مرة اسمع عنها

Kiara يقول...

الللللللللللللللللللللللله

ياسلام لو البيت يكون فاضي كمان

واجاااااااازه بقي

بستان الحب يقول...

المعتصم والله كل كلمه كتبتها صح ولكن مجبر أخاك لا بطل كما يقول المثل ،أهم شىء أن يرزقنا المولى عز وجل التوازن وحسن التعامل مع هذه الاشياء جزاكم الله خيرا دمتم فى سعاده

المعتصم يقول...

بسم الله الرحمن الرحيم
السلام عليكم ورحمة الله وبركاته
****************
زيزو
صديقى العزيز
وعليكم السلام ورحمة الله وبركاته
تحياتى يابلدياتى
اشكر سؤالك الجميل والحمد لله على كل حال
المشكله انك حتى لو اخدت كورس فى الانتخه
مش هتبقى بمزاجك
دى بتيجى كده صدفه
صحيح احنا بنحاول من آت لآخر اننا نريح ونأنتخ بس ظروف الحياة مش مساعده
ع العموم انوى انت بس وانا جاهز اظبطلك الكورس
ههههههههههههههههه
واشكر لك دعواتك الجميلة
نورت المدونه
تحياتى ودمت بكل خير وود
*************
تأثير الفراشه
تحياتى يادكتورة نهى
التكنولوجيا زى ماهى ليها فوايد
برضو ليها عيوب
بس مشكلتنا اننا فيه حاجات مش بنشوف غير مميزاتها وحاجات مش بنشوف غير عيوبها
وده اللى تاعبنا
وموضوع الهدنه على الرغم من صعوبته بسبب مشاغل الحياة
الا انه ضرورى علشان نقدر نكمل
والا هنيأس ونتعب وهنيجى فى وقت معين كده ونلاقى نفسنا شطبنا بنزين
(على فكرة مدونة حضرتك جميلة جدا يمكن صحيح انا مش بكتب تعليقات هناك بس انا زرتها كام مرة وعجبتنى ودى مش مجامله انا مش بعرف اجامل)
نورتى المدونة يادكتورة
تحياتى ودمتِ بكل خير وود
***************
بسومه هانم
اختى الصغنونة
تحياتى
طيب تحسى براحه نفسيه وفاهمها
انما تتنرفزى دى اللى مش قادر ابلعها
ازاااااااااى مش فاهم
............
اه كل دى نرفزة
ودى قليله كمان
انا مش بقول ان الراجل مايعيطش
انما مش كل ماالراجل يقابل موقف يعيط
ده كده هيبقى عيل بقى
وبعدين انتِ كتبتى كلمه وانتِ مش عارفه معناها
فى كلامك قلتى وباء الرجوله
وعملتى علاقه وثيقه بين الرجوله والوباء والرجوله مهما كان فيها احيانا من القسوة الا انها مش ممكن تكون وباء
انتِ تعرفى يعنى ايه وباء ؟؟؟؟؟؟
ممكن تعرفينى يعنى ايه وباء ؟؟؟
وايه اللى انتِ شايفه انه وباء فى الرجوله
ولا انتِ شايفه ان الرجوله كلها وباء ؟
وان الرجاله لازم يبقوا ماشيين يعيطو فى الشارع علشان يبقى قلبهم حنين ؟؟
الراجل ممكن يبكى لما مراته تموت
انما مايقعدش ينوح وكأن العالم انتهى
وبعدين هل البكاء ده هو بس اللى بيعبر عن الحنيه والحزن ؟؟ يعنى انا مثلا لما بيكون فيه موقف معين او وفاة حد قريب منى لازم ابكى علشان ابقى زعلان عليه ؟؟ ولو مابكيتش ابقى مش حزين عليه ؟؟
اعتقد انه حصل عندك لبس فى الامور يابسمه
طبعا البكاء من خشية الله ده خارج من مجال نقاشنا دى حاجه اصلا ماينفعش ان اى حد فى العالم ممكن يختلف عليها

وكويس انك قلتى رأيك ومش مزعلنى ولا حاجه
كل واحد حر انه يقول رأيه بصراحه عادى جدا
زى ماانا قلت رأيى ومزعلتيش
الاختلاف فى الرأى لايفسد للود قضيه
نورتى يابسمه هانم
وياريت تبقى تسلميلى على شوشو
وتشدو حيلكم فى المذاكرة
وربنا يوفقكم ان شاء الله
تحياتى ودمتِ بكل خير وود
***************
موناليزا
تحياتى
يافندم احنا تحت الطلب فى اى لحظه
كله الا اللغه العربيه
ههههههههههههههههههههه
====
ماكس بين دى لعبه من اللعب اللى فيها اكشن
عبارة عن ظابط بوليس اللى هو ماكس وبيطارد مجموعه من الاشرار وبيقعد طول الوقت بيضرب فيهم (ميول صعيديه بقى) بس بالمسدسات وهمابيضربوا فيه وكده
وطبعا انا اللى بتحكم فى حركاته وفى السرعه بتاعته وفى الضرب يعنى انا اللى بكون ماكس
بس هى دى اللعبه ببساطه
نورتى المدونة
تحياتى ودمتِ بكل خير وود
****************
كيارا
تحياتى
ههههههههههههههههههههههه
ماهى دى من ضمن الحلم ان البيت يبقى فاضى برضو
او على الاقل يعنى رايق مش كالمعتاد
هههههههههههههههههههه
نورتى المدونة (ياست المشهورة)
تحياتى ودمتِ بكل خير وود
****************
الام الفاضله
بستان الحب
تحياتى
اولا حضرتك منورة المدونة
وطبعا انا بعتذر عن عدم التعليق على موضوعات حضرتك بس صدقينى انا متابع دائم
يمكن فى الفترة الاخيرة
انا مريت بتجربه محاولة ارتباط والحمد لله على كل حال ماكنش فيه نصيب بس اسباب الرفض وعدم الارتباط خلتنى شويه متضايق وعلشان كده مش بحب اكتب تعليقات عند حضرتك علشان مااكتبش حاجه وانا متضايق تكون ناتجه عن التجربه اللى انا مريت بيها دى
يعنى كده كنت مريح من التعليقات لحين نسيان التجربه او المحاوله الفاشلة دى
....
ثانيا : لازم ناخد هدنه من كل الحاجات دى ونريح منها شويه
او بمعنى اصح لازم نريح فى حياتنا عموما ونأنتخ شويه علشان نقدر نكمل بنفس القوة ومايحصلش عندنا حالة ملل او احباط
اشكر مرورك الكريم اللى اسعدنى جدا واشكر دعواتك الجميلة ربنا يكرم حضرتك
نورتى المدونة بمرورك
تحياتى ودمتِ بكل خير وود
والسلام عليكم ورحمة الله وبركاته

Sweet Violet يقول...

يا بختتتتتتتتتتتتتتتتتتتتتتتتتتتتتتتك

ده مش قر اهو ولا حسد " لكن نق بقى هه "

بقى انت عايش مرتاح البال و انا بقالى يومين مطحونة فى المدونة علشان اركب العداد علشان ماحدش يتكعبل وهو داخل

عاااااااااااااااااااااااااا

عااااااااااااااااااااااااااا

انا بقى هصدعك

و بما انى جاية متاخر طبعا علشان بردو العداد .. بس بردو بقى هه

عاااااااااااااااا

عاااااااااااااااااااا


انا عايزة يوم من ده عاااااااااااااا

انا عايزة يوم من ده عااااااااااااا

مش انت اخويا الكبير اتصرف بقى هه

^^^^
اما بقى موضوع انك تدخل و عمو بلوجر يقولك يلا شطبنا "اممم مش عارفة الموقف ده بالظبط حاسة انى شوفته قبل كده فين ياضد؟؟ فين ياضد ؟؟ فكرنى كده فين ؟؟؟ ^_^ "

المدونة كانت مقفلة للتحسينات ^_^

المعتصم يقول...

بسم الله الرحمن الرحيم
سويت هانم
اختنا المصونه
والجوهرة المكنونه
تحياتى لسموك
طبعا منورة المدونة كلها وبلوجر كله
(مش عارف اتعلمت البكش ده فين)
ههههههههههههههههههه
بقى جايه تنقى عليا
ماشى
ماشى
عاوزة يوم من ده ؟؟؟؟؟؟؟؟؟؟؟؟؟؟؟؟؟
طب تدفعى كام ؟؟؟؟؟؟؟؟؟؟؟
عموما وبما انى اخوكى الكبير
فسهله ان شاء الله
كل ماعليكى الا انك تقفلى الموبايل
(مهما كنتى منتظرة تليفونات مهمه)
وكمان تفصلى الكمبيوتر خالص وتنسى الاختراع اللى اسمه النت
وتعملى حاله سلام مؤقت مع باقى البشريه اللى فى البيت علشان يسيبوكى فى حالك اليوم ده
بس هتلاقى نفسك كده مأنتخه وزى الفل

اى خدعه

شوفتى الموقف ده فين ياضد ؟؟؟
شوفتيه فين ياضد ؟؟
شوفتيه فين ؟؟؟
اقولك انا يااختى
شوفتيه لما كنتى بتحاولى تدخلى عندى وبلوجر يقولك خلاص فنيتو شطبنا
بس كده مش عاوزة شطارة
هههههههههههههه
بس هو يعنى كل حاجه انا اعملها لازم تقلدينى فيها ؟؟؟؟؟؟؟؟
مش هتبطلى شغل العيال ده
وانا قال اللى بقول عليكى كبرتى
ههههههههههههههههههههههه
نورتى المدونة ياضد
هههههههههههههههههه
تحياتى ودمتِ بكل خير وود
والسلام عليكم ورحمة الله وبركاته

Sweet Violet يقول...

ينهار ابيض

اعمل حاله سلام مؤقت !!!!!!!

انت عايز نفسوياتى تتعب ولا ايه

ضد و سلام مؤقت ازااااااااااااااااااااااااااااااى لالالالالالا

انا عايزة حل تانى .. انا بقول يوم زى ده هدوووء مش تعب نفسوياتى


و كمان طبعا طبعا لازم اعمل زيك

امال اخويا الكبير ببلاش ولا ايه

لازم الضريبة يااستاذ ها ها

و كمان انا مهما كبرت صغير على راى عمرو و حميد ^_^

روح طفلة يقول...

عندك حق فعلا
الحياه من غير الموبيل والكومبيوتر شكل تانى خاااااااالص

لو كان فيه زمان موبيل وكومبيوتر مكنش شفنا كل الافلام العربى الابيض واسود الجميله دى هههههههههه

بـِصَمتـِـ أميرة ــــى يقول...

ههههههههههههه
اولا يابختك ياعم
مع شوية أر على خفيف
بس رغم الهدوء الا انه انا شخصيا زى ناس كتير مااقدرش استغنى عن الموبايل والنت لان شغلى متعلق بيهم ولو بره البيت فامى متعلقة بيا من خلالهم

بس يبقى خدنى معاك المرة الجاية ان اتكرر ده
بس هتكلمنى ازى مااحنا هنعتبر ان الموبايل والنت مش موجود ؟؟
انا هلعب جيمز فى بيتنا بئى
وانا على فكرة تضامنت مع المدونة اللى انت تكرمت بوضع اللينك بتاعها :)

وأنتخ براحتك ياعم وادى الموبايل
قفلته
:)

تقبل مرورى
ملكة بحجابى

المعتصم يقول...

بسم الله الرحمن الرحيم
السلام عليكم ورحمة الله وبركاته
*************
سويت هانم
تحياتى
انتِ الفروض تسمى نفسك كارثه مش ضد
بقى لو عملتى حاله سلام مؤقت نفسوياتك تتعب
هو انا بقولك تعملى سلام مع اسرائيل ؟
ده مع اللى فى البيت ؟؟
عموما سهله برضو
انتِ تشوفيلهم يوم كده يكونوا خارجين فيه كلهم وانتِ ماتروحيش معاهم
دى مش هتتعب نفسوياتك ولا حاجه اهه
وكمان عاملالى فيها ضد دياب
انا مهما كبرت صغير
ماشى خليكى كده بعقل العيال ده
لغاية لما تقعدى فى قرابيزنا ومانلاقيش حد يرضى بيكى هو فيه حد هيوافق يرتبط بعيلة صغيرة
ههههههههههههههههههه
نورتى يا.......ضد
هههههههههههههههههه
تحياتى ودمتِ بكل خير وود
***************
روح طفله
تحياتى
اهلا بيكى فى اول زيارة ويارب ماتكونش الاخيرة وتكرريها
هو صحيح الدنيا بتبقى شكل تانى من غير الحاجات دى (الموبايل والكمبيوتر) بس للاسف احنا دلوقتى مش بنقدر نستغنى عنهم
وزمان ده كان روقان على الاخر يعنى هى جت على افلام الابيض واسود بس
هههههههههههههههههههههههه
ياريت ترجع ايام زمان دى تانى ونعيش فيها
نورتى المدونة واسعدنى مرورك
تحياتى ودمتِ بكل خير وود
****************
ملكه بحجابى
تحياتى
اهلا بيكى فى اول زيارة نورتى المدونه
ويارب تكرريها
هو من اولها كده قر ولا ايه ؟
هههههههههههههههه
عموما ولا يهمك (هو كان نص يوم وخلص خلاص)
انا مش بقول اننا نستغنى عنهم على طول لانهم بقوا حاجه اساسيه فى حياتنا دلوقتى
بس انا بقول انه من وقت للتانى كده نعمل هدنه ونريح منهم شويه علشان نجدد الطاقه ونعرف نكمل
جربى كده انك تستغنى عنهم ولو نص يوم بس وأنتخى كده وريحى
هتلاقى الدنيا بقت زى الفل
وخلاص المرة الجايه هبقى اخدك معايا
نبقى متفقين اول ماابعتلك تعليق بالمعاد بتاع الانتخه نقفل الموبايلات والكمبيوتر سوا
ايه رأيك ؟؟ حل حلو اهه
هههههههههههههههههههههه
شكرا على تضامنك مع رامز واخوننا المعاقين ومتهيألى ان ده اقل واجب علينا ممكن نقدمه ليهم

بجد اسعدنى مرورك
تحياتى ودمتِ بكل خير وود
والسلام عليكم ورحمة الله وبركاته