الأربعاء، 29 أبريل، 2009

قصيدة بحبها

بسم الله الرحمن الرحيم
السلام عليكم ورحمة الله وبركاته
ريمٌ عَلى القاعِ بَينَ البانِ وَالعَلَمِ" ...."أَحَلَّ سَفكَ دَمي في الأَشهُرِ الحُرُمِ
رَمى القَضاءُ بِعَينَي جُؤذَرٍ أَسَدًا" ...."يا ساكِنَ القاعِ أَدرِك ساكِنَ الأَجَمِ
لَمّا رَنا حَدَّثَتني النَفسُ قائِلَةً" ...."يا وَيحَ جَنبِكَ بِالسَهمِ المُصيبِ رُمي
جَحَدتُها وَكَتَمتُ السَهمَ في كَبِدي".... "جُرحُ الأَحِبَّةِ عِندي غَيرُ ذي أَلَمِ
رُزِقتَ أَسمَحَ ما في الناسِ مِن خُلُقٍ" ...."إِذا رُزِقتَ اِلتِماسَ العُذرِ في الشِيَمِ
يا لائِمي في هَواهُ وَالهَوى قَدَرٌ" ...."لَو شَفَّكَ الوَجدُ لَم تَعذِل وَلَم تَلُمِ
لَقَد أَنَلتُكَ أُذنًا غَيرَ واعِيَةٍ".... "وَرُبَّ مُنتَصِتٍ وَالقَلبُ في صَمَمِ
يا ناعِسَ الطَرفِ لا ذُقتَ الهَوى أَبَدًا".... "أَسهَرتَ مُضناكَ في حِفظِ الهَوى فَنَمِ
أَفديكَ إِلفًا وَلا آلو الخَيالَ فِدًى".... "أَغراكَ باِلبُخلِ مَن أَغراهُ بِالكَرَمِ
يارب تكون عجبتكم
والسلام عليكم ورحمة الله وبركاته

الاثنين، 20 أبريل، 2009

حلف أبرإيجيبت المستقل

بسم الله الرحمن الرحيم


السلام عليكم ورحمة الله وبركاته
قررنا نحن كل المظلومين فى صعيد مصر المحروسه
أن نعلن عن ثورة تصحيحيه
للغلطه التاريخيه اللى عملها الملك مينا

(الله يرحمه ويبشبش حتة الرخام اللى تحت نافوخه)
مينا غلط غلطة عمره لما وحد القطرين

وانا هحاول جاهدا انى اصلح غلطته دى


ولــــــــــــــــــذا

قررنا الاعلان عن قيام حلف أبرإيجيبت المستقل

وجارى الان تشكيل الحكومه التى ستتولى المسئوليه
فى المرحله الانتقاليه القادمة
لحين اجراء انتخابات نزيهه وشرعيه
(وبرضو انا اللى همسك الحكم بعدها)

ونحن نتقبل كل الافكار البنائه بكل موضوعيه
(والهدامه برضو علشان نبقى عاملين حسابنا)

وبدايةً هيكون النائب بتاعنا فى رئاسة الحلف
حبيبى الهندسة
القلم السكندرى
(طبعا كتير هيستغرب انه اسكندرانى بس هو طباعه صعيديه وكمان هياخد الجنسيه)



اما رئاسة الوزارة
فأكيد هتكون من نصيب المهندس الحسينى لزومى
(صاحب مدونة مواطنون ضد الشعب)


وعن وزارة الصحة
فهيبقى فيها قسمين
وزارة الصحة النسوية ودى هنمسكها للدكتورة نوراهاتى

(وهى من الجيزة صحيح انما هى تعتبر من اول خط الصعيد فهنقبلها معانا)

اما عن قسم الرجال فهيمسكه الدكتور/ياسر عمر عبدالفتاح
وهو طبعا مش محتاج تعريف
ده راجل حبيبنا

اما وزراة التعليم العالى
فأنا بعرض على د/ ستيته حسب الله الحمش الجنسية
لو قبلتها هنمسكها الوزارة اما لورفضت يبقى تنسى


وزارة التربيه والتعليم
هتمسكها بنت خالى
ايوشة
(خريجة كلية تربيه اهو تلاقى شغلانه بدل ماهى قاعدة تناكف فى مخاليق ربنا)


وزارة الثقافة
هتمسكها اختى الصغيرة
بسمة صلاح
(بتكتب وبترسم ومش مخلية حاجه مابتعملهاش)


أما الشباب والرياضه
دى اخدها عافيه اخويا الصغير
لأنه خريج تربيه رياضيه
(ابو الواد مصطفى الصغير اللى انا حاطط صورته فى البروفايل)

اما مصلحة الضرايب
فدى هيمسكها حبيبى واخويا أبوعبدو
(لانه شغال مأمور ضرايب محدش يفهمنى غلط)


وجارى البحث والدراسة بخصوص باقى الوزارات والمصالح الهامه

وفى انتظار تأييدكم لنخرج من عصر البتاع(طبعا كلكم عارفينه) الى عصر التقدم
فقد آن الاوان ان يأخد الصعيد مكانه الحقيقى بين الشعوب

والله الموفق

الله / الحلف / الصعايدة

والسلام عليكم ورحمة الله وبركاته