الثلاثاء، 24 فبراير، 2009

قصيده بالنحوى

بسم الله الرحمن الرحيم

السلام عليكم ورحمة الله وبركاته

بما انى نكدت عليكم البوست اللى فات

وانتوا مالكمش ذنب معايا

لانها ذكرى خاصه بيا انا بس

قلت اعوضهالكم البوست ده

انا بحب الشعر العمودى جدا

وكان فيه قصيده قالها الاصمعى لامير المؤمنين ابوجعفر المنصور

اسمها صوت صفير البلبل

وانا قاعد بلعب كده على النت وبدور عليها

سمعت بيت شعر غريب

شدنى قلت ادور عليه

بس

لقيت حتة قصيده تحفه

هنشرها وكمان هنشر معانى المفردات اللى فيها علشان محدش يقول انه مش فاهم

طبعا انا ناقلها علشان الحق الادبى يبقى محفوظ لاصحابه

تعالو نقرا مع بعض


تفشحط الفشحاطُ مـن شحـف الحفـى **بـربـريٌ سـقـى الهيـهـعَ البُعـبـلِ

يامُدحـشـراً بالقحطلـيـن تحشـرفـت** شرافتـاه فـخـر كألـخُـر
بُعـصُـلِ

ألا شاح
أبو شكري على قـومٍ فغطَسهـم **ألا ليـت ابــو شـكـري مشلكل

وإذا مررت
برداحةٍ على ما جرى تلطمت** يالـوقـعِ السـهـام بـألأرعـادِ تَلَـثُـمِ

وصاح ابـو
سوسـن كـم فـي الهـوى وما** مـن رادٍ لـه فـي العشـق أرجُـلِ

فإذا دحشت
يدكَ فـي النُرجـسِ بغصـةٍ **فـاضَ مـن عليـك بالأفحـاجِ تَبـغُـلِ

هل مَن فـي
الفـلا أبلغـوا أبـا شاهـر** بأن في العرين قِطَظٌ وكـلابٌ تتشعلل

سالـت علـى
رحيـط السُفـى تمحلقـاً **هل كان في الحيفاء مـن طـال التعلمل

ونُسِبَـت
بألأمطـال مُضمَحِـلِ علـقـمٍ مَن **كان في الهريـج مودِعـاً مطمطل

ليست في الهوى
بأيدي النازعيـن تملُقـا** أم أنها كانت للراعدين ساعـداً مجفدل

وتَزعثَرَ
المِزعـارُ فـي صُحُـفِ الحَبـا** لأُبــا تِـكـاهُ فـأُوفِـكَ الفُعفُـعـفُـلِ
المفردات
:
(ابو
شكري) : البُعتُل عند الغروب ------- ( رداحه) : البهير في الظلام
( تـلـثم ) : الكَلَد قبل
النوم --------- ( ابو سوسن) : الحلاش القريب من السواد
(ابو شاهر) : اللهموز قبل السفر------- ( رحيط ): الدولج
عند العرب
(الحيفاء ): القريب من
اللهمُداء ---------- (الراعدين) : القَدَج على الطريق
(التعلمل) : صوت الخنون -------- ( تزعثر ): اللُبيداء
وقت الظمأ
(المزعار ): أرقاط
الفكيح المتلونه ------
( الفُـعـفـُعـفـُل ): البيروق أول الجبل

(المجفدل)--المجل داخل الفدلوف

هه اقروا بقى وقلولى رأيكم ايه

تحفه صح

؟؟؟؟

وطبعا المعانى واضحه جدا

هههههههههههههههههههههههههههه

بجد انا اول ماقريتها مكنتش هخلص ضحك

يارب انتو كمان تضحكو

ولو حد فهم منها حاجه يبقى يكسب فيا ثواب ويقولى

والسلام عليكم ورحمة الله وبركاته

السبت، 21 فبراير، 2009

الذكرى ال14


بسم الله الرحمن الرحيم
السلام عليكم ورحمة الله وبركاته
كان شاب عنده 22سنة وفى اخر عام دراسى فى كلية التجارة
كان هو الابن الوسطانى بين خمس اخوات
كان فاكهة البيت وروحه
كان المتحدث الرسمى باى مطلب من المطالب عند الوالد
وكان الوالد بيعتبره اكتر واحد صاحبه فيهم
كان حريف خالص فى الكورة لدرجة انه كان بيسيب المذاكره علشانها
عقله كان ذرى بس كان لعبى ومش بيذاكر
كان حافظ للقرآن الكريم
دمه خفيف وكان دايما اخر شياكه
بس هو كان عصبى حبتين
كان مثلى الاعلى وكنت دايما بتمنى انى ابقى زيه
دايما رأيه كان مهم لاى حد فينا
اى حد مننا يحتاجه يلاقيه
كنت بحب اى حاجه هو يحبها
واكره اى حاجه هو يكرهها
كان دايما موجود حتى وهو مش موجود
و فى يوم 22/2/1995
اتوفى
واليوم ده كان اسؤ يوم مر على بيتنا
مـحــــمـــــود
بالرغم من السنين اللى فاتت كلها
الا انك لسه موجود بينا
ادعو الله ان يغفر لك
وان يتغمدك برحمته
وان يسكنك فسيح جناته
وان يدخلك الجنه من اوسع ابوابها
وان يجمعنى بك على خير
اسألكم الدعاء له
والسلام عليكم ورحمة الله وبركاته

الاثنين، 16 فبراير، 2009

حلاوة المولد


بسم الله الرحمن الرحيم

دى علبة الحلاوة بتاعة اختنا موناليزا

والفوليه كتير اهه (نص العلبه فوليه)

اما الطبق الحلو ده

برضو بتاع موناليزا

ده بتاع التعويض

بس يارب ينفع وماترفعش عليا قضية

بسم الله الرحمن الرحيم



السلام عليكم ورحمة الله وبركاته


اولا كل عام وامتنا الاسلاميه بكل خير بمناسبة المولد النبوى الشريف وذكراه العطره


ثانيا


كنت راجع البيت وشوفت عند واحد بياع حلاوة المولد


طبعا الطفاسة نقحت واشتريت مشبك (اصل انا اعزه الحقيقه يعنى)


رجعت البيت لقيت الحاجه امى ربنا يديها الصحه ويطول عمرها نايمه


ومافيش عشا (هو انا لسه هسخن؟؟؟؟؟)


بس اكلت المشبك واسنانى صرخت (ده الطبيعى بتاعى مع الحلو)


بس بعد كده افتكرت موضوع انشاء( تعبير) كنت كتبته زمان وانا صغير عن المولد النبوى


الابلة منى كانت قايلة ان كل واحد فينا لازم يكتب موضوع عن المولد


وماذا يجب على كل مسلم ان يفعل فى مثل هذه المناسبة الشريفه


طبعا انا طول عمرى بليد فى موضوع الكتابة ده


والادهى انه ساعتها كنت فى سنة رابعه ابتدائى


بس هعمل ايه ده امر واقع


وعنها وكتبت الموضوع ده



بسم الله الرحمن الرحيم


الحمد لله رب العالمين وصلى الله على سيدنا محمد عليه الصلاة والسلام


اما بعد


((المولد النبوى هو الذكرى بتاعة مولد النبى عليه الصلاة والسلام


وهو اتولد فى شهر ربيع يوم الاتنين وكان ابوة ميت وامه السيده آمنه


واللى رباه بعدها جده عبدالمطلب واللى رضعته حليمه


وبعد ماجده مات رباه عمه ابوطالب


ويجب على كل اب مسلم ان يحضر لاولاده الصغيرين حلاوة المولد


وانه يجيب لهم مشبك كتير وبسيمة كتير ويزود الفوليه والسمسميه


وياريت تكون طريه وبلاش الحلاوة الناشفه عشان بتوجع السنان


وانه يخليهم يروحو الليلة الكبيرة ويخلى الكبار ياخدو الصغيرين معاهم


عشان النبى عليه الصلاة والسلام يرضى عنهم


وطبعا بعد ماهيرجعو هيبقو تعبانين مايروحوش المدرسة تانى يوم))


بعد كده طبعا الفصل كله كان بينقل من بعضه


بس كل واحد كان بيكتب الحلاوة اللى هو بيحبها


علشان نبقى مش غاشين من بعض هههههههههههههههههههههههه


بس ايه رأيكم فى الموضوع بتاعى ؟؟؟؟


رهيب صح ؟


هههههههههههههههههههههه



انما هو سؤال موجه لكل اللى هيقرا المدونة بقى


ماذا يجب على كل مسلم ان يفعل فى ذكرى ميلاد الحبيب عليه الصلاة والسلام


ومحدش يجيب سيرة الحلاوة لأن ده سبق ليا انا بس



والسلام عليكم ورحمة الله وبركاته

الخميس، 12 فبراير، 2009

الحنين

بسم الله الرحمن الرحيم
السلام عليكم ورحمة الله وبركاته
كلنا لما بنبقى متضايقين من حاجه بنبقى عاوزين نسيب الدنيا كلها ونهاجر
او نسافر لأى مكان بعيد علشان نرتاح فيه
وبيكون متهيألنا اننا لو مشينا مش هنرجع تانى
بس لما الواحد فينا بيبعد عن بيته وعن اصحابه وعن اهله شويه
بيكون مش قادر يتحمل وهيموت ويرجع تانى ومش عارف ايه السبب
حتى لو كان المكان اللى هو عايش فيه بعيد ده مريح جدا وفيه كل حاجه هو عاوزها
انما دايما الحنين هو السبب وهو اللى بيرجعنا وهو اللى بيغلب
ومش هلاقى وصف او كلمات تعبر عن الحنين احلى من القصيدة بتاعة ميسون البحدليه
بتقول فيها :
لبيت تخفق الأرياح فيه .... أحب إلي من قــصــرمنيف
ولبس عباءة وتقرعيني .... أحب إلي من لبس الشفوف
وأكل كسيرة من كسربيتي .... أحب إلي من أكل الرغــيف
وأصوات الرياح بكل فج .... أحب إلي من نقر الدفـــوف
وكلب ينبح الطراق دوني .... أحب إلي من قط ألــيـــف
وخرق من بني عمي نحيف .... أحب إلي من علج عـنـوف
خشونة عيشي في البدوأشهى .... إلى نفسي من العيش الظريف
فما أبغي سوى وطني بديلا ً.... فحسبي ذاك من وطن شريف

ابيات جميلة جدا وعلى الرغم من ان ميسون اللى قالت هذه الابيات كانت زوجه لامير المؤمنين معاوية
الا ان حنينها لاهلها ووطنها كان السبب فى طلاقها منه
بس فعلا من اجمل الابيات اللى بتعبر عن الحنين

طبعا البونبونى لريمان والمصاصه لكيارا زى ما وعدت فى البوست اللى فات
والسلام عليكم ورحمة الله وبركاته

الأحد، 8 فبراير، 2009

بسم الله الرحمن الرحيم

السلام عليكم ورحمة الله وبركاته

بمناسبة جو الرعب اللى انا عامله فى المدونه اليومين دول من ضرب ومطاوى وطبنجات ومغامرات وكده

قلت اكملها بالرعب النحوى

القصيدة دى من اشعار عنترة ابن شداد

ومعايا واحد صاحبى قووووووووووووى بنتقابل انا وهو كل يوم

لازم واحنا ماشيين يقول البيت الاول منها مش كتير

يعنى بيقوله حوالى سبع تمن مرات كده لما طلع عينى

قلت اشمعنى انتو هو انا تطلع عينى لوحدى

لازم اقولهالكم وتشاركونى فى اللى انا فيه

سكتُّ فَغَرَّ أعْدَائي السُّكوتُ 0000 وَظنُّوني لأَهلي قَدْ نسِيتُ
وكيفَ أنامُ عنْ ساداتِ قوم ٍ0000 أنا في فَضْلِ نِعْمتِهمْ رُبيت
وإنْ دارْتْ بِهِمْ خَيْلُ الأَعادي 0000 ونَادوني أجَبْتُ متى دُعِيتُ
بسيفٍ حدهُ يزجي المنايا 0000 وَرُمحٍ صَدْرُهُ الحَتْفُ المُميتُ
خلقتُ من الحديدِ أشدَّ قلباً 0000 وقد بليَ الحديدُ ومابليتُ
وفي الحَرْبِ العَوانِ وُلِدْتُ طِفْلا 0000 ومِنْ لبَنِ المَعامِعِ قَدْ سُقِيتُ
وَإني قَدْ شَربْتُ دَمَ الأَعادي 0000 بأقحافِ الرُّؤوس وَما رَويتُ
فما للرمحِ في جسمي نصيبٌ 0000 ولا للسيفِ في أعضاي َقوتُ
ولي بيتٌ علا فلكَ الثريَّا 0000 تَخِرُّ لِعُظْمِ هَيْبَتِهِ البُيوتُ

وزيادة فى الرعب دى صورة الطبنجه بتاعتى وكمان معاها مطوة محسن (بتاع البوست اللى فات)

ايه رأيكم بقى فى الجو ده ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟