السبت، 6 يونيو، 2009

من يوميات مُدرس



بسم الله الرحمن الرحيم


السلام عليكم ورحمة الله وبركاته


عمرى ماكنت اتخيل انى اشتغل مُدرس ابدا


انما هعمل ايه


نصيبى المهنى جه كده


والحمد لله على كل حال


طبعا اول يوم ليا فى العمل مش ممكن يتنسى


واول حصه ادخلها للطلبه دى مستحيل انى انساها


خصوصا انى مااشتغلتش مُدرس قبل كده


دخلت الفصل وانا مرعوب


وكانت الحصه دى عند تالته اعدادى


طبعا كان لازم ابتديها بالتعارف وكده


وحبيت الطف العمليه ومبقاش من اولها جد قووى يعنى


- نتعرف على بعض انا اسمى الاستاذ مصطفى


مُدرس الحاسب الجديد


كل واحد يقف ويقولى اسمه بالدور، ماشى ؟


وبداء التعارف


بعد كده


ابتديت اسئلهم عن مدى معرفتهم بالكمبيوتر


اتصدمت


وكنت عاوز استقيل


فى لحظتها


تخيلوا طالب فى تالته اعدادى


-اسأله تعرف تشغل الكمبيوتر؟؟


-يرد عليا ايوة يااستاذ ادوس على الزرار


-كويس خالص طب تعرف تقفله ؟؟


- ايوة يااستاذ اشد الفيشه من الكهربا


- نعم ؟؟؟؟؟


هههههههههههههههههههههههههههههههههههههههه


وتخيلوا بقى ان معظم زمايله شاطرين زيه كده


انا كنت ناوى امشى من المدرسه دى وماارجعش تانى


بس الموجه بتاع المادة(وهو صاحبى من قبل كده) هو اللى واسانى شويه


ده طبعا غير اللى شوفته من الساده الافاضل المدرسين


اللى المفروض انهم بيربوا اجيال ويعلموا نشئ صغير


اول ماشوفت الحاجات دى كلها كويس


عرفت احنا ليه متأخرين والمفروض نبقى من دول العالم التاسع


(احنا كتير علينا التالت بصراحه)


ههههههههههههههههههه


كفايه كده نكد ونبقى نكمل فى مرة تانيه ان كان فيه فى العمر باقى


انا كتبت البوست ده إحتفالا بظهور نتيجة النقل بمدرستنا الكريمه


(النتيجه المفروض انها كانت تظهر من 15يوم)


وبحب اشكر جهود الساده المعلمين الافاضل


وكمان مش هنسى دور رجال الامن والعاملين باستاد القاهره


وحسبى الله ونعم الوكيل


والسلام عليكم ورحمة الله وبركاته

هناك 25 تعليقًا:

أم مالك يقول...

ايه ده انا اول تعليق
هو انا توهت ولا ايه
على انا كنت داخلة اسلم واطمن عليك لقيت البوست الحكاية ده
انا مش مستغربة من عجائب المهنة
لان بنتى كانت بتشتغلها وبعد ماتزوجت قعدت وكان كل يوم لنا باع فى نوادر
الطلبة والزمايل
بس عارف بتقولى ديه كانت من المحطات
المهمة فى حياتى رغم تعبها
كان الله فى العون يامستر مصطفى
ودمت بالف خير

ستيته حسب الله الحمش يقول...

دي يوميات فيها مقص رقابة دي ولا ايه؟

فين الأحداث ياعم
فين التشويق والسسبنس؟

وبعدين انا عارفة ان كل الطلبة بيكرهوا الكمبيوتر لما يتدرس النظري السخيف بتاعه
لكن عمليا معقولة مش عارفين بيطفي ازاي؟
ليه ده العيل في موزامبيق يعرف

سلامو عليكو

شموع يقول...

إنت لسه شوفت حاجة يا مصطفى إنت زعلان مناللى معرفوش يغلقوا الكمبيوتر دا إنت هتشوف العجب ولا الصيام فى رجب
مهنة التدريس أصبحت مهنة شاقة وربنا يقويك

اللؤلؤة يقول...

حضرة الصعيدى الهمام
السلام عليكم
إنت لحقت زهقت يا درش معلش حبيبى متزعلش
يا مصطفى إن مهنة التدريس يجب أن يكون من يعمل بها أن يهواها أما عندنا فكل شىء سلطة لذلك لن نتقدم أبداً فالدول الإوربية يعتبرون التعليم هو عصب الأمن القومى وإحنا نعتبره فهلوة وشطارة
دمت أخى بكل الخير
وأشكر لك دوام تواصلك

اللؤلؤة يقول...

طلباتك أوامر يا حضرة الصعيدى الهمام

د. ياسر عمر عبد الفتاح يقول...

هههههههههههه
ربنا يعينك
طيب مهو الواد شاطر أهو
هيشد الفيشة .. ولو شد الفيشة والله الجهاز هينطفي
متحبكوهاش بقي .. هوه ده اللي مرجعنا ورا

التعليم مهنة صعبة
بس إنت لها

كبر دمغك وخدلهم معاك شوية جيمز
وهمه هيحبوك أوي أوي

د/عرفه يقول...

هههههههههههه

عادى
طيب والله انا كنت كده لما كنت فى الاعدادى برضه

كل شىء ممكن

سهل انك تعلمهم بس والنبى
ابدأمعاهم من الصفر كده

بيبنى وبينك كنت بكره الكمبيوتر كمادة دراسية جدا
ومفيش حد أضاف ليا معلومات مفيدة


إعمل اللى عليك
وانا متاكد إن العيال هتحبك وتحب الكمبيوتر من خلالك

ايوشة يقول...

السلام عليكم ورحمة الله وبركاته
ايه التذمر والشكوى دى مالها مهنة التدريس ماشاء الله ماشاء الله مفيش بعد كده بص للجانب المشرق من الموضوع بتحرق دمك كل يوم يعنى استحالة تتخن وده احسن من اى رجيم سنة اتنين وشعرك يقع وانت عايز الشعر فى ايه ده حتى مصاريف شامبو على الفاضى كده هتوفر
ولما تتمكن اوى ممكن يجى لك حالة نفسية زى الاستاذ الملاوانى ههههههههه
مدرس كمبيوتر وبتشتكى ايه يااختى الناس دى اللى مش متعودة على ادغال واوغار التدريس
لا والله على الرغم انها اسخف مهنة فى مصر بسبب سوء التعليم الا انها مليانة سسبنس على راى الدكتورة ستيتة ههههههههههه
ربنا يكون فى عونك

ايوشة يقول...

بس سؤال هو فى كمبيوتر فى المدرسة على ما اعتقد انه لو فيه مش بيخلوا التلاميذ تهوب ناحيته !!!!!

MaNoOoSh يقول...

فى الاعدادية ومبيعرفوش يقفلوا الكمبيوطر؟؟؟؟؟؟

دة انا بشوف العيال الوقتى من سن 5 سنين ما شاء الله بيفتحوه ويقفلوه ويلعبوا ويرسموا كمان.

دة على رأي ستوتة عيال موزمبيق يعرفوا


بس على كدة يبقى التاسع كمان كتيييييييير علينا قوي


كمل كمل مذكرات التدريس ووكسة مدارسنا.

فتاه من الصعيد يقول...

ههههههههههههه
اكيد بتشتغل فى مدرسه النجاح....لم ينجح احد الاعداديه
ربنا معاك

ريمان يقول...

ههههههههههههههه



مش مستغربه


عارف ليه

لانى كنت لحد تالته ثانوى اما باجى اقفل الكمبيوتر اشد الفيشه


هههههههههههههههههههههه
ههههههههههههههههه

موناليزا يقول...

معقول تلاميذ فى اعدادى ودى كل علاقتهم بالكمبيوتر!!!!
ده الطفل فى الحضانة دلؤتى وبيعرف حاجات احنا الكبار ممكن مانعرفهاش

بس فين النوادر والمواقف اللى بجد
اصل الموقف ده مايجيش جنب اللى المدرسين بيشوفوه حاجة
انا لما كنت بشتغل كان ممكن اكتب مجلدات رغم انى كنت بدرس لرياض الاطفال اللى هما المفروض ملايكة واحباب الله:)

المهاجر يقول...

على فكرة أنا مجالى بعيد عن التدريس لن بحب المهنة دى وهى مهنة لو اخلصت فيها واديت دروس فى أى ماده خلاف الحاسب أو عملت مذكرات فى الحاسب الألى تكبك دهب هههههههههههههههههههههههههههههههههه

ALMOJADED يقول...

السلام عليكم
إستمتعت جدا بقراءة أفكارك وأسلوبك المميز...
أتمنى أن لا ينقطع التواصل
أسأل الله أن يحفظك لأهلك و أن يديم عليكم السعادة
وفقك الله
وإلى الأمام...

كيــــــــــــارا يقول...

ههههههههههههههههههههههههههههههههههههههه

هههههههههههههههههههههههههههههههههههههههه

ههههههههههههههههههههههههههههههههههههههههههه


موتني من الضحك بجد بجد بجد

ال ايه اشد الفيشه من الكهربا

انا خرمت ودن البت وانا بكلمها وبقرا البوست بتاعك

وفضلت تقولي يارخمه متحرقيش البوست هههههههههههههههههههههههههههه

كيــــــــــــارا يقول...

بس بجد بجد

معقول

ايد الفيشه من الكهربا

انا موش قادره امسك نفسي بجد
ههههههههههههههههههههههههههههههه


يالهوووووووووووووووووووووووووووي


اديني الصبررررررررررررررررررر

المعتصم يقول...

بسم الله الرحمن الرحيم
السلام عليكم ورحمة الله وبركاته
*************
ام مالك
تحياتى
انتِ منورة المدونة بمرورك الجميل
واشكر لكِ سؤالك
وربنا خليلك بنتك ويديم عليكم فضله
اسعدنى مرورك
تحياتى ودمتِ بكل خير وود
*************
د/ستيته
تحياتى
انا مش كاتب يوميات انا كاتب من يوميات
يعنى مش بحكى كل حاجه
تركيز شويه يادكتورة
هههههههه
التشويق والسسبنس ممكن يكونوا فى بوست تانى
وبعدين الكمبيوتر يبقى عملى لو الاجهزة اللى فى المدرسه بتشتغل
انما كلها عطلانه
قعدت اصلحها قالولى فيها شئون قانونيه لو جيت جنب جهاز واحد
وبعدين عيال موزمبيق عاوزين يتعلموا انما الطلبه بتوعى لأ
نورتى المدونة يادكتورة
تحياتى ودمتِ بكل خير وود
***************
شموع
تحياتى
اهلا اهلا بالمنايفه
منور فى اول زيارة ياعم هادى ويارب ماتكونش الاخيرة
اشكر مرورك
وادينا مستنيين نشوف ياعمنا
واهو بنتعلم من كل اللى بنشوفه
بس ربنا يقدرنا ونعرف نعمل اللى علينا
نورت المدونه بمرورك
تحياتى ودمت بكل خير وود
***************
اللؤلؤة
صديقى العزيز
وعليكم السلام ورحمة الله وبركاته
انا لسه مازهقتش
وصدقنى انا بالى طويل خالص
بس انا بحكى عن بعض مما شوفته وليس كل
وربنا يقدرنا ونعمل حاجه حتى ولو مع طالب واحد بس فى ظل السلطه اللى عايمين فيها دى
نورت المدونه
تحياتى ودمت بكل خير وود
****************
د/ياسر
منور ياوزير
وهو انا قلت ان الواد بليد لاسمح الله؟؟
انا حكيت موقف بس
معاك حق هو التحبيك بتاعى ده هو اللى مخلينا ورا دايما
على فكرة انا الطلبه ولله الحمد بيحبونى جدا ولما قلت لهم انى ممكن اتنقل من المدرسه كانو هيعملوا مظاهرة علشانى
ههههههههههههه
ولما تتصلح الاجهزة ابقى اشغلهم الجايمز يادكترة انت تؤمر
نورت المدونة بمرورك
تحياتى ودمت بكل خير وود
**************
د/عرفه
تحياتى يادكترة
سهل انى اعلمهم لما يكون عندهم رغبه ولو بسيطه فى التعليم
ودول مش عاوزين انى ابداء معاهم من الصفر
لأ
دول من تحت الصفر
وده اللى هحاول اعمله من بدايه العام الدراسى الجديد ان شاء الله
وربنا ييسر الاحوال
نورتى المدونة يادكترة
تحياتى ودمت بكل خير وود
والسلام عليكم ورحمة الله وبركاته

المعتصم يقول...

ايوشه
وعليكم السلام ورحمة الله وبركاته
تحياتى
ولا تذمر ولاحاجه
انا بس بحكى عن حاجات موجوده وواقع ملموس
انما الحمد لله انا من عباد الله اللى يشتغلوا مهما حصل من غير شكوى
وعلى فكرة انا عارف الجانب المشرق ده كويس خالص
لا وايه كمان انا واخد منه حاجات من قبل كده
يعنى هو اصلا مافيش شعر علشان يقع
يعنى موفر تمن الشامبو من زمان
وانا خلاص قربت ابقى الملوانى بس هو انا اطول
يابخته
مش شايل للدنيا اى هموم
....
فيه عندى معمل كمبيوتر فى المدرسه
فيه 10 اجهزة
اتنين منهم بس شغالين
والباقى عاوز يتدمر
انا عن نفسى باخد الطلبه واوديهم المعمل وبشغل الجهازين واسيبهم يكسروا فيهم براحتهم واهو منه يستكشفوا اى حاجه بنفسهم
ههههههههههه
نورتى المدونة يابنت خالى
تحياتى ودمتِ بكل خير وود
*************
منوووووووش
تحياتى
العيال اللى بتشوفيها دى بيبقى عندها كمبيوتر فى البيت
الطلبه بتوعى ولاد ناس بسطاء لحد ماتتخيلهوش
وكمان معظمهم مش غاوى تعليم
هما بس بييجوا المدرسه علشان يهربوا من الشغل فى الغيط
والبنات علشان تهرب من الغسيل وشغل البيت
بس هو التاسع على فكرة كويس مش وحش
واهو من ضمن العشرة الاوائل
هكمل ان شاء الله فى مرة تانيه
نورتى المدونة
تحياتى ودمتِ بكل خير وود
***************
فتاه من الصعيد
تحياتى
لا انا شغال فى المدرسه اللى جنب منها على طول
ههههههههههههههه
شكرا على مرورك الجميل
تحياتى ودمتِ بكل خير وود
**************
ريمان
تحياتى
دا على كده انتِ لحد تالته ثانوى كنتِ من ضمن الجهابزة
هههههههههههه
نروتى المدونة
تحياتى ودمتِ بكل خير وود
****************
موناليزا
تحياتى
اه معقول
الطفل اللى نتِ بتتكلمى عليه ده ماشفش اللى العيال دى شافته
دى ناس عايشه على حد الكفاف
مالهمش دعوة بالرفاهيه الزيادة دى
تخيلى فيه طالب عندى حاولت اعلمه لعبه بتلعبها بنت عمى اربع سنين والمستوى الاول كمان ومعرفش
ممكن يكون فيه نوادر فى بوست تانى
بس على فكرة انتِ متهيألك انك ممكن تكتبى مجلدات
لو حاولتى مش هتعرفى
نورتى المدونة بمرورك
تحياتى ودمتِ بكل خير وود
والسلام عليكم ورحمة الله وبركاته

المعتصم يقول...

بسم الله الرحمن الرحيم
السلام عليكم ورحمة الله وبركاته
*************
المهاجر
تحياتى
اهلا بحضرتك فى اول زيارة
نورت المدونة
اللى ايده فى الميه مش زى اللى ايده فى النار
وادينا بنحاول نخلص ونعمل اللى علينا وربنا يكرم
بس ولاد الحلال يسيبونا نشتغل
سيبك من حكاية الدروس والمذكرات لانى ماليش فيها
ربنا يغنينا من عنده
اسعدنى مرورك
تحياتى ودمت بكل خير وود
*****************
المجدد
وعليكم السلام ورحمة الله وبركاته
ربنا يعزك يااخى الكريم
واتمنى ايضا ان يدوم التواصل بإذن الله
اشكر مرورك الجميل ودعواتك الجميلة
نورت المدونة
تحياتى ودمت بكل خير وود
***************
كيارا
تحياتى
والله كويس انه فيه حاجه ضحكتك
انا ببقى مبسوط لما بتضحكى
بس مين بقى البت اللى خرمتى ودنها ؟؟
اه بجد قال انه يشد الفيشه
وبعدين ماهو حل برضو
احنا الطلبه بتوعنا عفاريت ومايغلبوش ومافيش حاجه اسمها مايعرفش يجاوب
مايعرفش الاجابه الصح يبقى يتصرف
اهو يشد الفيشه يقطع الكهربا المهم ان الجهاز يطفى وخلاص
هههههههههههههه
وربنا يصبرنا جميعا
اللهم امين
نورتى المدونه
تحياتى ودمتِ بكل خير وود
والسلام عليكم ورحمة الله وبركاته

كيــــــــــــارا يقول...

منا بعد اما كنت مبسوطه خلتني زحلانه ومخمثاك وموث هاكي المتونه تي تاني هه بث

المعتصم يقول...

كيارا
ليه بس ؟؟
ايه اللى مزعلك ؟؟
وبعدين انا مقدرش ازعل اختى الصغيرة
برضو كده
قوليلى ايه اللى حصل

كيــــــــــــارا يقول...

يحني موش عارف


ماااااااااااثي نقول


انت منزل بوثت يضحك وبحديه علطوووووووول تنزل بوثت فيه كل بلاوي الدنيا عاااااااااااااااااااااااااااااا


مخمثااااااااااااك ياحني مخمثاك هه بث

وموش هرد في الكديد مقاااااااااااااااااااااااطعه

المعتصم يقول...

خلاص ماترديش فى الكديد
وردى فى اللى بعده ان شاء الله
بس بجد انا تعبان خالص
وبحاول افضفض علشان ارتاح
فمعلش بقى اتحملونى شويه
ماشى
وان شاء الله هبقى انزل بوست تانى قريب يضحك
اوك ؟؟؟
بس انا مقدرش على زعلك
وانتِ عارفه كده كويس
ولا ايه ؟؟؟

كيــــــــــــارا يقول...

خلااث ماثي ثماح يابت ياكيتي تا مصطفى بلدك بس لو البوست الجاي موش موتني تدا من الضحك هقاطع المدونه تي ومث هكلمك تاني هه بث


اما نثوف اخرة المود الزحلان تا ايه