الأربعاء، 10 يونيو، 2009

ذكرى جميلة

10 يونيو



على الرغم من كل ماحدث
ستظل دائماً أجمل ذكرى فى حياتى
وسيبقى لكِ بقلبى مكان

هناك 37 تعليقًا:

MaNoOoSh يقول...

ياااااااااااااااااااااااه
بس بقي قوم ايييييييييييييييييييييه
الفضول هيموتني الثراحة
دة انا فضولية بشاااااااااااكل
شوف الرخامة بتاعتي يا اخي
سبحان الله
مفيش فايدة فيا
مش عايزة اسيب الصفحة الا اما اعرف كوووووووووول حاجة
فضول قاتل

z!zOoOo يقول...

السلام عليكم

يارب تكون بخير

سيدي يا سيدي علي الذكريات

ماشي يا عم هنعتبرها اجمل ذكري

ورغم انك مقولتش لكن إحنا شويه فهمنا

لكن فعلا علي رأي منوش الفضول الي قتل القط

احنا عايزين الديتيلز :)

هنسيبك دلوقتي لغايه ما نبقي نعرف

عن ذكري :)

في رعايه الله

ستيته حسب الله الحمش يقول...

تعيش وتفتكر

المعتصم يقول...

منوووووووش
تحياتى
انا ممكن اغلس ومااقولكيش على حاجه
بس ماتهونيش عليا
اليوم ده
كان اول مره فى حياتى ارتبط بحد عاطفيا
يعنى احب
وبينى وبينك هى كانت اول مرة واخر مرة
اقرى البوست ده وانتى تعرفى التفاصيل
http://wwwmosharef.blogspot.com/2008/12/blog-post.html
ماشى ياستى ؟؟؟
نورتى المدونة
تحياتى ودمتِ بكل خير وود
****************
زيزو صديقى العزيز
وعليكم السلام ورحمة الله وبركاته
الحمد لله بكل خير
ويارب تكون انت بخير واخبار الامتحانات تمام
عاوز تعرف الديتيلز يبقى اقرا البوست ده http://wwwmosharef.blogspot.com/2008/12/blog-post.html
وعلى الرغم من كل للى حصل الا انى بعتبر ان اليوم اللى انا شوفتها فيه كان اجمل يوم فى حياتى
نورت ياصاحبى
تحياتى ودمت بكل خير وود
ســــــــــــــلام

المعتصم يقول...

الدكتورة سوتيته
تحياتى
وانتِ تعيشى يارب
هههههههههههههههههههههههه
نورتى المدونة
بس انا كنت عاوز اعرف بقالك يومين مش باينه ليه ؟؟
خير ان شاء الله
يارب تكونى وكل الاسرة بخير وفى احسن الاحوال
تحياتى ودمتِ بكل خير وود
ســــــــــــلام

ايوشة يقول...

تعيش وتفتكر على راى الدكتورة ستيتة :)

بس انا فهمت من العنوان بس ومن غير ما اقرا تعليقك كمان هههههههههه

اللؤلؤة يقول...

حضرة الصعيدى الهمام
السلام عليكم
دا إنت طلعت نمرة كبيرة قوى . كا كنتش فاكرك كدة
لا لا لا
هات هات اللى فى بطنك كله وما تخبيش حاجة
ههههههههههههههههههه
دمت أخى بكل خير

Sweet Violet يقول...

اوباااااااااااا

لالالالالالالالالالالالالا

و كمان


لالالالالالالالالالالالالا

و كمان


لالالالالالالالالالالالالالا

معلش اصل انا مش متعودة على كده من اخويا الكبير ^_^

يعنى البوست اللى فات كان زق و شخط و نطر و شوية شوية هتولع فينا ):

و دلوقتى وفاء و ذكرى و أنغام نيهاهاهاهاهاهاها

يلا تعيش و تفتكر بقى

امشى بدل ماأتحدف بحاجة فى المدونة دى

ايوة ماهو بعد البوست اللى فات الواحد مابقاش ضامن لما يدخل هنا ايه ممكن يجراله


بس سيبك انت

ايه اخبار النسكافيه P:

MaNoOoSh يقول...

لا يا معتصم حرام عليك
طب وربنا انا قعدت اعيط

دة الواحد ماسك نفسة بالعافية اساسا
وقاعد يدي لنفسه فى حقن بنج وصبر

بس بردو مش هيئس.. انا ماشية ورا الامل.. وأملي على ربنا مش على البني ادمين

وعلى العموم ربنا يعوضك بخير منها ويرزقك الزوجة الصالحة ان شاء الله

شموع يقول...

تمر الأيام والسنون وتبقى الذكرى جعل الله ذكرياتك كلها سعيدة
وربنا يكتر من ذكرياتك التى إشتقت أن أعرفها
دمت بكل ود

ريمان يقول...

نفهم ايه يعنى من الموضوع ده؟


طب دى ذكرى بينك وبينها ومش عايز تقولنا بتكتب بوست ليه
مش فاهمه انا والله الناس دى بتفكر ازاى بس


طيب يا سيدى كل سنه وانت طيب وهى طيبه


وعقبال كل سنه ما تحتفل بالذكرى دى

ستيته حسب الله الحمش يقول...

تاني قصة بنفس السيناريو بالمللي

والشاب لسة ماتجوزش
والبنت طهقانة في عيشتها ومش عاوزة تسافر مع جوزها أمريكا
والتقوا صدفة في محل
وفضلوا يبصوا لبعض
لاهي اتكلمت وان كانت عينيها حكت كل حزن العالم
ولا هو كلمها احتراما لنفسه ولكونها زوجة رجل آخر

العجيب
ماذا استفاد اهل البنت في الحالتين ومحدش يقول لي بيشوفوا مصلحة بنتهم
المصلحة مش فلوس وناس كبيرة مفروض عرفت خلاص حاجة زي كده

ليه البنت يبلغ بها الضعف والخوف من الأب انها ماتصارحش عريس الغفلة اللي في اغلب الاحوال مش ها يرضى يتجوز واحده قلبها مش معاه

ليه كل الحروب تقع على عاتق الشاب والبنت مش بتكون ايجابية
ده احنا في زمن غير الزمن مهما اتكلمت عن العادات والتقاليد

اي نعم النصيب خير مع اننا مش فاهمينه
وامر المؤمن كله خير وربنا وعده بكده

لكن مئة ليه تدور في نفوخي الغلبان ولا تجد لها مجيب

مش ها اقول لك تعيش وتفتكر

ها اقول اللهم وفق مصطفى توفيقا عجبا حتى يقول ما رأيت حزنا ولا هما قط

سلام يا كابير

norahaty يقول...

على العموم ياأستاذ
معتصم المنتصر مش
حنسألك هى ايه؟
ولا مين ؟ولا فين؟
وحأقولك
بدال انت مبسوط
لمجرد انها ذكرى جميلة
بتسعدك كل ما تفتكرها
خلاص موافقين بالاغلبية
يــــــــــــازعيم

z!zOoOo يقول...

السلام عليكم

معتصم الجميل يارب دايما تكون بخير

ايه يا عم
ايه يا عم
ايه يا عم

حرام عليك قطعت قلب الي جابوني علي الصبح

ليه يا بني كده

بس تصدقي قصه حلوه قوي ومؤثره قوي قوي وطالعه بإحساس رهيب عشان كده الناس حسيتها

بس تصدق مكنتش اعرف انك حساس قوي كده تنهار مره واحده ؟؟

إنت عارف المشكله في إيه إن البنت فضلت مخلصه لحد أخر نظره

بس صدقني نصيبك لازم هيصيبك

بس هموت واعرف هو مش حرام برضه الاجبار علي الجواز ده ولا انا مش بفهم ؟؟

الكلمه ديه أثرت فيا قوي (صعبت عليا :( )


لغاية مااتجوزت 3سنين وشهرين و11يوم و9ساعات

بكره إن شاء الله انت كمان تبقي متجوز ليك 100 سنه و7 شهور و4473647346874 يوم و64748745 ساعه

ونيجي كده يوم فرحك نخربها خالص

بس اوعي ماتعزمناش ؟؟

ربنا يجعل كل أيامك جميله

ويسعد أيامك يا معتصم

( وكفايه عشان هشحت عليك ) :)

دمت بكل ود

في رعايه الله

المعتصم يقول...

بسم الله الرحمن الرحيم
السلام عليكم ورحمة الله وبركاته
************
ايوشه بنت خالى
منورة بلوجر كله
وانتِ تعيشى
وبعدين طبعا لازم تفهميها من العنوان
مش صعيديه
احنا ناس نفهمها وهى طايرة
وساعات كمان قبل ماتطير
هههههههههههههههه
تحياتى وشكرا على مرورك
***********
اللؤلؤة
وعليكم السلام ورحمة الله وبركاته
صديقى العزيز
المنوفى التمام
اه طلعت نمرة مقاس اكس اكس لارج
واجيب اللى فى بطنى ليه بس
ماتخلينا قاعدين وساكتين
ده انا لسه مافطرتش
ههههههههههههههههه
نورت ياعمرو باشا
تحياتى ودمت بكل خير وود
**************
سويت هانم
تحياتى لمعاليكى
اوبااااااااااا كده يبقى ناقص اماااا
هههههههههههههههههههههه
ايه يعنى هو اخوكى الكبير مش بشر برضو وعنده قلب زيه زى باقى الناس ولا ايه؟
وبعدين البوست بيبقى تبع الحاله والظروف النفسويه
يعنى البوست اللى فات كان زق وشخط ونطر علشان كان فيه شوية مواقف كده كانت خانقانى
انما البوست ده فيه ذكرى حلوة
ووفاء وانغام وناديه وعبير ومنى وسهام ومديحه وكل اسامى بنات حوا اللى خلقهم ربنا
وامشى بسرعه احسنلك هه
واخبار النسكافيه زى ماانتِ عارفه ادينا بنقبض على كل الخونه اللى بيهربوه علشان يدمروا اعصاب شباب ابناء الوطن وربنا يقدرنا ونقضى على هذا الوباء
ههههههههههههههههه
نورتى ياسويت
تحياتى ودمتِ بكل خير وود
*************

المعتصم يقول...

منوووووووش
ايه بس ؟
ليه كل الزعل ده؟
انا لو اعرف انك هتزعلى كده ماكنتش قلتلك
بس قوليلى ايه نوع البنج اللى بتاخديه ليكون من المضروب
ههههههههههههههه
لازم الامل يكون موجود لان الحياة من غيره ماتبقاش حياة
ولا ايه ؟؟
واملنا دايما فى ربنا وربنا كبير
شكرا على مرورك الجميل ودعواتك الحلوة
واسف على دموعك وزعلك
نورتى المدونة
تحياتى
***************
شموع
تحياتى ياعمنا
(نزلت البوست ولا لسه انا تهديدى وحش)
اشكر مرورك الجميل ودعواتك الحلوة
ولو عاوز تعرف الذكرى دى يبقى تقرا التعليقات الاولى خالص فى البوست
نورت المدونة
تحياتى ودمت بكل خير وود
**************
ريمان هانم
(الست لماضة)
تحياتى
تفهمى اللى تفهميه
وانا مالى انا
وهو انا كنت بسألك لما بتنزلى بوست انتِ قاصده منه ايه ؟؟ هه ؟؟
ههههههههههههههههههههه
وبعدين ماهو لو سيادتك كنتِ تعبتى نفسك وبصيتى على اول 3 او 4 تعليقات كنتِ شوفتى الرد وكنتى فهمتى يالمضه
وبعدين انا افكر زى ماانا عاوز
انا حر
وعموما ياستى وانتِ كمان طيبه
متشكرين
هههههههههههههههه
نورتى المدونة يالماضه
تحياتى وســــــــــــــلام
*****************
د/ستيته
تحياتى
فاكرة الغير معروف اللى علق عندك قبل كده على بوست من حوالى شهر كده وكان اول تعليق !!
اهو كنت انا الغير معروف ده
وهى فعلا نفس القصه
وعلى فكرة اتقابلنا حوالى 3 مرات صدفه وفيهم مرة اتكلمنا مع بعض
بس مش اكتر من السلام واخبار الدنيا والف مبروك والكلام الرسمى ده لا اكتر ولا اقل
انا مااعرفش بقى الاهل استفادو ايه
بس هما بيقولوا انها مصلحة بنتهم
اما موضوع الضعف ده فاانا عاذرها فيه جدا ومقدر ظروفها كويس وماكنش ينفع انها تعمل اى حاجه
ولا كان ينفع انها تصارح العريس
دى عندنا كانت هتبقى فضيحه ليها واهلها كانوا هيعاندو ويرفضونى اكتر واكتر
والحمد لله على كل حال
وريحى نافوحك شويه يادكتورة
وسيبى الدنيا ماشيه زى ماهي ماشيه
ده نصيب
وشكرا على دعواتك الجميلة
بس برضو طول ماانا عايش لازم افتكر
نورتى المدونة يادكتورة
تحياتى ودمتِ بكل خير وود
****************
الست الدكتورة نور
وزيرة الصحه عندنا
ياهلا ياهلا
والله مرورك دايما جميل
هى ايه؟ ومين ؟ وفين؟
دى ممكن تعرفيها لو تعبتى نفسك وبصيتى فى الرد على اول 3 تعليقات
بس حلو معتصم المنتصر
هفكر اسمى الاسم ده لابنى اللى لسه ماجاش
ههههههههههههههههههههههه
اسعدنى مرورك يادكتورة
تحياتى ودمتِ بكل خير وود
**************
زيزو
صديقى العزيز
وعليكم السلام ورحمة الله وبركاته
تحياتى ياباشا
ايه بس اللى مزعلك ؟؟
طب وانا اعملك ايه ؟؟
مش انت اللى قلت الفضول
يبقى تتحمل بقى
صحيح انا افورت شويه فى اخر القصه بحكاية العربيه دى اللى خبطته
بس اللى قبل كده كان كله صح
وهو ده اللى حصل فعلا
الانسان كل ماكان قوى جدا كل ماكان حساس جدا على فكرة
دى انا شوفتها فى ناس كتير
وانا مقدراش اشوفها بتضيع منى بعد ماكانت هى كل امل فى حياتى وعلشان كده صدمتى كانت جامده شويه
بس الحمد لله على كل حال ادينى عايش وبكمل حياتى عادى
ويمكن ربنا يكرمنى والاقى انسانه تانيه احبها واخلص لها واديها قلبى
وعلى فكرة يازيزو
البنت مش بس فضلت مخلصه لحد اخر نظرة وبس
ماعلينا
هو حرام بس هنعمل ايه فى عوايد وتقاليد مانقدرش نكسرها ؟؟؟
وبعدين هو صحيح 3 سنين وشهرين و11يوم و9ساعات وكمان اقدر اقولك كام دقيقه
انت ناسى انى انا كلية تجارة ههههههههههههههه
ربنا يكرمك يازيزو وشكرا ليك على دعواتك الجميلة
تحياتى ودمت بكل خير وود
والسلام عليكم ورحمة الله وبركاته

يوميات شاب منوفى يقول...

مش ترسينا على الحوار ولا الفضول يقتلنا براحتك ياعم عذب فينا برحتك

المعتصم يقول...

يوميات شاب منوفى
ياعم رامى ماالحوار باين اهه زى الشمس
ورده بتنزف وانا بقولك ذكرى
والناس اللى علقت فوق فيهم واحد كان بيشحت عليا
افهم انت بقى
دا حتى انت منوفى
يعنى دقرم
ولا انت شكلك منوفى صينى مش يابانى
ههههههههههههههه
نورت المدونة يارامى باشا
تحياتى ودمت بكل خير وود

الفراغ يقول...

والله فيك الخير
واللى يحب مايكرهش
ادعى لحبيبتك بالسعاده

وعلى فكره انا رديت والتعليق هاتلاقيه فى البوست اللى فات
واشكرك على الزياره
وزى مانت قلت
احنا مابنساش بعض
وبنقدر ظروف بعض..ومش معنى انى ملاقيش تعليقك انك نسيتنى..ولا انى نسيتك

فتاه من الصعيد يقول...

وفاء واخلاص فى زمن ندر فيه الاحساس
تعيش وتفتكر

ملكة بحجابى يقول...

طبعا رغم اننا كلنا بنعلق بس من باب اثبات الحضور فى التوبيك ده بالذات
الا انه واضح ان فيه رسالة كبيرة اختصرتها انت فى كلمتين مليانين معانى لحد او اقصد لحدة معينه !
ليتها تدرك قبل فوات الأوان !

تقبل مرورى
(ملكة بحجابى)

بـسـمـــة صـــــلاح يقول...

والله عيطت اوي اوي
ومش عارفه اقول ايه
بس ربنا يسامحهم ويعوضك خير

بجد حلو اننا نفتكر ذكرى حلوة كانت في حياتنا
ربنا يسعدها ويسعدك يارب

انا جيت اتطمن مع ان المفروض اني غايبه عنكوا

بس انت اخويا الكبير ولازم اسأل

ادعيلي والله خايفه

موناليزا يقول...

:) تعيش وتفتكر
بس مش فاهمة ايه الجمال فى ذكرى مؤلمة؟

المعتصم يقول...

بسم الله الرحمن الرحيم
السلام عليكم ورحمة الله وبركاته
*************
الفراغ
ست الكل
منورة المدونة والله
تحياتى
حضرتك اللى فيكى كل الخير
لانك مازعلتيش منى ومن تقصيرى ودايما بتلتمسيلى الاعذار فى التقصير فى حقك
........
والله دايما بدعيلها ان ربنا يكرمها ويسعدها مع جوزها لانه انسان كويس وربنا يكرمهم بالذريه الصالحه
اللى يحب عمره مايقدر يكره حتى لو هو حاول برضو مش هيعرف
بجد بجد اسعدنى مرورك
تحياتى ودمتِ بكل خير وود
*************
فتاة من الصعيد
تحياتى يامروة
وفاء واخلاص وناديه ومديحه ودعاء وعبير
هههههههههههههههههههههههههه
ليه الزمن ندر فيه الاحساس ؟؟
نعيب زماننا والعيب فينا ...
وانتِ تعيشى وتجاملى
ههههههههههههه
نورتى المدونة
تحياتى ودمتِ بكل خير وود
*************
ملكة بحجابى
تحياتى
منورة يااميرة
ولا نقول ياحضرة الصوحفيه
هو صحيح مروركم اثبات حضور
مش هقول حاجه غير كده لان دى الحقيقه
بس انا كاتب البوست ده لنفسى اولا
وثانيا ممكن الحده اللى انتِ بتقولى عليها تشوفه (الله اعلم)
بس موضوع تدرك قبل فوات الاوان دى طلعت اوت لييييييييييه بقى ؟
لان الاوان فات من زمااااااااان
ههههههههههههههه
اسعدنى مرورك
تحياتى ودمتِ بكل خير وود
**************
بسومه هانم
تحياتى
بعد الشر عليكى من العياط
ليه بس كده ؟؟
ده موضوع قديم خالص
ماتخديش فى بالك
ربنا يسامحهم ويسامحنا احنا كمان
هتصدقينى لو قلتلك انى مش بقدر افتكر لها غير كل ذكرياتها الحلوة معايا !!
ربنا يكرمها ويسعدها ويرزقها الذريه الصالحه يارب
والله انتِ فيكى بركه كبيرة
المفروض يعنى انا اللى اسأل مش انتِ
ماتخافيش وذاكرى كويس واعملى اللى عليكى واكيد ربنا مش هيضيع مجهودك ابدا وهيوفقك ان شاء الله
ربنا يكرمك وينجحك انتِ وشوشو وايمان يارب وبالمجموع اللى تتمنوه ان شاءالله
نورتى يابسومه هانم
تحياتى ودمتِ بكل خير وود
*************
موناليزا
تحياتى
وانتِ تعيشى وتجاملى
ههههههههههههههه
مش فاهمه ايه الجمال فى ذكرى مؤلمه
اقولك انا
الذكرى دى مش ذكرى مؤلمه ولا حاجه
دى ذكرى اول ماقولت لها انى عاوز ارتبط بيها يعنى اليوم اللى صارحتها فيه بمشاعرى صحيح هو كان على المتغطى بس اهو
واليوم ده كان من اجمل ايام عمرى وحسيت فيه بسعاده كبيييرة جدا
وعلشان كده متهيألى انى عمرى ماهنساه
ادى الجمال اللى فيها
هو ذكرى ليوم سعيد فى حياتى
انما ايه اللى حصل بعد كده مش موضوع الذكرى بقى
هههههههههههههه
اسعدنى مرورك
تحياتى ودمتِ بكل خير وود
والسلام عليكم ورحمة الله وبركاته

ملكة بحجابى يقول...

لو تعرف مبسوطة بيك اد ايه
عمة يافندم انا صلحت الخطأ المطبعى ده
وظبطت الجمله
تسلملىىىىىىىىى
:)
خليها فى سرك بأة

تقبل مرورى ودعوتى الدائمة على فنجان نسكافيه فى مملكتى الصغيرة
:)

(ملكة بحجابى )

ملكة بحجابى يقول...

وبعدين لو الاوان فات بتاع الحدة
يبقى ندور على حدة جديدة نخلف منها حدود صغنتتين
ولقطار الذكرى احترام
وللحنين مواسم !

:)
انا كتبتلك كتير زمانك صدعت همشى بئه

yoyo يقول...

صباحك سكر

انا شفتك عند ماما الفراغ
قولت اجى ازورك
اتمنى تتقبلى زيارتى الاولى وان شاء الله مش هتكون الاخيرة

اخدت جولة عندك فى المدونة ومنها اكتشفت انك مدرس يعنى رفيق كفاح بقى يا مستر
هههههههههههه

مهما يكن ما حدث دوما تبقى الذكرى الجميلة بداخل قلوبنا
كل انسان جواه ذكريات كتيرة اوى
فيها المؤلم وفيها الجميل
بس لما تختلى بنفسك و تبدا تسترجع الذكرى الجميلة دى وقتها بتحس انك عايش فى نفس اللحظة رغم انك عارف ومتاكد انك عمرك ما هتقدر تعيد او حتى ترجع اللى كان لانها بس مجرد ذكرى باقية فى القلب

تقبلى مرورى و احترامى

تحياتى
يويو

norahaty يقول...

السلام عليكم ورحمة
الله تعالى وبركاته
وكمان صباح الفل
تعبنا نفسنا علشان
خاطرك يازعيم وقرأنا
واستمتعنا بالردود كلها
مش واحد واتنين وتلاتة بس
تأكد ان ربك سبحانه وتعالى
شايل لك ما هو أفضل .انا عارفة
انك متأكد ومتأنكد ومستأنكد كمان
من هذا بس حبيت أذكرك وأذكر نفسى
معاك(قل لن بصيبُنا الا ما كتب
الله لنا )لم يقل علينا ولكن
سبحانه وتعالى قال لنا
زى شيخنا الشعراوى
ما شرح لنا الاية

د. ياسر عمر عبد الفتاح يقول...

ماشي يا عم الزعيم
ربنا يريح بالك
وتعيش وتفتكر

القلم السكندري يقول...
أزال المؤلف هذا التعليق.
القلم السكندري يقول...

السلام عليكم

كيف الحال أخي الحبيب؟

أيوة ياسيدي..

زادك الله وفاءً

وملأ حياتك بذكرياتٍ "طيبةٍ غير جارحة"


ولكن هل تعتقد أنهن يتمتعن بمثل هذا القدر من الوفاء؟.. بنصفه؟.. بعشره؟


أنا أسأل فقط ولا أريد فتح النيران علي نفسي


لكن لعلني أجد جواباً شافيا ..


تقبل تحياتي

ابو المفاصل الواصل يقول...

يونيو، 2009
السعادة.......السلطة
السعادة لمن يطلبها
==========
السعادة رغبة بقوة عــــزم وارادة/
ورضا وتوافــــق بطريـــــقة جادة/
واداء دور تريدة باتقـــان واجادة/
حتى يتحقق للانسان غايته ومراده/
ولا ينتظر لا نتيجـــــــــة ولا اشادة
==================
السلطة
============
السلطةفى يد الغشيم سيف وبلطة/
وفى يد الجاهلعبث ودجل واونطة/
لكن هى عدالةوحقوق وفهم وحنكة/
وتفاهم وحسن اختيار منى ومنك/
ودفاع من الوطن عنى وعنك

اللؤلؤة يقول...

حضرة الصعيدى الهمام
السلام عليكم
أشكر لك نقدك البناء
الذى يؤدى بنا إلى الوصول إلى الحقيقة
صديقى العزيز بالنسبة لحملة ملك ألمانيا فلم يكن لها دور فى الحروب الصليبية فبمجرد غرق ملك ألمانيا إنقسم قواده على أنفسهم فيمن يخلفه وعاد جزء من الجيش إلى ألمانيا والجزء الآخر إتجه للإشتراك فى حصار عكا وفى أثناء سيره واجهته مصاعب كثيرة حيث أصيب الجيش بكثير من الأمراض والأوبئة . وقد إختلف المؤرخون فى غرق بربروسا ملك ألمانيا فمنهم من قال أنه كان يستحم فى البحر فجرفته الأمواج ومنهم من قال أنه غرق وهو يستحم فى أحد الأنهار
الخلاصة يا صديقى العزيز أن الجيش الألمانى لم يكن له دور فى الحروب الصليبية كما ذكرت آنفا
أما عن ريتشارد قلب الأسد ملك إنجلترا فالنقطة 11- فى البوست ذكرت بها أن ريتشارد قتل أسرى المسلمين بعد رفض صلاح الدين دفع الفديه لنكوث الصليبيين بعهودهم معه وهذا يعنى أن جيوش ريتشارد إشتركت فى حصار عكا مما كان له الأثر فى رفع الروح المعنوية للصليبيين وسقوط عكا
وأخيراً
أشكر لك تواصلك معى ومنحى هذه الفرصة لتوضيح هذه المعلومة
دمت أخى وصديقى ناقداً بناءاً

كيــــــــــــارا يقول...

سيدي ياسيدي

اقر بقي

ولا انق

اقر ولا انق

ولا اقولك

لا دا ولا دا

انا هحقد ههههههههههههه

ربنا يخلي الذكري الحلوه دااما في بالك والوحشه منسيه طول حياتك

المعتصم يقول...

بسم الله الرحمن الرحيم
السلام عليكم ورحمة الله وبركاته
**************
ملكه بحجابى
تحياتى
الحمد لله انك مبسوطه
ماهو مش معقول انا اقدر ازعل الاميرة بتاعتنا برضو
انا كنت بقول برضو انه خطاء مطبعى
كده صح والله ينور
بس خدى بالك
انا مش بشرب النسكافيه وكمان بحارب انتشاره بين الشباب
ماهو مش معقوله كده كل شويه الاقى واحده فيكم بتشرب نسكافيه
سويت هانم وكيارا ودلوقتى انتِ
لأ بقى
دا كده شويه شويه ممكن الاقيكم خلعتوا برقع الحيا وبتشربوا كنز كمان
لابد من وقفه حازمة وحاسمه مع النسكافيه وهعمل حملة واسميها لانسكافيه بعد اليوم
هههههههههههههههه
وبعدين الاوان بتاع الحده فات من زمان
وادينا بندور على حدة تانيه وربنا يسهل ده نصيب
اسعدنى مرورك وتعليقك
وماتقلقيش انا بشرب شاى صعيدى ومش بصدع بسرعه
ههههههههههههههههههه
تحياتى ودمتِ بكل خير وود
*************
يويو
تحياتى
صباحك سكر زيادة
انتِ نورتى المدونه
واهلا وسهلا بيكى فى اول تشريف لمدونتى المتواضعه
ويارب ماتكونش اخر زيارة يامس
ههههههههههههه (زمل بقى)
فعلا هو ده اللى بيحصل معايا كل اما افتكر الذكرى دى
زى مااكون لسه عايشها النهارده
اسعدنى مرورك الجميل
تحياتى ودمتِ بكل خير وود
***************
وزيرة الصحه
ست الدكتورة نور
وعليكم السلام ورحمة الله وبركاته
منورة بلوجر كله يادكتورة
وصباح الفل والورد والياسمين
معلش انا تعبتك معايا
بس اعمل ايه من عشمى بقى
وانا والحمد لله متأكد ومستأنكد وكل الحاجات الغريبه اللى بتقولى عليها دى
هههههههههههههههههههههه
ان ربنا شايلى نصيبى واللى هو احسن بكتير طبعا
نورتى المدونة ياوزيرتنا الهمامه
وشدى حيلك مع الانفلونزا لاحسن انا خايف انزل كايرو
ههههههههههههههههه
تحياتى ودمتِ بكل خير وود
****************
د/ياسر
تحياتى ياوزير
ايه ده ؟؟ هو انتوا سايبين الوزارة وجايين تتسايروا هنا ولا ايه ؟؟
انت والدكتورة نورا ورا بعض كده
مافيش انفلونزا بنعالجها ولا حاجه !!
اممممممممممممممممم
ع العموم ماشى هنشوف الموضوع ده بعدين
ههههههههههههههه
ويريح بالك انت كمان يادكترة
وتعيش وتجامل ياحبيبى
ههههههههههههههههههه
نورت المدونة
تحياتى ودمت بكل خير وود
*****************
القلم السكندرى
وعليكم السلام ورحمة الله وبركاته
صديقى العزيز واخى الحبيب
نحمد الله على كل الاحوال وهذا فضل من الله ونعمه
انا اعتقد ياهندسه انه فيه منهن من لديها مثل هذا الوفاء بل وزيادة
مش زيى بعضها ياهندسه
ههههههههههههههههه
واسكت ماتوديناش ورا الشمس
لاحسن لو سمعتك الدكتورة ستيته هتسلط علينا بتوع المرأة المتوحشه ومش هنخلص
ههههههههههههههههه
اسعدنى مرورك الطيب اخى الحبيب
تحياتى ودمت بكل خير وود
***************
ابوالمفاصل الواصل
اشكر مرورك الجميل وقصيدتك الممتازة
تحياتى زدمت بكل خير وود
****************
اللؤلؤة
وعليكم السلام ورحمة الله وبركاته
صديقى العزيز عمرو
تحياتى ايها المنوفى التمام
صديقى انا لم انتقد واقول انك نسيت ولكن
كلامك كان عابرا عن جيش ريتشارد ولم تذكر تفصيله واحده عن تحركه مع الحمله الالمانيه بتاعة بربروسا
انما ذكرت ريتشارد وملك فرنسا فليب اغسطس وبعدها ذكرت ملك المانيا وانه جهز حمله واثناء الحمله ياعين امه غرق والحمله رجعت
وبعد كده قلت ان الصليبيين حاصرو عكا
فكده ممكن واحد مايكونش عنده خلفيه يحتار
هيقولك طب ماالحمله رجعت يبقى ازاى حاصرو عكا
وفيييييين بقى على مايربط بين عملة ريتشارد المهببه وقتله للاسرى المسلمين وبين الحمله الصليبيه
انا فقط اردت منك مزيد من التوضيح حتى لايحدث لبس فى الامور عند شخص لم يقراء سيرة حياة صلاح الدين
انما اخوك انت عارف قارى السيرة ومن مصدرها وجايب الكتاب بتاع عمك ابودومه اللى كان معاصر صلاح الدين معركه بمعركه
ههههههههههههههههههههههههه
نورت ياصديقى العزيز
تحياتى ودمت بكل خير وود
*****************
كيارا
تحياتى
انتِ قوليلى بقى اعمل ايه بالظبط ؟؟
اكتئب مش نافع
نديها شويه رومانتيكى مش نافع
وقر ونق وحقد
يابنتى خلاص قربتى تخلصى خالص من كتر الحقد بتاعك ده
هههههههههههههههه
كنتِ 160 بقيتى 154 دى اخر مرة شوفتك فيها
مش عارف دلوقتى لما هشوفك هعرفك ولا لأ
ههههههههههههههههههههههههههههه
ربنا يخليكى ياكيارا
وشكرا على مرورك الجميل
نورتى المدونة
تحياتى ودمتِ بكل خير وود
والسلام عليكم ورحمة الله وبركاته

د/عرفه يقول...

ياااااااااااااه

بدانا فى وجع القلب


اكيد الواحد بيتعلم من ذكرياته
ومكنش لازم تقلب عليك الاحزان
يلا

انت اللى عايز تشعل الشموع

المعتصم يقول...

بسم الله الرحمن الرحيم
السلام عليكم ورحمة الله وبركاته
د/عرفه
تحياتى يقول...
ياااااااااااااه
سلامة قلبك من الوجع يامحمد
بعد الشر عليك
اكيد طبعا بنتعلم من ذكرياتنا مافيش شك فى كده
بس يعنى ذكرى حلوة وانا بحب افتكرها
عادى يعنى مافيهاش حاجه
وانا مش شايف فيها احزان ولاحاجه
وايه الشموع اللى عانا عاوز اشعلها دى
هههههههههههه
انت مكبر الموضوع اوى كده ليه
نورت المدونة يادكتره
تحياتى ودمت بكل خير وود
والسلام عليكم ورحمة الله وبركاته