الأربعاء، 27 مايو 2009

لا تحـــــــــزن

بسم الله الرحمن الرحيم

السلام عليكم ورحمة الله وبركاته



لا تحزنْ :
لأنك جرّبتَ الحزن بالأمسِ فما نَفَعَكَ شيئاً ،
رَسَبَ ابنُك فحزنتَ ، فهل نَجَحَ؟!
مات والدُك فحزنت فهل عادَ حيّاَ ؟!
خسِرت تجارتُك فحزنت، فهل عادتْ الخسائرُ أرباحاً؟!

لا تحزنْ :

لأنك حزنت من المصيبةِ فصارتْ مصائبَ ،

وحزنتَ من الفقرِ فازْددْتَ نَكَداً ،

وحزنتَ من كلام أعدائك فأعنتهمْ عليك ،
وحزنْت من توقُّع مكروهٍ فما وقع .

لا تحزنْ :
فإنهُ لنْ ينفعك مع الحُزْن دارٌ واسعةٌ ،
ولا زوجةٌ حسناءُ ،
ولا مالٌ وفيرٌ ،
ولا منصبٌ سامٍ ،
ولا أولادٌ نُجباءُ .

لا تحزنْ :
لأنَّ الحُزْنَ يُريك الماءَ الزلالَ علْقماً ،
والوردةَ حَنْظَلَةً ،
والحديقةَ صحراءَ قاحلةً ،
والحياة سجناً لا يُطاقُ .

لا تحزنْ :
وأنت عندك عينانِ وأذنانِ وشفتانِ ويدانِ ورجلانِ ولسانٌ ،
وجَنَانٌ وأمنٌ وأمانٌ وعافيةٌ في الأبدانِ : ﴿ فَبِأَيِّ آلَاء رَبِّكُمَا تُكَذِّبَانِ ﴾ .


لا تحزنْ :
ولك دينٌ تَعْتَقِدُهُ ،
وبيتٌ تسكُنُهُ ،
وخبزٌ تأكلُه ،
وماءٌ تشربُهُ ،
وثوبٌ تَلْبَسُهُ ،
وزوجةٌ تأوي إليها


بعد كل هذا لماذا تحزنْ ؟!
........................
البوست ده مش انا اللى كاتبه
انا ناقله
هو جالى كذا مرة على الايميل
والكلام عجبنى قوووووى
فحبيت انكم تقروه معايا
ويار ب يعجبكم
والسلام عليكم ورحمة الله وبركاته

هناك 36 تعليقًا:

موناليزا يقول...

:) عاجبنى اوى امانتك فى النقل والكلمات على فكرة من كتاب "لاتحزن" للشيخ عائض القرنى
ورغم قرائتى لهذه الكلمات مسبقاً الا انى لا أمِل من قرائتها وحينما أقرأها مصادفة سواء على ايميل او فى اى شئ اخر اشعر بأننى أقرأها لاول مرة

بجد بجد ربنا يكرمك ويعزك ويجازيك كل خير على نقلها لنا

وفعلا الحمدلله على كل شئ

وبما انك فكرتنى بموضوع كنت كتبته قديما أدعوك لقرائته:)
http://monaliza110.blogspot.com/2008/06/blog-post.html

فتاه من الصعيد يقول...

جميل الكلام.....فعلا الحزن بيعطلنا ويزيد من الآمنا
دمت بخير....تقبل مرورى

mimi يقول...

جميل انك تشاركنا اميلاتك ... دي فكرة حلوة اوي ...

وبجد حقيقة ... وعلي رأي المثل
" الحزن ما جاب .. غير الهم والعزاب"

hasona يقول...

السلام عليكم

لا تحزن فأن الحزن لا ولن يفيد

ولكن تعلم من كل كبوة لكي لا يعود الحزن ليطرق أبوابك من جديد

واتعظ من كل موقف واستثمر الحزن ليكون قوة دافعة لك
ولا تجعله حزنك مقوضا لحركتك الي الامام
عليك دور لابد أن تؤديه فلا تحزن ولا تتخاذل عنه

نشكرك علي كلماتك والتي وان نقلتها
فايمانك بها يكفي لأن يعطيها رونقا
ومشاركتنا بها يثبت أنك تحبنا في الله

ونحن نجبك في الله
وفقك الله لما تحبه ويرضاه


تحياتي

Sweet Violet يقول...

"بعد كل هذا لماذا تحزنْ ؟!"

انا عارفة صحيح بعد كل ده ازاى اصلا يكون فى حزن

و كمان نحزن ليه و من ايه و على ايييييه ؟؟؟

و زى ما قال حسونة "عليك دور لابد أن تؤديه فلا تحزن ولا تتخاذل عنه"

^_^

بس بجد الكتاب ده فعلا جميل جدااا .. ابقي دور عليه يا اخويا الكبير

لعل و عسى بعد ماتقرأ حلمي يتحقق بقى )):

قول امين من قلبك و بضمير P:

ستيته حسب الله الحمش يقول...

الحمد لله حمدا كثيرا طيبا مباركا فيه عدد ما كان وعدد ما يكون وعدد الحركات والسكون

سبحان الله وبحمده سبحان الله العظيم

لو لم نحمد الله على شيء فلنحمده أنه علمنا أنه الواحد
أنه الله
أنه الملجأ والأمان ومفرج كل كرب عظيم

ربنا يبارك لك يا مصطفى ويبارك فيك ويفرج كل كرب عند المسلمين

ويكرم الشيخ عائض القرني

لما قرأت جزء من كتابه كنت في ظروف عجيبة لا يعلمها الا الله ودعوت له يومها وأدعو له اليوم ان ينفع الله به ويتقبل عمله خالصا لوجهه الكريم

تحياتي

بـسـمـــة صـــــلاح يقول...

السلام عليكم

بجد بوست جميل جدا والواحد ميسيبش الحزن يسيطر عليه
ويبص للنعم اللي ربنا اهدهاله

بس تعرف يا استاذ مصطفى
الواحد لما بيحصله حاجه توجعه دموعه بتريحه
غصب عننا لازم نحزن
بس منحاولش نخليه يسيطر علينا وقت طويل

بوست هايل بحييك عليه
وحتى ولو كان منقول بس اختيارك ليه رائع
ومتأسفه اني بتأخر بس بابا كان مانعنا من النت عشان المزاكره

ادعيلي نفسيتي تعبانه
دمت كما تحب
تحيــ بسومةــاتي(:

د. ياسر عمر عبد الفتاح يقول...

تسلم إيدك يا زعيم
جاي في وقته

MaNoOoSh يقول...

فعلا الحزن استمرارة ملوش اى لزمة.. لا بينفع ولا بيضر
ميرسي على مشاركتنا الايميل

اللؤلؤة يقول...

حضرة الصعيدى الهمام
السلام عليكم
ما شاء الله رائعة ولكننا يا صديقى أناس عاطفيين نحزن بسرعة ونفرح فى نفس الوقت بسرعة فجزاك الله خيرا على حلو الكلام ولافض فوك
سلم قلمك ودمت بكل الخير

ايوشة يقول...

لا تحزن كتاب كبييييييييييييير علشان الناس تبطل حزن وتشاؤم واكتئاب قريته كتير ومفعوله سحرى بس لمجرد لحظات مش بيدوم كتير
ياريت الانسان يكون فى زر كده فى حياتى يدوس عليه ينسى الحزن

أم مالك يقول...

جزاك الله خير على النقل
فهذا الكتاب الماتع ينزع من القلوب
اى احزان
فعلا بماذا يفيد الحزن
لعلها تكون رساله لحالة الحزن والكآبة
اللى صايبة المدونات الشابة اليومين دول
ادخل الله على قلبك السرور دوما
تحياتى

norahaty يقول...

السلام عليكم ورحمة
الله تعالى وبركاته

الله تسلم ايد اللى
كتبه واللى نقله
جميل الكلام اوى
والاجمل العمل به

ريمان يقول...

الله يفتح عليك يا مصطفى بجد


والله كنا محتاجين الكلمتين دول


ربنا يباركلك يا ربق


تحياتى


والامتحان كان زفت ومنيل بستيييييييين الف نيله


عااااااااااااااااااااا

arsenalwy يقول...

السلام عليكم

سعدت باول زيارة لى عندك

للاسف الحزن جزء لا يتجزء من تكوين كل شخص منا فمينفعش منحزنش لكن المبالغة فى الحزن هى اللى مش مستحبة

بوست جميل وكلمات فعلا مهم الواحد يفهمها

موفق

ghorBty يقول...

جزاك الله خيرا ..

كتاب لا تحزن من الكتب المفضله لدي بعد كتاب الله عز وجل

والشيخ القرني يعلم ربي كم اكن له داخلي من احترام وتقدير ربنا يعزه ويبارك له في عمره ان شاء الله

:

الحزن والضيق طبيعه بشريه فمن منا لا يحزن ومن منا لا يشعر بالضيق فطالما نتنفس وفي هذه الدنيا سوف نحزن لانها خلقت علي كدر والانسان فيها في كبد ولكن ما ارده الشيخ هو محاوله للتخفيف عن احزانا والتفكير بنظره اخري لكني علي يقين ان الشيخ نفسه بيحزن والكل بيحزن ما دمنا هنا

الحزن سوف يذهب عنا ان شاء الله حينما يمن الله علينا وندخل جنته حينها سوف يذهب ولن يعود وكما ذكر الله سبحانه وتعالي في كتابه الحكيم علي لسان اهل الجنه قولهم ( ‏الحمد لله الذي أذهب عنا الحزن إن ربنا لغفور شكور، الذي أحلنا دار المقامة من فضله لا يمسنا فيها نصب ولا يمسنا فيها لغوب‏) ربنا يجعلنا من اهلها ..

السلام عليكم

المعتصم يقول...

بسم الله الرحمن الرحيم
السلام عليكم ورحمة الله وبركاته
************
الاخت الكريمه
موناليزا
تحياتى
جزاكى الله خيرا على المعلومه(كتاب لاتحزن)
وبالفعل هى الكلمات جميلة جدا ومتجدده والواحد بيبقى محتاج كل فترة انه يقراها او يفتكرها علشان حالة الحزن العامه الموجوده ماتسيطرش عليه

وبعدين يعنى هو انا كنت هقول انى انا اللى كاتبها ؟؟؟ هههههههههههههه
ماهو لازم اقول مصدرها الحقيقى
وبعدين انا قريت الموضوع بتاعك ده من فترة (انا تقريبا قريت معظم الموضوعات اللى عندك فى المدونة بس يعنى مش لازم اسيب تعليق)
شكرا على مرورك الكريم ونورتى المدونة
تحياتى ودمتِ بكل خير وود
***************
فتاة من الصعيد
تحياتى يامروة
فعلا الحزن بيعطلنا انما مش بنقدر مانحزنش
انما المطلوب من الكلام هنا اننا ماسيبوش يسيطر علينا
اسعدنى مرورك
تحياتى ودمتِ بكل خير وود
***************
ميمى
تحياتى
هى مش فكرة حلوة قوى يعنى
هو زى ماتقولى كده ساعات مش بلاقى حاجه اصدع بيها اصحابى المدونين
فبخطف اى حاجه تيجى قدامى كده وخلاص
هو المثل صحيح بس مين فينا مش بيحزن
انما ياريت الحزن مايزيدش عن حده معانا علشان نعرف نكمل حياتنا كويس
نورتى المدونة بمرورك
تحياتى ودمتِ بكل خير وود
***************
حسونه
وعليكم السلام ورحمة الله وبركاته
اخى الكريم
تحياتى
انا اللى بشكرك على كلماتك الجميلة والتى تعتبر اضافه للموضوع
واشكرك على مرورك الجميل
وربنا يديم علينا المحبه الخالصه لوجهه تعالى
وان يجعلها سببا فى ان نتلاقى تحت ظله يوم لا ظل الا ظله سبحانه وتعالى
اسعدنى مرورك
تحياتى ودمت بكل خير وود
***************
سويت هانم
تحياتى
الحزن طبيعه فى النفس البشريه
وكلنا مهما قلنا او عملنا لازن تمر علينا اوقات نحزن فيها
بس المهم اننا مانسيبش الحزن يسيطر علينا
وان شاء الله هجيب الكتاب يااختى الصغيرة
بس انا مش عارف ايه هو حلمك اللى عاوزاة يتحقق ده؛)
ومش هقول امين غير لما اعرف
(طبعا انا قلت بس بغيظك )
ههههههههههههههههههههههههه
نورتى المدونه
تحياتى ودمتِ بكل خير وود
****************
د/ستيته
تحياتى
مرورك دايما بيسعدنى
واشكرك على تعليقك الجميل ودعواتك الجميلة ولكِ بالمثل ان شاء الله
نورتى المدونة يادكتورة وربنا يكرمك ويباركلك وينورلك طريقك دايما
تحياتى ودمتِ بكل خير وود
*****************
بسومه اختى الصغيرة
وعليكم السلام ورحمة الله وبركاته
تحياتى ياوزيرة
صح الواحد المفروض مايسيبش الحزن يسيطر عليه
انما حكاية دموعه بتريحه دى مش مع كل الناس
يعنى انا مثلا مش بقدر ابكى تخيلى
على الرغم من انى ساعات بكون عاوز بس مش بعرف
شكرا على مرورك الجميل يابسمه
ومافيش تأخير ولاحاجه
وان شاء الله ربنا يكرمك انتِ وشوشو وينجحكم ويوفقكم وتخلصى بقى من الثانويه دى
تحياتى ودمتِ بكل خير وود
****************
د/ياسر
تحياتى
ايه ده ياوزير الصحه
امال ياخويا اديت الكيبورد لمحمد وكل اما ادخل مدونة الاقيك سايب ييجى 100تعليق
الواضح ان محمد قلبه طيب خالص
وكده ماينفعش
هههههههههههههههههههه
عاوزين ننجز ونخلص ياوزير
شكرا على مرورك الجميل يادكترة
وربنا يكرمك وينجحك يارب
تحياتى ودمت بكل خير وود
والسلام عليكم ورحمة الله وبركاته

المعتصم يقول...

بسم الله الرحمن الرحيم
السلام عليكم ورحمة الله وبركاته
***************
منوووووووووووش
تحياتى
ميرسى ليكى انتى على مرورك الجميل ده
وياريت فعلا مانخليش الحزن يعطلنا عن اننا نحقق اللى عاوزينه
نورتى المدونة
تحياتى ودمتِ بكل خير وود
*****************
اللؤلؤة
حضرة المنوفى التمام
وعليكم السلام ورحمة الله وبركاته
تحياتى ياعمنا
يارب تكون بخير ياعمرو
انا عارف اننا عاطفيين وبنحزن بس المراد من الكلام اننا مانخليش الحزن يعطلنا عن اننا نكمل مشوارنا فى الحياة ويخلى اليأس يدب فى قلوبنا
واشكرك على مرورك الجميل ياصديقى العزيز ونورت المدونة
تحياتى ودمت بكل خير وود
***************
ايوشه بنت خالى
تحياتى
هو الكتاب مش علشان الناس تبطل حزن لانه ماينفعش ان الناس ماتحزنش (بطلى شغل الصعايده ده) انما هو محاولة من الدكتور القرنى انه يخفف بيها عن الناس ولو حاجه بسيطه وانه يقولهم انهم مايخلوش الحزن يسيطر عليهم وانهم مايقفوش ويكملوا حياتهم
وبعدين طالما مفعوله سحرى حتى ولو للحظات يبقى بيجيب نتيجه اهه
يبقى كل اما نلاقى المفعول خلص نقرا منه تانى وهكذا وناخد الدفعه ونعمل اللى علينا
ووعد منى اول مااعرف انهم عملوا الزر بتاع الحزن ده هشتريلك اتنين على حسابى علشان ماتزعليش تانى ابدا
نورتى المدونة (ياوزيرة سابقه)
تحياتى ودمتِ بكل خير وود
*****************
الاخت الكريمه الفاضلة
ام مالك
تحياتى
اشكرك على مرورك الجميل وكلامك الاجمل
ويارب تكون الرساله دى وصلت حتى لواحد بس
واشكرك على دعواتك الجميلة ولكِ بالمثل ان شاء الله
نورتى المدونة
تحياتى ودمتِ بكل خير وود
*****************
ست الدكتورة نورا
وعليكم السلام ورحمة الله وبركاته
تحياتى
نورتى المدونة
وشكرا على الكلمتين اللى عاملين زى حقنة فيتامينات فى الروح المعنويه دول
بس ياريت فعلا نعمل بالكلام
اسعدنى مرورك يادكتورة
تحياتى ودمتِ بكل خير وود
******************
ريمان هانم(لماضه)
تحياتى
وربنا يفتح عليكى انتى كمان
والحمد لله ان الكلمتين جم فى وقتهم
وربنا يباركلك ويوفقك وينجحك يارب بس انتى تذاكرى كويس
وعلى فكرة ان شاء اللهالامتحان اللى انتى بتقولى عليه زفت ده هتنجحى فيه بتفوق (اللى تخافى منه مايجيش احسن منه)
اعملى اللى عليكى وخلى الباقى على ربنا
نورتى المدونة يالماضه هانم
تحياتى ودمتِ بكل خير وود
****************
ارسنالاوى
وعليكم السلام ورحمة الله و بركاته
تحياتى
نورت المدونة بمرورك الاول (ويارب مايكونش الاخير )وانا اللى سعدت بهذا المرور
معاك ان الحزن جزء لايتجزاء من التكوين البشرى
بس زى ماانت قلت المبالغه هى اللى مش مستحبه وعلشان كده الدكتور القرنى ربنا يبارك له عمل الكتاب ده
فى محاوله منه انه يقلنا اننا مانخليش الحزن يسيطر علينا ويخلينا نيأس واننا نكمل مشوارنا ومانقفش ونعمل لتحقيق مانريد
اشكرك على مرورك الجميل
نورت المدونة
تحياتى ودمت بكل خير وود
*************
اختى الكريمه
غربتى
وجزاكم الله كل خير
هو الكتاب شكله كده كتاب جامد وان شاء الله ربنا ييسر واجيبه قريب
(انا كنت قريت عندك فى المدونة كذا مرة عنه)والشيخ القرنى ربنا يجازيه كل خير ويكرمه
متفق معاكِ فى كل الكلام
وانها محاولة من الشيخ للتخفيف وعدم اتباع الحزن لدرجة الوصول لليأس
وبالتأكيد كلنا نحزن واكيد طبعا فالشيخ بيحزن فهو بشر مثلنا
وربنا يسمع منك دعواتك ويمن علينا بجنته وفعلا ساعتها بس يبقى مافيش لا هم ولا حزن
اسعدنى مرورك وتعليقك الجميل الذى اضاف للبوست
نورتى المدونة
تحياتى ودمتِ بكل خير وود
والسلام عليكم ورحمة الله وبركاته

كيــــــــــــارا يقول...

السلام عليكم ورحمة الله وبركاته

الله نقل مميز فعلااااااااااااا

ياريت الرساله توصل

المعتصم يقول...

بسم الله الرحمن الرحيم
السلام عليكم ورحمة الله وبركاته
كيارا
تحياتى
اشكرك على مرورك وعلى مجاملتك الرقيقه
وياريت فعلا الرساله توصل
نورتى المدونة
تحياتى ودمتِ بكل خير وود
والسلام عليكم ورحمة الله وبركاته

تأثير الفراشة يقول...

السلام عليكم و رحمة الله و بركاته

أول زيارة لى هنا فى المدونة، و جميل أن أقرأ فيها البوست الأكثر من الرائع

جزاك الله خيرا على البوست
تقبل مرورى

ســـهــــر يقول...

انا اول زياره هنا ليا
وعجبتنى النصايح اللى نقلتها
وان شاء الله مفيش حزن

zainab يقول...

السلام عليكم

أخى المعتصم

لا تحزن

الله الله

جميله قوى فعلا ياريت مانحزنش على شئ خاصة كل شئ مقدر و مكتوب و الحزن مش بيفيد فى شئ بالعكس زى ماانت ذكرت

يارب يبعد عنك الأحزان و عننا جميعا

تحياتى

د/عرفه يقول...

السلام عليكم
ازيك أخى وحبيبى
يا سيدى اكيد بقولك مبروك على الاهلى
ههههههههه
وعمرى ما أقر أعترض

بالنسبة للموضوع

قال الرسول صلى الله عليه وسلم " من نام آمنا في سربه معافا في بدنه عنده قوت يومه فكأنما حيزت له الدنيا بحذافيرها"


تحياتى

لاسع افندى يقول...

بعد كل هذا لماذا تحزن!!!!!!!!!!

المعتصم يقول...

بسم الله الرحمن الرحيم
السلام عليكم ورحمة الله وبركاته
**************
تأثير فراشه
وعليكم السلام ورحمة الله وبركاته
تحياتى
اهلا بيكى فى اول زيارة
ويارب ماتكونش الاخيرة
واشكرك على رأيك فى البوست وعلى مرورك الجميل
نورتى المدونة
تحياتى ودمتِ بكل خير وود
************
سهر
تحياتى
اهلا بيكى فى اول زيارة وياريت تتكرر ان شاء الله
وان شاء الله ربنا مايجيبش حزن ابدا
اسعدنى مرورك
تحياتى ودمتِ بكل خير وود
*************
زينب
وعليكم السلام ورحمة الله وبركاته
تحياتى
صحيح الحزن مش بيفيد انما هو طبيعه فى النفس البشريه يازينب
ومنقدرش مانحزنش
المهم اننا مانخليش الحزن يسيطر علينا
شكرا على مرورك الجميل ودعواتك
وربنا يبعد عنك الحزن ويخلى حياتك كلها افراح ان شاء الله
نورتى المدونة
تحياتى ودمتِ بكل خير وود
*************
د/عرفه
اخى الحبيب
وعليكم السلام ورحمة الله وبركاته
تحياتى يادكترة
الله يبارك فيك
وعقبال كده لما الزمالك بتاعك يرجع ينافس تانى (تصدق له وحشه)
هههههههههههههههه
المشكله دلوقتى يامحمد اننا كلنا عندنا الدنيا بحذافيرها ومش قانعين ومش راضيين
والسبب بسيط جدا وهو ان الدنيا للاسف اتربعت جوه قلوبنا وهو ده السبب الرئيسى فى الحزن اللى احنا فيه
ربنا يصلح الاحوال ويهدى عباده
نورت المدونة يادكتور
تحياتى ودمت بكل خير وود
****************
لاسع افندى
تحياتى
اهلا بيك فى اول زيارة
منور المدونة
عاجبنى اسمك قووووووى
والصورة كمان
بعد كل هذا لماذا تحزن !!!!!!!
السبب لاننا بشر والحزن بقى طبيعه فينا
وعارفين ان الحزن مش بيفيد ومش بنقدر مانحزنش
وكمان الدنيا اتربعت فى قلوبنا وبقيت هى همنا الوحيد وعلشان كده حياتنا اتملت حزن
بس ياريت مانسيبش الحزن ده ينسينا حياتنا وديننا وعملنا ومايسيطرش علينا
هو ده المهم
اسعدنى مرورك ويارب ماتكونش اخر زيارة
نورت المدونة
تحياتى ودمت بكل خير وود
والسلام عليكم ورحمة الله وبركاته

z!zOoOo يقول...

السلام عليكم

ازيك يامعتصم يارب تكون بخير

انتقاء مميز سلمت يداك علي النقل الجميل

وفعلا كل الكلام ده صح لكن قلب الانسان ضعيف بقي

جزاك الله خير

ويارب تكون بخير

تحياتي

واحد من العمال يقول...

السلام عليكم ورحمته وبركاته

نعم الحزن والمغالاه فيه لا يفيد
والحمدلله على كل حال
--
إختيار جيد ومدونه تبشر بالخير
وتستحق المتابعه

وفقنا الله جميعاًالى ما يحب ويرضى

موناليزا يقول...

سيادتك تؤمر يافندم:) ستصل الرسالة لأختنا الكريمة حالا
بس انت خضتنى بجد وقلقتنى على اللغة العربية فياريت تعرفنى أى كلمة تقصدها كُتبت بالعامية وياريت لو تعرفنى معاها مرادفها اللغوى بالفصحى

بـسـمـــة صـــــلاح يقول...

ايه يا استاذ معتصم
ايه الخبر اللي مش حلو اللي وصلني دا

معقول المدونه مش بتجيبلك اي بوست ابدا

هي بتعمل كدا في الأول بس اصبر عليها شويه لما تحمل معلش
اصل مشكله مش هقدر اغيرها ابدا دلوقتي ولا اعمل فيها حاجه دي شغلانه

بس حاول ربنا يكرمك
مستنيه تعليقك
اوك

المهم تصبر عليها


سلام يا استاذ مصطفى
في انتظارك(:

حتى تشرق الشمس يقول...

السلام عليكم ورحمة الله وبركاتة
يا اميييييييين
لما تنقل تقول على طول
ربنا يكرمك
وادام الله عليك صفة الامانة
صحيح الاحزان لا تفعل شئ ولا تحل مشكلة
بس الواحد غصب عنى بيزعل
على فقدان ماما
على تعب اختى
على تعب زوجى وابنتى
وانا ايضا
على حال المسلمين
الاحزان لن تزول حتى ابشر بالقبول
وارى كتابى باليمين
وتقر عينى بالرسول
دمت بالف خير

غير معرف يقول...

http://rebellious-girl88.blogspot.com/

z!zOoOo يقول...

السلام عليكم

ازيك يا معتصم يرب تكون بخير

مبسوط جدا من تواجدك وتشريفك ليا

وبشكرك جدا علي تعديلك ورايا جزاك الله كل خير

ولو قريت اي حاجه عندي ولقيت فيها اي غلط كتابي او اي شيء من فضلك نبهني

ووياريت كده نبقي نحاول ننظم مره نقدر نشوفك فيها يارياسه

دمت بكل ود

في رعايه الله

roaua يقول...

السلام عليكم
السيد صاحب مدونة مش عارف تحية طيبة
فريق مجلة رؤية مصرية يتقدم بدوعة خاصة لشخصك الكريم للإنضمام إلى أسرة تحرير المجلة واثراء المجلة بفكركم الواسع ورؤيتكم بناء على ما وجدناه في صفحة مدونتك الكريمة
ننتظر ردك خاصة وأن المجلة تخوض معركة تغيير كبيرة جدا للانتقال من مرحلة الميلاد للنضوج الفكري بشكل جدي جدا
ننتظرك
بريد التواصل مع المجلة
roaua.com@gmail.com
منسق أعمال المجلة

المعتصم يقول...

بسم الله الرحمن الرحيم
السلام عليكم ورحمة الله وبركاته
*************
زيزو
وعليكم السلام ورحمة الله وبركاته
صديقى العزيز
وابن بلدى
تحياتى
الحمد لله انا تمام التمام
(مافيش بس غير شوية صداع وضغط والم فى الاسنان والتهابات فى الجيوب الانفيه وزغلله فى العنين )انما كله تمام والحمد لله
ههههههههههههههههههه
قلب الانسان ضعيف انما لازم مايستسلمش للحزن هو ده المقصود من ورا الكلام
............
انا اللى ببقى مبسوط وانا موجود عندك لان المدونة بتاعتك عاوزة تناقش حاجه وده كويس (مش زى المدونة دى اللى انا عاملها للتهييس )
وبعدين ياسيدى واجب على اى واحد مسلم انه لما يشوف حاجه فاتت على اخوة انه ينبهه ولا ايه ؟؟
وان شاء الله ننظم مرة ونتقابل فيها انا ماعنديش اى مانع
شوف معاد يناسبك وقولى عليه انزلك اسيوط او ابقى ابعتلى رقم موبايلك على الايميل وانا اكلمك
اسعدنى مرورك ونورت المدونة يازيزو
تحياتى ودمت بكل خير وود
**************
واحد من العمال
وعليكم السلام ورحمة الله وبركاته
تحياتى
واهلا بحضرتك فى اول زيارة
اشكرك على مرورك الجميل
وياريت ماتكونش دى اخر زيارة
نورت المدونة
تحياتى ودمت بكل خير وود
**************
موناليزا
ربنا يكرمك
وشكرا على توصيل الرساله
وتم تظبيط اللغه العربيه والحمد لله
ونورتى المدونة بمرورك
تحياتى ودمتِ بكل خير وود
**************
بسمه صلاح
تحياتى
ايه هو اللى ايه ؟؟
بحاول افتح المدونة بتاعة سيادتك بتفتح لى صفحه فاضيه استنى شويه اقول يمكن لسه بتحمل
تفضل كده ومش بتجيب اى كتابه
اعمل ايه انا ؟؟
اضرب بلوجر يعنى ولا اعمل ايه
علشان تخفى تنطيط وكل شويه تغيرى فى التمبليت بتاع المدونة
ربنا يسهل وتفتح
اهو هنحاول تانى
سلام ياوزيرة السكافه حدانا
ههههههههههههههههه
تحياتى ودمتِ بكل خير وود
***************
حتى تشرق الشمس
ام سلمى
وعليكم السلام ورحمة الله وبركاته
تحياتى اختى الكريمه
مين اميييييييييين ده ؟؟
هههههههههههههه
يعنى انتِ عاوزانى انقل واقول ده من تأليفى ؟؟ طب انتِ ترضيلى انى اعمل كده ؟؟ لأ طبعا
انا كنت عارف انك هتقولى كده برضو
ههههههههههههههههه
الواحد يزعل ايوة انما منخليش الزعل يشغلنا عن باقى امور حياتنا ومايسيطرش علينا
هو ده المقصود من الكلام
اسعدنى مرورك اختى الكريمه
وتحياتى وسلامى الى الانسه سلمى
نورتى المدونة
تحياتى ودمتِ بكل خير وود
***************
غير معروف
تحياتى
طب وبعدين يعنى
مدونة فتاة متمرده
وراحت وقابلت الدكتور وقالها غيرى الماده وخدى المادة بتاعتى وهى رفضت بلباقه
اعمل ايه انا دلوقتى ؟؟؟؟؟؟؟؟؟؟؟؟؟
ههههههههههههههههه
تحياتى
***************
مجلة رؤيا
وعليكم السلام ورحمة الله وبركاته
اشكر دعوتكم الكريمه
بس بجد ياجماعه انا مش موهوب فى الكتابه
يعنى مش بعرف اكتب زى اى حد فيكم
وكمان موضوع اثراء المجله ده بفكركم
دى واسعه عليا قوووووووووووووووى
ربنا يسهل
وان شاء الله هبقى ابعت الرد على الايميل
تحياتى
*************
والسلام عليكم ورحمة الله وبركاته

المهاجر يقول...

بوت جميل جزاك الله خيرا