الأربعاء، 6 مايو، 2009

إمسك حرااااامى


بسم الله الرحمن الرحيم

السلام عليكم ورحمة الله وبركاته


نايم فى امان الله وفجأة كده اسمع صوت بيقول
- بتعمل ايه عندك ياابن ال.......
اقف عندك ماتتحركش

وصوت شوية كركبه كده بسرعه

وهوووووووب

طاااااااااااااااااااااااااااااااااااااااخ

ايه ده ؟؟؟؟

دا كده الموضوع كبير بقى

ضرب نار فى المنطقه من غير مايستأذنوا منى ؟؟
ايه ؟ رئيس حلف اونطه انا ولا ايه ؟؟
قمت بسرعه من على السرير وطلعت اشوف فيه ايه
وطبعا لقيت الحاج طالع فى رجليا هو كمان يشوف اللى بيحصل
نلاقى واحد جيراننا باصص من فوق بيتهم وبيقول حراااامى

فين الحرامى ده

نط من عند السور اللى قدام بيتكم وجرى فى الناحيه دى

- الحاج : وراه ماتسيبوش
- حاضر (اه يااااانى وانا كان مالى ومال الحكايه دى )

- الحاج: تعالى من هنا هو اكيد دخل الشارع ده
اقولك ارجع تانى ولف من الباب اللى فاتح على الشارع التانى وقابلنى منه
وكده نبقى طوقناه

- حاضر (هرجع تانى جرى !!! حرام عليكم انا كبرت على الحاجات دى)

وهوب اروح الف من الشارع التانى
والحرامى يشوفنى بجرى عليه افتكر نفسه ناصح وقال اجرى ناحية الراجل العجوز ده

(طلع عبيط جدا)

وراح ناحية ابويا وهو فاكر نفسه هيعرف يفلت منه

- تعالى هنا ياابن ال............
جاى تسرق الشارع اللى انا ساكن فيه
اقف مكانك احسنلك

وطخ طرخ طروخ

(ياعينى الواد هياخد بعدها اربع غرز بسبب غبائه المستحكم)

ماهو لو كان جرى من ناحيتى انا كنت هسيبه لانى كان نفسى مقطوع

طبعا بعد كده اتروق الترويقه الصح الميه الميه

وكل واحد فى الشارع ضاعت منه حاجه يبقى هو الحرامى ده اللى جه سرقها من حوالى عشر سنين كده

واللى اتكسرت منه حاجه يبقى هو الحرامى اللى كسرها وهو جاى يسرقها

واللى مراته كانت منكده عليه قبل ماينام يبقى هو الحرامى السبب فى انها نكدت عليه

واخيرا وبعد استغاثات مريرة من الحرامى

وصل السيد المسئول امين الشرطه اسم النبى حارصه وصاينه اللى فى المنطقه

وتم تسليم الحرامى له علشان يقوم باتخاذ الاجراءات اللازمه

بس انا فيه حاجه كده ماريحتنيش مش عارف ليه

وبعد مااخد الحرامى ومشى قلت لهم

- اراهن وادفع 10جنيه اذا سلمه فى المركز
- ليه يعنى ؟؟
- مش عارف بس حاسس انه هيسيبه
- يسيبه ازاى ؟؟ ده متلبس
- هنشوف بعد شويه

وبالفعل كل واحد راح كمل نوم واللى كان وراه مصلحه بقى راح يستعد لها ماخلاص الصبح قرب يصبح

وعلى مارجعت من الشغل وبسأل ايه اخبار الحرامى بتاعنا ؟؟؟

يقولولى اصل الباشا وهو ماشى معاه قعد يولع سيجارة

الحرامى جرى منه وماعرفش يمسكه


- ههههههههههههههههههههههههههههههههههههههههههههههههههههههه

- الحمد لله كده مش هدفع ال10جنيه

هههههههههههههههههههههههههههههههه

لكِ الله يامصر

فعلاً فعلاً

حاميها

حاميها برضو

(انتو كنتوا فاكرينى هقول ايه )

ماتودوناش فى داهيه

هههههههههههههههههه

ســـــــــــــــــــــــــــــــــــــــــــــــــــــــــــــلام

هناك 32 تعليقًا:

د/عرفه يقول...

اول تعليق
ونكمل

د/عرفه يقول...

أكيد حاميها
حاميها
زى ما انت قولت
وبعدين دى مصالح شخصية
انت بتتدخل ليه فى النص
ما بينهم

المعتصم يقول...

د/عرفه
تحياتى
حبيبى يادكتور محمد
واحشنى
تصدق ماكنتش اعرف انى حشرى قوى كده
هههههههههههههههههه
خلاص ياعم هحاول ابطل
هههههههههههههه
نورت يادكترة

ستيته حسب الله الحمش يقول...

يعجبني فيك صراحتك وانك اعترفت ان الحاج لولاه مكنتش مسكت الحرامي
فعلا جيل السمنة البلدي غير شكل يا ناس
بس ضحكت ضحك ربنا يسعدك كان نفسي فعلا اضحك
حاميها حاميها طبعا
يحيا رئيس الحلف

بـسـمـــة صـــــلاح يقول...

وزيرة السافه وصلت

اهلا بسموي طبعا

المهم بقى نلطم
يالهووووووووووووووووووووي

ايه ده

بجد الكلام دا

طيب ليه كدا وعشان ايه


بس باباك دا عسل والله ربنا يخليهولك

شاطر مش زيك

ههههههههههه

بس بوست دمه خفيفن جدن جدن

اللغه العربيه باظت ياناس


اخبارك ايه بقى يارئيس الحلف

واخبار الدوله بتاعتنا ايه

هل الاوضاع مستتبه

انا طبعا جيت ونورت من غير كلام

دمت بود
تحيــ بسومةــاتي(:

موناليزا يقول...

بغض النظر على انه هرب بس احلى حاجة بجد ان الكل قام معاه بالواجب:)

د. ياسر عمر عبد الفتاح يقول...

مسكت الحرامي
(هنعتبرك مسكته .. أبوك وإنت واحد)
ده إنت طلعت بطل أهو
كانت ثقتنا فيك في محلها لما اخترناك
اخترنااااك اخترنااااااك اخترنااااااااك


موضوع الأمين والحرامي دي بتحصل علي طول
بس ياريت بقي بجد يعني
تروح القسم وتبلغ عن الموضوع ده
وتقول إنكم سلمتوه وهرب من الأمين

fnoonh يقول...

حراميييييييييييييييييييييييييها

انا بحب المخاطر ايه رايك بئه هتحذف تعليقي هههههههههههههههه

ياعمي قول اللي في نفسك وسيبك الدنيا رايحة
بالنسبة بئه لاحسن حاجة في الحكاية هيا باباك ربنا يخليهولك يارب لسا في رجاله رجاله رجاله من بتوع زمان
مش زي الا يام دي ربنا يستر علينا بقوا
رجالة بردو
((ايه كنت مفكر هقول ايه ))ههههههههههههههه
بس حقيقي بجد كان في حرامي وكده هيا الموضة دي مش قدمت؟؟

واونكل الشيك الكان بيولع سيجارة ده ليه زعلانين ان الحرامي هرب منه دا السيجارة اهم شئ عند الحكومة
---------------------------------
بوست جميل ودمة خفيف
---------------------------------------------

بالنسبة لابراهيم الفقي انا حقيقي من المعجبين بيه جدا جدا وكل يوم لازم اسمعه استفيد منه
كلامة شامل كل شئ سواء دينيا او دنيويا
وبفهمة جدا وبجد فعلا فعلا غير فيا حجات كثير للاحسن سواء ثقة في النفس او قوة ارادة حجات كتير والله
طريقة القاؤه بتشد جدا
بيطرح كل الامور اللي الواحد ممكن يحتاجها
ربنا يحفظة
لو حاولت تسمع له تاني هتستفيد جدا منه لانه الكلام بيفيد جدا بس احنا علينا العمل
تحياتي وتقديري

ايوشة يقول...

السلام عليكم
ايه ده هزولت حرامى فى شارعكم امال صحيح تقولى عامل انقلاب وحزب ورئيس دولة ومعرفش بتنجان ايه لالالا
وكمان معرفتش تمسكه طيب انا هقدم استقالتى من الوزارة من بكرة مينفعش معايا انا الشغل ده
ههههههه
عادى انت فاكر يعنى العسكرى ولا امين الشرطة ده امين ولا فيه صفة الامانة ابدااااااا
بس ماشاء الله على الحاج مش خايف يتحسد :)

norahaty يقول...

حاميهااااااااااااا
حاااااااااميها برضه
يسلم الكى بورد بتاعتك
يااستاذ منتصرررررررررر
ياهوه معلش نسيت فيها ايه؟
تسلم الكى بورد بتاعتك
ياريس حلف ابر اجيبت
مظبوط كده ولا لسه؟

norahaty يقول...

ايوووووووه انا تانى
واعوذ بالله من قول انا
بس حبيت اقولك خدت بالك
ولا ما خدتش بااااااااالك؟

norahaty يقول...

طيب لو ما كنتش اخدت بالك
ياأستاذ منتصرررررررررررر
اقولك بقى وامرى والثواب لله
اصل لو فعلا كنت قلت غير كده
ماكناش حنقدر نعلق على الموضوع
الداخلية مراقبة الاماكن كلااااتها
وبالذات المدونات بتاعة الناس المهمين زى حضرتك.

norahaty يقول...

انا عارفة انك الاستاذ المعتصم
بس كنت باختبرك:فاكر اسمك ولا لأ؟

ايوشة يقول...

norahaty
ههههههههه حرام عليكى انا اتلخبطت بجد وشكيت انى الوقت ده كله اسمه المعتصم لما عمالة تقولى منتصر منتصر

المهم انا اعلنت استقالتى ومش هستنى حد يعفينى من الخدمة وعلى راى الست ام كلثوم اصون كرامتى :(

norahaty يقول...

بعد اذنك ياريس البر والبحر
عايزة ابعت لايوشة رسالة من عندك
(ربنا يخليك ياريسنا ويجعل مدونتك عمار ..............بينا طبعاً:)
ياايوشة انا عايزة اعلق على مواضيعك لكن مش عارفة ليه؟

Sweet Violet يقول...

رئيس الشارع بتاعه يدخل فيه حرامى !!!!!

تؤتؤتؤتؤتؤتؤتؤتؤتؤ كده اكيد فى حاجة غلط خالص

انا بقول الاستقالة بتاعتك ترفق مع البوست ده افضل

اذا كان من اولها كده امال لما تمسك شوية هيحصل ايه

(اياك تفهمنى صح و تقول انى فرحانة فيك ولا حاجة ((: )

جد بقى

بغض النظر عن اللى حصل فى الاخر لكن عجبنى ان الكل اتصرف و مش قال انا مالى

اما بقى عمو الشرطى فده فكرنى بالسواق لما كان عايز بردو يسيب الحرامى يكمل و لما الكل اعترض نزله بكل هدوووووء

بس طبعا تصرف عمو الشرطى كان مستفز اكتر

بس من الواضح بردو ان عمو الشرطى مش بيحب يقطع عيش حد (بلاش نبقى شعب وحش كده و نظن السوء فى العالم دى D: )

لكن بردو الاستقالة تتقدم بقى لان الموضوع بقى مش لطيف خالص

و النسكافة موجود فى البلد و مش فى حد هيقدر يمنعه زى الحرامى بالظبط نيهاهاهاهاهاهاها

غير معرف يقول...

الموضوع كبير..

إنت تقصد مين بالحرامي؟؟

ابو صهيب ( الجمعاوي الاصيل)سابقاً يقول...

احـتـرامــي.. لـلـحـرامــي

صاحب المجـد العصامـي

صبـر مـع حنكـةوحيطـة

وابـتـدا بسـرقـة بسـيـطـة

وبعـدهـا سـرقـةبسيـطـة

وبعـدهـا تَـعـدى محـيـطـه

وصار في الصف الأمامي

احـتـرامــي.. لـلـحـرامــي

احـتـرامــي.. لـلـحـرامــي

صاحب المجـد العصامـي

صاحـب النفـس العفيـفـة

صـاحــب الـيــد النظـيـفـة

جـاب هالـثـروة المخيـفـة

من معاشـه فـي الوظيفـة

وصار في الصف الأمامي

احـتـرامــي.. لـلـحـرامــي

احـتـرامــي.. لـلـحـرامــي

صاحب المجـد العصامـي

يـولــي تطـبـيـق الـنـظــام

أولــــويــــة واهــتـــمـــام

مـــــا يــقـــرب لـلــحــرام

إلا فـــي جــنــح الــظــلام

صار في الصـف الأمامـي

احـتـرامــي.. لـلـحـرامــي

احـتـرامــي.. لـلـحـرامــي

صاحب المجـد العصامـي

يـســرق بـهـمـة دؤوبــــة

يـكــدح ويـمـلـي جـيـوبـه

يعـرق ويـرجـي المثـوبـة

مـا يـخـاف مــن العقـوبـة

صار في الصـف الأمامـي

احـتـرامــي.. لـلـحـرامــي

احـتـرامــي.. لـلـحـرامــي

صاحب المجـد العصامـي

صـار يحكـي فــي الفـضـا

عــن نـزاهـة مــا مـضــى

وكـيــف آمــــن بـالـقـضـا

وغيـر حقـه مــا ارتـضـى

صار في الصـف الأمامـي

احـتـرامــي.. لـلـحـرامــي

احـتــرامــي لـلـنــكــوص

عــن قوانـيـن ونـصـوص

احــتــرامـــي لــلــفــســاد

وأكــــل أمــــوال الـعـبــاد

والــجــشــع والازديــــــاد

والـتـحــول فــــي الــبــلاد

مـن عمومـي للخـصـوص

احـتــرامــي لــلــصــوص

يوميات شاب منوفى يقول...

هو انا لسة عارف ان حاميها حرميها دة من زمان
ياعمى عندنا عصابة كبيرة بتسرق والمباحث عرفها ومطنش اويمكن بيقسموا مع بعض ونرجع نقول هى دى مصر يامحسن

ريمان يقول...

هههههههههههههههههههه

ههههههههههههههههههههههه


هههههههههههههههههههههههههههه


هههههههههههههههههههههههههههه


ياحلولى ياحلولى


بعد ده كللللللللللله وهرررررررررب


سيدى يا سيدى

يلا كل سرقه بقى وانتم طيبيييييين

هههههههههههههه


بقولك ايه من حق
بلاش تقول اسم النبى حارسه وصاينه دى

ها

اسم البنى مش بيحرس ولا يصون

المهم قفل كويس اوى اوى على باب الشقه والشبابيك


وكمان خلى بالك من مصطفى الصغنون

ربنا يستر عليه

الواد عامل زى لهطه القشطه

ممكن يتخطف

ghorBty يقول...

السلام عليكم

جزاك الله خيرا ضحتني بجد وانا مضايقه :(..

ربنا يرحمنا من حاميها حاميها دول

ويعوض علينا عوض الصابرين ..

أحمد سعيد بسيوني يقول...

ميكونش الحرامي اخوه اصلا

او ممكن بيقسم معاه

المعتصم يقول...

بسم الله الرحمن الرحيم
السلام عليكم ورحمة الله وبركاته
*************
د/ستيته
تحياتى
ويعنى انا هنكر ان الحاج هو اللى مسك الحرامى ليه؟؟
ماهو ده اللى حصل فعلا
وبعدين ايه جيل السمن البلدى ؟؟؟ طب ماانا كل حاجه باكلها بتبقى بالسمن البلدى برضو
بس دول جيل السمن البلدى والهوا البلدى والبركه البلدى والمحبه بينهم البلدى وكانت كل حاجه بلدى بلدى
ربنا يفرحك على طول ويسعدك يادكتورة
نورتى المدونه
تحياتى ودمتِ بكل خير وود
*************
بسمه صلاح
تحياتى
اكيد طبعا اهلا بسموك
مش محتاجه كلام يعنى
هههههههههههههههه
يارب خلى بابا وبارك لى فيه وفى عمره يارب
وفعلا هو عسول خالص انتى شوفتيه فين؟؟
هههههههههههههههه
وعليه العوض فى العربى ياناس
الحمد لله كله تمام والامن مستتب وكل حاجه ماشيه حسب الخطه الموضوعه
ههههههههههههههه
نورتى المدونة
تحياتى ودمتِ بكل خير وود
*****************
موناليزا
تحياتى
لا ماتقلقيش هو من الاخر كده اتظبط تمام التمام
اسعدنى مرورك
تحياتى ودمتِ بكل خير وود
***************
د/ياسر
تحياتى ياوزير الصحه
مش عارف اقولك ايه يااخى
ربنا يخليك ليا
دايما رافع من روحى المعدنيه
ههههههههههههههههههه
وتفتكر يعنى فى القسم هيعملوله حاجه ؟؟
ولا الدموع وحياتك
انما اطمن هو اخد ضرب بعشر سرقات
يعنى اخد حقه وزياده
نورت يادكترة
تحياتى ودمت بكل خير وود
*************
فنونه
تحياتى
انا ولا اعرفك
حاميها حاميها يابنتى وماتوديناش ورا الشمس
وبعدين الدنيا رايحه بس محدش عارف هى رايحه فين انما احنا لو قلنا عارفين هنروح فين وانا مش بحب المكان ده
هههههههههههههههههههههه
يارب يخلي لى بابا يارب
وبعدين لسه برضو فيه رجاله وماتخبطيش فى الحلل انا بقولك اهو
هههههههههههههههه
لسه الموضه بتاعة الحرامى موجوده اصل احنا صعايده ومش بنحب الموضه فى كل حاجه
معاكى حق طبعا اكيد السيجارة اهم من اى حاجه تانى
ههههههههههههههههه
...........
بالنسبه لابراهيم الفقى والله دى اراء والاختلاف فى الرأى لايفسد للود قضيه
نورتى المدونة يافنونه
تحياتى ودمتِ بكل خير وود
*****************
ايوشه بنت خالى
تحياتى
وعليكم السلام ورحمة الله وبركاته
وايه يعنى لما حرامى ييجى شارعنا ؟؟
انا رئيس حلف ديموقراطى
وكمان اللى مسكه مش غريب يعنى ده ابو رئيس الحلف يعنى ماطلعتش بره
انتى اللى بتتلككى وخلاص
شكلك كده مش قد الشغل واخدتى على قعدة البيت
ع العموم براحتك واستقالتك مقبوله
بس كده مالكيش الحق فى مكافأة نهاية الخدمه
انا بقولك اهه
وربنا يستر على بابا لاحسن يتحسد بجد
انا عاوز ارقيه
ههههههههههههههههههههههه
نورتى المدونه
تحياتى ودمتِ بكل خير وود
************
الدكتورة نور
عندنا
يامرحبا يامرحبا
وماله نمشيهامنتصر مش عتفرق كتير
وكله مظبوط
............
يامرحب تانى يادكتورة
واكيد طبعا اخدت بالى
بس عملت مااخدتش
مش كده احسن
..............
طب ماهو انا كاتب البوست كله علشان الحتة دى تحديدا
بس انتى الحقيقه بارك الله فيكى على التوضيح الخطير ده
وربنا يسترها علينا يارب
..............
هو فيه ايه ؟؟
هو احتلال ولا ايه ؟؟
المعتصم مين ؟؟ فين ؟؟
ايه ده ؟
دا صحيح طلع انا
يللا حصل خير وكويس انك فكرتينى
كويس انها ماجتش من حد غريب
ههههههههههههههههههه
نورتى يادكتورة
تحياتى ودمتِ بكل خير وود
***************
ايوشه بنت خالى
منتصر من معتصم مافرقتش كتييير
بس انا اقلتك قبل ماتعلنى انتى الاستقاله ونشوف التاريخ بتاع التعليقين ونحكم الناس
ايه رايك ؟؟؟
انا تقريبا اقلتك قبل ماتكتبى التعليق ده بحوالى ساعتين
ههههههههههههههههههههه
******************
ماشى يادكتورة
المدونه كلها تحت امرك
ومافيش داعى يعنى لكل وصلات المدح دى
كلمتين بس يبقو كفايه
هههههههههههههههههه
هى اصلا المدونة بتاعة ايوشه بتخرف زى ناس ومافيش داعى اقول مين
هههههههههههه
******************
سويت هانم
تحياتى
وايه يعنى انا رئيس ديموقراطى
ومش هستقيل
وقاعد على قلبكم
وماتقلقيش انا فاهمك غلط خالص
وبعدين الناس هتقول انا مالى ليه
بالعكس الموقف هنا كان فيه نوع من انواع التفريغ عن الكبت اللى الناس عايشه فيه وماصدقو وقعوا فى الحرامى علشان يخلصوه
هههههههههههههههههه
اه تصدقى الامين ده عامل زى السواق اياه
ومش هستقيل وقاعد
وعلى فكرة دى اخر شحنة نسكافيه موجوده فى البلد وشوفى لما تخلص
هههههههههههههههههههه
نورتى المدونة
تحياتى ودمتِ بكل خير وود
****************
غير معروف
تحياتى يامحمد افندى
انا اقصد الحرامى يامحمد
ماتوديناش فى داهيه
مافيش اسقاط هنا ياعمنا
نورت
تحياتى ودمت بكل خير وود
************
ابوصهيب
تحياتى
اهلا بيك فى اول زيارة
بس كل ده مدح فى الحرامى
انا كده هغير منه
ههههههههههههههههههههههه
بس بجد تسلم ايدك القصيده دى حلوة خالص
نورت المدونة وياريت ماتكونش اخر زيارة
تحياتى ودمت بكل خير وود
****************
يوميات شاب منوفى
تحياتى
اهلا بحضرتك فى اول زيارة
ياعمنا انا مااعرفش غير ان حاميها هو حاميها
موضوع حراميها ده ماليش دعوة بيه
ههههههههههههههه
انتو ناس مسنودين ياعم انما احنا ناس غلابه
وارجع اقولك فعلا هى دى مصر يامحسن
ههههههههههههه
نورت المدونة ويارب ماتكونش اخر زيارة
تحياتى ودمت بكل خير وود
****************
ريمان
تحياتى
الحمد لله انك ضحكتى قوى كده
اه هرب
عادى يعنى
ده الوضع الطبيعى
وانتى طيبه
حاضر مش هنقولها تانى
علم وينفذ ياافندم
وماتقلقيش انا مقفل كويس
ده اللى يبص كده على الواد الصغنن
دا يبقى اخر نفس فى صدره لانه مش هيلحق يكمل اليوم
وصلى على النبى كده (خمسه وخميسه)وامسكى الخشب
هههههههههههههههههه
نورتى المدونة
تحياتى ودمتِ بكل خير وود
***************
غربتى
اختى الكريمه
تحياتى
الحمد لله انك ضحكتى
دى حاجه تفرحنى والله
وسلامتك من كل ضيق
ويارب يرحمنا من حاميها حاميها ويعوض علينا عوض الصابرين اللهم امين
اسعدنى مرورك
تحياتى ودمتِ بكل خير وود
*************
د/ احمد سعيد بسيونى
تحياتى
منور المدونة يادكتره
لا ياعمنا مش اخوه
ماانا عرفت اسم الحرامى الثلاثى
وعارف اسم الامين الرباعى
بس هو زى ماتقول كده رب اخ لم تلده امك
فاهمنى طبعا
ههههههههههههههههههههههه
نورت المدونة يادكترة
تحياتى ودمت بكل خير وود
والسلام عليكم ورحمة الله وبركاته

ايوشة يقول...

هى اصلا المدونة بتاعة ايوشه بتخرف زى ناس ومافيش داعى اقول مين



مش عارفة حاسه الكلام ده موجه ليا انا هقول ربنا يسامحك :(

كيــــــــــــارا يقول...

(ياعينى الواد هياخد بعدها اربع غرز بسبب غبائه المستحكم)

ماهو لو كان جرى من ناحيتى انا كنت هسيبه لانى كان نفسى مقطوع

*****************

هههههههههههههههههههههههههههههههههههههههههههههههههههههههههههههههه

ههههههههههههههههههههههههههههه

موتني من الضحك بجد


بس عادي انه هيسيبه طالما مش في حد منكم راح وصمم علي عمل المحضر

MaNoOoSh يقول...

تخيل بقى غيظك لو كنت انت اللى مسكت الحرامى وعرفت فى الاخر انه هرب بردة
هههههههههههههههههه
بس مش عارفة ليييييييييييييييييه ياربى بشبه على التوحفة اللى فى ايد الحرامى اللى فى الصورة؟

wesoooooooooo يقول...

السلام عليكم
وتفتكر برضه العسكرى كان بيولع سيجاره ياضنايا ولا بريزه كبيره دخلت جيبه جاب بيها حق السجاير
بس عفارم ع الوالد الصراحه
أمانه عليك توصله تحياتى
وبعدين ده العادى بتاع بلدنا مستغرب ليه
يابنى ابتسم انت فى جمهورية مصر العربيه
وسلملى ع الشرطه
وبعدين حرام عليك يأخى مش كفايه الترويقه اللى أخدها فى الشارع عندكو
أعذرنى ع التأخير أخى المعتصم بس ده لظروف مش بإيدى
إن شاء الله مش تكرر
تحياتى
ودمت بكل خير

المعتصم يقول...

بسم الله الرحمن الرحيم
السلام عليكم ورحمة الله وبركاته
***********
ايوشه بنت خالى
تحياتى
ايه يعنى لما اغلس عليكى شويه
هو مش انتى بنت خالى
يبقى عادى يعنى لما اهزر هزار رخم حبتين
مافيهاش حاجه
انما انتى عارفه كويس انه هزار ومش جد
تحياتى ودمتِ بكل خير وود
************
كيارا
تحياتى
حمدالله على السلامه
الحمد لله انك ضحكتى
بجد دى حاجه بتفرحنى
وبعدين كده كده احنا كنا عارفين انه هيسيبه
امال يعنى فاكرة انى ممكن اراهن على حاجه وانا شاكك انى ممكن اخسرها وادفع؟؟؟؟
عيب كده ازعل منك
هههههههههههههههههه
نورتى المدونة
تحياتى ودمتِ بكل خير وود
***************
منوووووووش
تحياتى
حمدالله على السلامه على رجوعك من الدقهليه
(اكلتى هناك سمك ولا ايه ؟؟)
مكنتش هتغاظ ولا حاجه
لاننا فى العادى بنخلص حقنا قبل ماالحرامى يروح القسم فبتبقى مش فارقه
ههههههههههههههههههههههه
ده انا حاطط صورة الحرامى اللى سارق اللوحه دى مخصوص بسببك
مش قادر انسى موضوع الـ80000000$
عاملى وش فى نافوخى
هههههههههههههههههههههه
وقعدت اقارن بين حرامى الخرده وبتاع الصورة دى
هههههههههههههههههههههه
احنا شعب مسكين فى كل حاجه
نورتى المدونة
تحياتى ودمتِ بكل خير وود
**************
وسام
وعليكم السلام ورحمة الله وبركاته
تحياتى
نورتى المدونه
ولا يهمك من التاخير
المهم ان الظروف ان شاء الله تكون خلصت على خير يارب
لا هو امين الشرطه كان بيولع السيجارة بجد علشان مانبقاش بنظلم حد
لانى فتشت الحرامى ماكنش معاه فلوس ساعتها
هو الاتفاق انها هتكون ورقه بحنطور وتوصل دليفرى بالليل على القهوة
بلاش سوء الظن اللى فينا ده حراااام
بس بجد انا خايف على ابويا ليتحسد
ههههههههههههههههههههههههههههه
حمدالله على السلامه
اسعدنى مرورك
تحياتى ودمتِ بكل خير وود
والسلام عليكم ورحمة الله و بركاته

zainab يقول...

االسلام عليكم


أخى المعتصم

كيف حالك و حال مصطفى الصغنون ؟؟؟؟؟؟


ايه موضوع الحرامى ده بجد ولا هزار؟؟؟؟؟؟؟؟؟؟!!!!!!!!!!!!!!!

ربنا يعطيه الصحه عمى الحاج
يمسك الحرامى و انت واقف تتفرج عليه

zainab يقول...

أاااااااااااااااااه نسيت صحيح

بقالى فترة كبيرة ما نورتش عندك طبعا أنا عارفه

اه صحيح كمان نسيت انت عملت ايه فى موضوع شغلك ؟؟؟؟؟؟

المعتصم يقول...

بسم الله الرحمن الرحيم
السلام عليكم ورحمة الله وبركاته
اختى زينب
وعليكم السلام ورحمة الله وبركاته
حمدالله على سلامتك
طالت الغيبه
عاوز اقولك على حاجه ومش عارف هتصدقينى ولا لأ
والله العظيم لسه من ربع ساعه وقبل مااشغل الجهاز جيتى على بالى وقلت اسأل عليكى ريمان انتى بقالك فترة غايبه ليه
وسبحان الله العلى العظيم
اشغل الجهاز والاقى تعليقك
...........
انا الحمد لله فى احسن الاحوال
وكمان مصطفى الصغنون زى الفل الحمد لله
اما بقى موضوع الحرامى ده
فالموضوع بجد وصح مليون فى الميه
بس هو لما بابا مسكه انا مكنتش واقف ساكت يازينب انا كان نفسى مقطوع من الجرى ولا انتى مش واخده بالك
هههههههههههههه
ربنا يكرمك ويفرح قلبك
اخبار عبدالبر ايه ؟؟؟
قربنا ولا لسه ؟؟؟؟؟؟؟؟
........
انا استلمت الشغل واهو ماشى الحال الحمد لله وان كان العيال مطلعين عنيا
ههههههههههههه
اكيد وبكل تأكيد نورتى المدونة ومش المدونة بس
لأ ده انتى نورتى بلوجر كله ياعروستنا الجميلة
اسعدتنى زيارتك جدا يازينب
تحياتى ودمتى بكل خير وود
والسلام عليكم ورحمة الله وبركاته

mimi يقول...

الحرامي ده بقي .. جه عندنا الحتة بتاعتنا ....

وخدنالك بتارك يا ريس ...

وتحيا مصر

السلامو عليكو