بسم الله الرحمن الرحيم
السلام عليكم ورحمة الله وبركاته
اولا انا بشكر كل اللى سأل عليا اثناء سفرى
وكل اللى زار المدونة
وكل اللى دعالى دعوة كويسه
وكل اللى ماعزمنيش (وهما عارفين نفسهم)
هههههههههههههههه
الحمد لله انا رجعت بلدنا العزيزة بالسلامه
نيجى بقى للسؤال وياريت كل واحد يجاوب عليه بس بعد تفكير شويه
هو ممكن حد يحب حد من غير مايشوفه ؟؟؟؟
يعنى مثلا واحد يحب واحده من غير مايشوفها او يتعرف عليها كويس ؟؟
مستنى اجاباتكم وردكم
تحياتى ودمتم بكل خير وود
والسلام عليكم ورحمة الله وبركاته
هناك 54 تعليقًا:
انا اول تعليق لالا مش معقول اوك يلا نسيب ده ونعلق في التاني
اولا الحمدلله على سلامتك تانيا انه حد يحب حد من غير مايشوفه فالحكاية دي انا مش مقتنعه بيها
اقولك ليه
في اللحظة دي مابيكونش اسمه حب لا بيكون اسمة اعجاب اما بالشخصية او الشكل الخارجي او حجات تانية
ممكن تشوف شخص او شخصه عمل او عملت حاجة انت بتحب تعملها فانت بقى تقول لنفسك ايه
ايوة دا الشخص دا يشبه ليا يعني اكيد هوه ده ومافيش غيرة
بس سبحان الله اكيد انت عارف المثل البيقول تعرف فلان تقوله ايوة فبيقول عاشرتة تقوله لا هيقولك يبقى انت ماتعرفوش
يعني ماينفعش نحكم على شخص اننا حابيناه من لاشئ لازم تعرف عنه كل شئ عشان تديله اللقب الكبير ده
يعني ممكن تقول دلوقتي انا معجب بيه مش بحبه
ولما تعرفه وتتاكد كويس انه الصح ساعتها تحكم انك حبيته
سوري لو طولت عليك
تحياتي
السلام عليكم
ازييييييييييك
حمد الله ع السلامه
مش تنسى تببقى تشوف ردى عليك على مدونتى
ها
ههههههههههه
نجى بقه للسؤال
فعلا ممكن اكيد طبعا بيحصل حب من قبل ما هما يشوفوا بعض او مش يكلموا بعض كتير
انت عارف ان الرواح جنود مجنده ما تعارف منها أئتلف
هى دى بتبقى حاجات روحيه كده
ممكن مثلا واحد مش بيشوف واحده بس مجرد بيكلمها ممكن يحس انه عارفها من زمان وبالتالى بيحبها من غير ما سبب كده
بتحصل كتير دايما
وكتير كنت بتكلم مع اصحابى فى النقطه دى
بس علىفكره
و بيكون اعجاب على حدود الحب
وبعد كده ممكن يتحول لحب حب يعنى
وبعدين بقى انا لسه صغننه مش ينفع اتكلم فى الكلام ده
انت عايز عرسانى زياد وبيرو يقطعونى ولا ايه
ههههههههههههههه
بحب اغيظك اوى
مش عارفه ليه
بتصيح في المنطوقة؟
انت اللي موش عاوز تتعزم والا كنت نوهت وأشرت من قبلها
كونك مش عاوز تعزمنا في اسيوط فده موش بمزاجك انا بتعزم اجباري وبنط بلا اي خجل وبفرض نفسي بتباتة
كنت استنى ومتقولش انك اسيوطي بخيل لحد ما اجوزك البت مانوسة .. يالا العار كول شيء انكشفن وبان
انا مش مصدقة ان ام زربيح سمعت كلام النطع .. اصل الكلام ده كبير قوي
مش مونكن يا مصطفى باشا تكون الحدوتة زي ما انت حكيتها وتكون دي نهايتها .. على العموم اللي يتبتر على نعمة ربنا واللي يظلم ده رايح في توكر
نيجي للبوست
آه مونكن حد يتدله حبا وهياما عبر الأثير ويكون متوافق فكريا وعاطفيا ومزاجيا كمان بس بعد كده
يا يكونوا زي ما حكوا بدون كذب وكمان اول ما يشوفوا بعض يحصل قبول وساعتها سمعني سلام يا دبلة الخطوبة رايحين اسيوط كلنا
يا يكونوا فعلا صادقين وكل اللي حلموا بيه حقيقي بس الرؤية تقر في النفس كمن شاهد عائشة الكيلاني واسماعين ياسين "يعني ربنا ميجبش قبول قلبي بعد النظر" وساعتها سمعني سلام كن صديقي .. كن صديقي
يا يكونوا كدابين "او احدهم" وسرحوا ببعض بقناع رومانسي مثالي رائع
وساعتها سمعني سلام "بحبك يا حمار"
المصيبة في الموضوع ده كله هل بعد الحب والتفاهم والهيء والميء والشخاليل ها يتم توفيق زيجة ناجحة
يعني مش بعد الجواز ها يقولها عرفتك صايعة في شارع جامعة الدول النتية
واهله مش ها يرفضوا حب المحبوب لمحبوبه عن طريق الشبكة العقربية "اصل العنكبوت مش فاضي"
أنا جاى أقلك حمد الله على السلامة
ويارب يكون مانع غيابك خير
لكن بقى سؤالك
فمعنديش إجابة عنده بجد
حمدلله على السلامة يامعتصم
بالنسبة للسؤال انا فى نظرى ان الحب احترام وتفاهم وأمان وتقدير.. ولو الحاجات دى اتوفرت فى شخص اخر من غير ما نشوفة ممكن يكون حب صادق.. ولكن لما يشوفوا بعض لو متوفرش عامل القبول يبقى ساعتها هيتجرحوا هم الاتنين (دة على افتراض يعنى ان هم الاتنين مصارحين بعض وصادقين فى كلامهم)
بس كدة
بسم الله الرحمن الرحيم
السلام عليكم ورحمة الله وبركاته
***********
فنونة
تحياتى
ههههههههههههههههههه
اديكى طلعتى الاولى فى التعليقات عقبال بقى ماتطلعى الاولى فى الثانويه العامه
هههههههههههههههههه(لازم افكرك)
الله يسلمك
انا معاكى انه هو بيبقى اعجاب مش حب حب يعنى بس ممكن بعد كده لو اتقابلو وحصل القبول يبقى الاعجاب ده حب جامد
ولا يهمك طولى براحتك وبعدين كمان انتى اول تعليق يعنى من حقك تعملى كل اللى انتى عايزاه
هههههههههههههه
تحياتى ودمتى بكل خير وود
**************
ريمان هانم
وعليكم السلام ورحمة الله وبركاته
الله يسلمك والحمد لله انا تمام
على فكرة انا شوفت الرد بعد مانزلتيه بعشر دقايق وقريت كل اللى كتبتيه عن زياد وبيرو وبدل العريس اتنين وانك كمان ممكن تصلحى غلطتك وترجعى تانى للباشا الصغير ههههههههههههههههههههههههههه
هو مش بيبقى حب مرة واحده كده انما هو بيكون اعجاب كبير سهل جدا انه يتحول لحب اول مايلاقى الظروف المناسبه
وبعدين كفايه عليكى كده علشان انتى لسه صغنونة وماتفهميش فى الحاجات دى وعيب انك تتكلمى فيها
وكمان علشان عرسان الغبرة بتوعك مش يغيرو عليكى(اعملى عليهم ملوخيه دا انا ابن اخويا قمر قمر قمر وضوفره برقبة الاتنين مع بعض)
ههههههههههههههههههههههه
وخلى بالك انا مش بتغاظ بسهوله
انما حاولى يمكن تقدرى وانا عاوز اشوف اخر جهدك ايه هههههههههههههههههههههه
نورتى المدونة
تحياتى ودمتى بكل خير وود
*****************
د/ستيته حسب الله الحمش
اللى على راسه بطحه
هو انا كنت جيبت سيرتك فى حاجه
مافيه غيرك برضو ماعزمنيش وكتير(زى ماتكونو متفقين عليا مش عارف ليه)
وبعدين فيه اكتر من انى نزلت بوست قلت انى مسافر وكمان فى التعليقات قلت جهزو الغدا ولا بلاش غدا علشان يمكن مافيش وقت نخليها عشا واقعد استنى ان حد يبعتلى مسج ولا حتى يدينى رنه ابـــداًً
بقى كده ماشى ماشى
وبعدين اعملى حسابك بقى لو جيتى اسيوط وعزمتى نفسك مش هعملك عزومه عزومه يعنى علشان نبقى متفقين هه المعامله بالمثل هو يادوب اتنين كيلو لحمه من عند هديه الجزار وفرختين من عند الواد عبدالله وشوية رز على طبقين خضار على صينية بطاطس وبعد كده شوية فاكهه انما ماتحاوليش مش هعملك عزومه هه
كويس انه كول شيئ انكشفن وبان هو انتى كنتى منظرة عليا لمانوسه اااااااااااااه وانا اقول وكاتبه اسمى فى البتاع مصطفى باشا بتثبتينى
انما شوفتى ربنا بيحبنى ازاى
اكيد طبعا البت طالعه لامها وعضوة فى جمعية الفتاة المتوحشه
هههههههههههههههههههه
والله يادكتورة هو ده اللى حصل وسمعت كلام النطع والموضوع عكعك جامد والحمد لله على كل حال وهبقى ابعتلك التفاصيل بعد كده فى الميل
نيجى للبوست
هو موش بيتدله حبا وشوقا وهياما يعنى كده ده يبقى عبط انما هو ممكن يكون فى مرحلة الاعجاب بس هو الاعجاب زاد شويه ومستنى الخطوة الانتقاليه علشان يبقى حب
بس هى المصيبه فعلا فى الخطوة الانتقاليه دى (هفوت موضوع يادبلة الخطوبه رايحين اسيوط كلنا دى)
بس على فكرة هما مااتكلموش مع بعض بشكل شخصى يعنى كان الكلام فى مطلق العموم يعنى موضوع الصدق وزى ماهما حكوا ومش عارف ايه ده ماحصلش
انما فعلا هى كارثه لو هو طلع اسماعيل يس وهى شبه عائشه الكيلانى
بس متهيألى سلام كن صديقى مش هينفع برضو لانه هيكون فيه جرح
حكاية كدابين دى ماحصلتش لانهم مااتكلموش فى حاجه شخصيه او امور رومانسيه يعنى الموضوع مش هيوصل ل بحبك ياحمار
وبعدين ايه اللى دخل الدنيا فى الهئ والمئ والطبله والشخاليل ؟؟؟
وبعدين اصلا لو كان فيه جواز اكيد مش هيحصل موضوع الردح ده وشارع جامعة الدول لان الاتنين على قدر عالى من الوعى والثقافه
وبعدين اهله مالهم بالموضوع هو مين اللى هيتجوز هو ولا اهله ؟؟
وديتى العنكبوت فين ياستيته ؟؟؟ اوعى تكونى اخدتيه معمل الكليه تعملى عليه تجارب ؟؟
اطلعى بالعنكبوت بالتى هى احسن بدل ماابلغ عليكى ايون
هههههههههههههههههههه
نورتى المدونة يادكتورة
تحياتى ودمتى بكل خير وود
*****************
د/ياسر عمر عبدالفتاح
تحياتى يادكترة
الله يسلمك
والحمد لله على كل الاحوال يا باشا
وشكراً على سؤالك الكريم
معندكش اجابه على السؤال ليه ؟؟
فكر شويه بس وبعدها شوف هتلاقى له اجابه ولا لأ وحتى لو كانت الاجابه انه مافيش حب من غير مايشوفو بعض برضو دى وجهة نظر
عادى يعنى
نورت المدونة يادكتور
تحياتى ودمت بكل خير وود
**************
منوووووووووش
تحياتى
الله يسلمك
اكيد طبعا الحب كل الحاجات اللى قلتى عليها دى وزياده شويه كمان
بس انا سؤالى هنا هو انه هل ممكن اننا نعرف ده ونديه لحد من غير مانشوفه ؟؟
وبعدين هى المشكله اللى انتم كلكم مش واخدين بالكم منها انه ممكن طرف يكون حاسس بالاعجاب ده او الاحساس اللى احنا هنسميه حب وان الطرف التانى ممكن مايكونش حاسس بأى حاجه
وممكن ليه اكيد مش حاسس باى حاجه وهو هيحس منين يعنى ؟؟
وكمان بعد كده تبقى كارثه حكاية القبول دى ؟؟
الموضوع ده موضوع ملخبط مش كده ؟؟
هههههههههههههههههههههههه
نورتى المدونة(شوفتى الرد على تعليقك اللى فات؟؟؟؟)
تحياتى ودمتى بكل خير وود
والسلام عليكم ورحمة الله وبركاته
اولا حمدلله على السلامة
ثانيا ردا على اجابة سؤالك فالموضوع مش بيقى حب اوى ولكن المسألة ان الشخص من خلال كلامه مع شخص اخر ممكن يشعر بانجذاب او راحة مش بيحسها بنفس الاحساس مع حد تانى ودى بداية لشىء جميل بإذن الله ..
وربنا جل وعلا هو مؤلف القلوب ..
تحياااتى
حضرة الصعيدى الهمام
سلام الله ورحمته وبركاته
حمداً لله على سلامتك من مصر المحروسة وبلاش كلام فى السياسة العليا للبلد
أحسن إنت عارف كويس قوى إيه اللى هيحصلك وبعدين أرسلت لك الإيميل الجديد بتاعى ولم تتصل بى
وعموما الإيميل مرة أخرى
gwely_gwele@yahoo.com
وأنا فى إنتظار إتصالك
دمت بكل الحب
حضرة الصعيدى الهمام
سلام الله ورحمته وبركاته
حمداً لله على سلامتك من مصر المحروسة وبلاش كلام فى السياسة العليا للبلد
أحسن إنت عارف كويس قوى إيه اللى هيحصلك وبعدين أرسلت لك الإيميل الجديد بتاعى ولم تتصل بى
وعموما الإيميل مرة أخرى
gwely_gwele@yahoo.com
وأنا فى إنتظار إتصالك
دمت بكل الحب
السلام عليكم ورحمة الله وبركاته
يا عينى عليا وأنا قريت التدوينة قولت آه طبعا وكنت هكتب اشمعنى السؤال الغريب ده ما هو بحب أغلب المدونين والمدونات بجد وبدعيلهم كمان
لكن لما قريت التعليقات عرفت أن حضرتك تقصد الموضوع بشكل آخر العتب على النظر معلش :)
من وجهة نظرى بيحصل كده أنا جاوبت السؤال لكن لو تحدثنا عن نجاحه وتتويجه واستمراره فتلك نقرة أخرى طويييلة جدا تختلف باختلاف الظروف والمسببات يعنى لا أعتقد ممكن نعمم خطوط توحد الكل ولذا فهى تجربة لكل فرد فيها خبرته عنها
مش عارفة أصل الموضوع ده "متشابك" فعلا
هوة ممكن لو حد كان سأل حضرتك فيه تقوله كثرة الآراء هتلبخه أكتر :) وإنه أدرى بنفسه
حمدا لله على سلامة حضرتك وشكلنا كده هنقول مبارك قريييبا :) يارب إن شاء الله هقول مبروووك وأسبق الناس كلها بقه ولذا مبارك مقدما :)
احنا ناس ما بتصدق تفرح ووااااضح
أسعد الله قلبك ودمت بخير
حمدالله علي السلامه واعذرني علي التقصير
بالنسبة للسؤال هقول ايوه ومش هقول ليه
بس بيبقي فيه شي ناقص وهو التواصل
أى
أى أى أى
دة انا المقصودة بقى
وبعدين انت تطب فى اى وقت تتعملك عزومة فورية يا معتصم
وبالنوسبة لشنجوتش الشاورمة خلاص سماح بالف هنا وشفا المرة دى.. لكن المرة الجاية لامونكن ابدا
بس انا مبحبش الكبدة
خليها سوسيس بقى احسن المرة الجاية
-------
اما بالنسبة للسؤال الاول
ايوة طبعا احنا ممكن نحترم حد ونتفاهم معاه ونعجب بيه من غير ما نشوفة
ولكن يبقى القبول هو العائق لانة لو محصلش هيبقى كل اللى فات دة صداقة مش اكتر
وبالنسبة لان الطرف الاخر ميعرفش حاجة فدة صعب جدا لانة هيبقى اعجاب من طرف واحد يعنى من الاخر تعذيب وقهر ودموع تملا بحر
وفى الحالة دى نصيحتى التعمق شوية فى الصداقة والتمهل فى مشاعر الحب دى وفرملتها شوية لحين جس نبض الطرف الاخر
آآآآآآآآآآآآآآآآآه
يقطع الحب وسنينة
شفت التنهيدة العميكة دى
ههههههههههههههههه
والله دا تبع الإحساس لكن العواطف شيئ والواقع شيئ اَخر فالعواطف جزء من الواقع ولكن إذا أحببت واحده قبل أن تراها أو تتعرف عليها كويس فتأكد أنك حينما ستتعرف عليها سيزداد حبك لها
ايه كيارا قالتها يقطع الحب وسنينه ههههههههه
حب ايه بس فى الزمن ده انا حاسه ان الناس جالها هوس حب فى كل مكان حب حب والحب ولع فى الدرة
بنسبة للسؤالك مش هيكون حب خيكون مجرد اعجاب اصلا الحب ده ليه شرط اولها قبول للشكل وبعدين للتفكير والعقل والارتباط الفكرى والثقافى والاجتماعى وكل كلام الانشاء ده لكن اللى يقول ان بيحب واحدة من غير ما يشوفها معرفش بيضحك على نفسه وعلى البنت كمان
وخصوصا لو كانت موضوع على النت يبئا ازمة ازمة لان النت مش بيظهر اغلب جوانب الشخصية
وكفاية كده علشان تعبت اوىىىىىىىىى :)
انا اكيييييييييد عندى حول ولا عشى ليلى انا قريت تعليقات تانية خالص قبل ما رد هههههه
الظاهر لخبطت فى المدونات بس يلا الحمد لله بردو رديت فى سياق الموضوع يادى النيلة بخرف انا
بسم الله الرحمن الرحيم
السلام عليكم ورحمة الله وبركاته
**************
اختى الكريمة
نبض الحياة
تحياتى
الله يسلمك دا اولا
ثانياً بقى : ماهو احنا قلنا انه بيبقى نوع من الاعجاب بس احنا بنسميه حب
انما انتى شايفه يعنى انه ممكن يكون بدايه لشيئ جميل يعنى بدايه لحب فعلى
طيب كويس
بس ايه العمل بقى فى موضوع القبول
يعنى من الناحيه الشكليه والناحيه الماديه ..... الخ
مش دى ممكن تبقى كارثه ؟؟؟
ههههههههههههههههه
نورتى المدونة بمرورك الجميل
تحياتى ودمتى بكل خير وود
****************
اللؤلؤة
صديقى العزيز عمرو(المنوفى)
وعليكم السلام ورحمة الله وبركاته
تحياتى يا باشا
الله يسلمك ياعمنا
بس هو مين اللى بيتكلم فى السياسه ده؟
اكيد اكيد مش انا
انت ممكن تتكلم فى السياسه براحتك ياعم علشان انت مسنود من بلدياتك انما الناس الغلابه اللى زيى حلاتى ساكتين اهه وميعرفوش يعنى ايه الكلمه اللى انت بتقولها دى اصلا(الا هو يعنى ايه سياسه دى ؟؟؟؟؟؟)
ياعم انا ضفتك عندى على الميل وانت لسه مارديتش
على العموم انا هعمل اضافه تانى يمكن كان فيه غلطه فى المرة الاولى
منورنى ياصاحبى
تحياتى ودمت بكل خير وود
***************
اختى الكريمة
خديجه عبدالله
وعليكم السلام ورحمة الله وبركاته
تحياتى
هو مش ياعينى عليكى ولا حاجه
دا بس علشان انتى انسانه محترمه ومش بتفكرى الا فى الحاجات الكويسه الاول
بس ياريت تكونى بتدعيلى معاهم
هههههههههههههههههه
ماهى المصيبه كلها فى اننا عارفين انه بيحصل كده بس الكارثه فى اللى بعد كده
يعنى حكاية النجاح والفشل والقبول وكده
وبعدين بالراحه عليا شويه ايه الكلام الجامد ده ياخديجه ؟ الظروف والمسببات ونعمم خطوط توحد المش عارف ايه
ايه ده ؟؟
انتى بتتكلمى مع صعايده يا ماما يعنى لازم تترجمى علشان يفهموكى
مش كده ياخديجه لاحسن ازعل منك
ههههههههههههههههههههههههه
معاكى حق هو ادرى بنفسه
الله يسلمك يااختى بس اللى انتى بتقولى عليه ده مش هيحصل(اركحى ياخديجه بدل ماابويا يسمعك ويشبط فى الموضوع)
ايه هو انتى عاوزة فرح وتشبعى فيه زغارييت
اهدى شويه
اهدى
مش اللى فى بالك ده خالص
هههههههههههههههههههههه
نورتى المدونة بمرورك الجميل
تحياتى ودمتى بكل خير وود
****************
كيارا
ياخرااااااااااااااشى
هو انتى لسه فاكرانى ؟؟
معقوله دى
ولا انتى كنتى عارفه انى نازل كايرو فنفضتى علشان ماتعزمينيش عندكم على الغدا ؟؟ ييييييييييه هو انتى طلعتى منهم ؟؟؟ ياساتر يارب كلكم كده
هو ربنا وزع الكرم عند الصعايده بس ولا ايه ؟؟؟ ههههههههههههههههههههههه
تقصير ايه ؟ ولا يهمك بس المهم انك تكونى بخير وفى احسن الاحوال
اما بالنسبه للسؤال فماينفعش تقولى ايوة من غير توضيح
لازمن ولابد ايوة يبقى ليه علشان نعرف ايه اللى ممكن نستفيده من كلامك
ولا هو ايوة وخلاص كده
وكمان مااحنا بندور له على التواصل ده ومش عارفين نلاقيه ازاى
امممممممممممممممممممم
المشكله شكلها عويص
ماعلينا
المهم انك نورتى البوست كله النهارده
تحياتى ودمتى بكل خير وود
***************
منووووووش
ايوة ايوة
ثبتينى بكلمتين انتى كمان
طب ماانا كنت هناك محدش عزم ليه
ولا هو الكلام كتر بعد مارجعت بلدنا واتأكدتو انى فى البيت
اما للشنجوتش بقى المرة الجايه وعليكى خير بس برضو لو اتاخرتى هاكلو زى اللى قبله وانا هعملك ايه يعنى
وبعدين كل واحد حر فى اللى ياكلو لانى انا مااعرفش ايه هو السوسسيس ده فخلينى فى الكبده اضمن يااختى الله يسترك
ههههههههههههههههههه
طب مااحنا اتكلمنا فى الموضوع ده فى التعليق الاول وقلنا ممكن نحترم ونعجب وكل حاجه
بس لما نشوفه ويشوفنا ويحصل التواصل ياترى لو محصلش قبول ينفع يكون فيه صداقه بعد كده ؟؟؟ اعتقد والله اعلم انه هيكون صعب ولا ايه ؟؟
اما حكاية انه الطرف التانى مايعرفش وتعذيب وقهر ومش عارف ايه دى
نحلها ازاى ؟؟؟ ايه يعنى التعمق فى الصداقه؟؟ يعنى ازاى يعنى ؟؟
وبعدين كل دى تنهيده
عاوزة تولعيلى فى المدونة ؟؟؟
مطلعه التنهيده من المعاميك الجوانية خالص من الحته القبليه اللى مافيهاش هوا خالص
كده خطر على فكرة
هههههههههههههههه
تحياتى ودمتى بكل خير وود
****************
الشاعر محمد عبدالرحمن
تحياتى
واهلا بحضرتك فى اول زيارة يااستاذ محمد
رأيك حلو وجميل ومريح
انما اسمحلى انا شايف انه مش واقعى
مش يمكن لو اتعرفت عليها الحب ده يطلع وهم ومايكونش فيه قبول مثلا
يعنى مش شرط ان الحب ده هيستمر وانه كمان هيزيد
طبعا دى وجهات نظر والاختلاف فى الرأى لايفسد للود قضيه
انا سعيد بمرورك الجميل ويارب ماتكونش اخر زيارة
تحياتى ودمت بكل خير وود
***************
ايوشه بنت خالى
تحياتى
مليون مرة قلنا تنامى كويس وبعدين تبقى تعلقى على المواضيع
داخله كده تشبكى الدنيا كلها فى بعضها وخلاص
وبعدين فين كيارا اللى قالت يقطه الحب وسنينه
واساسا انتى وكيارا عاوزين تقطعو الحب ليه بس
هو اصلا فيه حد لاقيه ياناس ؟؟؟؟؟؟
ياساتر عليكم
وبعدين الناس جالها هوس حب علشان مش لاقيينه فبيحاولو يخترعو اى حاجه زيه ويسموها حب ويقنعو نفسهم بيه
ونشكر سيادتك على الاضافه الرهيبه بتاعة انه مش هيكون حب انما هيكون اعجاب (ياريت تشوفى اول تعليق فى المدونة هتلاقى نفس الكلام ههههههههههه)
هو الموضوع مش على النت قوى يعنى
اقولك روحى نامى احسن لغاية مانشوفلك حل فى موضوع الانيميا ده اللى مخليكى مش قادرة تكتبى كلمتين على بعض
اه على فكرة فيه حاجه اسمها فيروجلوبين دا حلو خالص للانيميا ابقى هاتى علبه منه(انا ممكن ابعتلك علبه عينه كده فى الخباثه بس ماتقوليش لحد) هو غالى شويه انما كويس
ههههههههههههههههههههههه
وبعدين ماانا عارف موضوع الحول والعشا الليلى ماتاخديش فى بالك عادى يعنى
الحمد لله انها جت فى المدونة بتاعىتى ماراحتش عند حد غريب
ههههههههههههههههه
نورتى المدونة يااختى الكريمه
تحياتى ودمتى بكل خير وود
والسلام عليكم ورحمة الله وبركاته
هو الحالة دي فعلا اسمها " إعجاب " + " جزئي " ,
لأنه مش بيكون إعجاب عام , بل إعجاب بـ" طريقة الكلام " فقط , فهذا الشيء الوحيد الذي يراه كل طرف من الآخر ,
أما باقي جوانب الشخصية فإنها لا تظهر إلا بالقرب ,
أما الحب فهو مرحلة متقدمة جدا لا تُوصل إلا بطول المعاشرة , و معرفة كل طرف بعيوب الآخر و تَقَبُّلها ,
شارك في الحملة من أجل إطلاق سراح
1-المدون دكتور / توكل مسعود
2- الناشط / ضياء الدين جاد
ممكن جدا جدا جدا جدا كمان
اعجاب حب انجذاب مودة انبهار
مشاعر كتير وكتيرة اوى ما بيبقى
عندك القوة ولا المعرفة انك تفصصها
(على رأى مسدس صغير)لكن بعيد عنك
بتجى كلها كده(باكيدج واحدة)
تنزل عليك بالراحة بالراحة
لما تقع فيها وانت بتقاوم
وبتكدب على نفسك وتقول
ابداًلاشمممممممكن ابدا
لا ممممممممممممممكن
ومممممممممممممكن
وممممممممممممكن
علشان ما نبطلش عادة لنا معلش
ربنا ما يقطع لنا عوايد يارب
التعليق التانى اهوة .يلا سلام
حلوه حلوه ريمان هانم دى
هههههههههههههههههههههههههه
السلام عليكم
انا كان نفسى اعلق من امبارح بس النت فصل عليا
المهم انت وحشتنا بجد
ومتغيبش تانى يا ريت
بالنسبه لسؤالك
طبعا ممكن يكون فى حب من غير متشوف الانسن ده
يعنى انا مثلا
بحبك فى الله بجد
ولكن لو كان قصدك حب وغرام وهيام وما شابه
وتعلق بالجنس الاخر
لا لا لا لا
استحاله مينفعش حد يتعلق بحد من غير ما يشوفه
ممكن بس ود وراحه ولكن تعلق وعاطفه ما أظنش
تحياتى ليك
مش بسال لاني في حاله مايعلم بيها الا ربنا من اول 10 ايام من 3 وقافله المدونه ومشاكل كدا ربنا يعدي كل شي علي خير
اما بقي بقول ممكن ليه
لان الاحساس والاعجاب والمشاعر مش في جاجه بتقف قدامها بنحس بناس والحب والانجذاب دا بيكون خطوة اولي وبتقوي بالرؤيه بعد كدا او بتموت
اللي بيحدد هو ان كانت المشاعر والحب دا صاادق ولا لا
يا عمدة حمدلله على السلامة
ونورت المدونة تاني اهلا اهلا اهلا
عن سؤالك يا باشا..
هارد بطريقة عارفة ان الكل بيغلطني فيها بس هاقولها بقى:
دلوقتي لو فرضنا الصدق في الطرفين.. فانا هاحب فيه شخصيته وروحه اراءه وفكره.. اسلوبه في الحياة مبادئه.. رؤيته للدنيا.. هاحب فيها كينونته.. هاحب شخصيته كلها على بعضها..
جميل اوي.. كده انا حبيت الروح اللي عشقها دايم.. لازم بقى اشوف الانسان ده
ممكن يبقى فيه محل حلو اوووووووووي من جوه بس وجهته مش حلوة او مش جذابة او ماتوظفتش صح مع بضاعة المحل.. ده بيوقف حال المحل
نرجع تاني لموضوعنا.. انا لما حبيت ده كله محتاج بقى اشوفه ولما اشوفه بقى فيه تلت حالات مالهمش رابع
اولا.. احس ان ده هو اللي انا حبيت فيه كل حاجة.. جميل من جوه ومن بره.. والجمال هنا مش عنين زرقه وشعر بني.. لا انى اعجبت بيه من جوه ومن بره.. حتى لو كان تو بك مثلا
ثانيا.. احس انى مش طايقة نافسي وافضل اقنب في نفسي على انى شوفته في خيالي حبيب ليا.. وده برضو مش علشان شكله وحش.. لا علشان مش هو ده اللي حبيته.. كان مثلا مثالي اوي في طريقته وبعدين ما قدرش يوصل نفس الفكرة ديه.. فكده هايبقى انتهى..
ثالثا بقى.. انى احس مش هو بس انا عايزة اكل ادور على اللي حبيته جواه.. عايزة اعرفه كله على بعضه بكدج واحدة.. مش حابة من جوه وحبه من بره..
فمكنن نحس بكده مع ناس ما شوفنهاش.. بس لازم نشوفها علشان نعرف هانحس تاني ولا خلاص
السلام عليكم
الف مليون خمسيه وسبعين وعشرتلاف
((زود ارقام لحد مايعجبك الرقم))
حمدلله ع السلامه يا استاذ مصطفى بيه
من ناحية السؤال
اه فيه بس مبيكونش حب حب يعني
هوا على حافة الحب
وممكن يتلاشى الاحساس دا في بعض الاحيان وممكن تحصل حاجات تقوي الحب دا اوي
ولو هحكي مش هخلص الموضوع كبير ويختلف من تجربة لأخرى
دمت بكل ود سيدي المعتصم
تحيـ بسومةــاتي(:
المعتصم الارواح جنود مجنده ما تعارف منها ااتلف فمن الممكن تأتى الالفه ثم يأتى الحب عن طريق تلاقى الارواح دون الرؤيه وتلاقى الارواح يكون بعدة طرق منها مجرد السماع عن الشخصيه وتكرار ذكر محاسنها او الحديث عن طريق التليفون او الشات بطريقه فيها استمراريه او القراءه المستمره عن شخصيه معينه وحبها والتعلق بها وكذلك سماع الصوت عن طريق الغناء كل هذا وغيره من الممكن ان يؤدى الى الحب بدون رؤيه أأسف للاطاله دمت فى طاعه
بداية حمدالله على السلامة ولو فيها غلاسة كنت فى كايرو ليه؟
أما عن سؤالك
ازاى هيحبها وهو ماشفهاش ؟؟؟
طب اتعرف عليها ازاى اصلا؟؟
مش عارفة ارد بس حاسة ان الموضوع مش مكتمل
اصل الحب ده حاجة كبيرة اوى ومش بالساهل كده يعنى
السلام عليكم ورحمة الله وبركاته
انا مش هجاوب عالسؤال دلوقتي غير لما افكر فيه كويس
لاني عارفه انك مش هتاخد غير برأيي أنا وهتسيبك من الناس دي كلها فعشان كدا هفكر كويس واكتبلك جوابي
(خذوا الحكمة من أفواه المجانين)
****************
أنا بس جاية اغلس واتقل دمي شوية بس للاسف مش عارفع لانه خفيييييييييف جدا مش راضي يتقل
سلام مشنكح..
السلام دا نوع خاص بشوشو هانم
بسم الله الرحمن الرحيم
السلام عليكم ورحمة الله وبركاته
****************
البشمهندس ابراهيم سلام
تحياتى
اولا اهلا بيك فى اول زيارة للمدونة
وياريت ماتكونش الاخيرة
ثانيا : انا متفق معاك ان ده مش حب بمعنى الحب وانه اعجاب بس
انما هو اعجاب حتى مش بطريقة الكلام ماهو ممكن يكونو مااتكلموش مع بعض انما هو الكلام كان فى العموم ومش فى الخصوص
وبعدين نعمل ايه فى موضوع القرب ده نجيبه منين ؟؟ ممكن يكون هو من مكان وهى من مكان تانى ؟؟ مثلا يعنى
وحتى لو ممكن يتقابلو ويشوفو الموضوع ده هيكمل ولا لأ يتفاتحو فى الموضوع ده ازاى بقى ياهندسه ؟؟؟؟؟؟؟؟؟
ههههههههههههههههههه
هندسها كده فى دماغك وبعدين ابقى قولى ماشى ؟؟؟ انا عارف انه موضوع ملكلك كده فى بعضه
نورت المدونة ياهندسه
تحياتى ودمت بكل خير وود
***************
م/الحسينى لزومى
تحياتى
طبعا وكالعاده مشرفنى بحمله وطنيه
هههههههههههههههه
بس يابشمهندس انا نفسى اعرف احنا نقدر نعمل ايه وانا مش هتأخر والله وهعمل معاكم على طول
نورت المدونة بمرورك
تحياتى ودمت بكل خير وود
**************
الدكتورة نور
تحياتى
ربنا مايقطعلك عاده يارب
بس ايه ده ؟؟ فين السلاك عليكم ورحمة الله تعالى وبركاته؟؟؟ ايه هنهزر ولا ايه؟ دا احنا لسه بنقول ربنا مايقطعلك عاده
هههههههههههههههههه
هو ممكن وكويس انك متفقه مع المبدأ
بس المشاعر الكتييييييييرة اوى دى يصارح بيها الطرف التانى ازاى بقى ؟؟ وكمان بعد كده لو افترضنا انه صارح بيها واتفقوا على اللقاء وحصل نوع من عدم القبول لأى سبب سواء بقى كان الشكل او غيره يبقى ايه اللى هيحصل ؟؟ الباكيدج كده هيقع ويتكسر ولا ايه الظروف ؟؟ انما انا معاكى فى انه كمية الممكن الكتير دى بتحصل
.......
ربنا مايقطعلك عاده بس هما كانو بيبقوا حوالى سبعمية تعليق مش بس اتنين هههههههههههههههههههه
نورتى المدونة يادكتورة
تحياتى ودمتى بكل خير وود
***************
ريمان هانم
الحمد لله انها عجبتك
هههههههههههههههههههههههه
***************
د/عرفه
وعليكم السلام ورحمة الله وبركاته
ازيك يادكتور محمد ؟ عامل ايه ؟؟ يارب تكون وكل الاسرة بكل خير وفى احسن احوال ان شاء الله
ياعم ولايهمك انت مجرد مرورك بس على المدونة بيسعدنى حتى لو ماعلقتش خالص
والله موضوع ماتغيبش تانى ده مش بايدى دى حاجه متعلقه بالظروف انما ربنا يسهل وهحاول
احبك الذى احببتنى فيه
يعلم الله انى بحبك زى ماتكون اخويا الصغير بالظبط
اما بقى عن الحب والغرام والانتقام ده والتعلق بالجنس الاخر فده مش بيبقى حب حب انما بيكون نوع من الاعجاب
انما اللى انا عاوز اناقشه هنا هو ممكن الاعجاب ده يتحول لحب بعد مايشوفو بعض وامكانية انهم يحصل بينهم تواصل وقبول ولو حصل رفض هل هيفضلوا اصدقاء ولا هيكون فيه شرخ حصل وماينفعش يكون فيه بينهم اى نوع من التواصل ؟
ياريت كده اكون وضحت لك الصورة ونتناقش فيها على كده وتفيدنى برأيك
نورت المدونة يادكترة
تحياتى ودمت بكل خير وود
***************
كيارا
كيكى هانم كعب الغزال منورانا (اختى الصغيرة بقى وبدلعها انا حر )
ربنا يخرجك من الحاله اللى انتى فيها دى ان شاء الله وتبقى فى احسن الاحوال دايما يارب
على فكرة انتى زى اخويا الصغير بالظبط دايما شهر مارس بينكت معاه فى مواقف مش ظريفه كده مش عارف ليه
ان شاء الله كل المشاكل تتحل
ولو فيه اى مشكله عاوزة تدخل من الصعايده احنا فى الخدمه قولى انتى بس اجيب الرجاله بالسلاح ونيجى على طول
انا معاكى ان الاعجاب والمشاعر مافيش حاجه بتقف قدامها وبنحس بيها على طول
بس بعد مانحس بيها هنعمل ايه ؟؟ وهنصارح الطرف التانى بيها ازاى ؟؟ وبعد كده لما نصارحه وعلى فرض انه قبلها نعمل ايه فى موضوع القبول الشكلى على الاقل ؟ ولو محصلش قبول ياترى ينفع انه يكون بينهم اى نوع من التواصل بعد كده ؟؟
موضوع رخم انا عارف وكل ماالواحد يجاوب على سؤال يطلعله مليون غيره صح؟
هههههههههههههههههه
نورتى المدونة ياكيارا وان شاء الله المرة الجايه تدخلى تقوليلى ان كل المشاكل اتحلت وخلصت على خير
تحياتى ودمتى بكل خير وود
****************
فتافيت
اهلا اهلا اهلا
منورة المدونة
الله يسلمك
عارفه ؟؟ انا بخاف من تعليقاتك فمابالك باجابه على سؤال ؟؟ ربنا يستر هه
الكلام كويس ومحدش يقدر يغلطك
والحالات التلاته زى الفل
بس نيجى للخلاصه واحد حس بحاجه زى كده عاوز بقى يعرف اذا كان الطرف التانى عنده قبول ولا لأ يعرفها ازاى ؟؟ وبعد كده يعمل ايه لو اتوجد القبول والتواصل بس بعد رؤية هلال رمضان محصلش القبول اللى هو زى ثانيا كده مثلا
هل ينفع انهم يفضلوا اصحاب ؟؟ او يكون فيه بينهم تواصل ؟؟ ولا كده يبقى خلاص بخ ويبقى بينهم تار ؟؟؟
حليها بقى ياام العريف
ههههههههههههههههههههههههه
وابقى استقبلى تليفونات على حسابى
خلى بالك انا مش بنسى ومش هفوتهالك بس اصبرى عليا شويه لما افوقلك
ههههههههههههههههه
نورتى يافتافيت هانم
تحياتى ودمتى بكل خير وود
**************
بسمه صلاح
وعليكم السلام ورحمة الله وبركاته
اهلا اهلا
كل دى حمدالله ع السلامة ؟؟ كتيييير قوى كده
الله يسلمك
يارب تكونى بخير ياهانم
احنا عارفين انه مابيكونش حب حب
هو اعجاب بس احنا بنتكلم انه ايه اللى يحصل علشان هو يخليه حب ويعمل ايه علشان يعرف الطرف التانى بالحب ده وبعد كده يبقى ازاى فيه تواصل وياترى بعد التواصل هيكون فيه قبول ولا لأ
اقولك
مالكيش دعوة انتى بالموضوع ده وخليكى فى الثانويه العامه احسن واسهل
هههههههههههههههههه
تحياتى ودمتى بكل خير وود
*************
بستان الحب
امنا الفاضله
تحياتى
واعتذارى عن تأخرى فى المرور بمدونتك الحبيبه ولكن هى الظروف
...
بالفعل الارواح جنود مجنده
لكن عملية الائتلاف دى ممكن تكون من طرف واحد بس
يبقى الطرف ده يعرف التانى ازاى ؟؟ وبعد كده ممكن مايحصلش قبول فتكون مشكله
وياترى بقى هنلاقى حل للمشكلة دى ولا لأ؟؟؟ يعنى ممكن حتى لو محصلش قبول انه يبقى فيه تواصل ولا كده يبقى خلاص كل حاجه انقطعت ؟؟
هو ده الموضوع
اسعدنى مرورك ونورتى المدونة
تحياتى ودمتى بكل خير وود
**************
اختى الكريمة موناليزا
تحياتى
الله يسلمك
مافيهاش غلاسه ولا حاجه
كنت فى قاهرة المعز لدين الله علشان اعمل مقابلة عمل فى شركة (أدويا)بتاعة الادويه علشان اشتغل فيها والحمد لله على كل حال مقابله وراحت لحالها ومالناش نصيب فيها وده كان المشوار الرئيسى
وبعد كده عملت كام مشوار كده وسلمت على بعض الاصدقاء الاعزاء ورجعت
....
ازاى هيحبها وهو ماشفهاش ؟؟ هو مش هيحبها كده على طول انما هو ممكن يكون معجب بأسلوبها وطريقة تفكيرها وكل لما يتناقشو مثلا فى موضوع عام او قضيه ما بيشوف انها بتفكر بأسلوب رصين وكمان متدينه يعنى العقل مع الدين وهو فارض الصدق فى كل كلامها
من هنا ابتدى اعجابه بيها
اتعرف عيها ازاى اصلا ؟؟؟
اولا هى ممكن تكون ماتعرفش انه معجب بيها وليه ممكن هى فعلا ماتعرفش انه معجب بيها
اتعرف عليها عادى على النت بس مش فى شات او فى موقع كده ولا كده
لا الاسلوب والطريقه كانت محترمه جدا وده كان من الاسباب اللى ادت للاعجاب ده
يعنى ممكن نمشيها انه قرا حاجه هى كانت كاتباها على النت وبعد كده عمل زى مابنعمل وساب تعليق وهى بعد كده ردت على تعليقه واستفساراته وكده يعنى (مشيها كده)
دلوقتى اديكى عرفتى حبها ازاى وهو ماشفهاش واتعرف عليها ازاى اصلا
قولى بقى ممكن يوصلها احساسه ده ازاى؟؟
وياترى بعد كده لو محصلش قبول ممكن يفضل فيه تواصل ؟؟
موضوع صعب صح؟؟
هههههههههههههههههههههههه
وبعدين ماهو اكيد الموضوع مش مكتمل ماهو لو مكتمل مكناش نقعد نحكى ونعيد ونزيد فيه كده وكان زمانهم يااما اتجوزو يااما انفصلوا وخلصونا من كل ده
هههههههههههههههههههههههه
بس على فكرة الحب على قد ماهو حاجه كبيرة قووووى انما بيحصل بسهوله قوووووووووووووى برضو
نورتى ومستنى بقى اجاباتك وتعليقك
تحياتى ودمتى بكل خير وود
والسلام عليكم ورحمة الله وبركاته
بسم الله الرحمن الرحيم
شوشو هانم
وعليكم السلام ورحمة الله وبركاته
ياســــــلام جيبتى من الاخر
ايه العقل ده
الحكمة دى فعلا فى الصميم
وعلشان كده انا مش هسمع غير كلامك
(كده يبقى عمرى ماهسمع حاجه خالص)
ياريت بقى تفكرى كويس وماتقوليش اى حاجه وبس كده
وماتنسيش تحطى طابع البوسته على الجواب اللى هتكتبيه
.........
طبعا الغلاسه بتاعة سيادتك بقت حاجه معهوده يعنى (بس بتسعدنى)
وابقى اشربى عسل كتير وانتى دمك يتقل
بس انا عاوز اعرف مين(النصاب)اللى قالك انك دمك خفيف
علشان لو كان دكتور اشتكيه فى وزارة الصحه يسحبه رخصتة
هههههههههههههههه
وماشى ياستى سلام مشنكح(ماانتى مجنونة)
هههههههههههههههههه
تحياتى ودمتى بكل خير وود
والسلام عليكم ورحمة الله وبركاته
السلام عليكم ورحمة
الله تعالى وبركاته
وصباح شريف افندم
وترشيد التعليقات :)
بس كفاية كده
السلام عليكم:)
عزومتك عندى الزيارة الجاية خلاص يا سي معتصم
وانا هشرحلك وجهة نظرى فى تعمق الصداقة
دلوقتى انا معجبة بشخصية واحد لدرجة انى مقتنعة ان هو دة البنى ادم الوحيد فى الدنيا اللى اختارة يشاركنى حياتى (حب حب يعنى مش مسح زور)
مبدأيا الشكل هيكون عامل ثانوى
ولو افترضنا انه محصلش قبول.. ازاى اخسر صديق فيه كل الصفات الحلوة دى
علشان كدة بقول الواحد يحاول يفرمل مشاعر الحب دى ويدى الامان للى قدامة علشان يثق فيه وبعدين يبقى فيه لقاء فى اطار مجموعة اصدقاء وساعتها بقى لو فيه قبول يبقى اجس نبض اللى قدامى
انا رغاية قوى انا عارفه وبفضل اجى كتير اخنق الناس وارد عليها
كل دة من الجوع
هههههههههههههههه
بسم الله الرحمن الرحيم
الدكتورة نور
وعليكم السلام ورحمة الله وبركاته
وصباح شريف عفيف نظيف معقم خالى الميكروبات
يعنى دلوقتى هتتبعى سياسة الترشيد
ايوة كده صح
هو احنا مش بنرشد الا فى الحاجه الكويسه
كده يبقى انتى اكيد اكيد من مصر
ههههههههههههههههههههه
نورتى المدونة يادكتورة
تحياتى ودمتى بكل خير وود
والسلام عليكم ورحمة الله وبركاته
بسم الله الرحمن الرحيم
السلام عليكم ورحمة الله وبركاته
منوووووش
تحياتى
الله اكبر
اهو هو ده الكلام
كده الواحد ينزل قاهرة المعز لدين الله وهو مطمن وفرحان وسعيد ومبسوط وشبعان كمان
هههههههههههههههههههههههههه
كلام جميل كلام معقول مقدرش اقول حاجه عنه
بس هو مجرد الاعجاب يبقى هو ده الانسان اللى خلاص مش هقدر اكمل حياتى من غيره
طبعا ماينفعش
وعلى فرض انى معجب بيه كده فأكيد مسألة الشكل عندى مش هتبقى فيها اى مشاكل (حبيبك يبلعلك الزلط) المشكله هتبقى عنده هو ولو حصل رفض انا كده هبقى انجرحت
ومتهيألى حد جرحنى علاقتى بيه حتى لو استمرت مش هتبقى قوية زى قبل مايعرف موضوع الاعجاب ده , ولا ايه ؟؟؟
ده رايى انا
نورتى المدونة وسيبك من الكلام الفاضى بتاعك بتاع بخنق الناس ومش عارف ايه
انا مستنى اعرف رأيك فى رأيى (حلوة صح؟)
تحياتى ودمتى بكل خير وود
والسلام عليكم ورحمة الله وبركاته
انا جاية اناكفك على فكرة
بص بقى
مهو انت مش هتبينلة اعجابك بيه قبل مايشوفك وتكونو خلاص بتثقوا فى بعض شوية وتكون وقعتة فى حبك خلاص
هع هع هع
(بس يا بت يا منوش بطلى لماضة شوية بقى)
بس انت فعلا عندك حق لما الواحد يترفض بيبقى مجروح لدرجة انه مش عايز يشوف وش اللى رفضة اساسا
يعنى لو حصلتلى انا هقعد اعيط كل ما اشوف منظرة الصراحة..
بس سيبك من عبط البنات
انا كنت فاكرة ان الردالة بيستحملوا عننا شوية!!!
السلام عليكم ورحمة الله وبركاتة
هوا انا اتأخرت ولا اية؟
على العموم معلش
ابقى احجز فى البوست القادم التعليق الاول
المهم الموضوع بتاع البوست
انا حبيت زوجى من قبل ما اشوفة او حتى اعرفة
اقولك ازاى؟
كنت كل اما الاقى البنات تتكلم انهم بيحبوا ابن الجيران او ابن خالهم او عمهم كدا يعنى
كنت انا احب زوجى اللى لسة معرفهوش اصلاوكنت كل لما اكبر احبة اكتر واقول اكيد هيبقى انسان محترم ومش هيحب حد غيرى زيى يعنى وفعلااتى اللى زوجى دون سابق معرفةعن طريق صديقتى فى المسجد كان صاحب زوجها وكان عاوز وحدة مؤدبة وبتاعت ربنا وصحبتى رشحتنى وجة زرنا فى بيتنا ومن خجلى مشفتهوش طول فترة الخطوبة
ولا قولنا كلمة حرام طول الخطوبة بفضل الله واول مرة كنت اشوفة بعيونى كان بعد العقد
المختصر المفيد لو حب فى طاعة الله ربنا هيبارك
اما لوغير كدا يبقى لاء
بسم الله الرحمن الرحيم
السلام عليكم ورحمة الله وبركاته
**************
منووووووش
تحياتى
ياستى ناكفى براحتك ولا يهمك
بس افرضى انه هو من مكان وانا من مكان تانى ومش هينفع اننا نتقابل الا لما نبقى متفقين على كده وده طبعا مش هيحصل الا لو انا صارحته
يبقى ايه العمل يانبيهه ؟؟؟؟؟؟؟؟
ههههههههههههههههههههههه
القلب عند الرجاله زى القلب عند البنات بس احنا اللى عاملين فيها بتاعه انما برضو بنزعل ونعيط وكمان بننتحر
ههههههههههههههههههههه
نورتى ومستنى الاجابه على السؤال اللى فوق ده
تحياتى ودمتى بكل خير وود
******************
حتى تشرق الشمس
وعليكم السلام ورحمة الله وبركاته
ام سلمى
تحياتى
ولا يهمك من التاخير
بس البوست الجديد نزل وانتى بتكتبى التعليق ومش هينفع احجزلك اول تعليق عليه لانه اتحجز واتكتب كمان
انما تتعوض مرة تانيه ان شاء الله
هههههههههه
ربنا قال الطيبون للطيبات وعلشان كده ربنا انعم عليكى بزوجك ومن عليه بيكى
وان شاء الله تفضلوا كده مع بعض وبتحبوا بعض وربنا يبارك فيكم طول العمر
انما يعنى افهم من كلامك انه ممكن يكون فيه اعجاب بين اتنين ماشافوش بعض ؟؟
طب دول ينفع يرتبطو مثلا ؟؟ طب وحكاية الشكل والظروف الاجتماعيه يعملوا فيها ايه ؟؟؟؟؟؟؟
ههههههههههههههههههههه
اسعدنى مرورك
تحياتى ودمتى (وسلمى) بكل خير وود
والسلام عليكم ورحمة الله وبركاته
هقولك ياسيدي
بعد اما بتحس ان فيه حب واعجاب هتصارحها وان كان فيه تبادل يبقي هتكمل بانك تروح بيتها واول لقاء هيكون قدام اهلها خلص الكلام والموضوع تم خير وبركه
اما اذا مش حصل القبول الاولاني اعتقد صعب تتكلموا تاني لان هيكون في حاجز صعب كمان هيبقي بعد وجود المشاعر ازاي هتبقي صداقه او اخوات مش ينفع
صداقة تبقي حب دي اه اما العكس مش ينفع
وان شاء الله المشاكل تروح كل شي وله نهاية
منك لله انت والل دلني علي مدونتك
بما انك طلبت رأيى يبقى لازم تستحملنى مهما قلت ومهما سألت
اتفقنا؟؟
اوكى هعتبرك موافق
- اولا: انت عايزها تعرف ليه؟
- ثانيا: ليه متوقع ان الاعجاب ده ممكن يتحول الى حب؟
- ثالثا بقى وده الاهم انت متوقع منها ايه؟
بص بقى واضح انك مش عايز تخسرها وعشان كده انا شايفة ان مالوش لازمة انها تعرف لان فى الغالب المواضيع دى نهايتها مابتكونش ظريفة للطرفين
مازلت فى انتظار اجاباتك
بسم الله الرحمن الرحيم
السلام عليكم ورحمة الله وبركاته
****************
كيارا
تحياتى
قولى ياستى
يعنى انتى شايفه انه اصارحها واشوف رد فعلها
طب لو قالت عليا عبيط يبقى ايه العمل ؟؟؟
ماهى ممكن تكون من الناس اللى مايصدقوش انه ممكن حد يحب حد من غير مايشوفه
وبعدين افرضى كمان قبلت ووافقت بس بعد كده انا لما اشوفها مثلا مايحصلش قبول هعمل ايه ساعتها؟؟ وكده انا هبقى جرحتها جرح كبير قووووى
يبقى كده ماينفعش
وانا متفق معاكى فى موضوع الحب والصداقه ده وانه ماينفعش بعد الحب يكون فيه صداقه
وان شاء الله كل المشاكل تروح وماترجعش تانى ابدا
نورتى المدونة
تحياتى ودمتى بكل خير وود
**************
عقل مهوى
تحياتى
طبعا اهلا بيك فى اول زيارة
بس ليه الدخله دى ؟؟
وبعدين ماكلنا مننا لله هو فيه ح يعنى هيبقى منه لحد تانى غير الله ؟؟؟
هههههههههههههههههههه
انما قولى بقى مين اللى بيكرهك قوووى ده ودلك على المدونة العبيطه بتاعتى دى ؟؟؟ انت لازم ماتسكتلوش وتتخذ معاه موقف حاسم صارم جازم قاطع
ههههههههههههههههههه
نورت بمرورك (اخر بوست بتاعك قبل ماتموت ياريت لو حصل تبقى تعرفنى علشان اعمل الواجب بس)
تحياتى ودمت بكل خير وود
*************
موناليزا
تحياتى
اوكى انا موافق وهستحملك للاخر خالص لحد ماتزهقى انتى
اولا : عاوزها تعرف علشان اشوف اخرة الاعجاب ده ايه ؟ مش يمكن ربنا يكون رايد ويحصل فى الامور امور وتكون هى مثلا قسمتى ونصيبى ؟؟
ثانيا : مين اللى قال انى متوقع ان الاعجاب ده هيبقى حب ؟؟ انا بسأل هل هو ممكن يبقى حب ولا لأ
بس هو ممكن يبقى حب فى حالة لو الطرفين حصل بينهم قبول فى الحاله دى اعتقد بنسبة كبيرة خالص (حوالى 105%) انه هيبقى حب
ثالثا : انا مش متوقع منها حاجه ومش عارف اتوقع ومش هعرف اتوقع
لانى مش بكلمها
ومش عارف ممكن رد فعلها يبقى ازاى لو صارحتها بحاجه زى كده
بس يعنى هو رأيك انى اسيب الدنيا ماشيه زى ماهى واكفى على الخبر ماجور ومجيبش سيرة لحد ولا ليها ؟؟
طب مش كده ممكن اكون انا فوت على نفسى الفرصه وهى ممكن توافق لو انا قلتلها ؟؟؟
وبكده اقعد محتار مش لو كنت قلت كان ممكن توافق ؟؟؟
وبعدين ليه اغلب المواضيع دى نهايتها مش بتكون ظريفه ؟؟
هو انا عاوز اتفسح معاها يومين واسيبها بعدهم ؟؟
انا بقول لو حصل قبول ممكن تبقى هى مراتى يعنى انا بتكلم فى اطار محترم وشريف ومش غلطان فى حاجه
ادينى جاوبت
هه قوليلى بقى اعمل ايه ؟؟؟
هههههههههههههههههههههههههههههه
موضوع منيل انا عارف
ههههههههههههههههههههه
نورتى المدونة
تحياتى ودمتى بكل خير وود
والسلام عليكم ورحمة الله وبركاته
مليون مرة قلنا تنامى كويس وبعدين تبقى تعلقى على المواضيع
داخله كده تشبكى الدنيا كلها فى بعضها وخلاص
وبعدين فين كيارا اللى قالت يقطه الحب وسنينه
واساسا انتى وكيارا عاوزين تقطعو الحب ليه بس
هو اصلا فيه حد لاقيه ياناس ؟؟؟؟؟؟
ياساتر عليكم
وبعدين الناس جالها هوس حب علشان مش لاقيينه فبيحاولو يخترعو اى حاجه زيه ويسموها حب ويقنعو نفسهم بيه
ونشكر سيادتك على الاضافه الرهيبه بتاعة انه مش هيكون حب انما هيكون اعجاب (ياريت تشوفى اول تعليق فى المدونة هتلاقى نفس الكلام ههههههههههه)
هو الموضوع مش على النت قوى يعنى
اقولك روحى نامى احسن لغاية مانشوفلك حل فى موضوع الانيميا ده اللى مخليكى مش قادرة تكتبى كلمتين على بعض
اه على فكرة فيه حاجه اسمها فيروجلوبين دا حلو خالص للانيميا ابقى هاتى علبه منه(انا ممكن ابعتلك علبه عينه كده فى الخباثه بس ماتقوليش لحد) هو غالى شويه انما كويس
ههههههههههههههههههههههه
وبعدين ماانا عارف موضوع الحول والعشا الليلى ماتاخديش فى بالك عادى يعنى
الحمد لله انها جت فى المدونة بتاعىتى ماراحتش عند حد غريب
مخدتش بالى من التعليق ده انا بئا كده طلع عندى حول ليلى ومعرفش ايه ليه كده ليه بس انا ناقصة بلاش السمعة الغير طيبة اللى هتطلعها عليا دى
وبعدين مش تقول ان الموضوع بخصوصك كنت بئا استمخيت فى الرد وصحصحت كده دانت ابن خالى بردو مش اى حد ههههههه
مع انى معنديش اولاد خال خالص بس
صحيح ايه العلاج الغريب اللى قولت عليه ده انا هشوفه بس ربنا يستر ومش يكون حاجة فيها نهايتى :(
اااااااااااااه
سؤالك جاى على الوتر الحساس
اه ياسيدى ممكن قوى
ان القلب يدق من غير العين ماتشوف
بس لما العين تشوف بقى هل هيفضل القلب على موقفه ولا هيتغير؟
هل العقل هيوافق على الخبل ده لو اتضح ان القلب والعين اختلفوا؟
ولا هيقول كلمته وينهى الصراع ده؟
الله يسامحك
قلبت عليا المواجع
اهئ اهئ
انا ايه جابنى هنا؟
وما انا كنت فى مدونتى وباضرب فى تاجات وعظمه على عظمه
السلام عليكم ورحمة الله وبركاته
خير واللهم اجعلة خير اللى فهمته انك اساسا مش بتكلمها!!!!!!!!
يانهارك ألوان الطيف يا معتصم
مش بتكلمها!!!!!!
طب ازاى معجب بيها من غير ما تتحاور معاها وتناقشها فى حاجات كتييييييييير؟
لازم يكون فيه حوار مباشر مثلا على النت.. وبعدين بعد كدة يبقى يحلها الحلال ولو لسة معجب بيها يبقى الأصح تصارحها وتبينلها ان نيتك خير وموضوع القبول سيبه لربنا
سلام يا عثل
اولا:معنى كده انك مقتنع بموضوع الارتباط من على النت؟ انا شخصيا مش مقتنعة بده وعشان كده مش هعرف اجاوبك على النقطة دى
ثانيا: ماظنش
انا مختلفة معاك فى نقطة القبول او عدمه لان فى حاجة اسمها تعود واللى انت ماتقبلش شكله النهاردة هتتعود على شكله بكره افتكر مثلا زمايلك اللى قابلتهم لاول مرة وانطباعك الخاطئ عنهم اللى بان مع العِشرة
ثالثا:كمان مابتكلمهاش ! رد فعلها معروف طبعا (من غير زعل) كلمتين بايخيين وهى واسلوبها بقى وانت ونصيبك:)
لا طبعا ماتجيبش سيرة ليها هى
هو كويس انك بتاخد رأينا(اهو برضه نقف جنبك لو عملت معاك حاجة:) وده احتمال كبير:))
طيب ماهى كمان ممكن ترفض وفى الحالة دى الموضوع مش هيبقى كويس ليك لان اكيد كرامتك هتوجعك وهتنسى حكاية الاعجاب دى وهتبقى عايز تاخد بتارك منها:)
عايزها توافق على ايه؟؟
برضه مش فاهمة هتوافق على اعجابك منها ولا لا؟ طبيعى اى حد هيبقى مبسوط انه محط اعجاب بس مش الطبيبعى انه يكون اعجاب متبادل وخاصة انها تقريبا ماتعرفكش(ده اللى فهمته من كلامك ولو غلط ممكن تصححلى)
ممكن سؤال مالوش دعوة بالموضوع بس طلبت معايا(انت قلت هتستحملنى)
لو واحدة قالتلك انها معجبة بيك رد فعلك هيكون ايه؟
نرجع لموضوعنا
وبعدين ليه اغلب المواضيع دى نهايتها مش بتكون ظريفه ؟؟
سؤال وجيه
لان اذا كانت المواضيع الطبيعية اللى بتم على ارض الواقع مفيش فيها احتمال كبير بالاستمرارية يبقى الموضوع اللى بيتم بالطريقة دى هيستمر اصلا!
مراتك مرة واحدة؟؟؟ مش شايف انك متسرع شوية فى قرار زى ده
ولا اهلك هيوافقوا انك ترتبط بالطريقة دى اصلا وتسيب بنت عمك:) انت مش صعيدى برضه ولازم تاخد بنت عمك:)
=====
عن سؤالك بانى مُدرسة ايه؟ واستغرابك من انى أجيد المهنة وده انا مش فاهماه ليه مستغرب ؟
هى مافيهاش احراج ولا حاجة على قد مافيها تقليب مواجع لانى بكل بساطة قدمت استقالتى فبل سفرى(ماكنتش اعرف انى هرجع بسرعة وان الموضوع مش هيكمل)فاتنازلت عن شغلى بكل بساطة ولما جيت كان طبعا صعب ارجع تانى
عموما كنت مدرسة رياض اطفال(جميع المواد من اول اللغة العربية الى الالعاب)
يعنى برضه ممكن افيدك:)
بسم الله الرحمن الرحيم
السلام عليكم ورحمة الله وبركاته
*************
ايوشه بنت خالى
تحياتى
انا مش بطلع عليكى سمعه ولاحاجه
انا بس بنكش معاكى
وبعدين هو فيه حد يقدر يقول عليكى كلمه كده ولا كده
طب من غير يمين اجيب البندقه واديه خزنه 30 طلقه وماليه عندى ديه
بس على فكرة الموضوع مش بخصوصى انما ممكن تمشيها كده ومخمخى براحتم وقولى وانا كلى ودان صاغيه
وبعدين انا مالى ومال ولاد خالك
انا بقولك بنت خالى يبقى انا ابن عمتك
ايه مالك ؟ ماتركزى شويه
لالالالالا ماتقلقيش
العلاج ده نوع جديد نازل فى السوق
اسمه فيروجلوبين
وده مخصوص لعلاج الانيميا وحالات فقر الدم وكده
بس حاجه 100/100 بس برضو تسألى الدكتور حتى على الاقل علشان الجرعه
وبعد الشر عليكى وربنا يخليكى للشعب
تحياتى ودمتى بكل خير وود
****************
عاشقة الرومانسيه
ايه ياست دودو
هو انا جبتك تقوليلى على حل ولا جبتك تقعدى تبكتى فيا ؟؟؟؟
وبعدين انا اللى عاوز اجابات مش عاوز حد يسألنى
وقلبت المواجع ومش عارف ايه
وانتى ايه اللى جابك هنا ؟؟ وانا ايش عرفنى هو انا كنت روحت خطفتك من مدونتك
هو انا ناقص تهم
ههههههههههههههههههه
تحياتى ودمتى بكل خير وود
**************
منووووووووش
وعليكم السلام ورحمة الله وبركاته
اه مش بكلمها فيها ايه دى ؟؟
وبعدين ماانا لو بكلمها كان الموضوع بقى سهل ومكنتش عملت كل ده وسألتكم
معجب بقى وخلاص
انا حر
الدستور بيكفل لكا مواطن انه يعجب بأى حد وهو حر
وبعدين اعمل الحوار المباشر ده ازاااااى؟؟؟
اروح اقولها انا عاوز اعمل معاكى حوار مباشر علشان انا معجب وعاوز اشوف اذا كان ينفع نحب بعض ولا لأ؟؟
برضو مافيش حل
كده مش هينفع
ماليش دعوة
انا عاوز حل يا اما انا لو اتصرفت هعك الدني كلها هه
ههههههههههههههههههههههههه
ســـــــــــــلام يامنووووووش
***************
اختى الكريمه
موناليزا
تحياتى
اولا : انا مش مقتنع والا مكنتش سألت بس ليه لأ ؟ مش يمكن ينفع ؟ يعنى هو جواز الصالونات احسن منه فى ايه ؟ مابيبقى الاتنين ماشافوش بعض قبل كده والدنيا بتمشى وكله تمام
انتى مش مقتنعه دا موضوع تانى بقى
ثانيا:التعود على شكل الاصحاب غير التعود على شكل واحده ممكن تبقى مراتى يعنى انا صاحبى مش هتفرق معايا اذا كان شبه اسماعيل يس او شبه احمد عز
انما مراتى تفرق اذا كانت شبه عائشه الكيلانى او شبه ليلى علوى
يعنى التعود هنا مش زى التعود فى حكاية الاصحاب
لازم من الاول يكون فيه قبول
ولا ايه؟؟
ثالثا: الكلام مش بيكون بشكل مباشر
يعنى ماانا اديتك مثال قبل كده وشبهت الكلام باللى احنا بنعمله فى المدونات
انى مثلا اكتب تعليق على حاجه وهى ترد عليا والعكس
وكده يعنى
هو ده الكلام اللى بينا
لألأ رد فعلها مش معروف خالص
وكمان هى ماتقولش كلام بايخ خالص انا عارف :)
يعنى انتى شايفه انى مااجيبلهاش سيرة خالص
بس كده زعلتينى
وبعدين هتقفوا جنبى ايه بقى يعنى هى لو قالت كلام كده ولا كده(بس ده مايطلعش منها خدى بالك)هتعملو ايه ؟؟ هتعملو مظاهرة على النت بسببى ؟؟
هههههههههههههههههههه
صح هى ممكن ترفض وتسبب جرح
بس فيه احتمال انها توافق يبقى انا لما مااقولهاش انا كده هبقى مش عارف هى كانت هترفض ولا هتقبل
انما فى حاله رفضها يبقى الموقف اتحسم نوهائى
وبعدين ايه حكاية التار دى اللى هبقى عاوز اخده منها ؟؟ ليه هى قتلت ابن عمى؟؟ دى رفضت الارتباط وده عادى يعنى الدنيا مااتهدتش (بس طبعا هى اللى هتخسر دا انا واد حليوة واقرع ومافيش زيى ههههههههههههههههههه)
ماهى ممكن توافق على اعجابى بيها وتتقبله على نفس الاساس اللى انا اعجبت بيها على اساسه
يعنى نفس النظريه (يعنى هو انا اللى كنت اعرفها)
امرى لله ( هستحملك )هههههههههههه
فين الواحده دى ؟؟؟ دلينى عليها ؟؟
ههههههههههههههههههههههه
اوكى
جد
واحده قالتلى انها معجبه بيا
هشوف الواحده دى تبقى مين وايه
يعنى هاشوف ايه السبب اللى خلاها تعجب بيا وبعد كده بناءاً على ده يبقى باقى الكلام
نرجع لموضوعنا
ايوة سؤال وجيه
ايه هى بقى المواضيع اللى بتم على ارض الواقع دى ؟؟ زى ايه يعنى ؟؟
تقصدى قصص الحب ؟؟ طب ماهى لو متوفر فيها الصدق والنيه الحسنه وانهم فعلا يكونو عاوزين يرتبطو ببعض هتنجح
انما المشكله ده بيحب دى علشان يغيظ دكهى وبس
مافيش صدق ولا نيه للارتباط
انما هنا النيه موجوده
اه مراتى مرة واحده
امال يعنى 3 مرات
ولا انا هعجب بيها علشان نتفسح انا وهى على كوبرى قصر النيل ؟؟
لا مش متسرع ولا حاجه وساعتها انا هبقى دارس الموضوع كويس دا لو حصل قبول
اهلى هما اللى هيتجوزو ولا انا؟؟
وبعدين وانا مالى ومال بنت عمى
انا صعيدى مودرن والعادات دى بطلوها كمان من زمان
ماعادتش دلوقتى اى حد يتجوز اى حد مافيش مشاكل
المسلسلات اللى بتشوفوها فى التليفزيون دى بح
...........
انا مستغرب علشان انا مش بحب التدريس وكل اللى بشوفه شغال مدرس بلاقيه بيكره التدريس برضو
انما انتى بتقولى انك بتحبيه ده كان سبب الاستغراب
ااااااااااه مدرسة رياض اطفال
علشان كده بتحبيه
انا اسف على تقليب المواجع
بس لو احتجت حاجه هبقى اسألك عليها اكيد
ولو انا عارف نفسى مش هسأل ولا هنيل وهمشيها مع العيال تخبيط وخلاص
هههههههههههههههههه
اسعدنى تواصلك ومرورك وتقبلك للنقاش
(ايه دا كله)
ههههههههههههههههههههه
نورتى المدونة
تحياتى ودمتى بكل خير وود
والسلام عليكم ورحمة الله وبركاته
كنت ناوية اكتفى بهذا القدر من المناقشة فى هذا الموضوع على اعتبار انى للاسف ماقدرتش افيدك
بس فيه حاجة حبيت اوضح وجهة نظرى فيها
وهى ثانيا:بالنسبة للقبول الشكلى
انا شايفة ان ده ممكن لو اتنين مايعرفوش بعض خالص يعنى جوازة صالونات مثلا ومحصلش بينهم تعارف من اى نوع لكن فى حالتك دى وبما انك بتدافع عنها وواثق انها ماتقولش اى كلام بايخ:)
تفتكر لو حتى كان شكلها بالنسبة لك مش حلو هتنسى كل الاعجاب ده؟؟؟
معلش اصلى شايفة ان اللى بيحب حد بيحبه شروة واحدة بكل حاجة فيه بعيوبه قبل مميزاته
اما عن الجرح اللى هتسببه لك لو رفضت افهم من كده انك ممكن تاخد الموضوع بروح رياضية وترجع تتكلم معاها تانى عادى؟ طب وهى هتقبل انكم ترجعوا زى الاول ؟
رأيى ده عشان الخيط اللى بينكم يفضل موجود بدل مايتقطع
اما عن سؤالى اللى خارج الموضوع قصدت بيه انك تضع نفسك مكانها
عموما ربنا يهيئلك كل الخير
(وبعيدا عن رأيى انا شايفة ان وشها حلو عليك والوظيفة جت:)
بسم الله الرحمن الرحيم
السلام عليكم ورحمة الله وبركاته
اختى الكريمة موناليزا
تحياتى
معلش شكلك اتخنقتى من النقاش فى الموضوع ده
بس انا قلتلك انى هستحمل لغاية ماتزهقى انتى
وبعدين مين قال انك مقدرتيش تفيدينى برأيك ؟؟؟؟ بالعكس والله انا استفدت منه كتير
وخصوصا انى اكتشفت موضوع القبول الشكلى ده معاكى حق فيه
زمان كنت متخيل انى لازم اتجوز واحده بيضا كده ومشهشهه هههههههههه بس لما شوفت امنية وحبيتها مااخدتش بالى انها كان لونها خمرى ومش بيضا
يعنى معاكى حق انا معترف
بس انا عاوز اقولك على حاجه
كل الموضوع ده مش بخصوص حضرتى
ههههههههههههههههههههه
الموضوع ده بخصوص واحد صاحبى صحفى وعجب قوى بواحده بتكتب على نفس الموقع اللى هو بيكتب عليه
ومقالاتها مخشيه فى نفوخه وعاوز يشوفها يمكن يحصل فى الامور امور ويتجوزها
وانا ناقشته فى الموضوع ده كتير وكل اما اقله حاجه يرد عليا ويطلعلى مليون سؤال زى ماانا كنت بعمل معاكم كده
وفى الاخر مش قادر اقنعه
ومستنى اشوف النتيجه هتبقى ايه
وعلى فكرة انا لمحت بكده فى ردى على بعض التعليقات ان الموضوع مش خاص بيا انما ممكن نعتبره خاص بيا لان صاحبى ده من الناس المقربين ليا خالص
بس بجد انا مبسوط بالنقاش ده
لانك من الناس اللى بيعجبنى ردهم وكلامهم
معلش بقى انا اسف لو كنت دوشتك وفى الاخر طلع الموضوع مش بتاعى
هههههههههههههههههههههه
حقك عليا وكده يبقالك عندى موضوعين
ههههههههههههههه
نورتى المدونة
تحياتى ودمتى بكل خير وود
والسلام عليكم ورحمة الله وبركاته
انتم لسه بتتكلم فى الموضوع ده طيب بما انى مش جايلى نوم وبفكر فى بوست جديد للمدونة الجديدة وتقريبا البوست نفس مشكلتك صاحبك ده هقولك المفيد انتظر بئا فى التعليق الجاى :)
اولا الموضوع ده مش هنلوم صاحبك فيه لان الاعجاب والحب مش بايد اى حد دى بايد ربنا القلب بيد الرحمن يقلبها كيف يشاء بس انا دايما ااقول كلمة هو ممكن يحب ماشى يعجب ماشى بس بايديه انه يقف الموضوع عند حد معين ومش يتطور ده حاجة مهمة
اما بالنسبة للقة صاحبك بما ان الاتنين فى كارير واحد وانت بتقول صحفى وهى كذلك يعنى اكيد من اسلوب كتابتها عرف هى بتفكر ازاى وتفكيرها ده يمشى ازاى هل هى دماغها مديةعلى دماغ الدقة القديمة واللى مش بتقبل بالمواضيع دى من باب انها ملهاش فى موضوع الاعجاب والحب ده خالص وانها بتفضل جواز التقليدى العادى ولا هى عادى يعنى بتفكر تاخد انسان عن اقتناع وعن حب ومش هنقول فسح وخروج والحاجات دى لان الحاجات دى مرفوضة مهما الزمن والتفكير اتغير يعنى دى حاجات ضد الشرع ولا هى كمان من بتوع حقوق المراة وانها وهترفض مبدا انها تتعرض كده على العريس لا يقبل او ميقبلش يعنى هنا لازم يكون دارسة الشخصية كويس والى طبعا عمرها ما هتكون واضحة جدا لوهوا مش متعامل معاها ولا يعرفها الا من خلال الكتابات ما ممكن تكون شخصية مختلفةتماما عن اللى راسمها فى خياله
طيب الحل ايه بعد ما يكون درس شخصيتها
يشوف وسيط تالت فى الموضوع ثقة ياخد رايها من تحت لتحت يعنى مثالا يعمل موضوع او تحقيق صحفى عن فكرة الزواج بالشكل ده ولو هى عارفه يعنى هتقرا البوستات بتاعته ومواضيعه واكيد هترد عليه بكل صراحة وتقول رايها
حل تانى يشوف وسيط زى ا قولنا ياخد رايها من بعيد لبعيد منعا للاحراج وميصرحش ليها عن شخصية الشخص اللى عايز يشوفها
وفى الاخر الافضل يستخير ربنا ويسيبها عليه يعنى معتقدش ان الاعجاب ده غير حياته كلها ومش هيقدر يعيش من غيرها هى ممكن نقول كده زى فكرة الغموض والبعد وانها شئ محير هو اللى متخليه متعلق بيها
وبعدين فى حل تانى لو هو يعرف هى منين وزى ما بتقول صحفية زيه يعنى عارف هى بشتغل فين مثلا ما يروح يشوفها من بعيد لبعيد ده لو عارف مكانها يعنى
وفى الاخر ندعيله ربنا يوفقه ويسرله الامور لو كان فيها غير ليه وليها
وبردو مش يفكر فى الموضوع غير ان كل شئ قسمة ونصيب
ممكن جدا
إرسال تعليق