الاثنين، 9 مارس، 2009

قصيده بالنحوى(2)

بسم الله الرحمن الرحيم

السلام عليكم ورحمة الله وبركاته

بناءاً على طلب الجماهير

ونظراً للنجاح منقطع النظير الذى حققه الجزء الاول من القصيدة

ودعوه للضحك (علشان انا متضايق شويتين)

أزف اليكم وبكل سرور الجزء الثانى

تدفق في البـطـحـاء بعد تبهطل = وقعقع في البيداء غير مزركلِ
وســار بأركان العقيش مقرنصاً = وهام بكل القارطات بشنكــلِ
يقول وما بال البـحاط مـقرطماً ِ = ويسعى دواماً بين هك وهنكـلِ
إذا أقـبـل البعـراط طاح بهمةٍ = وإن أقرط المحطوش ناء بكلكلِ
يكاد على فرط الحطيـف يبقبـق = ويضرب ما بين الهماط وكندلِ
فيا أيها البغقوش لسـت بقاعـدٍ = ولا أنت في كل البحيص بطنبلِ

وطبعاً مش هنسى معانى الكلمات الصعبة

علشان محدش يبقى عنده حجه ويقول مفهمتش

معاني الكلمات
تبهطل : أي تكرنف في المشاحط
المزركل : هو كل بعبيط أصابته فطاطة
العقيش : هو البقس المزركب
مقرنطاً : أي كثير التمقمق ليلاً
البحطاط : أي الفكاش المكتئب
مقرطماً : أي مزنفلاً
هك : الهك هو البقيص الصغير
البعراط : هو واحد البعاريط وهو العكوش المضيئة
أقرط : أي قرطف يده من شدة البرد

المحطوش : هو المتقارش بغير مهباج
يبقبق : أي يهرتج بشدة
الهماط : هي عكوط تظهر ليلاً وتختفي نهاراً
الكندل : هو العنجف المتمارط
البغوش : هو المعطاط المكتنف
البحيص : هو وادٍ بشمال المريخ
الطنبل : هو البعاق المتفرطش ساعة الغروب



يارب بقى تعجبكم وتفهموها المرة دى من غير شرح
ههههههههههههههههههه
والسلام عليكم ورحمة الله وبركاته


هناك 75 تعليقًا:

المعتصم يقول...

بسم الله الرحمن الرحيم
السلام عليكم ورحمة الله وبركاته
طبعا انا عارف ان الدكتورة norahaty
من اشد المعجبين بالقصائد اللى من النوعيه دى وعلشان كده وكمان هى اخر تعليق على البوست اللى فات
انا حاجزلها اول تعليق
اى خدمة يادكتورة
هههههههههههههههههههه

موناليزا يقول...

دى وصفة هايلة
دى وصفة سهلة
=======
بعيدا عن القصيدة وبما ان مزاجك مش مظبوط ليه ماتشربش مية
مفعولها حلو جدا:)

يارب ماتضايقش تانى :)

ghorBty يقول...

طب انت مضايق احنا ذنبنا ايه :)

لا اٍله اٍلا الله

وكان الله بالسر عليم

نفسي اعرف اللي كتب القصائد ديه كان في اي حاله نفسيه اكيد حاله مستعصيه جدا وقرر يعدي كل اللي هيقرها

ربنا لا يقدر اشتاتن اشتوت

يلا بقا علشان دا تخاريف نصف الليل

وزرونا في المدونه التانيه :) بعد المزاوله

السلام عليكم

zainab يقول...

السلام عليكم

أخى المعتصم

أنا لما ماقريت العنوان عرفت انى مش هفهم حاجه دخلت عالتعليق على طول بس عشان أبقى عملت اللى عليا قريت و مافهمتش برده

و بعدين يا معتصم يا أخويا انت متضايق ليه فوض أمرك إلى الله و قول ( لا إله إلا الله العظيم الحليم لا إله إلا الله رب العرش العظيم لا إله إلا الله رب السموات و الأرض رب العرش الكريم )ده دعاء فك الكرب

و بعدين انت ان شاء الله كل ماهتتضايق هتكتب لنا القصايد الجميله ده على رأى اميرة احنا ذنبنا ايه بس
يلا احنا أخواتك هنستحملك و نفوض أمرنا لله هههههههه

تحياتى

mohamed ghalia يقول...

ههههههههههههههههههه
حلوه قوى القصيدة البطحاء دى
دمت فى سعادة

المعتصم يقول...

بسم الله الرحمن الرحيم
السلام عليكم ورحمة الله وبركاته
اول تعليقين لاعز اختين ليا على النت
الله الله
كده خلاص انا مش متضايق بجد
***********
اختى الكريمة موناليزا
تحياتى
ههههههههههههههههههههههههه
شوفتى ازاى
طبعا انتى عارفه القصيده دى من قبل كده وعارفه معناها
وعملت بالنصيحه وشربت ميه
تصدقى كلامك مظبوط
ههههههههههههههههههه
ربنا يكرمك يارب ياموناليزا
وشكرا على دعواتك وانتِ بالمثل ان شاء الله
تحياتى ودمتِ بكل خير وود
**************
اختى غربتى
ههههههههههههههههههه
بقى كده
يعنى لما ابقى متضايق مش اقولكم ؟؟؟
ماشى ياغربه ماشى
وبعدين اللى كتب القصايد دى كان عامل دماغ جامده خالص
يعنى هو لو كان متضايق زى حلاتى كده كان كتبها !!!!
بس عارفه
انا شاكك فى حاجه
ان اللى كتب القصايد دى واحد اخرص
مش ممكن برضو؟؟
هههههههههههههههههه
ماشى ياستى اتزاولنا خلاص ولسه سايب تعليق على موضوعك الرائع فى المدونه التانيه
تحياتى ودمتِ بكل خير وود
والسلام عليكم ورحمة الله وبركاته

المعتصم يقول...

بسم الله الرحمن الرحيم
السلام عليكم ورحمة الله وبركاته
*****************
اختى زينب
وعليكم السلام ورحمة الله وبركاته
تحياتى ياعروستنا الجميلة
انتى كمان يازينب معاهم عليا ؟
الحمد لله قولت الدعاء والحمد لله الحالة النفسيه ابتدت تتحسن (بس بعيد عنك بوادر الانفلونزا بتعمل معايا شغل كده وبتخلينى اهيس )
معلش يازينب اتحملينى هتعملى ايه
اخوكى الكبير برضو وقدرك
هههههههههههههههه
بس انا عاوزك تقرى القصيده كويس يمكن تفهمى حاجه
وبعدين ممكن تحفظى منها بيتين وتقوليهم لخطيبك علشان يعرف انك جامده يعنى ومش اى اى ولا زى زى
ههههههههههههههههههههه
تحياتى ودمتِ بكل خير وود
*************
اخى العزيز محمد غاليه
تحياتى
اهو كده الكلام والا فلا
الحزب النسائى معترض على القصيده
خليك فى ظهر اخوك كده احسن يستفردو بيا وانا مش قدهم وحدى
(يارجال التدوين اتحدوا)
هههههههههههههههههههههه
ربنا يعزك يامحمد وينجحك ويكرمك
تحياتى ودمت بكل خير وود
والسلام عليكم ورحمة الله وبركاته

zainab يقول...

يا نهارك أبيض يا معتصم انت عايزنى أقول لخطيبى بيتين من القصيده الجميله دى
ههههههههههههه

د. ياسر عمر عبد الفتاح يقول...

مش قادر
الدمعة هتفر من عنينا من كثر الجمال
معانى وخيال وصور ومحسنات
هوه ده الشعر ولا بلاش
هيه دى القصائد

بس برضه بشكرك بشدة على معانى الكلمات اللى ألقت بأشعة مضيئة على بعض الأماكن المظلمة بالقصيدة فزادتها رونقاً وتألقاً

عاوزين من القصائد دى كثير بقى
مش هوصيك

اصحى يا مصر : اسلام ديو يقول...

إذا أقـبـل البعـراط طاح بهمةٍ = وإن أقرط المحطوش ناء بكلكلِ

لا كويسة كويسة

تبعرط يعنى تبعرط

ايوشة يقول...

على فكرة فكرتنى باايام الجامعة كان الدكتور بيقولنا شوية حاجات زى كده
فى قصايد فى الشعر الجاهلى فيها الفاظ غريبة جدا

ايوشة يقول...

ولا يهمك انا معاك وبجانبك واطالب دايما انك تنزل قصايد من هذا النوع علشان المود سوووووووو باااااااااد :(

حتى تشرق الشمس يقول...

السلام عليكم ورحمة الله وبركاتة
دى وصفة سهلة سهلة اوى
اول ما افهم
هعلق على طول
دمت بكل خير

zainab يقول...

أخى المعتصم


الله ماشاء الله مين الولد العسول اللى فى الصورة عندك ؟

هو ده ابن أخوك عريس ريمان ؟

الله أكبر ماشاءالله

تحياتى

د/عرفه يقول...

سلام عليكم
يعنى عايزنى أرد أقول إيه يعنى
طيب أنت مش عارف
وانا مش فاهم
ربنا يسامحك

fnoonh يقول...

ههههههههههههههههههههههه

مش عارفة انت بتجيب القصائد المشنكلة دي من فين

بس بجد بترسم على وجوهنا البسمةوبتدخل في قلوبنا الفرحة

وبقعد اقراها لكل اللي في البيت عشان يضحكوا معايا وكمان لاخويا اللي في الحلم هههههههههههههههه

تقبل خالص تحياتي ومودتي

وباتوفيق في القصائد المشحفطة دي

*shosho* يقول...

واااااااء واااااااااااء مالييس دعوة
أنا زحلااااااااانه محدس ياخد التحليق الاول غيري واااااااااااااء

جزاء ليك بقى مس هعلق عالبوست بس هه مالييس دحوة انا زحلانه

خديجة عبدالله يقول...

يا ناس حد هنا بيعرف " شنقيطى"
أنا أصلا اللى غلطانة كنت لحقت بالركب الشنقيطى كنت عرفت دلوقتى أفهم :)

بغض النظر عن عدم فهمى لأى حاجة فى أى حاجة لكنها أكيد معبرة فالإبداع أغلب الناس لا تفهمه
عقبال أخواتها يا فندم وربنا يشفى حضرتك ويعافيك من الانفلونزا حضرتك كنت كاتب ده فى أحد التعليقات أصل أنا يئست من التدوينة قلت خلاص أفهم التعليقات :) ماهو لازم نفهم

دمت بكل خير وأبعد الله عنك أى ضيق وأسعد الله قلبك

المعتصم يقول...

بسم الله الرحمن الرحيم
السلام عليكم ورحمة الله وبركاته
**************
أختى الكريمة زينب
تحياتى
وفيها ايه لما تقولى لخطيبك بيتين شعر من ده
هو مش هيفهم معناهم دا اولا
ثانيا بقى انتى تبقى تترجميهم على كيفك
يعنى تمدحى فيه بقى براحتك وهو مش هيقدر يكدبك ماهو مش عارف اذا كان الكلام اللى بتقوليه ده صح ولا لأ
مش نظرية برضو!!!
هههههههههههههههه
بس هو الخوف ليقول عليكى ضربتى من كتر الفرحه هههههههههههههههههههههههه
..........
ايه رأيك بقى فى معالى سيادة مصطفى الصغنون ابننا المحترم
ربنا يفرحك كده يارب ويرزقك بالذريه الصالحه ان شاء الله
البت ريمان عرفت تختار صح ؟؟؟
ههههههههههههههه
بس على فكرة هو احلى من كده بس الكاميرا بتاعة التليفون عندى هى اللى وحشه(القط فى عين امه غزال)
ههههههههههههههههههه
تحياتى يازينب ودمتِ بكل خير وود
******************
د.ياسر عمر
تحياتى
مش عارف من غيرك كنت هعمل ايه
دايما دايما رافع من روحى المعدنيه
ربنا يخليك ليا
ايوة كده انا عاوز الناس اللى عندها حس شعرى عالى وبتعرف تتذوق المعانى والمفردات اللى مش اى حد يحسها ويفهمها
يادكتور لاشكر على واجب انا عارف انك هتفهم القصيده من غير المفردات دى بس برضو قلت يمكن حد من اخواننا اللى عندهم ضعف بسيط فى اللغه العربيه تعصلج معاه كلمه ولا حاجه
مش عاوزك تقلق كل فترة والتانيه كده لازم ننزل بقصيده علشان نحقق هدفنا السامى وهو الارتقاء بالذوق الشعرى والحس الادبى(كلام كبير مش فاهمه بس ماعلينا)
اسعدنى مرورك يادكتور ونورت
تيحاتى ودمت بكل خير وود
*****************
صديقى العزيز اسلام ديو
تحياتى
دايما بيعجبنى فيك اختيارك للابيات الرومانسيه (شكلك كده عاطفى)
وبعدين تبعرط هى تبعرط اللى تقصدها فعلا انا عارف وهى مذكورة هنا فى القصيده على طريقة الاستعارة المستخبيه الله ينور عليك
ههههههههههههههههههههههههه
نورت المدونه
تحياتى ودمت بكل خير وود
*********************
ايوشة
تحياتى
وهو فيه احلى من ايام الجامعه علشان نفتكرها ؟
الشعر الجاهلى من اجمل الاشعار واكثرها رومانسيه وجمال فى التعبير على الرغم من صعوبة الالفاظ فى بعض الاحيان
انما المشكله ان ده لا هو شعر جاهلى ولا شعر غير جاهلى ده انا مش عارف له مله
هههههههههههههههههههههه
..........
ربنا يخليكى ليا يابلدياتى
ايوة كده اقفى جنبى وشدى من ازرى (بس بقولك ايه شدى بشويش احسن يتقطع منك)
..
هو المود سوووووووووو بااااااااااد ليه كفالله الشر ؟؟
يااختى فكى مافيش حاجه تستاهل شوية الزعل اللى بيروحو وييجو دول سيبك منهم
ربنا يكرمك ويصرف عنك كل ضيق وهم ان شاء الله
مرورك اسعدنى بجد
تحياتى ودمتِ بكل خير وود
*****************
أم سلمى
اختى الكريمه
وعليكم السلام ورحمة الله وبركاته
تحياتى
هى وصفه سهله خالص حتى اسألى موناليزا عليها وهى تقولك
اااااااااااااه دا كده بقى انتى عاوزة تخلعى من التعليق خالص
ماهو انا لو استنيت علشان تفهميها وتعلقى يبقى ولا فى الاحلام
هههههههههههههههههههههههههههههه
اذا كنت انا اللى كتبها ومش فاهم منها حاجه(بس دا سر ماتقوليش لحد)
ههههههههههههههههههههههه
تحياتى ودمتِ بكل خير وود
******************
د/عرفه
صديقى العزيز
وعليكم السلام ورحمة الله وبركاته
بجد يامحمد اول ماقريت تعليقك ماقدرتش امسك نفسى من الضحك
يخرب عقلك
حلوة قوى الحتة بتاعة (انت مش عارف وانا مش فاهم) دى
حلوة حلوة يعنى
ملعوبه
امين يارب
ويسامحنى
تحياتى يادكترة ودمت بكل خير وود
****************
فنونه
تحياتى
انا نفسى مش عارف بجيبها منين تصدقى
هههههههههههههههههههههههههه
يارب فعلا تكون بترسم البسمه على وجوهكم بجد دا شيئ يفرحنى ويسعدنى جدا جدا
ويارب تكونو بتضحكو عليها بجد
ربنا يفرحكو ويسعدكم على طول ان شاء الله
(ابقى سلميلى على اخوكى بتاع الحلم)
نورتى المدونة بمرورك
تحياتى ودمتِ بكل خير وود
*****************
شوشو هانم
تحياتى
ايه العياط ده ؟؟ عيب كده
100مرة قلنا بلاش بلاش كلمة ماليش دعوة دى صح ولا لأ؟؟ هه
وبعدين هو انتِ اتعودتى ولا ايه ؟
لأ كده ماينفعش
انا ماعنديش كوسه(فيه قلقاس لو ينفع)
تيجى الاول تاخدى اول تعليق تيجى متأخرة تاخدى على نافوخك
اااايوة
ههههههههههههههههههههه
وبعدين انتِ ازاى تمشى من غير ماتكتبى تعليق ؟؟ طيب مخصوم منك مصروف يومين هه
ههههههههههههههههه ومستنى التعليق والا
تحياتى ودمتِ بكل خير وود
*****************
اختى خديجه
تحياتى
ايه ده ؟؟ لأ ؟ ماتقوليش ؟
هو انتِ مااخدتيش الكورس بتاع الشنقيطى ؟؟؟؟؟؟؟؟؟؟؟؟؟؟؟؟
عارفه انى كده ممكن ازعل منك بجد
دى عمله تعمليها برضو ؟ امال هتواجهى الحياه ازاى من غير شنقيطى ياخديجه ؟؟
ع العموم ملحوقه فيه دورة هتبداء بعد 3قرون ممكن ابقى اكتب اسمك فيها
هههههههههههههههههههه
بس انتى حسك الفنى عالى فعلا يعنى مافهمتيش حاجه(وده نتيجة طبيعيه لجهلك بالشنقيطى)ومع ذلك عرفتى انها معبرة وفيها ابداع
انا احييكى على كده
وبعدين كلامك صح يعنى هو اينشتاين لما اكتشف نظرية النسبيه الناس فهمتها؟؟ ابدا ويمكن فيه ناس كتير لغاية دلوقتى ولا سمعو عنها
ربنا يكرمك يااختى الكريمه وربنا يشفينا ويعافينا كلنا ان شاء الله واشكر دعواتك
بس انا معجب باصرارك على الفهم
بجد باين عليكى شخصية قويه وعندك عزيمة مافهمتيش القصيده يبقى التعليقات صح كده
مش لازم نيأس بسهوله ولازم نسلك كل السبل
هو ده اللى احنا عاوزينه
تمام كده
اختى الكريمه نورتى المدونه واسعدنى مرورك
تحياتى ودمتِ بكل خير وود
والسلام عليكم ورحمة الله وبركاته

ريمان يقول...

عاااااااااا

مين ده اللى تبهطل وتقعقع وتزحزح وترهر وتمعلص وتفلفص

هههههههههههههه

هههههههههههههههه



لا لا ضحكتنا

تصدق انا برضه مضايقه شويتين بس والله بوست ظريف

بس مين ه اللى تبهطل وتقعقع وتفحطل وترحرح ده

ههههههههههههههه


استنى استنى


ايه ده

انا شامه ريحه مش كويسه

فى حد جاب فى سيرتى هنا

مين مييييييييين

اييييييييييه ده

البت زينب بتقول ايه على عريسى

عااااااااااااااااا

بتقول ان اللى فى الصوره ده عريسى

عاااااااااااااااااااا

لااااااااااااااااااا

لن اسمح بهذا ابدا

عااااااااااااااا


عاجبك كده بقه
؟

ينفع كده

ده انا عريسى قمور وحليوه ومسمسم ومعسل ومشخبط وملخبط ومزقطط ومقلبط ومتروشن ومدردح ومفرفش ومنعكش ومكنكش

ازاى هى تقول على ده عريسى

ازاااااااااااى

ريمان يقول...

:(


:(


:(


هو حضرتك مخاصمنى ولا ايه؟

يمكن مخاصمنى عشان بنسى اقول حضرتك؟

معلش انا اسفه

اهىء اهىء

اصل انا عبتلك تعليق على البوست اللى فات وقولت لحضرتك كل سنه وحضرتك طيب بمناسبه المولد النبوى ومش رديت عليا

وكمان سالت حضرتك اذا كانت البت زينب جت قالتلك انها مش زعلانه ولا لاء

حضرتك مخاصمنى ولا ايه

انا روحت الوقتى اشوف ردك على تعليقى فى البوست اللى فات مش لاقيت رد خالص

اهىء اهىء

:(

:(

zainab يقول...

أخى المعتصم

ربنا يخلى مصطفى الصغنون يارب و نفرح بيك قريب انت كمان

تحياتى

المعتصم يقول...

بسم الله الرحمن الرحيم
السلام عليكم ورحمة الله وبركاته
**************
ريمان(اختى الصغنونة وعروسة الواد مصطفى الصغنون)
تحياتى
بصى فى الاول وقبل كل حاجه
ماتزعليش
وبعدين انا مقدرش اخاصمك ابدا ابدا
وبعدين التعليق بتاعك على الموضوع اللى فات انا كنت تعبان شويه(ومكنتش مجمع)ومااخدتش بالى منه وعلشان كده مارديتش عليه
انما تم تصحيح الخطأ الغير مقصود ياباشا
وياريت انتى ماتزعليش
وبعدين ايه موضوع حضرتك ده؟؟؟؟
انا اخوكى الكبير ومافيش بينا الكلام الفاضى ده
وكفاية عياط بقى علشان بليتى المدونه كلها ومافيش مناديل كفايه
...........
يعنى مش عارفه مين اللى تبعرط وتبحطط ......الخ
ده انا طبعا (ماتخافيش مش العريس)
ههههههههههههه
يارب بجد تكون ضحكتك دى حاجه تفرحنى
وياترى بقى سعادتك متضايقه من ايه؟
انا متضايق من التعب والشغل اليومين دول يعنى مريح شويه والحمد لله على كل حال
انما انتى ايه اللى يضايقك بس
سيبك من كل حاجه وكبرى الجمجمه
مش مستاهله خالص


وبعدين الريحه دى جايه من عندكم انا ماليش دعوة
بس على فكرة هو اللى فى الصورة هو العريس فعلا (ايه مش عاجبك ولا ايه)
وبعدين ماالواد فيه كل الصفات اللى انتى عاوزاها اهه قمور وحليوه ومسمسم ومعسل(بس نسيتى توضحى قص ولا سلوم) ومشخبط وملخبط ومزقطط ومقلبط ومتروشن ومدردح ومفرفش ومنعكش ومكنكش
على فكرة الظاهر ان القصيده اثرت عليكى
ههههههههههههههههههههههههههه
تحياتى ودمتِ بكل خير وود
والسلام عليكم ورحمة الله وبركاته

موناليزا يقول...

السلام عليكم ورحمة الله وبركاته
كيف احوالك اخى الكريم؟ يارب تكون دلؤتى احسن وتكون حالة الضيق ذهبت بلا عودة:)

:) ضحكتنى بجد وخلتنى فى حيرة انشر تعليقك ولا لا
بص ياسيدى انا كنت الاول مابنشرش اى تعليق طالما مايخصش الموضوع لكن لقيت ناس كتير مفكرين انى كده مش مهتمة بتعليقاتهم لانى بما انى مانشرتوش يبقى اكيد مش هرد
عموما حصل خير وحقك عليا:)
انت بس ابقى اكتب لى "مش للنشر" منعا للخبطة وانا طبيبعى مش هنشر

بالنسبة لسؤال الاستاذ مدحت سألته يافندم والله و لسة ماردش عليا
بس انا متهيألى كده وعشان تبقى فى السليم لو لقيتها بتنور فى الضلمة تعرف على طول الحقيقة وتاخد ساعتها احتياطاتك:)
انا كده جاوبت بالنيابة عنه
يعنى مالكش حجة اهو توكل انت بس على الله واحنا معاك:)

بـسـمـــة صـــــلاح يقول...

لع لع لع لع
ايه الحلاوة دي ياأولاد ايه الجمال دا
ايه البراءه دي
ايه السكر دا
ايه العسل دا
يا اجمل مصطفى شافته عنيا
ياخرابي ياخرابي
صغنن ومسمسم وبرطمان عسل بحاله
(يالهوي على عينك يابسمه بطلي قر ونق يابت)
لا لا لا بجد ماشاء الله تبارك الله اللهم لا حسد
عسسسسسسسسسسسسسسسسسسسل
الواد دا خطيبي انا مش ريمان ولا يونكن اتنازل ابدا ابدا ابدا
هتتفسخ خطوبة البت ريمان وتخطبوني انا
فاهم يااستاذ معتصم
لو مش فاهم قول عشان ابقى اعمل شغلي بقى واواريكوا ازاي ترفضولي طلب
دا انا بسمه بنت صلاح
ـــــــــــ
المهم بقى وبعدين مع حضرتك يا استاذ هو حضرتك عايزني اشرح بردو يادي الليله العسوله لما نشوف هعرف اشرح ولا لأ حاكم حضرتك بليد ومبتستوعبش بسرعه
كهكهكهكههكهكهكه....
الشــــرح ياكدحان
خد بالك ياواد انت وهو وانتي وهيا
هسأل بعد ما أشرح صحصحوا وبطلوا تناحه انتوا اكلين فول على الصبح
هعهعهعهع
::::::::::::::::
دا طبعاالواد ابو سوسن بيحب بنت ابو شاهر
وهو هدد ابو شاهر لو موافقش عليه هيرميه في الصحرا للكلاب والقطط ياكلوه
بس اتاري ابو شاهر عضلات ومفرقتش معاه
ورفض المتيم ابو سوسن
فحصل الآتي
البيت الاول:
وسار ابو سوسن باركان العقيش اللي هو السجن مقرنصا زعلان ومقموص يعني..
وهايم في البت شاهرة بنت ابو شاهر
واتشنكل من حبها خلاص
اللي هو شنكل
ـــــــــــ
البيت التاني:
بيقول لنفسه مابال البحطاط يعني مالي كدا متقرمط زي سمك القرموط...
وبسعى دايما للهلاك واللي يجيبلي الغلبه والهك والتعب
ـــــــــــــ
البيت الثالث:
اذا اقبل البحطاط اللي هو ابو شاهر جاته نيله...
وان اقرط المحطوش (ناء بكلكل)
ناء بكلكل دي سارقها من قصيده الا ايها الليل الطويل الا انجلي بصبح وما الاصباح منك بأمثل والباقي بعدين
هع هع هع هع هع هع هع هع هع
يلا بقى ياعمو محطوش البعراط
ـــــــــــــــ
متنساش تكلم اخو حضرتك في موضوع يادبلة الخطوبه عقبالنا كلنا
عشان صاصا الصغنن خطيبي
يلا مع السلامه

ريمان يقول...

نجحت نجحت نجحت نجحت

نجحت نجحت نجحت نجحت

نجحت نجحت نجحت نجحت

باركلى باركلى باركلىىىىىىى

باركلى باركلى باركلىىىىىىى

باركلى باركلى باركلىىىىىىى

الحمد لله نجحت اخيرررا

ايه ده

معقول

عريسى

ده عريسى بجد

عريسى المعسل المقطط المروشن المزركش المعصفر المدردح المزقطط المزبط الملخبط المكنكش المنعكش

يالهوى على جماله


اااااااااه لو قدامى الوقتى

عارف كنت هعمل ايه؟

لا لا بلاش عييييييييب مش هقدر اقول قدامك خالص

بس بجد عسول اوى بسم الله ما شاء الله

عقبال يا رب اما تجييييييب زيه كده واحلى كمان وتجوزهولى برضه معنديش مانع

ههههههههههه

انا كنت بقى مضايقه عشان النتيجه اتاخرت فى الظهور

والحمد لله نجحت عقبال يا رب الترم التانى

اصل انا بجد فرحانه اوى عاشن شوفت عريسى الامور

مش تنسى تقوله انى نجحت

وكمان انا عايزه الحلاوه بقه حلاوه نجاحى ولازم هو يجيبهالى

انا بقه هعطيله بــــــــ.....

لا لا عيب انا بتكسف اوى وبرضه مش ينفع اقول قدامك

ريمان يقول...

يااااااااااااتى على جماااااااااله

مش قارده بجد اسيب المدونه كل شويه بتفرج على صوره عريسى

زى العسل

بسم الله ما شاء الله

لازم ترقيه كويس اوى انت عارف بقه عيون المدونين ممكن يحسدوا عريسى

ااااااه انا بقول اهو

المعتصم يقول...

بسم الله الرحمن الرحيم
السلام عليكم ورحمة الله وبركاته
*************
اختى زينب
تحياتى
ربنا يخليكى يازينب ويفرح قلبك ويرزقك بالذريه الصالحه يارب
تحياتى ودمتِ بكل خير وود
*************
أختى الكريمة موناليزا
وعليكم السلام ورحمة الله وبركاته
تحياتى
الحمد لله اختى الكريمة انا بخير واحسن كتير بفضل ربنا
وحالة الضيق خفت كتير الحمد لله
شكراً على سؤالك :)
الحمد لله انى ضحكتك دا شيئ يسعدنى جداً
شوفى ياستى التعليق اللى يبقى فى صميم الوضوع يبقى يتنشر واللى يبقى رد على حاجه يبقى لأ وانا متأكد انك بتقرى كل التعليقات
بس على العموم هحاول افتكر حكاية مش للنشر دى (وربنا يستر من الزهايمر)وبعدين مافيش حقوق ولا حاجه احنا مافيش بينا الكلام ده
اما بقى للسؤال ماهو انا قريت التعليقات كلها(عاده مهببه ومش قادر ابطلها)وشوفت ردك على مدحت وشوفت انه ماردش عليكى
انما بقى انتى عرفتى منين انها ممكن تنور فى الضلمة؟؟؟؟؟(اوعى.......)هههههههههههههه
بس تصدقى انها كده ممكن تنفع وتوفر فلوس الكهربا دا احنا بندفع ييجى اكتر من 100جنيه كل شهر وكل كام شهر كده يروحو جايبين مبلغ وقدرة ويقولو اللى فات ده كان المتوسط وياخدو كده 500ولا 600 يعنى العروسه دى هتوفر كتير
انا كده هفكر فى الموضوع بجديه
ولا انتى ايه رأيك ؟؟ انصحى اخوكى برضو
هههههههههههههههههههههه
بس هو الخوف انها تكون بتكهرب وبعدين بقى فى الحوسه دى
ماكونتيش جاوبتى كان احسن ههههههههههه
اختى الكريمة دوماً مرورك يسعدنى
تحياتى ودمتِ بكل خير وود
والسلام عليكم ورحمة الله وبركاته

المعتصم يقول...

بسم الله الرحمن الرحيم
السلام عليكم ورحمة الله وبركاته
*************
العفريتة بسمه
تحياتى
الناس اول ماتدخل تسلم مش تدخل تلعلع
برضو كده ؟ دا اللى علمتهولك ؟
وبعدين ايه القر دا كله ع الواد ؟؟؟
ايه ماشوفتيش عيال قمامير قبل كده ؟؟ الناس تقول عليكى ايه ؟ عيب مش كده
ههههههههههههههههههههههههههههههههههه
موضوع الخطوبة ده مش هقدر اديكى فيه كلمه الا لما اسأله هو الاول (ولو انى عارف انه هو وريمان بيحبوا بعض وبينهم قصة حب عينيفه زى اللى فيلم رصيف نمرة 9 بتاع عبدالحليم ومنى زكى)
انما ممكن ندورلها على حل بس لما نشوف رأيه الاول
هههههههههههههههههههههههههههههه
بس خدى بالك احنا مش بنتهدد(احنا صعايده ومن النوع الاصلى كمان)
ــــــــــ
وبعدين ماهو انا كل اما الاقى قصيده مش فاهمها بجيبها هنا علشان تشرحيهالى ماانا عارف انك عبقريه وعفريته
وكمان معلش واتحملى البلاده شويه وتعالى على نفسك
وطبيعى يعنى ناكل فول على الصبح امال هناكل ايه يعنى (لحمة مثلا)
بس خدى بالك بقى ساعات بنفطر كشك وده افظع من الفول نووى نووى(بيموت من العطش)
...
دا على كده ابوشاهر طلع عجره فى البلد وواصل وانا مااعرفش
سجن يعنى ابوسوسن كده على طول (حراام)
بس ان جيتى للحق البت شاهرة تتحب الصراحه
امورة كده وعنيها حمرا وشعرها ازرق وحاجه كده خوجاتى خالص والمسكين اول ماشافها طب على طول واتشنكل
...
ماهو مش عارف ان الحب هو اللى مقرمطه كده ياعينى الظاهر ماسمعش المقوله بتاعة من الحب ماقرمط
...
هو الواد كان تعبان وكان عنده صداع فسرق الحتة دى من القصيده بتاعة الا ايها الليل الطويل علشان بس يقفل القصيده ويلحق يبعتها المجله اللى هتنشرها علشان يقبضوه لأنه كان مفلس خالص وممعهوش ولا تعريفه
...
مستنيين الباقى سيادتك وياريت ماتتأخريش
اما موضوع الواد الصغنون ده
اممممممممممممممممممممممم
هنبقى نشوف ونفكر
مقدرش اديكى وعد زى ماقلتلك
هههههههههههههههههههههههههههه
تحياتى ودمتِ بكل خير وود
********************
ريمان
الف مبروووووووووووووووووووووووووك
الف مبرووووووووووووووووووووووووووك
الف مبروووووووووووووووووووووووووووك
وان شاءالله دايماًمن الناجحين والمتفوقين كمان
خبر جميل جدا جدا جدا
والحمد لله ان ربنا عوض تعبك واكرمك
........
اه هو عريسك اللى كل الوصف اللى انتى بتقوليه عليه دا كله
المعسل(برضو نسيتى تقولى نوع المعسل قص ولا سلوم)المقطط المروشن المزركش المعصفر المدردح المزقطط المزبط الملخبط المكنكش المنعكش
ههههههههههههههههههههههههههههههههه
انا عارف كنتى هتعملى ايه
عيب يابنت (ماتنسيش اننا صعايده)
ربنا يخليكى ياريمان ويفرحك دايماُ
هههههههههههههههههههههه
وكمان عاوزة تتجوزى ابنى انا كمان دا انتى مشكلة هههههههههههههههههههه
الحمد لله ان النتيجه ظهرت واتطمنتى وربنا فرح قلبك وان شاء الله تنجحى الترم التانى كمان وتطلعى بتقدير حلو
هروح دلوقتى اقول للعريس انك نجحتى واقوله انك عاوزة الحلاوة
وبلاش عياط الله يخليكى وبعدين عيب قدامى واكيد يعنى هو عارف(راجعى ردى على بسمه فى الاول)
.......
والله كل شويه برقيه لأنه فعلا كل اما حد هنا يشوفه تلاقيه عيط ومش راضى يشرب (اصل بعيد عنك الكحكه فى ايد اليتيم عجبه وكمان عندى بيت عمى بنتهم خلفتها بنات وشغاله بقى ربنا يكفينا الشر مش بتدى نفسها هدنه)
ماتقلقيش انتى من الموضوع ده ان شاء الله هرقيه على طول انا وجده صلاح
بس خدى بالك علشان فيه واحده عاوزة تفرقعك وتتجوزة هى
البت بسمه اول ماشافت الصورة وقعت فى حبه على طول ومش قادرة تقاوم وعاوزة تديكى بمبه ياريت تلحقى تتصرفى
انا حذرتك وانتى حرة
هههههههههههههههههههههههههههههههههه
تحياتى والف مبروك على النجاح وربنا يكرمك ويوفقك كده على طول ان شاء الله
ودمتِ بكل خير وود
والسلام عليكم ورحمة الله وبركاته

norahaty يقول...

معللللللللللللللللللللللللللش وكأننى كنت الاولى ياأستاذ معتصم
حصل خيرررررررررررررررررررررر
لكن حاقولك الذنب مش ذنبى بجد:(
ذنب النطحاء العنقاء الخيباء
الازرقاء الفحلوقاء البلوجراء !
جيت ارد اول التدوينة ما نزلت
مارضيتش تفتح ابداً بالذوق !!
طيب اعمل ايه؟اديها بالبوكس:)
ولا الروسية وابطحها وأخلص :)
المهم قلت يابت بلاش دى برضه
لها جميل كبيررررررررررررررر
علينا انها عرفتنا بالناس
البركة دول والحاجات البركة
اللى بيكتبوها او الاصح
بينسوجوها من خيوط
الذهب والفضة:)

norahaty يقول...

اظن بقى اديتك منظر ما حصلش
(((خيوط الذهب والفضة)))
واخدلى بالك !معلش احسن
تكون مش واخد لى بالك:)

norahaty يقول...

انما ما قلت لى ياأستاذ
معتصم مين ده اللى
مضايقك ؟
لاجل ما اروح اشكره:)
لألألأ معلش قصدى
اروح ازعله
ويمكن كمان ابطحه:)

norahaty يقول...

وفعلا حضرتك كلامك مضبوط
انا احب القصائد اللى زى
دى بتفكرنى بالذى مضى ايام حصص
المحفوظات والنصوص والقراءة الرشيدة.
عارف ياأستاذ معتصم
ولا أقولك خليه
فى تعليق
تانى :)

norahaty يقول...

ايوه انا جيت
اقولك الحمد لله انا كنت
كتير شاطرة فى المدرسة لدرجة
فى مرة من المرات كان عندنا مفتش
لغة عربية فالمدرس قومنى وطلب منى
القاء القصيدة بتاعة البحترى
(آتاك الربيع الطلق
يختال ضاحكاً من
الحسن حتى كاد
ان يتكلم)
طلب من الاستاذ ساعتها
(الله يرحمه كان اسمه ربيع:)
طلب القاء القصيدة بالعكس !!
بمعنى من الاخر للاول
وقد كاااااااان
خدت فيها جنية
مكافاة !!

norahaty يقول...

انما ياعُمنا انت غيرت
صورة التعريف
بتاع حضرتك
فى وسط
التعليقات!
حبكت ياأستاذ!!
انا قلت ايه اللى حصل !

norahaty يقول...

على العموم اللى
جابلك يخليلك:)

norahaty يقول...

.
.
.
.
.
لأ خلاص
انا بس جاية
أقول السلام عليكم

MaNoOoSh يقول...

انا جاية ازورك اول مرة بس هموت من الضحك
وخللى بالك انا لما بضحك بالشكل دة لازم اكل بعدها علطول شنجوتش شاورمة
خليك جدع بقى واعزمنى على شنجوتش شاورمة
بس قصيدة فظييييييييييييييعة جابتلى حالة انشكاح فى الزيزفون
ههههههههههههه
يللا بقى انا مستنية شنجوتش الشاورمة.

اللؤلؤة يقول...

السلام عليكم
حضرةالصعيدى الهمام
يوجد الكثير من المعجزات من القرآن الكريم ولكن يا صديقى الدين ثابت والعلم متغير .
والدور الدور الدور الدور موعود ياللى عليك الدور.
هههههههههههههههههه
أما عن القصيدة التى تعرضها الآن على مدونتك (إنجليزى دا يا مرسى )
حرام عليك يا صعيدى يا همام
أنتظرك كل ليلة حتى أتحدث معك على
الإيميل يا صعيدى يا همام
دمت بكل الخير

*shosho* يقول...

السلام عليكم ورحمة الله وبركاته

أنا هعمل بأصلي وأعلق

القصيدة مكلكعة بسم الله ماشاء الله بس الحمد لله البت بسمة هنا بتديني دروس خصوصي في القصايد اللي زي دي
عبقرية البت دي بتعك في الحاجة أصدي بتشرح الحاجة على مزاجها


القصيده جميلة ومتموتش من الضحك
هههههههههههههههههههه

تحيتي..

ريمان يقول...

نععععععععععم نععععععععععععععععم


والله افرد الملايه هنا ع المدونه

ولا يهمنى



دى مين دى اللى عايزه تاخده منى


يا سلاااااااااااااااام

يا حلااااااااااااااااااوه

يا كنااااااااااافه

يا قطاااااااااااااااااااااااااااااايف

يا مشبك

يا معتصم

محدش هياخده منى ابدااااااااااا

والله اعيط والم الناس ع المدونه وكمان المدونه هتتبل من حاجات تانيه كمان

وبعدين اصلا انا وهو لبعضينا

ومحدش يقدر يفرق بينا

وبعدين ايه بقه ده

اصلا هى جايه تخطفه واصلا انت اللى خطبتنى ليه

هىا جايه تفرض نفسها وتخطف العريس منى

بت يا بسمه شوفى لك يا اختى واحده تانيه تخطفى عريسها منها

كله الا انااااااااااااا

اااااااااااه

مش عشان ملائكيه يبقى هتاكل اونطه

ريمان يقول...

احم احم

انا شرشحت كتير اوى

احم احم

البرستيج بتاعى راح خالث خالث

خرجتنى البت بسمه دى عن شعورى خالث خالث

وبعدين اصلا عريسى لا يقبل القسمه على اتينن

هو بتاعى انا بس وعريسى انا بس

محدش هياخده منى ابداااااااااااااااا

يوووووه
هبدا اتنرفز تانى وافقد البرستيج بتاعى

ههههههههههههههه

zainab يقول...

أخى المعتصم

ايه اللى بيحصل عندك فى المدونه ده أنا خايفه بوسى و ريمان يضربوا بعض هههههههههههههههه

يا خرابى اهدوا شويه يا جماعه أنا عندى حل كويس و ان شاء الله يعجبكم بس هو هيترتب على موافقه المعتصم ( ايه رأيكمتدوروا للمعتصم على عروسه المعتصم و يتجوز و يجيبلكم ولد حلو صغنون إن شاء الله ) و بكده تكون المشكله اتحلت

ايه رأيك يا معتصم حل حلو أهو ؟ أنا هخليهم يدوروا لك على عروسه عشان نحل المشكله دى و يبقى ضربنا 3 عصافير بحجر ( جبنالك عروسه و جبنا لبوسى عريس و لريمان عريس )ههههههههههههه

ربنا يوفقكم
تحياتى

القلم السكندري يقول...

السلام عليكم

لا فعلا قصيدة عن الحب زي ما كنت عايز تكتب عنه :) معلش بقي فضحت سر من أسرارك :)

عموما هو ما كتبت يمثل الحب فعلا بغموضه اللامفهوم

:)

تحياتي ياباشا

اصحى يا مصر : اسلام ديو يقول...

استعارة مستخبية ومفعول مضاد للى قابلة
ننزل ندور عليهم بقى
هههههههههههههههههههههههههه

ستيته حسب الله الحمش يقول...

طيب يا شقيق

لما انت مش عارف

واختك ستيتة هي كمان طلع عنوان بيتهم مش عارفة

وبعدين ادخل الاقي قط تحفة في حالة تجلي واضحة

وبعدين اتشنكل في اللي تبهطل واللي قعقع

يبقى بتعترض على الفرنساوي ليهههههههه؟

ضحكت من قلبي ربنا يبارك فيك

المعتصم يقول...

بسم الله الرحمن الرحيم
السلام عليكم ورحمة الله وبركاته
******************
الدكتورةnorahaty
تحياتى
لا بجد القصايد دى بتعمل معاكى شغل جامد
8 تعليقات مرة واحده
هههههههههههههههههههههههههههههه
وكأنك اول تعليق ليه ؟ ماانا حاجزهولك فعلا
يعنى حضرتك اول تعليق بجد
ولا يهمك انا عارف الحركات النص كم بتاعة بلوجر دى
قلبك ابيض يادكتورة ولا بوكس ولا روسيه سماح المرة ديه
انما لو عملتها تانى ابقى قوليلى وانا هغزهالك مطوتين
............
اخدت بالى من موضوع الذهب والفضه والمناظر اللى بتعمليها فى المدونة
ماشى ربنا يخليكى لينا ويخليلنا ذوقك ومجاملاتك
.......
انا شايلك للتقيله يادكتورة
هتروحى تبطحيه وتعوريه (هعمل مش واخد بالى من موضوع تشكريه ده)
انا كنت متضايق علشان افتكرت شوية حاجات كده كانت زمان المفروض انها بتسعدنى وبعدين اكتشفت انى كنت مغفل وان الناس اللى كنت فاكرهم هايسعدونى كانو بيستغلونى
بس ادى كل الموضوع
...........
انا كنت متأكد انك بتحبى القصايد دى من اول مرة قولتى فيها ربنا يسامحك ياشيخ المرة اللى فاتت عرفت انى فكرتك بحاجه بتحبيها
امال ايه
ههههههههههههههههههههه
.............
اتاك الربيع الطلق يختال ضاحكا
لا كنتى شاطرة بجد
وكمان اخدتى الجنيه
امال انا محدش كان بيدينى حاجه ليه
ايه ده
دى تفرقه عنصريه
دا انا كنت حافظ (اسرار ازرانا تودانى ونهمنى) كلها بالعدل وبالمقلوب ومحدش كان بيعبرنى
حظوظ (قليل البخت يعضه الكلب فى المولد) هههههههههههههههههههههههه
..............
ابدا مافيش كنت قاعد بلعب قلت لغير الصورة واحط صورة ولى العهد(ابن اخويا ماتوقفيش حالنا عاوزين نتجوز)وكمان علشان اوريها للعروسه بتاعته (ريمان)وياستى عقبال كده ماربنا يفرحك ان شاء الله
.....
مرورك اسعدنى يادكتورة
تحياتى ودمتِ بكل خير وود
وعليكم السلام ورحمة الله وبركاته

المعتصم يقول...

بسم الله الحمن الرحيم
السلام عليكم ورحمة الله وبركاته
**************
منوش
تحياتى
اهلا اهلا نورتى المدونه فى اول زيارة ويارب ماتكونش اخر زيارة يارب
(بس يعنى هى الاسامى العربى خلصت؟؟ وكمان مدونتك مخنوقه ربنا يستر)
لما نشوف المسلسل وبعدين تتعدل
والحمد لله ان القصيده ضحكتك ولو على شنجوتش الشاورمه ولا يهمك اضحكى براحتك وشوفى انتى عاوزة الشاورمه من عند مين فى الجيزة كلها وانا هحاسب عليها وكلى براحتك (بس غالبا هيبقى عند جاد او الدمياطى اللى فى الميدان لانى مش باكل الا عندهم)
واحنا فى ديكى الساعه برضو
ههههههههههههههههههههه
نورتى المدونه
تحياتى ودمتِ بكل خير وود
*******************
اللؤلؤة
وعليكم السلام ورحمة الله وبركاته
صديقى العزيز عمرو
تحياتى
منورنى ومكترنى
نعم ياصديقى قرآننا الكريم به الكثير من المعجزات والتى ستظل تبهرنا الى يوم الدين
ومالناش دعوة بالدور ماانت قلتها
اكلت يوم اكل الثور الابيض
......
القصيده دى بعد البحث والتحرى اتضح ان اللى كتبها واحد اخرص وكان غير متعلم يعنى كتر خيره
ومحدش عارف لغاية دلوقتى هى انجليزى ولا هندى بس هى ممكن تطلع فرنساوى علشان خاطر ناس اول مرة تزورنى فى المدونة هههههههههههههههههههههههه
صديقى العزيز ان شاء الله ربنا يسهل وافتح الايميل ونتكلم
انا مش بفتحه الا بسيط خالص انما حاضر من عنيا يا باشا انت تؤمر
تحياتى ودمت بكل خير وود
*****************
شوشو هانم
وعليكم السلام ورحمة الله وبركاته
لألألألألأ
سيبك من الحركات دى
انتِ خوفتى من موضوع قطع المصروف
وبعدين هو ده رأيك فى القصيده ؟؟
مكلكعه ومتموتش من الضحك
كده بقى الخصم من المصروف لمدة اسبوع يعنى مكنتيش علقتى كان ارحم
ههههههههههههههههههه
نورتى ياشوشو
تحياتى ودمتِ بكل خير وود
*****************
ريمان (عروسة الباشا الصغير)
وانا مالى انا هتفردى الملايه هنا ليه
ماتروحى هناك عندها واعملى فيها اللى انتى عاوزة تعمليه(دا اذا قدرتى عليها يعنى)
وبعدين طبعا من دمياط حلاوة وكنافه وقطايف ومشبك خليتى المدونة كلها لزقت
خلااااااااااااص ماتعيطيش هى المدونة مش ناقصه (وخصوصا الحاجات التانيه)
ماانا عارف انى انا اللى خطبتك
بس ياست الكل انا مكنتش اعرف انك مخطوبه لبيرو ابن محاسن(الواد شاف التعليقات عندك واتصدم ياعينى وشكله كده هيغير رأيه وهيخطب بسمة الحقى اتصرفى)
ياريت تشوفى حل بسرعه
وممكن تشوفيلها هى عريس علشان تفلسعيها من طريقك
هههههههههههههههههههههههه
.............
برستيج مين بقى ماخلاص
بس هو فيه حاجه انتى مش واخده بالك منها الا وهى :
ان عريسك يقبل القسمه على اربعه مش بس اتنين (دا كلام شرعى)
وابقى امسكى اعصابك شويه علشان انتى وانتى متنرفزة بتبقى رهيبه وفظيعه ع الاخر ههههههههههههههههههههههههههه
تحياتى ودمتِ بكل خير وود
***************
اختى زينب
عروستنا الجميلة
تحياتى
انا مكنتش عارف ان صورة الواد هتعمل المشاكل دى كلها(بس ماهو الواد امور وحليوة برضو وهما عندهم حق)
امممممممممممممممممممممممممممم
موضوع العروسه ده انا كنت قايلك انتى عليه بس انتى كده خليتى الكورة فى ملعبهم هما
ع العموم ماشى اناموافق بس العروسه تكون حلوة كده وامورة علشان الواد يطلع حلو ومسمسم وامور
بجد تسلم دماغك يازينب
بس افرضى بقى انى جبت بنوته يبقى ايه العمل ياشاطرة هههههههههههههههههههه
يبقى هى اللى هتتجوز الواد وهما الاتنين يطلعو من المولد بلا حمص
هههههههههههههههههههههههههههههههههه
وكده تبقى قطعتى الشجرة خالص يازينب
مش ضربتى 3 عصافير بحجر
هههههههههههههههههههههههههههههه
تحياتى ودمتِ بكل خير وود
********************
والسلام عليكم ورحمة الله وبركاته

المعتصم يقول...

بسم الله الرحمن الرحيم
السلام عليكم ورحمة الله وبركاته
*************
صديقى العزيز واخى الحبيب
القلم السكندرى
وعليكم السلام ورحمة الله وبركاته
تحياتى ياهندزه
انت الواحد مايقولكش على حاجه تانى ياعم حسام
بس ايه رأيك ؟ مش القصيده عاطفيه ورومانسيه وشاعريه ؟؟
بس انا عندى اعتراض بسيط وصغنن على كلامك انت بتقول
(ما كتبت يمثل الحب فعلا بغموضه اللامفهوم)
انا معاك فى موضوع الغموض واللامفهوم انما مش معاك فى موضوع الحب ده
هههههههههههههههههههههههه
تحياتى يابشمهندس ودمت بكل خير وود
****************
صديقى العزيز اسلام
تحياتى ياكاتبنا العاطفى
لو كنت عملت النضارة الجديده انزل دور يمكن تلاقى منهم حاجه
لو كنت لسه ماجبتهاش يبقى خليك قاعد وماتتعبش نفسك
هههههههههههههههههههههههههههههه
نورت البوست
تحياتى ودمت بكل خير وود
*****************
ستيته حسب الله الحمش
تحياتى
والله منورة البوست والمدونة وبلوجر كله
اهلا بحضرتك فى اول زيارة
هههههههههههههههههههههههه
ايه ده دا احنا طلعنا قرايب اهه
بس عاوز اقولك ان حضرتك لماحه قوووووى مافيش حد خد باله من القط اللى بيهيس ده خالص تخيلى
لأ ماتقارنيش تبهطل وتبعرط بالفرنساوى اللى عندك
ايوة
ده ياعينى كان راجل اخرص ومش بيعرف يكتب وحب يقول حاجه تعبر عن مكنونات نفسوياته
ايه يعنى ماننشرهاش ؟؟ ولا هو علشان مالوش ضهر فى البلد
لا لا لا لا حرام
هههههههههههههههههههههههههه
بجد انا مبسوط ان حضرتك ضحكتى من قلبك دا شيئ يسعدنى جدا
وماتعرفيش قد ايه اسعدنى تعليقك
نورتى المدونة واسعدنى مرورك الكريم
تحياتى ودمتِ بكل خير وود
والسلام عليكم ورحمة الله وبركاته

القلم السكندري يقول...

صدقت يازعيم

هو بيني وبينك أغلب الحب اللي في السوق مضروب فعلا دلوقت

كله بطرف واحد

صيني بقي تعمل ايه

بـسـمـــة صـــــلاح يقول...

لأ لأ لأ لأ
لن اتنازل عن خطيبي
هو جه خطبني من غير ما ياخد رايكوا
كلكوا
لان رايكوا يودي في داهيه
على العموم كلمني من شويه في الموبايل
وقالي انه مش هيقدر يستغنى عني
وان البت ريمان دي معلقها كدا وخلاص
رحمة وشفقه بيها
عشان هي مسكينه
انا وافقت عشان صعبانه عليا تلاقي قلبها متقطع حتت حتت
بس نعمل ايه القلب ومايختار وهو اختارني انا
بنوته عسوله وحليوه ومسمسمه زيه
وملكة جمال كمان
ياخواتي عليا ياخواتي وعلى ختشيبي
العسول
ربنا يخليهولي يارب لوحدي انا وبس
ومحدش ياخدك ياصاصا ياحبيبي
يلا بقى ياريمان اتشطري وشوفيلك عريس غيرة
وانا لن ارضى بالتعدد وهطلع عينه وعين اللي ياخدها عليا
موهاهاهاهاهاها
سلاموز ياكماحه وموتوا بغيظكم وشطشطوا وولعوا
هعهعهعهعهع

خديجة عبدالله يقول...

السلام عليكم
هعلق تانى معلش :) بعد إذن حضرتك
الركب الشنقيطى عشان " شنقيط" بلد المليون شاعر وكده ..موريتانيا :)
بس أنا ميعاد الكورس مش مناسبنى خالص ربنا يوعدنا بقه ونكون طلعنا منها على خير وروحنا الجنة إن شاء الله
هناك بقه هخلى أبو القاسم الشابى يعلمنى الشعر بنفسه :)
هوة صحيح مش شنقيطى بس ينفع برده

شكرا لحضرتك ودمت بخير

معتز شاهين - باحث تربوي يقول...

ده كلام لذيذ وسهل خالص

بس يعني أيه ( البعاق المتفرطش ) ده؟؟؟!!!

وأدعوك لزيارة مدونتي والمشاركة فيها

kalamfady يقول...

دا انجليزى دا يا مرسى..........
شكرا على الابتسامه

Sweet Violet يقول...

انا جيييييييييييييييييييييييييييييييييت

ازيك ؟؟

ايوة ايوة عارفه انى نورت ..لالالالا مش قادره اشرب حاجه انا

يااااااااااااااه ليه بس تحلف بقول مش قادرة الله !!!

خلاص خلاص لو كان لازم هات شوب نسكافه مع اتنين شوكولاته جلاكسى مع نص تورته شوكولاته لانى بجد مش قادره اكل ولا اشرب حاجه

ايه بتقول ايه كمان فاكهه ؟؟؟ لالالا حرام بقى يابنى مش قادره بقول

خلاص خلاص بطل حلفان .. هات اربع خمس ست موزات و تالته اربعه برتقال بس بقى كده لان فعلا مش قادره ((:

تعالى بقى هنا

ده الجزء الاول كان ارحم على الاقل المعانى مفهومه

دى المعانى محتاجه معانى تانيه ((:

طبعا طبعا الضيقه راحت لما انا جيت نيهاهاهاهاهاهاهاهاهاها

بجد اشكرك على سؤالك

تحياتى (:

المعتصم يقول...

بسم الله الرحمن الرحيم
السلام عليكم ورحمة الله وبركاته
معلش يااخوانا النت عمل فيا فصل بايخ امبارح وعلشان كده مقدرتش ارد على التعليقات اعذرونى
***************
القلم السكندرى
اخى الحبيب (رئيس مجلس ادارة المقاولون العرب المستقبلى ان شاء الله)
تحياتى يا باشا
ايه ده هو انت مكنتش تعرف انه كل الحب اللى موجود دلوقتى صينى ؟؟؟
طب انا راضى ذمتك
هو فيه ايه فى البلد دلوقتى مش صينى ؟؟
فيه حديد تسليح(بحكم المهنه يعنى)صينى لعب الاطفال صينى عرايس الولد صينى الادوات الكهربيه صينى
دا حتى الدهب نزل منه دهب صينى يامؤمن وبيتباع بالقطعه مش بالجرام(انا مش فاهمها بس اهو اللى حاصل)
يعنى هى جت على الحب هو اللى مش هيبقى صينى ؟؟؟؟؟؟
ياعمى دماغك ماهو كله مزركل
نورت ياهندسه
تحياتى ودمت بكل خير وود
****************
بسمة صلاح
تحياتى
بقى رأينا احنا يودى فى داهيه ؟؟
عارفه انا كنت هقف فى صفك انتِ وهو وخصوصاً بعد ماعرفت حكاية بيرو ابن محاسن صابر وانه خاطب البت ريمان
بس طولة لسانك دى هى اللى موقفه نفسى منك ومخليانى واخد صف ريمان
بطلى لماضه شويه
وبعدين انا هسأل الواد وهو اللى هيقرر بقى
انا ماليش دعوة دى حياته هو وهو حر فيها
انا عم ديموقراطى
بس لو هو عاوز يعدد انا برضو ماليش دعوة علشان ماتقوليش انى انا اللى مطلعها فى نفوخه
ايوووووووووووة انا مش ناقص وش
هههههههههههههههههههه
تحياتى ودمتِ بكل خير وود
والسلام عليكم ورحمة الله وبركاته

المعتصم يقول...

بسم الله الرحمن الرحيم
السلام عليكم ورحمة الله وبركاته
**************
خديجة عبدالله
اختى الكريمه
تحياتى
وعليكم السلام ورحمة الله وبركاته
ولا يهمك علقى براحتك انشالله عشرمية تعليق يسلام واحنا فى ديكى الساعه
بصراحه انا مكنتش اعرف موضوع شنقيط ده افتكرتها تبع تبهطل وكده
بس طالما هى طلعت بلد فعلا يبقى على كده دى قريبه من البحيص اللى هو الوادى اللى فى شمال المريخ
هى مش موريتانيا والمريخ على خط طول واحد برضو ولا انا بليد فى الخغرافيا؟
لو المعاد مش مناسبك نغيره ياسلام بس كده سهله ان شاء الله
وان شاء الله لما هتروحى تشوفى ابوالقاسم الشابى ممكن تلاقينى عنده هناك اصله كان صاحبى من ايام ابتدائى وكنا بنلعب حكشه مع بعض
وعلى فكره لو علمك الشعر ابوالقاسم يبقى هتعرفى شنقيطى برضو
اصله كان واد معفرت ويعرف كل حاجه
هههههههههههههههه
اختى الكريمه نورتى المدونه بمرورك الجميل
تحياتى ودمتِ بكل خير وود
***************
الاستاذ/معتز شاهين
تحياتى
نورت المدونة واسعدتنى الزيارده الاولى ويارب ماتكونش الاخيرة
طيب لما هو الكلام سهل ولذيذ خالص
وقفت معاك يعنى على البعاق المتفرطش ؟
انا لولا مش فاضى دلوقتى كنت ترجمتهالك كلها بس انت عارف المشغوليات
انا عديت على المدونة بتاعتك وهى مدونة هادفه خالص
وخصوصا موضوع المراهقين ده والمرحله العمريه الخطيرة دى
وان شاء الله اكون من المتابعين
تحياتى اخى الفاضل
ودمت بكل خير وود
******************
كلام فاضى
تحياتى
نورت المدونة فى اول زيارة ويارب ماتكونش الاخيرة ويستمر التواصل
اما بخصوص الانجليزى بصراحه انا نفسى مش عارف هو ايه ووعد منى اول مااعرفه هقولك على طول
ويارب تكون الابتسامه اترسمت بجد لأن ده شيئ يفرحنى ويسعدنى
تورت المدونه واسعدنى مرورك
تحياتى ودمت بكل خير وود
******************
سويت
اهلا اهلا اهلا اهلا
ربنا يخليكى
انتش مش بس نورتى المدونة لأ ده بلوجر كله نور
ياستى مش قادة ايه دا اسمه كلام برضو تيجى بعد الغيبه دى وماتشربيش حاجه
دا انا هخلى خالتك ام محمد تطلع فوق السطح وتدبحلك وزة علشان تتغدى بيها علشان انا شايفك هفتانه اليومين دول وشكلك مش بتاكلى كويس
انتى يادوب تنقنقى بس فى شوية الحاجات دول(نص تورتة شكولاته واتنين كيلو موز على اتنين كليو برتقال واتنين تفاح بس) على ماالوزة تستوى كويس
اما الشكولاته بقى فاانا هخلايهالك بعد الاكل علشان ماتسدش نفسك وتعرفى تتغدى كويس
............
يعنى انتِ فهمتى الجزء الاول ؟؟؟؟؟؟؟؟؟؟؟
وفهمتى معانيه؟؟؟؟؟؟؟؟؟؟؟؟؟؟
خلاص انا هعقد معاكى اتفاق
انتِ تشرحيلى الجزء الاول السهل وانا هشرحلك الجزء ده الصعب
ايه رأيك ؟؟؟؟؟

اكيد اكيد طبعا الضيقه راحت اول ماسموك شرفتى المدونة على طول
دا حتى من اسمك لازم تروح فمابالك انك جيتى بنفسك سموك
يعنى دا كتير علينا بجد


هو مش احنا عيلة بلوجريه واحده(الكلام دا حد قالهولى قبل كده لو تفتكرى)يبقى ازاى مااسئلش وبعدين هو فيه واحده تشكر اخوها الكبير على حاجه زى كده ؟؟؟
نورتى واسعدنى مرورك
تحياتى ودمتِ بكل خير وود
والسلام عليكم ورحمة الله وبركاته

Sweet Violet يقول...

يعنى الواحد ماحبش يعترض فى اول تعليق و يمارس الهوايه بتاعته علشان بس لسه راجع من بعد غياب

تقوم انت مصمم ماااااااااااااااااااشى

اولا اعترااااااااااااااااااااااااااااااااااااااااااااااااااااااااااااااااااااااااااااااااض

انا مابحبش الوز ولا البط و اى حاجه منتج بلدى مابحبش اشجعه (عميلة انا عارفه نيهاهاهاهاها ) انا مش باكل الا الفراخ البيضه لو ممكن كام جوز حمام ماشى غير كده لا

نيجى بقى فى ثانيا اعتراااااااااااااااااااااااااااااااااااااااااااااااااااااااااااااااااااااض

اولا انا قولت المره اللى فاتت نزل باقى المعانى علشان نفهم يبقى اشرح ايه بقى اذا كان لسه انت ما نزلتش باقى المعانى

اما بقى الجزء الصعب ده اللى انت منزله ده .. الله يسمحك بقى هه بس عااااااااااااااااااااااااااااااااااااا

و كمان عااااااااااااااااااااااااااااااااااااااااااااااااااا

ايوة ايوة انا عكس البوست ضحك يبقى اعيط البوست عياط يبقى اضحك

امال ضد ازاى بس

صحيح تعالى هنا

انت ماجبتش سيرة شوب النسكافه ليه لالالالالالالالالا مافيناش احنا من كده

هتعمله يعنى هتعمله هو احنا بنهرج هنا ولا بنهرج هنا

هع

اما بقى موضوع ان فى واحده تشكر اخوها الكبير اخجلتنى بجد

بس بردو شكرا (:

ريمان يقول...

اهىء اهىء


عرفت الحقيقه؟


اهىء اىء اهىء

عاااااااااااااااا

عاااااااااااااااااااااااااااااااا


عااااااااااااااااا بصوت عالى

معلس معلس

انا بعترف انى مخطوبه لبيرو

مكنتش عايزاك تعرف خالص

بس انا حبيت مصطفى من اول نظره والله

ومن اول ما حبيته قولت خلاص مش هتخطب لحد غيره ومش هبص لاى حد غيره

وبعدين بقه بسمه دى جايه تخطفه منى

عاجبك كده؟

ده يرضى مين ده

وبعدين اعتبر موضوعى انا وبيرو ابن محاسن طيش بنات وخلاص

:(


:(

:(


انا حزينه اوى

محدش ياخد خطيبى مصطفى الصغنن منى

حرام عليكى يا بسمه والله

................


زينب

اصلا انا هاخد برضه ابن المعتصم ان شاء الله

خلى بسمه دى تطلع منها خالص بقى

................


المعتصم

هتقول عليا طفسه اه انا طفسه بقى


,...................

البت بسمه

خطافه العرسان

مصطفى مش كلمك خالص ولا ااتصل بيا

عارفه ليه

لان

ريمان + مصطفى _ بسمه = الحب كله

اطلعى منها بقى يا اوختشى

*shosho* يقول...

الياشا وصل

احم احم
ازيك يامعتصم (شلت الالقاب خالص وريحت دماغي)

عامل ايه؟؟
بص بقى انا هقولك كلمك في ودنك بيني وبينك
الواد المسكر المحنطر اللي في الصورة دا عجبني اوي ودخل قلبي وبصراحه كدا انا خطبته وخلصت ومسألتش لافي ريمان ولا في بسمه

فأنا جايه اعزمك على حفلة الخطوبة بكرة ان شاء الله
مستنياك انت والعيلة الكريمة في استاد سمالوط هههههههههههههههههه

اهو زي مابقولك كدا
حد سمع حاجة انا بقولك في ودنك

يلا بقى مستنياكو
ومستنيه العريس

هههههههههههه

سلام..

خديجة عبدالله يقول...

عندى تدوينة جديدة وحضرتك لم تشرفنى بالاطلاع عليها
ربنا يعين حضرتك الناس بتعلق وتلف وترجع تانى تعلق :) ماشاء الله

المعتصم يقول...

بسم الله الرحمن الرحيم
السلام عليكم ورحمة الله وبركاته
*************
سويت
تحياتى
تعليقين فى يوم واحد لأ دا كتير عليا
ااااااااااااااه
انتى جايه تعترضى فى التانى ماشى ماشى
اولا :
عادى يعنى مابتحبيش الوز او البط(انا برضو مش بحبه ومش باكل لا وز ولا بط)
وكمان انتى كده هتوفرى والوزة بالهنا والشفا لعمك صلاح
نبقى نشوفلك جوز حمام مزغلل كده نحشيهولك (وابقى اتشرطى ياستى براحتك)
ثانيا:
انتى النهاردة قولتى على القصيده الاولى سهله يبقى معنى كده انك فهمتيها
ماليش دعوة
وبعدين انتى ماشيه عكس الناس يعنى الناس تضحك انتى تعيطى والعكس دى بقى حاجه بتاعة ربنا ومالناش يد فيها
يبقى عيطى براحتك وانا هعملك ايه
اغير البوست واخلى الناس كلها تعيط علشان خاطر سيادتك تضحكى يعنى ولا ايه؟

وبعدين نسكافيه ايه وبتاع ايه ؟ دا حرام البتاع ده وانا حالف عليه
دا انا ماصدقت بطلته(اصلى بعيد عنك كنت مزمن يعنى تخطيت مرحلة الادمان ودخلت مرحلة الازمان ودى اخطر)
ومافيش نسكافيه
تانى شكرا طب يعنى اقولك ايه ؟
عقلك على قدك
هههههههههههههههههههههه
تحياتى ودمتِ بكل خير وود
*****************
ريمان
تحياتى
دموع التماسيح
جايه تعترفى انك مخطوبة لبيرو بعد ماكل شيقن انكشفن وبان
الواد واخد على خاطره ومش راضى يتكلم مع اى حد فى الموضوع ده ولسه مش عارف هو ناوى على ايه
هو انا معاكى ان بسمة كانت جايه تخطفه وانا كنت واخد صفك بس بصراحه دلوقتى موقفك بقى صعب وانا مش هقدر ادافع عنك خالص مالص
وكمان انا مااقدرش اعتبر ان موضوعك مع بيرو طيش بنات وخلاص افرضى الواد لسه متعلق بيكى هيقعد كل شويه يتنطط لنا هنا ونعمل مشاكل
موقفك بقى صعب صعب صعب
..........
اه على فكرة انا ابنى خلاص منظرله على واحده لسه مالهاش سوابق طيش مع حد يعنى تنسى الموضوع اللى بتقولى عليه لزينب ده
..........
طفسه طفسه موضوع يخصك وحدك بس ابقى اتحملى العواقب بقى وماتعيطيش ياشاطرة وخلى الطفاسه تنفعك
............
تصدقى انى لقيت رصيد الموبايل بتاعه ناقص ربع جنيه
يعنى معنى كده انه اتصل بالبت بسمه بجد وحكى معاها كتير (ربع جنيه بحاله دولى)
ههههههههههههههههههههههههههههه
تحياتى ياريمان ودمتى بكل خير وود
*************
شوشو هانم
تحياتى
ايوة ماهى نقصاكى انتى كمان
انا مش قادر على ريمان وبسمه وكمان انتى دخلتى فى الموضوع
بس تعرفى فكرة برضو
انا هقول للواد على موضوع الخطوبه ده واذا وافق كلنا طالعين بكرة على استاد سمالوط طوالى ومن غير تأخير
بس هو الموضوع ده مش هيعملك قلق فى البيت مع ابوالشمقمق والبت بسمه بما انها زعيمة العصابه قصدى الكبيرة تروح تشكى وتقوله دى خطفت خطيبى وهو يعترض على الخطوبه ؟
ظبطى الامور وانا هكلم الواد
اوك ؟
وبعدين يعنى حتى من باب البكش والاونطه والسياسه ماتشيليش الالقاب دلوقتى دا انا هبقى عم عريسك استنى حتى لما الموضوع يتم وبعدها ابقى شيلى الالقاب براحتك بدل ماافركشهالك
ههههههههههههههههههههههههههههههههههه
نورتى ياشوشو
تحياتى ودمتى بكل خير وود
والسلام عليكم ورحمة الله وبركاته

المعتصم يقول...

بسم الله الرحمن الرحيم
اختى خديجه
تحياتى
قرأت تدوينتك الجديده الجميله (بتاعة العصارة)بالامس ولكن النت عمل فيا فصل بايخ ومعرفتش اعلق
انما ان شاء الله رايح دلوقتى على طول اهه
تحياتى ودمتى بكل خير
والسلام عليكم

نبض الحياة يقول...

اولا اهلا بيك
ثانيا هى اول زيارة ليا لمدونتك بس مش هتكون اخر زيارة علشان يمكن فى العدد القادم اقدر احل اللغز
تقبل مرورى
تحياتى

المعتصم يقول...

بسم الله الرحمن الرحيم
السلام عليكم ورحمة الله وبركاته
نبض الحياة
تحياتى
نورتى المدونه يااختى الكريمه
وزيارتك اسعدتنى
ويارب ماتكونش اخر زيارة
وان شاء الله تفهمى المرة الجايه(علشان لو فهمتى تبقى تفهيمنى انا)
بس ايه ده امال لغة عربيه ازهر ومش فاهمه ازاى ؟؟؟
امال الفية ابن مالك وشرح ابن عقيل راحو فين ولا بحور علم العروض والاستشهاد بغريب الابيات الشعريه
لما انتِ درستى دا كله ومش فاهمه يبقى مين اللى هيفهم ؟؟؟؟؟؟؟؟؟؟؟؟
ههههههههههههههههههههههه
انا بهزر
على فكرة احنا زمل
اسعدنى مرورك
تحياتى ودمتِ بكل خير وود
والسلام عليكم ورحمة الله وبركاته

نبض الحياة يقول...

انا برضه كنت هقولك انى لغة عربية
بس شكيت فى امرى ومردتش اقول بس خلاص بقى انت كشفتنى
وع العموم انا هارجع تانى للقواميس لانى اول ما قريت نسيت اللغة العربية .
بس مقولتش بقى عشان برضه نبقى عارفين دة شعر جاهلى ولا من اى عصر
انا عامة عاوزة اقولك انى فى الأدب الجاهلى كنت وحشة جدا .....ودى المادة الوحيدة اللى مكنتش عاوزة ادخل لغة عربية عشانها رغم انى بحب الشعر وبحب كتابة الأشعار ...
دة سر اوكى...

المعتصم يقول...

بسم الله الرحمن الرحيم
السلام عليكم ورحمة الله وبركاته
اختى الكريمه نبض الحياة
تحياتى
اولا اشكرك على المتابعه
وبعدين يعنى مش معقول هرد على تعليقك من غير ماازور مدونتك واعرف انا بتكلم مع مين ولا ايه؟
بس عاوز اقولك انك ماتتعبيش نفسك وتدورى على شرح للقصيده دى
لأنها بكل بساطه كده كانت تهييس من واحد انا مااعرفش هو من انهى عصر من العصور الشعريه(الجاهلى الاموى العباسى الفاطمى ...... الخ)
انا بس كنت بهزر ليس الا والموضوع مش محتاج انك تتعبى نفسك
وماتقلقيش سرك فى بيييييييير غويط مالوش قرار
هههههههههههههههههههههههههه
تحياتى ودمتِ بكل خير وود
والسلام عليكم ورحمة الله وبركاته



تحياتى ودمتِ بكل خير وود
والسلام عليكم ورحمة الله وبركاته

ايوشة يقول...

بخصوص الموضوع بتاع تاريخ اسيوط انا مطلوب ايه منى بالظبط اعمله انا عادى طول النهار والليل ولا غلة ولا مشغلة :)

عاشقه وغلبانه يقول...

ايه الحلاوه دي

عموما انا الثقافه عندي الماني زي ماهو معروف عني

ممكن تترجملي

المعتصم يقول...

بسم الله الرحمن الرحيم
السلام عليكم ورحمة الله وبركاته
***********
ايوشه
تحياتى
اتكلمنا طبعا عن موضوع الكتابه عن اسيوط بلدنا الحبيبه
وفى انتظار ابداعك عنها فى اقرب وقت
تحياتى ودمتِ بكل خير وود
***************
عاشقه وغلبانه
تحياتى
منورة المدونة ياكتورة
كبيرة مشجعى النادى الاهلى عندى فى المدونة يامرحبا يامرحبا
بس ايه ده ؟؟
ثقافتك المانى ازاى دلوقتى ؟؟ المفروض تبقى برتغالى (هو مش احنا دلوقتى تبع مانويل جوزيه)
على فكرة انا اهلاوى برضو ودخلت مدونتك قبل كده كذا مرة بس مكنتش بكتب تعليق
نورتى المدونه واسعدتنى الزيارة يادكتورة ويارب ماتكونش اخر مرة
تحياتى ودمتِ بكل خير وود
والسلام عليكم ورحمة الله وبركاته

norahaty يقول...

عمُنا الاستاذ مصطفى
حبيت أصبح بس
وكمان اختم
التعليقات
مش انا كنت المفروض
اول واحدة يبقى أقفل الباب
بقى :)واكتب واحد جديد لامااا
ولا بلاش :):):):):)الطيبات أحسن

فتافيت يقول...

هع هع هع هوووووووووووع

العجل في بطن امه؟؟

صح؟؟

كده انا كسبت جايزة المعزة الذهبية عاااااااااااا

ده عربي يا مرسي بجد؟؟؟؟؟؟؟

فتافيت يقول...

ايه ده
مين مصطفى ده (نفس الوش اللي لبسته ليا هناك)

يااااااااااااه على الدنيا
شوفت عملت عبيط عندي
بعدها ب5 دقائق اونلي.. كنت عبيطة عندك

شوفت الدنيا .. ديه موعظة
المفروض ننشرها يا عمدة
ولا اقول يا درش بقى
هع هع هع

المعتصم يقول...

بسم الله الرحمن الرحيم
السلام عليكم ورحمة الله وبركاته
************
norahaty
اهلا يادكتورة
واحلى صباح
وختمه مسك وكده تبقى عملية تعويض عن اول تعليق
ههههههههههههههه
بس فتافيت جت بعدك (علشان متغاظة)
وبعدين من غير تهديد
دا انا غلبان ومسكين
والعمليه مش محتاجه لامااااا
ايوة الله ينور عليكى الطيب احسن
ههههههههههههههههه
تحياتى ودمتى بكل خير وود
************
فتافيت
هع هع هع
طول عمرى بقول عليكى انصح اخواتك هههههههههههههههههههههههههههه
صح الصح
دا انتى الوحيده اللى عرفتى الحل
وعلشان كده مستنيينك تيجى تستلمى الجايزة بس هى مش المعزة الذهبيه هى الجدى الذهبى ههههههههههههههههه

ده انا مش عارفله لغه لدلوقتى
هههههههههههههههههه
.............
مين مصطفى ده ؟؟؟
انا مااعرفوش
بس اللى انتى ماتعرفيهوش ان كل اللى بيعلقو عندى هنا يعرفوه
تخيلى بقى
يعنى انتى دايما كده جايه متأخرة فى كل مرة
ودى بقى الحاجه اللى كانت بتخلينى اخبى الحلاوة منك ومش احجزلك اول تعليق
عرفتى بقى السبب !!!

صحيح ايه رأيك ننشر بوست عن الحكمة دى
انا هسيبلك انتى الموضوع ده
اصلك انتى طول عمرك شاطرة فى الكتابه واسلوبك لوذعى
(هييييييييييه دبستك يار....)
ههههههههههههههههههههه
تحياتى ودمتى بكل خير وود
والسلام عليكم ورحمة الله وبركاته

فتافيت يقول...

ياااااااااس لام .. والنبي صحيح
الا الكل عارف واني لاع؟؟؟؟؟؟
يوة جاني الطين هع هع هوووووع

بص يا عمدة.. انا هاعمل بوست بكره بعون الله عن الحكمة ديه

بس بكره ليه بقى؟؟
قولتلي ليه.؟؟

علشان الفراولة تاخد حقها من رد الناااااس

تمااااموز.. :)