الثلاثاء، 17 مارس 2009

سوار الذهب


بسم الله الرحمن الرحيم
انا اسف يا جماعه
بس النت عندنا فاصل وحتى التليفون مش شغال
السلام عليكم ورحمة الله وبركاته

المشير عبدالرحمن سوار الذهب هو الرئيس الاسبق للسودان هو الرئيس العربى الوحيد الذى تنازل عن الحكم طوعية واختياراً لغيره
المشير عبدالرحمن محمد حسن سوار الذهب - من مواليد السودان عام
1935 و الرئيس السابق للجمهورية السودانية، ورئيس مجلس أمناء منظمة الدعوة الاسلامية. استلم السلطةاثناء انتفاضة ابريل 1985 بصفته اعلى قادة الجيش وبتنسيق مع قادة الانتفاضةمن احزاب ونقابات ثم قام بعمل غير مسبوق في العالم العربي إذ قام بتسليم السلطة للحكومة المنتخبة في العام التالي. إعتزل العمل السياسي وعكف على عمل الدعوة الاسلامية. كان يشغل منصب رئيس هيئه اركان الجيش السودانى ، ثم وزير الدفاع وذلك في عهد الرئيس الاسبق جعفر نميري ، رفض تسليم حاميه مدينه الابيض العسكريه عندما كان قائدا للحاميه عند انقلاب الرائد / هم العطا عام 1971، حتى استعاد النميرى مقاليد الحكومه بعد ثلاثه ايام.
تخرج من الكلية الحربيه فى السودان عام 1955 وتقلد عدة مناصب فى الجيش حتى وصل الى وزير الدفاع
ثم تم ابعاده تعسفيا عام1972وذهب للعمل بقطر مستشاراً للشيخ خليفه بن حمد ال ثانى
ثم عاد للسودان عام وتم تعيينه رئيس هيئة الاركان وعام 1985 تم تعيينه قائداً اعلى للقوات السودانية
وفى ابريل 1985 وبعد الانقلاب العسكرى تقلد رئاسة المجلس الانتقالى الى حين قيام حكومة منتخبة
وفي بادرة لم يعهدها
التاريخ العربي المعاصر، سلم المشير سوار الذهب مقاليد السلطة للحكومة المنتخبة وبعدها اعتزل العمل السياسى
يشغل حاليا منصب رئيس مجلس أمناء منظمة الدعوة الاسلامية في السودان، ويعود الفضل إلى تلك المؤسسة في تشييد
المساجد، المستشفيات، ملاجئ الإيتام ومراكز رعاية الطفولة.
وعلى الرغم من ان هناك اراء اخرى تختلف حول سوار الذهب وتقول بضعف شخصيته وانه كان مجرد اداه تتحرك كما يريد الاخرين
الا اننى ارى فى هذا الرجل نموذجا ً جميلا للرئيس والحاكم وليت الكثير من حكامنا مثله

(منقول من عدة مواقع وارجو ان ينال اعجابكم)

والسلام عليكم ورحمة الله وبركاته

هناك 39 تعليقًا:

المعتصم يقول...

بسم الله الرحمن الرحيم
السلام عليكم ورحمة الله وبركاته
الدكتورة نور
تحياتى
وكمان هحجزلك اول تعليق هنا اهه
بس ماتتعوديش على كده كل مرة لحد يفتكر ان الموضوع فيه كوسه وخيار وفقوس وكده
هههههههههههههههههههههههههه

نبض الحياة يقول...

طالما اول تعليق محجوز نحاول نبقى تانى تعليق وياريت ميكونش محجوز هو كمان .
موضوعك جميل ومفيش حد بتتفق عليه الناس كلها حتى لو فيه ناس مختلفه عليه المهم انه حد مشرف لبلده وكلنا نتمنى ان حكامنا يكونوا كدة او حتى احسن مش المهم المهم انهم يكونو ناس نفخر بيهم ويكونوا واجهة مشرفة لبلدهم .....
تحيااااااااااتى

حسام غانم يقول...

ياااه

فعلا والله كنت عايز أعرف عن سوار الدهب أكتر

ربنا يجازيك خير يا معتصم

ودايما مواكب للأحداث

fnoonh يقول...

على فكرة بقى انا اول تعليق هه ماليش دعوة

انا اول تعليق لفنونة

بوست جميل جدا ومفيد جدا
ربنا يجزيك خير على نشرة


تقبل خالص تحياتي


وافتكر انا اول تعليق هه ماتقولش لحد

mohamed ghalia يقول...

جزاك الله خيرا يا معتصم
وبورك فيك على أمانة النقل
دمت بكل الود

Sweet Violet يقول...

كل مرة اجى الاقى اول تعليق محجوز

مفيش ولا مره تحجز ليا تعليق

طب بالذمه ده كلام ؟؟

لا بجد يعنى ده كلام ؟؟؟

فعلا ده ينفع يعنى ؟؟

ولا هو ينفع كده يعنى ؟؟؟

يعنى اعمل اضراب عن التعليقات دلوقتى ؟؟

ولا اعمل اضراب انا دلوقتى ؟؟؟

ماترد عليا

اعمل اضراب ولا اعمل اضراب ؟؟

غريبه انت ليه مابتردش هه

ايه .. حاسس بالذنب هه

صح ؟؟

بس بردو اعمل ايه انا بقى فى الاحساس ده ؟؟

يعنى كده بقى التعليق بقى محجوز ليا ؟؟؟

ماينفعش بجد الكلام ده

بقى انا بقول

تروح تقول


لالالالالالا بجد ماينفعش الكلام ده خلاص

^^^
نعلق على البوست بقى و بعدين نرجع تانى للكلام المتلخبط اللى فوق (:

تفتكر يعنى مصر هيكون فيها حد زيه كده ؟؟؟

يعنى هيبقى فى حد ممكن نفتخر بيه زى ماكنا بنفتخر بناس زمان ؟؟؟

مجرد سؤال مش تشاؤم ولا حاجه بلاش تفهمنى صح (:

^^^^^

عودنا

على فكرة انا مش هشرب حاجه عندك ولا هاكل اى حاجه و رجع بقى العزومه بتاعت المره اللى فات

مش عايزة حاجه انا من هنا

يلا بقى

انا ماشيه و انا زعلانه جدااااااا

بس بس

هو خلاص كده انتهى

مقاطعه المدونة دى 1 فيمتو ثانية

هه بس

نفسوياتى تعب انا

عاااااااااااااااااااااااااااااااااااااااااااااا

فتــافيت (رحاب الخضري) يقول...

ده مش كوسه ده قرع بقى
الراجل ده مش هايجي منه تاني .. فيه حد في الدنيا
هايسيب الحكم علشان الدهوة

انا بحترمه جدا على فكرة .. وكنت اتكلمت عنه في بوست منتظر

تسلم يا عمدة بجد


بوست جاااااااااامد

د. ياسر عمر عبد الفتاح يقول...

أول مرة أسمع عنه
بس بجد مش مصدق إن ممكن زعيم عربى بتنازل عن الحكم طواعيةً واختياراً

فتــافيت (رحاب الخضري) يقول...

انا بحتج على فكرة على حجز التعليقات
ماتعملها بون يا عم اشترك وخلاص
حتى ما تدفعش خالص

انا شكل هاعلن التمرد عليك

مرة تخبي الحلاوة بتاعتي في الدرج
ومرة ما تعبرنيش خالص
وانهاردة كل ماادخل بوست قال ايه
الاقي اول تعليق محجوز

وشوف بقى اللي ينقط .. انه مش محجوز ليا

قدرت تعملها؟؟؟؟؟؟؟؟؟.. خدت حبوب شجاعه ولا حقن قوة قوووووولى

قولي بس انت

موناليزا يقول...

اشكرك جدا على هذه المعلومات
انا شخصيا اول مرة اسمع عنه
باتوفيق دائما

رحلتنا في الحياة يقول...

والله انا معرفهوش خالص بس موضوع شخصيته ضعيفة ولعبة اداة
لما بسال الناس اللى عصرت جمال عبد الناصر بيقولوا كان شخصية عظيمة بس كان بيسمع كلام اللى حواليه يعنى كل انسان مش خالى من العيوب

♥..~*شـــوشـــو هـــانــم*~..♥ يقول...

واااااااااااااااااااااء
وااااااااااااااااااااااء
واااااااااااااااااااااااء
واااااااااااااااااااااااااء

لا تعليق..

♥..~*شـــوشـــو هـــانــم*~..♥ يقول...

اوعى بس تحجز التعليق الأول في البوست الجاي لحد غيري

هه؟؟

ال تحجز ال

ريمان يقول...

السلااااااااااام عليكم


يا سلام يا سلام على الزحمه دى

وايه الحرب على التعليق الاول دى


يا حلاوه يا ولاد

يا سلااااااااااام سللللللللللم

طب ربنا يزيد ويبارك يا رب


....................................

انا اول مره اسمع عن سوار الذهب ده

بس بجد

يستحق انك تتكلم عنه والله

بس غريب اوى انه اتنازل عن الحكم كده

............................

ينفع اقول سلم لى على عريسى؟

ولا خلاص معادش عريسى؟

:(

fnoonh يقول...

اه كنت عاوزة اقولك حاجة وكل شوية انسى

صورة ال بي بي الانت حاطه ده جميله قوي

ربنا يخليه شكلك والله اعلم ان انت عمه مش كده
ههههههههههههه

سلملي عليه كتييييييييير

انا بمووووووووووووووو- - -الخ ت

في الاطفال ربنا يخليه

ريمان يقول...

هو فى ايه بقى


كل شويه واحده تدخل تعاكس عريسى


وبعدين بقى؟



الله؟

..........................

المعتصم يقول...

بسم الله الرحمن الرحيم
السلام عليكم ورحمة الله وبركاته
************
نبض الحياة
تحياتى
ههههههههههههههههه انتِ فعلا اول تعليق لانى انا ماتحسبش
صدقتى مافيش حد بيتفق عليه الناس
بس حتى هو لو كان فيه الكلام اللى بيقولوه عليه كام ممكن برضو بعد مايتسلم الحكم يخلص على اعدائه وينفرد بالكرسى والجماعه بتوع مات الملك عاش الملك هيمشوا وراه عادى جدا
انما هو علشان راجل محترم نفذ كلمته وهو كان له موقف قبل كده مع النميرى مشابه لانه كان مديله كلمه ورفض انه يخونه
كلنا نتمنى ان حكامنا يكونو مصدر فخر لينا ولكن تظل فقط امنيات
اختى الكريمة نورتى المدونة
تحياتى ودمتِ بكل خير وود
****************
د/حسام غانم
تحياتى
لو عاوز تعرف عنه اكتر ياباشا اكتب بس اسمه فى جوجل وهتلاقى مليون حاجه عنه انا ماكتبتش الا اقل القليل يادوب مجرد تعريف بالراجل ليس الا
بس هى فين مواكبة الاحداث يادكتور ؟؟
هههههههههههه
اسعدنى مرورك
تحياتى ودمت بكل خير
***************
فنونة
تحياتى
لو العملية بالدراع والعافيه تبقى انتِ اول تعليق
انما انتِ مش اول تعليق ليه بقى ؟؟
البوست نازل الساعه3.24وسيادتك كنتى موجوده على النت وماكتبتيش تعليق ولا حاجه وانا دخلت عندك بعد مانزلته وعلى ماسموك افتكرتى كانت الساعه 5.10يبقى انتِ مش اول تعليق هه
على العموم عاوزة تمشيها اول تعليق مشيها وانا مش هقول لحد
هههههههههههههههههه
نورتى المدونة يا افنان
تحياتى ودمتِ بكل خير وود
***************
صديقى العزيز
محمد غاليه
تحياتى
وجزاكم كل خير يامحمد
يعنى هكدب مثلا واقول انى انا اللى مؤلف الموضوع ههههههههههههههههه
اسعدنى مرورك
تحياتى ودمت بكل خير وود
والسلام عليكم ورحمة الله وبركاته

المعتصم يقول...

بسم الله الرحمن الرحيم
السلام عليكم ورحمة الله وبركاته
******************
سويت هانم ابوالدهب
تحياتى
منورة بلوجر كله سيبك انتى
خلاص ياسلام وهو احنا نطول برضو ان سموك تكونى اول تعليق عندنا
انا بس بخاف احسن اتحسد لما تبقى انتى اول تعليق عندى بس ادى كل السبب
دا انتى تؤمرى واحنا ننفذ معاليكى
وهو احنا قد الاضرابات الله يسترك خلينا ماشيين جنب الحيطه
ههههههههههههههههههههههههههههه
يخرب عقلك دا انتى كارثه بجد
على فكرة انتى تنفعى تكتبى سيناريوهات افلام وكده (الكلام والرد بتاعه بالانفعالات حكايه حكايه)
^^^^^^^
موضوع افتكر مصر هيكون فيها حد زى كده مااظنش بصراحه حتى لو اتغير اللى بالى بالك (اللى هو اللمبى ماتوديناش فى داهيه)
كل اسئلتك مش متشائمة ولا سوداويه خالص . مش عارف ليه ؟؟؟
^^^
عوداً احمد يا باشا
ماينفعش ماتشربيش حاجه
امال النسكافيه اللى اتعمل ده مين اللى هيشربه بس بعد ماياكل جوز الحمام المحشى بالهنا والشفا ؟؟؟ لايونكن ابدا ابدا ان شاالله اللى ياكله غيرك .......... اهوه
وانا عارف انه مش هيهون عليكى تقاطعى المدونة بتاعة اخوكى الكبير ولا ربع فيمتو لحظة انا عارف قلبك حونين
ههههههههههههههههههه
سلامة نفسوياتك من التعب

نورتى البوست والمدونة كلها
تحياتى ودمتى بكل خير وود
****************
فتـــــــافيــــــت
اخيراً هل هلالك
هههههههههههههههه
اديكى شوفتى الناس اللى بتعبرنى بعاملها ازاى كوسه وقرع وخيار من ابو4جنيه وهيصه بقى
انما ياعينى الناس اللى منفضالى ربنا يسامحهم بقى
معاكى حق مافيش منه تانى
بس يعنى ياشيخه يمكن ولا خلينا نحلم اهو نعشم نفسنا وخلاص
ربنا يسلمك يارب
نورتى المدونه كلها
تحياتى ودمتى بكل خير وود
************
د.ياسر عمر
تحياتى يادكترة
منور
اول مرة تسمع عنه لانه مش من هواة الفضائيات والظهور
لانه راجل محترم
بس ياريت لما تكون فاضى شويه تدور على اسمه على جوجل وصدقنى هتقرا عنه كلام كويس جدا حتى من معارضيه
على الاقل كفاية عليه الحركه بتاعة الحكم دى وانت عارف ان الكراسى عندنا بتتعمل بالمقاس وبيبقى فيها غرا لاصق مش بيطلع غير بالموت بعيد عنك
نورت المدونه يادكتور
تحياتى ودمت بكل خير وود
**************
فتافيت هانم تانى
احتجى براحتك
هنا مدونة ديموقراطيه خالص مالص
(تصدقى حلو الاقتراح بتاع الاشتراك واهى تبقى سبوبه علشان انا شكلى هسيب الشغل)
عاوزة تعلنى التمرد براحتك
بس هتشوفى بعد كده مين اللى هيزعل
اه انا بحذرك اهو
وبعدين ما انا قلتلك على الاسباب اللى بتخلينى اعمل كده فى موضوع الحلاوة ده بس فين المرة اللى بتقولى فيها ان معبرتكيش ياقطه ؟؟؟؟؟؟؟؟
اما حكاية ان التعليق محجوز مش ليكى فدى بصراحه انا عملها عند فيكى علشام اغيظك لما لاقيتك منفضالى خالص كده (يعنى هو من حقك انتى تزعلى وانا مش من حقى ولا ايه )وبصراحه اخدت شندوشتات جرأة اه واللى يحصل يحصل هه
ههههههههههههههههههههههههههه
نورتى ياهانم
تحياتى ودمتى بكل خير وود
****************
اختى الكريمة موناليزا
تحياتى
منورة الدنيا كلها مش بس المدونة ولا بلوجر
دايما الشخصيات المحترمه بتكون غير محبه للظهور الدائم على الفضائيات وفى وسائل الاعلام لانهم بيحترمو نفسهم قبل اى حد تانى مش زى الناس التانيين اللى .... ربنا يصلح حالهم
وحالنا والنبى يارب
ربنا يكرمك واشكرك على مرورك الجميل
تحياتى ودمتِ بكل خير وود
والسلام عليكم ورحمة الله وبركاته

المعتصم يقول...

بسم الله الرحمن الرحيم
السلام عليكم ورحمة الله وبركاته
**************
ايوشة بنت خالى
تحياتى
منورة المحافظة والوجه القبلى كله
هو مش مشهور لانه عايش فى صمت ومش بيظهر فى وسائل الاعلام كتير لانه بيحترم نفسه
اى حد كويس لازم يكون له اعداء ويحاولو يطلعو فيه القطط الفاطسه بالظبط زى البشمهندز جمال الله ينور عليكى (هو صحيح كان له اخطاء بس جل من لا يخطئ احنا بشر انما لما نعمل مقارنه طبعا عارفين النتيجه الحزب الوطنى هو اللى هينجح ماتوديناش ورا الشمس)
هههههههههههههههههههههههههههههه
تحياتى ودمتى بكل خير وود
****************
شوشو هانم
امشى يابت عيطى بعيد عن هنا هتبلى المدونه يالا امشششششششششششى
...........
طب مش هحجزهولك هه
ورينى بقى هتعملى ايه ؟؟
لما اشوف
هو انتى اتعودتى ولا ايه ؟؟
دى كانت غلطه يا ماما(وش مطلع لسانه)
التعليق المرة الجاية هحجزة لنفسى هه علشان ترتاحو كلكم
ههههههههههههههههههههههههه
نورتى ياشوشو
تحياتى ودمتى بكل خير وود
****************
ريمان
وعليكم السلام ورحمة الله وبركاته
اللهم لا حسد
ايه يابنتى هو انتى جايه تقرى على الزباين ولا ايه ؟؟؟
هو انتى قريبة قاسم السماوى ولا ايه؟
............
اول مرة تسمعى عنه لانه راجل مش بتاع منظره وماعندوش حب للظهور وهو كمان دلوقتى بيعمل فى مجال الدعوة الاسلاميه والدينيه ومش فاضى للكلام الفاضى بتاع الفضائيات وكده
وعلشان كده انا حبيت اتكلم عليه وكلامى ده عنه مختصر جدا جدا
اتنازل عن الحكم لانه قال اول ما مسك الحكم انه هيمسكه للفترة الانتقاليه بس وبعدها هيسيب الحكم للشعب بعد عمل انتخابات حره ونزيهه واحترم كلمته بعد سنه وساب الحكم
وشوفى دلوقتى الناس بتقول عليه ايه ؟ مش زى ناس مسكت الحكم ومش راضيه تطلع منه والناس بتقول فيها اللى بتقوله وعاملين نفسهم مش عارفين
..............
الله يسلمك بس خلاص هو احنا مش فضينا الموضوع ده ؟؟
انتى بعد الصدمه اللى عملتيهاله دى عاوزة يرجعلك تانى ؟؟ دا ياعينى كره كل اللى اسمهم بيرو بسببك
ههههههههههههههههههههههه
وبعدين احنا خلاص ربنا اكرمنا ببنوته تانيه وكويسه وماتعرفش بيرو خالص
ههههههههههههههههههههههه
تحياتى ودمتى بكل خير وود
***************
افنان
تحياتى
الله يسلمك كتير كتير
هو فعلا انا عمه الكبير
وهو اسمه على اسم حضرتى كمان
بس على فكرة الواد طالع فى الصور وحش هو فى الحقيقه احلى من كده بكتيييييير
هههههههههههههههههههههه
ايه ده انتى بتموتى فى الاطفال ؟؟ كويس
طب قوليلى هو انتى تعرفى بيرو ؟؟ ابن محاسن ؟؟ لما تجاوبى على السؤال ابقى اقولك على موضوع كده
بس ماتبقيش تجيبى سيرة للبت ريمان ولا للبت بسمه صلاح ولا للبت شوشو خالص
ههههههههههههههههههههههههه
تحياتى ودمتى بكل خير وود
***************
ريمان
فيه ايه تانى ؟؟
وبعدين ايه يعنى ماللى يعاكس يعاكس براحته
هو احنا هنمنع الناس ولا ايه
كل واحد حر يعاكس بمزاجه
احنا هنا مدونة ديموقراطيه
ومن حق اى حد يعاكس دى مادة بيكفلها الدستور وخصوصا لما الواد يكون حليوة ومقطقط ومزقططط ومنعكش ومكنكش كده
ههههههههههههههههههه

والسلام عليكم ورحمة الله وبركاته

MaNoOoSh يقول...

معلومات جميلة واول مرة اسمعها
بس انت بتقول الكلام دة لية.. هه.. بتلمح لاية..هه.. انت شكلك كدة عايزنا نزورك بعيش وحلاوة وللا ايه!. وللا شكلى كدة انا اللى هجيبلك شنجوتشات الشاورمة فى.........
لالالالالالالا بعد الشر.. استنى الاول لما تعزمنى على الشنجوتشات واجيبلك عروسة وتدخل دنيا وبعدين ابقى اعمل اللى انت عاوزة
هههههههههههههههههه

المعتصم يقول...

بسم الله الرحمن الرحيم
السلام عليكم ورحمة الله وبركاته
منووووووووش
تحياتى
هو يعنى لما اتكلم على راجل محترم كله لازم يقارن بينه وبين اسمه ايه ده
(طبعا كلنا عارفينه كويس اللمبى )
هههههههههههههههههههههه
بس انا بجد بحترم الراجل ده جدا وكنت قريت عنه مقاله من حوالى سنتين كده ومن ساعتها كده بغيب وافتكره فحبيت بس اعرف الناس نبذه بسيطه عنه
ولا هو يعنى علشان الراجل محترم يبقى ماينفعش نتكلم عليه (ماهو اللى على راسه بطحه هيعتبره اسقاط سياسى على طول)
ربنا يسترها
اول نزوله لكايرو على طول على بتاع الشاورمه طوااااااااااااالى
بس انتى شدى حيلك فى موضوع العروسه ده احسن اديكى شايفه الظروف ومحدش ضامن هيروح فين بعد شويه
هههههههههههههههههههههههه
نورتى يامنوووووووش
تحياتى ودمتى بكل خير وود
والسلام عليكم ورحمة الله وبركاته

ستيتة يقول...

كفاية ان الراجل ها يدخل جينيس ريكورد من وسع

والتاريخ ها يذكره كمخلوق انساني نادر بنفسجي اللون من العصر الطباشيري

الراجل ضعيف ولا قوي .. ساب الكرسي .. اللي اي حد بيقعد عليه بيجيب انبوبة امير ويلزق نفسه فيه

ربنا يبارك فيك جميل الكلام عن الذين اشتروا الآخرة وباعوا الدنيا وحطامها الزائف

تحياتي

المعتصم يقول...

بسم الله الرحمن الرحيم
السلام عليكم ورحمة الله وبركاته
د/ستيته
اختنا الكيبرة الجميله(بصلح حكاية الكبيرة دى)
تحياتى
وانا اقول المدونة نورت فجأة ليه كده
اتاريكى شرفتيها بالحضور
(مش عارف اتعلمت البكش ده فين)
هههههههههههههههههههههه
الراجل ده انا بحبه جدا واحترمه جدا
صحيح فيه ناس بتنتقده وتقول عليه اكذوبة
بس برضو ولو
ماهو لو كان فعلا راجل مش كويس كان جاب مصنع الامير كله وحطه على الكرسى وطبعا الجماعه بتوع مات الملك عاش الملك وراه بالباع والدراع وهيحطوله على الامير غرا مغرى ومنيل علشان يقعد ويستربع
فعلا بنفسجى اللون من العصر الطباشيرى
ههههههههههههههههههههههههه
ربنا يكرمك يادكتورة
بجد اسعدنى مرورك
تحياتى ودمتِ بكل خير وود
والسلام عليكم ورحمة الله وبركاته

د/عرفه يقول...

سلام عليكم
ازيك اخى المعتصم حبيبى
انا فعلا مكنتش اعرف حاجه عن سوار الذهب
وكويس انى عندنا رئيس عربى اتنازل
اصل كنت بحسبهم كلهم معمرين

ريمان يقول...

مممممممممممممممممم


بقه كده؟

يعنى اطلع منها بقى


ماشى ماشى

خلاص خلاص

ولا بيهمنى


ده حتى هو اللى خسران

ده انا كنت هعطيله دروس ببلاش

يا جماعه اللى عايز يعاكس يعاكس براحته

انا خلاص اتنازلت عنه خلاص

وكمان شوفت له عروسه غيرى؟

ماشى ماشى

الله المستعان

:(

:(


الف شكررررررررررررررررررر

zainab يقول...

أخى المعتصم

كيف حالك ؟؟

جزاك الله خيرا على هذه المعلومات

فعلا شئ غريب ان رئيس يتنازل عن الحكم برغبته

تحياتى

فتــافيت (رحاب الخضري) يقول...

لا لا لا.. كده كتير بقى اوي
وشكاه كان ساندويتش كومو.. عاشان الجراة زادت معاك وكمان بتوقلها في وشي

بس انت عندك حق .. انت ما بتفوتش ليا بوست.. وانا اللي مقصرة

بس رحمة خالي حسن.. اللي عمري ما شوفته

لا هعمل بوست .. ضرب نار للصبح

بس هامخخ له.. علشان يبقى جااااااامد

اوك يا عمدة.. بس بطل ساندويتشات الجراة ديه

علشان بتخن .. انا خايفة عليك

p:
هععععععععععععععععع

ghorBty يقول...

السلام عليكم

معلومات جميله جدا

جزاك الله خيرا عليها

دمت بخير

غير معرف يقول...

جـــــــربت مــــــــره تــعمل حاجه للاقـصي

لو ما جربتش جرب تشـــــــارك معــــــــــنا

يمكن نقدم حاجه تكــــــــون مفـــــيده تنفعــنا

ويمكــــن بيها في الجنه ربنا يجــــمـعنـــــــا

خليــــــــــــــــــك جـــرئ وشــاركنـــــــــــا

بامكناك ان تشارك في نهضه امــــــــــــــتنا

لا تقل لا استطيع المشاركه في بناء عزتـــنا

ان عــــــزتنا تكمن في تــحرير غفلــــــــتنا

ندعوك ان تشترك معنا للنهوض بدولتــــنا

لا تتردد فانها فرصتك في مساعده اخواتنا

حمله :بايدينا ندفع الخطر عن الاقصي
رابطه مدونون من اجل فلسطين

♥..~*شـــوشـــو هـــانــم*~..♥ يقول...

السلام عليم ورحمة الله وبركاته
أنا لما قريت البوست اول مرة مكنتش اعرفه مين هو دا بس اعجبت اوي بيه سألت ماما وبابا عنه قالولي انه كان راجل كويس جدا ومدحولي فيه
وانا فعلا معجبه بشخصيته ياريت كل الحكام زيه

شكرا على نشرك موضوع زي دا

دمت كما تحب تحيتي..

عمرو جويلى يقول...

المعتصم
السلام عليكم
يا نهار أبيض إه ده أنا هقف فى آخر الصف مش ممكن .
خانى على خوانة يا معتصم منك لله

عمرو جويلى يقول...

المعتصم
السلام عليكم
سوار الذهب رجل عارف ربنا متدين عنده حياء عنده كرامة أما الباقى من فهم عك ذلك
دمت بكل الخير

عمرو جويلى يقول...

gwely_gwele
حضرة الصعيدى الهمام
هذا هوالإيميل الجديد أرجو أن تتصل على هذا الإيميل وبعد ذلك إمسحه

موناليزا يقول...

السلام عليكم ورحمة الله وبركاته
كيف حالك اخى الكريم
لعل مانع التأخير خير
ادعوك لزيارة هذا الموضوع وارجو ان تفيدنا برأيك
http://rovygannah.blogspot.com/

فتــافيت (رحاب الخضري) يقول...

ياعم درش؟؟؟؟؟؟!!!!!!
ده اسمه كلام.. اجي كده وملاقيش حاجة جديدة؟؟!!!!!!

فينك طمنا عليك

بـسـمـــة صـــــلاح يقول...

السلام عليكم
زغرووووووووووووووووووووته
ياحلاوة ياولاد
الجو فضيلي محدش هينافسني
حيب قلبي ربنا يخليهولي لوحدي ومش هيبقى في ضراير
ههههههههههههههههههههه
يابختك يابسومة ياكتكوته ياعسوله
الصورة الجديده ليه جنان ماشاء الله
سلم على مامته وباباه وقولهم يرقوه ليتحسد اكمن في ناس هنا عينها جامده
نيجي للمهم انا هقرا البوست بعدين على رواقه لاني تعبانه جدا بس قلت اسلم حضرتك غايب كدا وملكش حس
خير؟؟؟؟

د/عرفه يقول...

فينك يا عم
الجماهير بتسأل عليك
لعل المانع خير

ghorBty يقول...

خير ان شاء الله

ربنا ييسر الأحوال

المعتصم يقول...

بسم الله الرحمن الرحيم
السلام عليكم ورحمة الله وبركاته
****************
د/ عرفه
وعليكم السلام ورحمة الله وبركاته
صديقى الحبيب
الحمد لله انك عرفت حاجه عن راجل محترم عن طريقى اهه
وبعدين ماهما كلهم معمرين ياصاحبى بس ده كان فلته وشكلها كده مش هتتكرر
ربنا يصلح الحال
تحياتى ودمت بكل خير وود
****************
ريمان
تحياتى
هههههههههههههههههههههههههه
اه اطلعى منها
وبعدين بتقولى ولا بيهمنى وانتى شكلك هتموتى من الغيظ
ههههههههههههههههههههههههههههههه
وبعدين هو هيخسر ايه بقى ان شاء الله دا الواد حليوة وزى القمر ومليون بنوتة تتمناه
ايه هو انتى فاكرة انه مافيش بنات حلوين غيرك فى البلد ولا ايه ؟؟؟؟
لا اصحى يا ماما البلد مليانه بنات قمامير وزى الفل
وبعدين ايه اتنازلت عنه دى ؟؟
هو انتى كنتى شارياه من بنزايون ولا ايه ؟؟ لالالا بقولك ايه مش علشام انفصلتو تخبطى فى الكلام
لايمى امورك ايووووووووووووة ادينى بقولك اهه
عيشى كده وخليكى ماشيه جنب الحيط
ههههههههههههههههههههه
اى خدمة(وخلى بيرو ينفعك بقى هه)
*****************
اختى زينب
تحياتى
عامله ايه ياعروستنا ؟؟
الحمد لله انابكل خير وشكرا على سؤالك
انما قوليلى انتى مختفيه بقالك فترة ومش بتنزلى حاجه جديده ليه كده ؟؟
نورتى المدونة
تحياتى ودمتى بكل خير وود
****************
فتافيت
ايوة كتير هه والساندويتش كان كومبو وحجم عائلى كمان هه
وادعى براحتك احنا مش بيهمنا
بقى عامله على قفايا شغل وبتتلقى اتصالات من الساده المدونين ماشى ماشى
ولما اشوف البوست بتاع ضرب النار ده ؟
ومش هبطل الساندويتشات علشان انا نفسى اتخن ومش عارف
ههههههههههههههههههههههههههه
نورتى يافتافيت
******************
اختى الكريمة غربتى
وعليكم السلام ورحمة الله وبركاته
المعلومات جميلة لانها عن انسان محترم ويستحق منا الاشاده والذكر ولو بالقليل
اسعدنى مرورك
تحياتى ودمتى بكل خير وود
******************
رابطة مدونون من اجل فلسطين
تحياتى
والله احنا بنحاول نعمل اللى ربنا يقدرنا عليه
ربنا يسهل ويارب نقدر نعمل حاجه
******************
شوشو هانم
وعليكم السلام ورحمة الله وبركاته
نورتى المدونة ياشوشو
وبعدين اكيد ابوالشمقمق يعرف معلومات عن راجل محترم زى سوار الذهب
وهو فعلا شخصيه تستحق الاحترام والاعجاب
نورتى البوست ياشوشو
تحياتى ودمتى بكل خير وود
******************
اللؤلؤة
وعليكم السلام ورحمة الله وبركاته
صديقى العزيز
بلديات اللى بالى بالك
تحياتى
ماهو بدل مابلدياتكم راكبين وكاتمين على نفسنا نوقفكم انتو فى اخر الصف
اهو يعنى نتفش فيكم شويه والا بعد كده هنطق من الغيظ والكبت
ههههههههههههههههههههههههه
..............
على فكرة خلى بالك سوار الذهب من المنوفيه بتاعة السودان علشان تبقى عارف يعنى
هههههههههههههههههههه
..............
وبعدين انا مش فاهم ايه حكاية الميل الجديد ده
انما ربنا يسهل بكرة هبقى اشوفه
تحياتى ونورت البوست ياباشا
دمت بكل خير وود
******************
اختى الكريمة موناليزا
وعليكم السلام ورحمة الله وبركاته
تحياتى
الحمد لله رب العالمين
طبعا اسباب الغياب اتعرفت للكل
والحمد لله على كل حال
انا زرت المدونة التانيه بس مقدرتش اسيب تعليق هناك
نورتى المدونة كلها
تحياتى ودمتى بكل خير وود
***************
فتافيت
فيه ايه يابنتى ؟؟؟
هو انتى تقعدى شهر ماتهوبيش ناحيه المدونة
يا اما تيجى كل يوم
ايه
هى العمليه عندك سداح مداح كده
هههههههههههههههههههههه
بس عارفه
زيارتك دايما بتسعدنى
تحياتى
ودمتى بكل خير وود
*******************
بسمة صلاح
وعليكم السلام ورحمة الله وبركاته
هههههههههههههههههههههههههههه
مين اللى قالك ان الجو فضيلك ؟؟؟؟؟
دا بدل الضرة الواحده بقى فيه تلاته
ولما نشوف يابسومه ياكتكوته ياعسوله هتعملى ايه معاهم
ههههههههههههههههههههههه
هبقى اسلملك عليهم
واللى بيرقيه هو جده صلاح مش ابوه او امه
الف سلامه عليكى من التعب وشدى حيلك ورانا ثانويه عامه هه
ههههههههههههههههههه
نورتى المدونة
تحياتى ودمتى بكل خير وود
***************
د/ عرفه
رجعنا يادكترة
والحمد لله
بارك الله فيك على السؤال
*****************
غربتى
بارك الله فيكى على السؤال
والحمد لله على كال الاحوال
تحياتى ودمتى بكل خير وود
والسلام عليكم ورحمة الله وبركاته