السبت، 21 فبراير 2009

الذكرى ال14


بسم الله الرحمن الرحيم
السلام عليكم ورحمة الله وبركاته
كان شاب عنده 22سنة وفى اخر عام دراسى فى كلية التجارة
كان هو الابن الوسطانى بين خمس اخوات
كان فاكهة البيت وروحه
كان المتحدث الرسمى باى مطلب من المطالب عند الوالد
وكان الوالد بيعتبره اكتر واحد صاحبه فيهم
كان حريف خالص فى الكورة لدرجة انه كان بيسيب المذاكره علشانها
عقله كان ذرى بس كان لعبى ومش بيذاكر
كان حافظ للقرآن الكريم
دمه خفيف وكان دايما اخر شياكه
بس هو كان عصبى حبتين
كان مثلى الاعلى وكنت دايما بتمنى انى ابقى زيه
دايما رأيه كان مهم لاى حد فينا
اى حد مننا يحتاجه يلاقيه
كنت بحب اى حاجه هو يحبها
واكره اى حاجه هو يكرهها
كان دايما موجود حتى وهو مش موجود
و فى يوم 22/2/1995
اتوفى
واليوم ده كان اسؤ يوم مر على بيتنا
مـحــــمـــــود
بالرغم من السنين اللى فاتت كلها
الا انك لسه موجود بينا
ادعو الله ان يغفر لك
وان يتغمدك برحمته
وان يسكنك فسيح جناته
وان يدخلك الجنه من اوسع ابوابها
وان يجمعنى بك على خير
اسألكم الدعاء له
والسلام عليكم ورحمة الله وبركاته

هناك 29 تعليقًا:

Sweet Violet يقول...

نسأل الله العلى العظيم أن يغفر له و يرحمه و يرحم امواتنا واموات المسلمين

اللهم امين

المعتصم يقول...

بسم الله الرحمن الرحيم
السلام عليكم ورحمة الله وبركاته
أختى سويت (ولا اقول ضد)
تحياتى
وشكرا على مرورك
وعلى دعواتك
واللهم امين
دمتى بكل خير وود
والسلام عليكم ورحمة الله وبركاته

Sweet Violet يقول...

كل المدونين لحد الان بيقولوا ضد )):

مع ان عندهم بيقولوا سويت ... انت الوحيد اللى قولت ضد و سويت (:

عموما سويت او ضد مش هتفرق بقى .. لان بردو هفضل ضد اللى بتحتل المدونات ((:

المعتصم يقول...

لاااااااااااااا
الاحتلال ده مش معانا احنا
ده عند الناس التانيين (خلى بالك من روحك)
اما حكاية ضد وسويت فده على مااتعودو من زمان انما شويه كده وهيتعودو على سويت (ولو انك مش هتديهم فرصه لكده)
شكلك مش هينفع سويت وهترجعى ضد بعمايلك وكلامك
شكرا على مرورك

Unknown يقول...

شد حيلك يا معتصم وانا لله وانا اليه راجعون
مدونتك جميلة وقلمك مبهر وانشاء الله هكون من احد قراء هذه المدونة اذ لم ترفض
السلام عليكم

♥..~*شـــوشـــو هـــانــم*~..♥ يقول...

السلام عليكم ورحمة الله وبركاته

أسأل الله العلي العظيم أن يغفر له ويرحمه ويسكنه فسيح جناته في الفردوس الأعلى مع النبي صلى الله عليه وسلم ويجعل قبره روضة من رياض الجنة

اللهم آمين

د/عرفه يقول...

يارب إجعل قبره روضه من رياض الجنه ولا تجعله حفره من حفر النار
يارب تغمده برحمتك وأسكنه فسيح جناتك

mohamed ghalia يقول...

أنا كمان والدى متوفى سنة 1995
أكيد محدش بينسى الناس الحلوة
بس دايما الحياة بتستمر
دمت بكل الود
رحم الله الجميع

بستان الحب يقول...

احييك على هذا الوفاء النادر واذكر نفسى واياك ان الحياه قصيره وندعو الله ان يعيننا على ان نخرج منها بسلام نسال الله ان يرزقنا حسن الخاتمه وندعه ان يرزقنا اجر صديقك محمود ولا يفتنا بعده اللهم آمين رحمه الله رحمه واسعه وحشره مع حبيبه ومصطفاه

fnoonh يقول...

بسم الله الرحمن الرحيم
السلام عليكم ورحمة الله وبركاته
اخي المعتصم ارجو من الله العلي القدير ان يسكنه فسيح جناته
تقبل تحياتي

zainab يقول...

السلام عليكم و رحمةالله و بركاته

أخى المعتصم

انا لله و انا اليه راجعون

اللهم أسكنه فسيح جناتك و اجعل قبره روضة من رياض الجنه

اللهم زد فى حسناته و تجاوز عن سيئاته

اللهم ارحمه و ارحم موتانا و موتى المسلمين

أمين

حسام غانم يقول...

البقاء لله

ربنا يغفرله ويرحمه ويرزقه الجنة ..

Unknown يقول...

اللهم اغفر للمؤمنين والمؤمنات
وللمسلمين والمسلمات الاحياء منهم
والاموات انك سميع عليم مجيب الدعوات يارب العالمين.اللهم اقبله عندك فى خير منزل واحسن مكان.ربنا يرحمه هو وامى وابويا واموات المسلمين اجمعين.

خديجة عبدالله يقول...

نسأل الله لأخوك الحبيب لك الرحمة وأن يتقبله الله فى الصالحين ويرزقه الفردوس الأعلى من الجنة ولكم بمثل إن شاء الله
وندعو الله أن يرزق أهله سعادة الدنيا والآخرة ويثبتهم

كان حافظا للقرآن يكفيه هذا رحمه الله وربنا يعينا على حفظ القرآن والعمل به

تقبل زيارتى وتحياتى ودمت بكل خير

لا للسكوت

ريمان يقول...

السلام عليكم


اخى

رحمه الله وادخله فسيح جناته

اسال الله ان تلتقى به ان شاء الله فى الفردوس الاعلى

( هكون برضه انا معاكم قاعده على قلبكم ماتقلقش)


واسال الله ان يفسح له فى قبره مد بصره وان يدخله مدخل الصديقين والصالحين

اللهم امييييييين اميييييين يا رب العالمين

المعتصم يقول...

بسم الله الرحمن الرحيم
السلام عليكم ورحمة الله وبركاته
***************
اخى الكريم اسلام ديو
تحياتى
اشكرك على رأيك ودعواتك
وياباشا تشرف فى اى وقت
بجد نورتنى واسعدنى مرورك الجميل
دمت بكل خير وود
***************
أختى شوشو هانم
وعليكم السلام ورحمة الله وبركاته
اشكرك على مرورك ودعواتك
اللهم امين
على فكرة محمود ده كان اخويا الاكبر منى
تحياتى ودمتى بكل خير وود
*****************
د/ عرفه صديقى العزيز
اشكرك على مرورك ودعواتك
اللهم امين
تحياتى ودمت بكل ود وخير
****************
أخى محمد غاليه
تحياتى
رحم الله والدك واموت المسلمين رحمة واسعه بفضله وكرمه واسكنهم فسيح جناته ان شاء الله
فعلا اخى عام 1995كان عام حزين
ومعاك حق محدش يقدر ينسى الناس الحلوة خصوصا لو كان اخوك او والدك
شكرا على مرورك
تحياتى ودمت بكل خير وود
***************
بستان الحب
ست الكل
تحياتى
معلومه بس ياست الكل محمود ده كان اخويا الاكبر منى مباشرة وكان يكبرنى بخمس سنين وكان هو مثلى الاعلى
بارك الله فيكى وشكرا على دعواتك وعلى التذكرة ونسأل الله حسن الخاتمة
تحياتى لحضرتك ودمتى بكل خير وود
****************
أختى افنان
وعليكم السلام ورحمة الله وبركاته
شكرا على مرورك وعلى دعواتك
تحياتى
ودمتى بكل خير وود
والسلام عليكم ورحمة الله وبركاته

المعتصم يقول...

بسم الله الرحمن الرحيم
السلام عليكم ورحمة الله وبركاته
**************
أختى زينب
وعليكم السلام ورحمة الله وبركاته
انا لله وانا اليه راجعون
اللهم امين على دعواتك
اشكرك على مرورك وعلى دعواتك
تحياتى ودمتى بكل خير وود
*************
الا ستاذ حسام غانم
تحياتى
اشكرك على مرورك وعلى دعواتك
واهلا بيك فى اول مرور على مدونتى المتواضعه
تحياتى ودمت بكل خير وود
*****************
norahaty
اختنا الكريمة
تحياتى
اللهم امين
واللهم ارحم كل موتى المسلمين يارب العالمين اللهم امين
اشكرك على مرورك ودعواتك
واهلا بحضرتك فى اول زيارة
تحياتى ودمتى بكل خير وود
***************
الاخت الكريمة
خديجة عبدالله
تحياتى
اللهم امين على دعواتك
واشكر مرورك ودعواتك
واهلا بحضرتك فى مرورك الاول
نعم اختى الكريمة لا للسكوت ولكن هل من سامع ؟؟؟ لعل الامل هو ماتبقى لنا ان يسمع صوتنا احد وان يبدلنا الله حكاما يتقوه فينا اللهم امين
تحياتى ودمتى بكل خير وود
***************
أختى ريمان
وعليكم السلام ورحمة الله وبركاته
شكرا على دعواتك
وبعدين اكيد هتكونى معانا فى القصر بتاع العيلة فى الجنه ان شاء الله
مش انتى برضو عروسة ابن اخوه ولا انتى نسيتى (هههههههه)ماهو محمود الله يرحمه يبقى عم العريس
اللهم ارحم موتى الملسمين يارب العالمين
اللهم امين
تحياتى ودمتى بكل ود وخير
والسلام عليكم ورحمة الله وبركاته

موناليزا يقول...

البقاء لله
تعيش وتفتكر اخى الكريم
ربنا يرحمه ويغفرله ويجعل مثواه جنة الخلد
ربنا يصبر قلوبكم ويجمعكم به فى اعلى الجنان

المعتصم يقول...

بسم الله الرحمن الرحيم
السلام عليكم ورحمة الله وبركاته
أختى الكريمة موناليزا
تحياتى
الحمد لله على كل حال
لله مااعطى ولله مااخذ وكل شيئ عنده بمقدار
شكرا على مرورك الكريم ودعواتك
تحياتى
ودمتى بكل خير وود
والسلام عليكم ورحمة الله وبركاته

عمرو جويلى يقول...

السلام عليكم
الصديق العزيز
يموت الإنسان وتبقى الذكرى الحلوة .ما أقصر عمر الإنسان ولكن من يعرف ذلك ؟
وإن لله وإن إليه راجعون
حفظك الله من كل سوء

ghorBty يقول...

كل من عليها فان .. ويبقي وجه ربك ذو الجلال والاكرام

ربنا يرحمه ويجعل الجنه مثواه ويجعل قبره روضه من رياض الجنه

وربنا يرحمنا برحمته ويختم لنا بالاعمال الصالحه ويجعل لنا اللي يفتكرنا بالدعاء والترحم علينا

غربتي

Kiara يقول...

عاااااااااااااااااااا
البقاء لله وربنا يدخله فسيح جناته

ربنا يرحمه

يبقي عشان كدا مودك الايام دي مش مظبوط

المعتصم يقول...

بسم الله الرحمن الرحيم
السلام عليكم ورحمة الله وبركاته
***************
صديقى العزيز
عمرو ( اللؤلؤة )
تحياتى
وعليكم السلام ورحمة الله وبركاته
صدقت ياصديقى والله فلم يبقى لنا الا الذكريات
اشكرك على مرورك ودعواتك
تحياتى ودمت بكل خير وود
******************
اختى الكريمة غربتى
تحياتى
شكرا على مرورك ودعواتك
وفعلا ياريت نلاقى حد بعد مانموت يفتكرنا ويترحم علينا
تحياتى ودمتى بكل خير وود
****************
كيارا
تحياتى
وايه لازمته بقى العياط
ربنا يرحمه ويرحمنا برحمته
لا انا مودى مش متظبط مش علشان السبب ده يعنى هو لسه مين اول امبارح مثلا دى الذكرى الـ14 بس انا اصلى كان بعيد عنك عيد ميلادى الاسبوع اللى فات وانا كل عيد ميلاد كده بقعد ازعل فيه كام يوم حاجه كده كئيبه
عارفه علشان اضحك كتبت البوست بتاع الحلاوة
بقيت اضحك شويه وبعد كده ارجع تانى للاكتئاب مش عارف قربت اتجنن
يالا ماعلينا
شكرا على مرورك ودعواتك
تحياتى ودمتى بكل خير وود
والسلام عليكم ورحمة الله وبركاته

Kiara يقول...

ودي مناسبه تزحل فيها كووووووووووووول سنة وانت طيب

وعقبال مليون سنه

تعرف اني كتبت التهيس عشان اضحك هو انت برج المجانين زيي ولا ايه

بـسـمـــة صـــــلاح يقول...

ربنا يرحمه ويسكنه فسيح جناته ويوسع قبره
ويجعله من الشبه الذي يظلهم يوم لا ظل الا ظله
وكلنا اجمعين يارب
........
كل سنة وحضرتك طيب ياأستاذ معتصم بيه
عايزة بقى اعرف اسم حضرتك
اصل انا بقى عنيدة ولازم اعرف
ومينفعش كدا نقول معتصم
بمناسبه يوم ميلادك لازم تبقى كويس ومتزعلش حد يطلب منك حاجه
وكل سنه وحضرتك طيب وسعيد وسنه يارب كلها خير وبركه عليك
وبلاش كئابه انا قرفت من الكئابه وعمايلعا
ربنا يفك كئابتك وكئابة كل المدونين
وكفايه رغي بقى
يلا سلام عليكم
مودتي(:

fL0weR-giRL يقول...

السلام عليكم

البقاء لله

هم السابقون ونحن اللاحقون

كلنا ليها

ربنا يرحم الجميع

المعتصم يقول...

بسم الله الرحمن الرحيم
السلام عليكم ورحمة الله وبركاته
***************
كيارا
تحياتى
ياستى وانتى طيبه
بس انا بجد كل اما افتكر انى كده كملت الواحد وثلاتين بزعل خالص لانى كان عندى طموح فظيع عاوز احققه ولغاية دلوقتى ماحققتش منه حاجه بالعكس انا اللى ينطبق عليا عزيز قوم زل وكل مااروح برجع لورا
زمان والدى كان بيترشح فى مجلس الشعب وكان من الناس التقيلة فى بلدنا ولما حد يبقى عاوز يقضى مصلحه او عاوز يعين ابنه فى شغل يجيله يتوسطله
دلوقتى الايام لفت لفتها وبقينا لما نحتاج حاجه منلاقيش حد يخدمنا فيها والناس بتتهرب مننا
يعنى لو الوضع زى زمان كنت اتعينت فى البنك اللى كنت بتدرب فيه من بدرى وكنت اتجوزت ومعايا عيال كمان وكان مشروعى كبر وكان اخويا الكبير مضطرش يسافر بره علشان الفلوس واخويا الصغير بندورله على شغل يووووووووووووة مواويل كتيرة كده كلها كئابه وهم وحزن
...............
عقبال مليون سنه ياساتر يارب
انا بقول يارب خلصهم بقى انا مش قادر اتحمل قم انتى تدعى عليا كده
ربنا يسامحك
على فكرة انا مش برج المجانين زيك
لأ انا المجانين نفسهم
هههههههههههههههههههههههههههه
تحياتى ودمتى بكل ود وخير
*****************
أختى بسمه هانم
تحياتى
اللهم امين على دعواتك
واشكرك عليها
...........
ياستى وانتى طيبه بس يعنى هو لازم موضوع الاسم ده ؟؟؟؟؟؟؟؟؟؟؟؟؟
انا اسمى مصطفى بس ماتقوليش لحد ولو عاوزة تتأكدى شوفى الايميل بتاع المدونة هتلاقيه المصطفى
انا مش قد عنادك بس على فكرة صحي يعنى انا اتولدت يوم16/2 انما الورق بتاع الحكومه بيقول انى رسمى نظمى فهمى(ده واحد قريب كيارا)مواليد20/6 يعنى لسه باقى على عيد ميلادى اربع شهور
وربنا يفك كئابة الناس كلها يارب
تحياتى ودمتى بكل خير وود
وعليكم السلام ورحمة الله وبركاته
*******************
أختى الكريمة
flower-girl
وعليكم السلام ورحمة الله وبركاته
تحياتى
اشكرك على مرورك ودعواتك
اللهم امين
تحياتى ودمتى بكل خير وود
والسلام عليكم ورحمة الله وبركاته

فتــافيت (رحاب الخضري) يقول...

نسأل الله العلى العظيم أن يغفر له و يرحمه و يرحم امواتنا واموات المسلمين

اللهم امين

رحلتنا في الحياة يقول...

ربنا يرحمه ويغفر الله ويسكنه فسيح جناته ويجعل قبر روضة من رياض الجنة
وجايز الشخص غاب عنا بجسده لكن جوانا روحه وذكراه
فكرتنى بااختى الله يرحمها ربنا يرحم جميع موتى المسلمين