الأحد، 8 فبراير 2009

بسم الله الرحمن الرحيم

السلام عليكم ورحمة الله وبركاته

بمناسبة جو الرعب اللى انا عامله فى المدونه اليومين دول من ضرب ومطاوى وطبنجات ومغامرات وكده

قلت اكملها بالرعب النحوى

القصيدة دى من اشعار عنترة ابن شداد

ومعايا واحد صاحبى قووووووووووووى بنتقابل انا وهو كل يوم

لازم واحنا ماشيين يقول البيت الاول منها مش كتير

يعنى بيقوله حوالى سبع تمن مرات كده لما طلع عينى

قلت اشمعنى انتو هو انا تطلع عينى لوحدى

لازم اقولهالكم وتشاركونى فى اللى انا فيه

سكتُّ فَغَرَّ أعْدَائي السُّكوتُ 0000 وَظنُّوني لأَهلي قَدْ نسِيتُ
وكيفَ أنامُ عنْ ساداتِ قوم ٍ0000 أنا في فَضْلِ نِعْمتِهمْ رُبيت
وإنْ دارْتْ بِهِمْ خَيْلُ الأَعادي 0000 ونَادوني أجَبْتُ متى دُعِيتُ
بسيفٍ حدهُ يزجي المنايا 0000 وَرُمحٍ صَدْرُهُ الحَتْفُ المُميتُ
خلقتُ من الحديدِ أشدَّ قلباً 0000 وقد بليَ الحديدُ ومابليتُ
وفي الحَرْبِ العَوانِ وُلِدْتُ طِفْلا 0000 ومِنْ لبَنِ المَعامِعِ قَدْ سُقِيتُ
وَإني قَدْ شَربْتُ دَمَ الأَعادي 0000 بأقحافِ الرُّؤوس وَما رَويتُ
فما للرمحِ في جسمي نصيبٌ 0000 ولا للسيفِ في أعضاي َقوتُ
ولي بيتٌ علا فلكَ الثريَّا 0000 تَخِرُّ لِعُظْمِ هَيْبَتِهِ البُيوتُ

وزيادة فى الرعب دى صورة الطبنجه بتاعتى وكمان معاها مطوة محسن (بتاع البوست اللى فات)

ايه رأيكم بقى فى الجو ده ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

هناك 23 تعليقًا:

ريمان يقول...

يا صباح الرعب

هههههههههههههههه


ايه الجو ده


لالالالالالالالالالالالالالالا

انا لبى ضعيف مش بيستحمل والله

على فكرهالشعر ده انا كنت قراته قبل كده وبجد جميل فيه معانى كبيره اوى


وبعدين يعنى احنا نخرج من موضوع محسن نلاقى عنتره

هههههههههههه

ربنا يكرمك

وشكرا جدا على سؤالك عنى

انا عارفه ان ورايا رجاله جدعان

جزاك الله خيرا

مع تحياتى

ريمان

ريمان يقول...

هيييييييه

انا اول تعليق


ليا عندك بونبونايا بقى

القلم السكندري يقول...

السلام علي الزعيم..

ايه يا عم العرض العسكري اللي أنت عامله ده؟؟

بصراحة كلها تحت بند الخفيفة

فين بقي الثقيلة والمجنزرات أو حتي المضادات بتاعتهم

..

لا بس بصراحة ابيات عنترة من الآخر وعلي فكرة أنا كنت عارضتها زمااان بابيات تانية لكن مش هقولها طبعا لأسبابٍ ما

وأحب اقول لأختنا ريمان هو بس بتكرار دخولك علي مدونة منظمة (أبر إيجبت) دي قلبك هيجمد
ومش بعيد الزعيم/ المعتصم يسلحك قريب..

تحياتي للزعيم

zainab يقول...

أخى المعتصم

السلام عليكم و رحمة الله و بركاته

انت عارف القصيده دى أخدتها فى الثانوى

و زى ماانت عارف أبو عنترة كان بينكر نسبه لأنه كان ابن زبيه الجاريه

هو ده اللى انا فاكراه

بس الجميل انه على الرغم انه كان على عداوة مع أهله لكن كان سريع الذهاب اليهم و الوقوف معهم فى المصائب
"وإنْ دارْتْ بِهِمْ خَيْلُ الأَعادي 0000 ونَادوني أجَبْتُ متى دُعِيتُ "

لا وايه كلامه عن نفسه معقوله فيه حد بالشكل ده دلوقتى

"خلقتُ من الحديدِ أشدَّ قلباً 0000 وقد بليَ الحديدُ ومابليتُ
وفي الحَرْبِ العَوانِ وُلِدْتُ طِفْلا 0000 ومِنْ لبَنِ المَعامِعِ قَدْ سُقِيتُ
وَإني قَدْ شَربْتُ دَمَ الأَعادي 0000 بأقحافِ الرُّؤوس وَما رَويتُ
فما للرمحِ في جسمي نصيبٌ 0000 ولا للسيفِ في أعضاي َقوتُ "

و كان يكنى بأبي المغلس لجرأته في الغلس أو لسواده الذي هو كالغلس و قد ورث ذاك السواد من أمه زبيبة إذ كانت أمه حبشية

وبعدين انت كمان حطيت الطبنجه انا متهيألى أخاف أمسكها

تحياتى

كيــــــــــــارا يقول...

يلا فين السلاح عسان المعركه اللي حندي في الحدوان الثلاثى اللي حلي المدونه

المعتصم يقول...

بسم الله الرحمن الرحيم
السلام عليكم ورحمة الله وبركاته
***********
أختى ريمان
تحياتى
ههههههههههههههههه
لأأأأأأأأ انا عايزك كده قلبك يجمد ومايهمكيش حد خالص دا انتى من الاسباب اللى خلتنى احط البوست ده
على فكرة انا بحب الشعر جدا مش بس شعر عنتر اى شعر قديم بحبه بس اللى خلانى احط الابيات دى صاحبى اللى قلت عليه كان مجننى امبارح طول مااحنا ماشيين سكت فغر اعدائى السكوت سكت فغر اعدائى السكوت سكت فغر اعدائى السكوت اروح انا مكمله البيت يقوله مرة وبعدين يرجع يعيد تانى لما خنقنى
لا اراديا رجعت لقيتنى بدور على الابيات دى وبعد كده روحت منزلها فى البوست
بس ايه رأيك انا هنا بعمل مقارنه ظرفيه الرعب بين الاصاله والمعاصرة (محسن-عنترة)شوفتى حاجه كده يعنى انا مش فاهم منها حاجه خالص هههههههههههه
وبعدين انتى بتشكرينى ليه احنا اخوات واى حد يكح قولى انتى بس واحنا نجيب الحتت اللى ماينفعش تطلع فى الصور علشان الامن القومى ليس الا ونيجى على طول نخليها دمار شامل
وابقى تعالى البوست اللى جاى هبقى جايب فيه بونبونى ومثاثه (بس المثاثه بتاعة كياراابقى خدى انتى البونبونى اللى انتى عاوزاه)
شكرا على مرورك
ودمتى بكل خير وود
****************
البشمهندزز
وعليكم السلام ورحمة الله وبركاته
حبيبى القلم السكندرى
ايه ياعم حسام هو احنا مش هنعرف نتكلم مع بعض ولا ايه ؟ هو لما يبقى انا عندى نت انت تفصل ولما انا افصل انت تبقى موجود لأ كده نظرية المؤامرة هتشتغل ونقول انه فيه حد مش عايزنا نتكلم مع بعض وفيه ايد خفيه ورا المواضيع ولازم نتحرك على كل المحاور
(ماتاخدش فى بالك اصلى لسه راجع من الشغل تعبان فمش عارف انا بقول ايه)
ماينفعش وانت عارف السبب انى اعمل عرض عسكرى للسلاح التقيل انت عاوز امريكا تعرف احنا مستنيينها بايه ؟ لازم تكون دى حاجات سريه علشان عنصر المفأجه يلعب دوره اصحى شوية
ابقى ابعت الابيات المعارضه على الميل ياباشا مالكش حجه
انت عملتها منظمة ابر ايجيبت خلاص
ماشى ياعم مش هكسفك بس ربنا يسترها واخوانا البعدا يستنو علينا لما نكون عدد كويس من الاعضاء علشان نعرف نقاوم ههههههههههههههههههههه
نورت المدونة ياهندسه
تحياتى ودمت بكل ود وخير
والسلام عليكم ورحمة الله وبركاته

المعتصم يقول...

بسم الله الرحمن الرحيم
السلام عليكم ورحمة الله وبركاته
***************
أختى زينب
وعليكم السلام ورحمة الله وبركاته
تحياتى
طبعا انا مش عارف انك اخدتى القصيده فى الثانوية يازينب انا الثانويه بتاعتى كانت سنة96يعنى اكيد المناهج مش اتغيرت بس لأ دى اتدمرت
بس هى القصيده كلها جميله ومليانه فخر واعتزاز بالنفس وفيها كرم من عنتر لانه وعلى الرغم من ان ابوة شداد مكنش راضى يعترف بيه الا انه ماقصرش فى تلبية ندا الواجب والدفاع عنهم
تمام زى مايكون عنتر ده صعيدى من عندنا ماهو احنا بتوع خلقت من الحديد اشدقلبا.....الخ ههههههههههههههه
ياخراااااااابى تخافى تمسكى الطبنجه ليه يازينب دى حتى الصغنونه
عارفه انا معلم مراة اخويا الكبير تضرب بيها كويس امال ايه مش وبس
نورتى المدونة يازينب وشكرا على مرورك
ودمتى بكل ود وخير
*************
أختى كيارا
تحياتى
يعنى هو السلاح اللى موجود ده مش هينفع ؟؟؟؟
ده حتى دمه خفيف خالص اهه وينفع بناتى خالص يعنى لايق عليكى
انما طالما انه شكله مش عاجبك يبقى انا هروح المخزن اجيب حتتين من التقيل وابعتهملك ولو عاوزة تبقى انتى برة الموضوع هبعتلك جماعه مقنعين يخلصولك الليلة وانتى برة المدونة ولا من شاف ولا من درى وماتشيليش هم اى حاجه
الظاهر هما لما احتلو المدونة ماكانوش يعرفو انك مسنوده من الصعايدة هههههههه
تحياتى
ودمتى بكل خير وود
والسلام عليكم ورحمة الله وبركاته

كيــــــــــــارا يقول...

ههههههههههههههههه

لا هما لما احتلوها مش كانوا يعرفوا خالث اني مسندوه

خلاص ابعت انت المقنعين بقي وخلث الليله وانا اي حد يسال هقول برئ يابيه ههههههههههههههه

المعتصم يقول...

بسم الله الرحمن الرحيم
الاخ غير معروف اللى بعت الايميل
والله لو انت شايف ان المدونه هايفه وانى زى مواضيعى تافه
يبقى ياريت حضرتك ماتبقاش تشرفنى هنا تانى
لأن بصراحه انا حر فى المدونة بتاعتى ومش محتاج وصى يقولى اكتب ايه او مكتب ايه
وبعدين انا مش عامل كتاب ولا بقول على نفسى انيس منصور انا كاتب انى عامل المدونه دى للفضفضه بس ليس الا يعنى اكتب فيها اى حاجه براحتى مش براحه سيادتك
ياريت ماتجيش هنا تانى والكلام التافه بتاعك انا مش هرد عليه لأنه مايفرقش معايا
يخاطبنى السفيه فلا اجيب
فخير من اجابته السكوت
ومن غير سلام

المعتصم يقول...

اختى كيارا
خلاص انا هظبط العمليه وارسم الخطه
وابلغك بالعاد علشان ماتدخليش المدونة فى الوقت ده ونخلص احنا الليله وانتى تطلعى منها زى الشعرة من الضفيرة
اى خدمه
ســـــــــــــلام

كيــــــــــــارا يقول...

متعصبش نفسك يامعتصم مع اي رد

وابقي مش تنسي المعاد بقي عشان اطفش من المدونه

انا رايحه انام بقي عشان الشغل

يلا سلام

المعتصم يقول...

أختى كيارا
ماتخديش فى بالك موضوع الرد ده دا كله كلام فاضى
وبخصوص المعاد خلاص
انا هظبط واسيطر واديكى الاوك
وكلمة السر هتبقى قزقه
ســـــــــــــلام

القلم السكندري يقول...

ايه ياعم حسام هو احنا مش هنعرف نتكلم مع بعض ولا ايه ؟
********************

والله انا بحاول اكلمك مفيش فايدة مش عارف في ايه وفي الاخر فصل عندي انا كمان وحتي مش راضي يفتح اي صفحة.. انا بقول برده أن نظرية المؤامرة لازم تاخد دورها ف كشف ملابسات الموضوع :) ولازم نضرب علي المتآمر بيدٍ من حديد .. أو حتي بعيارين زي بعضه




ماينفعش وانت عارف السبب انى اعمل عرض عسكرى للسلاح التقيل انت عاوز امريكا تعرف احنا مستنيينها بايه ؟ لازم تكون دى حاجات سريه علشان عنصر المفأجه يلعب دوره اصحى شوية
****************

معلش يازعيم برده انت عارف احنا غلابة وملناش في الكلام ده.. البركة فيكو انتو بقي :)


****************

انت عملتها منظمة ابر ايجيبت خلاص
ماشى ياعم مش هكسفك بس ربنا يسترها واخوانا البعدا يستنو علينا لما نكون عدد كويس من الاعضاء علشان نعرف نقاوم

***************

أولا انا معملتش حاجة ياخويا انت مش عايزنا نبات ف بيوتنا ولا ايه؟.. احنا لا عندنا طبنجات ولا قرن غزال ويوم ما الواحد فينا بيشيل حاجة بيشيل سواك

ثانيا تقصد (تجمع) إنما نجمع دي يبقي أكيد تقصد أنت بقي وحد تاني ,, شوف مثلا مين كدة كانوا عايزينك تدافع عنهم ممكن تبقي تاخدهم معاك

إنما أنا مليش دعوة بالتطرف ده :) أنت عارف طول عمري تاريخي أبيض ناصع البياض


تحياتي ياجميل

المعتصم يقول...

حلاوتك ياعم البشمهندس
هو انت طلعت منهم
ياحبيبى
بس ياعم
انت بعتنى قبل مانوصل اول محطة !!!!!!!!!!
لا ياعم بلاش منه
وانا اللى كنت فاكرك رفيق الكفاح والمقاومة
ابقى بقى سلملى على الشراكسه ياعم حسام
انما الصعايده صامدون صامدون صامدون
ولا بيهمنا اى حد ولا اى حاجه
(بس ياريت ماتقولش الموضوع ده لحد)
سلام ياهندسه

mohamed ghalia يقول...

حلوه قوى الأبيات
أحسنت الإختيار
سعيد إنى اكون من متابعى مدونتك
دمت بكل الود

المعتصم يقول...

بسم الله الرحمن الرحيم
أخى محمد غاليه
تحياتى
بارك الله فيك وشكرا على مرورك
وانا اللى اسعد والله
بس برضو ده مايمنعش ان الموضوع بتاع الاحتلال ده يخلص بدرى بدرى والا هننفذ التهديد بتاعنا
احنا صعايده ومش بنهزر
تقبل تحياتى ودمت بكل خير وود
والسلام عليكم ورحمة الله وبركاته

القلم السكندري يقول...

لا يازعيم واحنا نقدر نبيعك برده

ده انت حتي تصفينا وملناش دية

ده بس تمويييه بس خليها ف سرك :)

أنا عارف أنت مش هتجيبها لبر.. يلا هي موتة ولا أكتر

موناليزا يقول...

واضح ان صاحبك بيحب الشعر واختياره لكلمات القصيدة دى جميل بجد
(ولا هو طالب وعليه القصيدة دى حفظ فبيسمعهالك):)

سؤال لو تسمحلى وعايزة اجابة بالتفصيل
ليه معاك طبنجة اصلا؟(انت جاوبت قبل كده بس انا مفهمتش برضه هو ده العادى فى الصعيد مثلا ولا ايه)
يعنى مثلا الظباط معاهم عشان وظيفتهم
سيادتك بقى معاك ترخيص سلاح ليييييييه؟؟؟

ghorBty يقول...

السلام عليكم والرحمة

كلمات القصيده جميلة جدا والله

حلو ان الواحد يحب ويحفظ ابيات شعر وكمان يفضل يقولها ويعدها علي غيره تحياتي لصحبك كتير ربنا يبارك له

وجزيت خيرا علي كتابة الابيات

وربنا يستر وتخلصونا من جو الافلام البوليسيه اللي في المدونه دا الواحد قبل ما يدخل يبقي يكتب وصيته علشان يدخل وهو مرتاح

غربتي

المعتصم يقول...

بسم الله الرحمن الرحيم
السلام عليكم ورحمة الله وبركاته
انا بعتذر لكل اللى علق وانا اتأخرت عليه فى الرد اليومين اللى فاتو لانى كنت تعبان شوية
*****************
القلم السكندرى
حبيبى يابشمهندس
ايوة كده هو ده اللى انا مستنيه منك وهى دى الروح المطلوبه علشام تبقى عضو فعال فى منظمتنا الجديده
وبعد الشر عليك ان شاالله اللى يكرهوك
دمت بكل خير وود
*****************
أختى موناليزا
تحياتى
صاحبى مش بيحب الشعر للدرجه دى يعنى بس هو ساعات كده فيه حاجات بتعلق معاه وعلى حسب الحاجه اللى معلقه معاه دى انا وحظى بقى ممكن تكون اغنية كئيبه او حاجه كده خنيقه وممكن تكون حاجه دمها خفيف هو وظروفه وانا وحظى وربنا يسترها
وبعدين هو مااختارش القصيده ولا حاجه دى جت معاه كده ده مش حافظ منها غير الشطر الاول من البيت الاول بس
طالب مين دا اكبر منى ومتجوز ومخلف كمان
اجابة بالتفصيل على سؤالك دى صعبة شويه لان الموضوع كبير
اولا فى بلدنا بيبقى السلاح ده من لوازم يعنى المنظرة والمفخرة يعنى مثلا فى الافراح لما بنحب نجامل حد ونعمل معاه واجب بنضرب له نار وهو ومقامه بقى طلقتين عشرة او خزنتين(50طلقه) يعنى
انما هو هنا تقريبا فى كل البيوت لازم يكون فيه سلاح محدش ضامن الظروف
وبما انى جسمى على قده كده ومش عضلات خالص يبقى لما بكون هتأخر بره البيت باخد الطبنجه معايا علشان لو لاقدر الله حصلت اى حاجه كده ولا كده اقدر ادافع بيها عن نفسى يعنى مثلا حرامى او خناقه والموضوع اتطور او اى حاجه زى كده
وبعدين مين اللى قالك انى معايا ترخيص للسلاح احنا الحكومه مانعه عندنا هنا التراخيص بقالها كتيييييييير خالص وبرضو الناس كلها عندها سلاح
يارب الاجابه دى تكون كافيه ولو ماكانتش يبقى نوفيها حقها فى تعليق عندك غير قابل للنشر ويبقى بالتفصيل
شكرا على مرورك
ودمتى بكل خير وود
******************
اهلا اهلا اهلا
أختى الكريمة غربتى
وعليكم السلام ورحمة الله وبركاته
تحياتى
متفق معاكى ان كلمات القصيده جميلة جدا
وقلت لصاحبى انه فيه ناس بتحييه على الوش اللى هو عامله ليا ده بتكراره طول النهار والليل لنص بيت الشعر ده
بس انتى عاوزة جو الافلام البوليسيه ده يخلص ليه ؟ ده حتى لذيذ اكشن طبيعى اهه من الحياة
ماشى على العموم هو كده خلاص خلص (بس ممكن يتكرر انتى وحظك)
عارفه اكتر حاجه اسعدتنى فى تعليقك انى لقيتك بتهزرى وده معناه انك والحمد لله ابتديتى تروح من عندك حاله الضيق بتاعةالفترة الاخيرة
الحمد لله رب العالمين وربنا مايعودها تانى يارب
نورتى المدونه وشكرا على المرور
تحياتى ودمتى بكل خير وود
والسلام عليكم ورحمة الله وبركاته

فتافيت يقول...

الله الله عليك

هو انت الطبنجة بتاعتك والمطوة بتاعة محسن

طيب الطبنجة التاينة بتاعة مين

ما تقولش جايبها هدية ليا علشان الفلانتين صح

ميرسي ياااااااا عمدة وهدية مقبولة واول عيارين منها تحية للبوست الجامد ده وكمان لعنترة حبيب عبلة

طخخخخخخخخخخخخخ طخخخخخخخخخخخخ

المعتصم يقول...

بسم الله الرحمن الرحيم
السلام عليكم ورحمة الله وبركاته
أختنا فتافيت هانم
نورتى
هو صحيح يعنى الطبنجه التانيه دى بتاعة اخويا الصغير بس برضو ماتغلاش عليكى وهابى فلانتين(اهو حتى يبقى تجديد) وكله فى الاخر بيبقى باللو ن الاحمر يعنى الدبدوب بيبقى احمر والورده بتاعة الفلانتين حمرا والطبنجه برضو لما بتضرب حد بتكون نتيجتها دم احمر يعنى مواكبه الموضه
وعموما انا هبقى اشتريله هو واحده اكبر من دى شويه
بس ابقى خلى بالك علشان انا قلتلك قبل كده الطلقات غليت بس
تحياتى ودمتى بكل خير وود
والسلام عليكم ورحمة الله وبركاته

محمد يقول...

متأكد ان الطبنجة و المطواة دول بتوعك ؟؟ و ان الصورة دى بتاعتك اصلا ؟؟

عشان لى صديق مصور نفس الصورة بالظبط فى بيتو و على سريرة كمان بنفس الطبنجتين و نفس المطواة