الاثنين، 29 ديسمبر 2008

كل سنة وأمتنا الاسلامية بخير




بسم الله الرحمن الرحيم



السلام عليكم ورحمة الله وبركاته





كنت انوى ان اكتب فقط مهنئا بحلول عام هجرى جديد يعنى مجرد تهنئة وكل سنة وانتو طيبين وخلاص بس الاحداث اللى حاصلة فى غزة مع اخواننا المسلمين هناك خلتنى مش قادر حتى على انى اكتب التهنئة وبس



فى الحلق غصة والم ومرارة وغضب من ما يحدث لنا كمسلمين ومن الحالة التى وصلت لها امتنا من الهوان هل هذه هى الامة التى قال فيها المولى عز وجل (( كنتم خير امة اخرجت للناس ))



ولكن اليس نحن السبب فيما وصلت اليه حالة امتنا ؟؟



نحن السبب بتسيبنا واستهتارنا



نحن السبب ببعدنا عن طريق الحق



نحن السبب لبعدنا عن ديننا



نحن السبب لاتباعنا للثقافات الغربيه



نحن السبب لاننا رضينا بان نكون تابعين بعد ان كنا ساده



نحن السبب بصمتنا على الظلم وعدم قول الحق



نحن السبب لعدم وقوفنا فى وجه الفساد



واسباب كثيرة اخرى لاتحصى



ولكى ندعو ربنا بأن يرفع عنا مانحن فيه وأن يعيد لنا كرامتنا المسلوبة منا لابد وان نبدأ بأنفسنا وأن نحاول أن نصلح من أحوالنا



وذلك لن يكون الا بعودتنا الى طريق الحق والهداية والى طريق الدين وإحياء سنة نبينا الكريم



يعتصرنى الالم واعجز عن وصف مايجب علينا ان نفعل ولكن يجب على كل واحد فينا ان يبدأ بنفسه وأن يحاول اصلاحها وان يكون جاد فى المحاوله صادق النية



وعندما يرى منا ربنا الجد فى العزم والثبات على طاعته والصدق فى التوبه سيغير من احوالنا الكثير



وكل سنة وانا وانتم وامتنا الاسلاميه يارب نكون بخير



هناك 17 تعليقًا:

ghorBty يقول...

السلام عليكم ورحمة الله وبركاته

صدقت والله في كل كلمه نحن وافعالنا واحوالنا السبب في كل هذا هانت علينا انفسنا فهنا علي الغير ضيعنا هويتنا وتوهنا واصبحنا بعد ما كنا غير الامم اصبحنا مستضعفين ومتاكل حقنا لاننا ببساطه تاااااايهين في اللهو اللعب والكلام الفاضي

ربنا لما قال كنتم خير امه اخرجت للناس
ليه
تامرون بالمعروف وتنهون عن المنكر

احنا دلوقتي شايفين العكس المنكر صوته عالي ومرتفع والجهر بيه بقا عادي
والمعروف بقا صوته زي الهمس وماشي جنب الحيط وساكت

والحال مش هتيصلح الا لو بجد رجعنا للقاعده ديه وطبقنها صح

جزيت خيرا وربنا يعينا ويعنهم ويغفر لنا

اللهم ردنا الي الاسلام مردا جميلا

غربتي

غير معرف يقول...

بسم الله الرحمن الرحيم
السلام عليكم ورحمه الله وبركاته
قال تعالي (وتعانوا علي البر والتقوي)
اولا احب ان اسجل راي في الموضوع
انا اتفق معك في ان احنا السبب فيما وصلت اليه حال امتنا اليوم من الهوان والخذلان
ولكن الي امتي هنفضل نقول ان احنا السبب وعايزين نتغير ولازم نتغير ونرجع تاني الي نقطة البدايه
لحد امتي هنفضل نلوم في انفسنا فقط ونعذب فيها ونرجع نقول يارب انصرنا واحنا اصلا ليس اهل للنصر
قال تعالي(ان تنصروا الله ينصروكم)
وعلشان منبقاش من الذين ظالموا انفسهم
قال تعالي (ان الذين توفتهم الملائكة ظالمي انفسهم قالوا فيما كنتم قالوا كنا مستضعفين في الارض)
علشان كده يلا نخرج من دائره احنا السبب ولازم نتغير الي دائرة التغير فعلا
عايزين نكتب وندون عن اعمالنا الايجابيه وعن احوالنا بعدالتغير
ولدي راي متواضع ان بدايه التغير هي علاقتنا مع ربنا فلنبدأ بالصلاة والخشوع فيها وورد القرآن اليومي هل نحافظ عليه والذكر والصلاة علي النبي عليه الصلاة والسلام واحياء سننه
يلا نتغير في تعاملتنا مع الناس ونكون اكثر تفألا وتسامحنا ولو حد اساء الينا نبدأ بالعفو عنه ونقول علشانك يارب
يلا نبدأ التغير عسي الله ان يقبالنا

كفاينا كلام ويلا نبدأ العمل
قال تعالي (والعصر ان الانسان لفي خسر الا الذين امنوا وعملوا الصالحات وتواصوا بالحق وتواصوا بالصبر)
اسفه علي الاطاله
ونفع الله بيك وقفك الي الخير
اللهم اهدي جميع شباب المسلمين الي ما فيه الخير للامه الاسلاميه
اللهم امين

المعتصم يقول...

بسم الله الرحمن الرحيم
السلام عليكم ورحمة الله وبركاته
************
أختى الكريمة غربتى
وعليكم السلام ورحمة الله وبركاته
جزاكى الله خيرا وآمين على دعاءك
وياريت فعلا اننا نكون مش بنتكلم بس ونحاول اننا نرجع لقواعد ديننا ونطبقها صح ونأمر بالمعروف وننهى عن المنكر ساعتها هنلاقى نصر ربنا بيدق الابواب علينا
اختى الكريمة دمتى بود وبخير
***************
أختى الكريمة عابر السبيل
وعليكم السلام ورحمة الله وبركاته
اولا اشكرك على مرورك على مدونتى البسيطه
ثانيا كويس اننا متفقين على المبدأ اننا احنا السبب
بس انا هنا لما بقول اننا السببفى اللى بيحصل مش من باب الكلام لمجرد الكلام انما هو من باب (( وذكر فإن الذكرى تنفع المؤمنين )) يعنى حاجه كده بحاول اكلم بيها الضمير ولو الضمير صحى شويه دلوقتى وبعدين كان هيرجع تانى لنقطة البدايه زى ماانتى بتقولى فيه غيرى يذكر وانا اذكر ولازم كل فترة يكون فيه تذكير لاننا بشر ومع كثرة التذكير ومحاوله صحيان الضمير هنلاقى بالفعل الناس ابتدت تتغير للاحسن وابتدت ترجع تانى لدينها وكمان تتعود على التغير ده يعنى اللى مش بيصلى هيبدا يصلى فى الاول يوم ويكسل يوم ومع التذكير يرجع يصلى بعد كده يتعود فعلا وينتظم فى الصلاة وتبقى محببة الى نفسه وهكذا فى باقى امور ديننا وفى كل امور دنيانا
وانا معاكى فى اننا لازم ننتقل من مرحلة الى مرحلة التغير الفعلى بس حكاية اننا نكتب عن اعمالنا الايجابيه بعد التغير فعلا دى مش عارف هعمل فيها ايه هى فكرة حلوة ودعوة جميلة منك وان شاء الله ربنا ييسر ونحاول نطبقها
على فكرة انتى لم تطيلى بالعكس فكلامك جميل يمس القلب لانه كلام لوجه الله وكله خير ودائما مااستفيد منه الكثير وعسى الله ان يقبلنا
اختى جزاكى الله خيرا وسعيد بمرورك
دمتى بكل خير وود
والسلام عليكم ورحمة الله وبركاته

غير معرف يقول...

بسم الله الرحمن الرحيم
وعليكم السلام ورحمه الله وبركاته
اولا اشكرك علي حسن ظنك
ثانيا ان ما دفعني للرد مرة ثانيه هو ان هناك بعض الامور التي يجب علي ايضاحها
ان كلامي في التعليق الاول لم يكون موجها لحضرتك بالذات ولكن
كلامي موجه لنفسي قبل اي احد لان المدونات هي ليست ساحات للفضفضة وفقط ولكن من وجهة نظري انها ساحات للحوار اللي في بعض الاحيان نفتقده علي ارض الواقع
واقول لخضرتك انا ليه كتبت كده لاني بصراحه انا وكل اصحابي اللي احسبهم جميعا علي خير من وقت ما خلصنا الجامعه وبدأنا ننزل الي ارض الواقع (الذي لا يخفي علي احدما فيه من الفسادوالبعد عن الدين )واصبحنا نشعر بمسئوليه اكتر تجاه ديننا وبلدنا واهلنا وفي نفس الوقت كنا بنشوف الحال اللي وصلنا اليها واللي كل يوم من سئ للاسوأ بدانا نفكر المشكله فين وفي مين والحمد لله ربنا هدانا واتفقنا علي الاتي
قال تعالي(ان الله لايغير ما بقوم حتي يغيروا ما بانفسهم) قلنا بس هي ده البدايه ولكن
توقفنا عند تشخيص المرض ولم نفكر في العلاج فكلام حضرتك كله متفق عليه ولكن كل ما كنت اريده هو اني اشوف حد بدأ بدايه مختلفةليس فقط الوقوف علي السبب واللي هو هم نقطة طبعا ولكن ليس حل المشكله هو معرفة اسبابها فقط ولكن يجب ان نسعي بجد لتغير هذه الاسباب
ثالثا:لدي راي وممكن حضرتك تقبله او لا
ان الانسان اللي هيفكر ان هو السبب في تأخر امتنا ده من وجهة نظري انه مش عادي لانه عنده احساس بالمسئوليه تجاه امته علشان كده مش اي حد يقرئ الكلام بتاع حضرتك ويتاثر لان في ناس اساسا مش علي بالها لا امه ولا غيرها وتقولك هو انا اللي هغير الكون
وفي نقطة احب اوضحها كمان هي الخشوع في الصلاه وهل كل اللي بيصلي مننا بيصل بجد شوف كده حالك قبل وبعد الصلاة هل فيه تغير بس كدا علي تصرفات الناس بعد الصلاةوانت تعرف لاني بجد هي ده اول علاقة بينا وبين ربنا لازم تتغير لانها عبادة وليست عادةوهي بجد اساس التغير
اما بخصوص القرب والبعد في علاقنتا بربنا ده كلام متوقف عليه واحنا في المدرسه اتعلمنا حاجه ان الايمان يزيد وينقص ولكن يزيد بالطاعة وينقص بالمعصيه
اما بخصوص الاعمال الايجابيه والتي هي بدايه التغير لو حضرتك شايف ان في كتابتها حرج خدها من بنيه ان رؤيه العباد تعين الانسان علي العبادهيعني لو حضرتك عملت علي احياء سنه معينه وبدأت تعملها وكنت حافز لغيرك انه يعملها حتبقي في ميزانك ان شاء الله
وانا كان ممكن ابدأ بنفسي لانها فكرتي ولكن لا يجوز لاني ده ساحة حضرتك ولها قوانيهاالتي يجب احترامها
وربنا ينفع بينا جميعا ويارب اهدنا واهدي بينا واجعلنا سببا لمن اهتدي
اللهم اغفر لناوانصرناعلي اعدائنا
اللهم امين

المعتصم يقول...

بسم الله الرحمن الرحيم
السلام عليكم ورحمة الله وبركاته
أختى الكريمة عابر السبيل
تقبلى التحية والتقدير وانا اللى اشكرك يااختى على مرورك ومناقشتك
انا لما رديت عليكى كنت عارف ان الكلام مش موجه ليا انا وحدى وانما هو للعموم بس انا لما رديت كنت برد عن نفسى وهى دى اللى املك الرد عنها
* اما عن تشخيص المرض والعلاج فده احنا لانملك فيه الا اننا نبداء بانفسنا نبداء نطبق مانراه العلاج المناسب وبعد ماننجح نبداء نعرف اللى حوالينا وندلهم على الطريق
وعلى فكرة الموضوع انى اكتب اللى حصل معايا مش موضوع محرج بس هو الواحد لسه مش شايف انه نجح فى علاج نفسه وانى مازلت مقصر ويادوب انا بس عرفت الطريق وربنا يساعدنى انى امشى فيه واكمله من غير تعثر
ونقطة الخشوع فى الصلاة انامتفق معاكى بس لما نشوف واحد مش بيصلى خالص مش هينفع انى اقوله لازم تصلى وتخشع فى الصلاة كده مش هينفع مش هيتقبل وهيفتكر ان الموضوع صعب يبقى لازم ناخده واحده واحده الاول احاول معاه انه يصلى وبعد كده اول مااشوفه ابتدى يصلى باستمرار ابداء اكلمه واعرفه واشرحله الخشوع فى الصلاةوافضل معاه لغاية ماربنا يكرمه
ويا اختى لو عندك البداية انا مش همانع خالص انك تنشريها عندى بالعكس انا مرحب جدا انك تكونى اول شخص ايجابى نبتدى بيه انه بداء بتطبيق العلاج على نفسه وكلنا هنستفيد وسيبك من حكاية القوانين دى
اختى الكريمة سعدت جدا بردك القيم
واشكرك على حسن ظنك انتى بى
وتقبلى تقديرى
دمتى بكل خير وود
والسلام عليكم ورحمة الله وبركاته

القلم السكندري يقول...

ونحن السبب بسكوتنا عن الطواغيت العرب الذين يشاركون في حصار غزة


اللهم هيئ لنا أمر رشد يعز فيه اهل طاعتك ويذل فيه أهل معصيتك

ghorBty يقول...

السلام عليكم ورحمة الله وبركاته

قال رسول الله صلى الله عليه وسلم: من لم يهتم بأمر المسلمين فليس منهم

الرجاء دخول الرابط ضروري جدا

http://www.rekaaz.com/vb/showthread.php?p=141435#post141435
يلا يا مسلم ورينا بصمتك

وجزاكم الله خيرا

غربتي

المعتصم يقول...

بسم الله الرحمن الرحيم
السلام عليكم ورحمة الله وبركاته
اخى الفاضل/ القلم السكندرى
انا متفق معك اننا السبب بسكوتنا ولكن مايحدث الان شيئ مبشر ومانراه هو بداية الصحوة من شعوب كانت قد اعتادت على المذلة والهوان وربما يكون هناك امل فى التغيير
وربنا يتقبل دعاءك ودعائنا
تقبل تحياتى
والسلام عليكم ورحمة الله وبركاته

ghorBty يقول...

السلام عليكم ورحمة الله وبركاته

جزاك الله خيرا وبارك فيكم

حضرتك ادخل هنا في الموضوع دا علي الرابط دا

http://www.rekaaz.com/vb/showthread.php?t=15438

ظلل الرابط وانسخه وحطه في المربع اللي فوق عندك في صفحة النت ودوس enter

هتدخل علي الموضوع علطول وهناك فيه كل التفاصيل

لو فيه اي استفسار تاني يا ريت حضرتك تبلغني

واسهل من دا كله عندي في مدونتي دوس علي الصورة اللي مكتوب فيها غزة دوعي النصر والعزه هتلاقي نفسك في موقع الحمله وهناك التفاصيل

جزيت خيرا

غربتي

ghorBty يقول...

السلام عليكم والرحمه

جزاك الله خيرا

اولا بالنسبه للصورة نزلها من عندي في المدونه وان شاء الله تكون مضبوطه

ثانيا انت مش مهم تشترك او تمضي هما بيقولوا اللي مشتركين بمنتدي الموقع هما اللي يوقعوا لكن الباقي المطلوب منهم هي الاشياء ديه

نعلنها بصوت واحد وبيوم واحد :: غزة دويّ النصرة والعزّة ::

وندعوا الجميع للمشاركة في حملة الصوم العامة
بصيام يوم الخميس 1 \ 1 \ 2009
ويوم الخميس 8 \ 1 \ 2009

ونهدف من خلال هذا إلى مايلي :

- تأكيد التضامن الإنساني والديني مع الشعب الفلسطيني وفلسطين المحتلة .

- ترسيخ الأمل في النفوس , وتحويل الآلام إلى آمال تحيي الهمم والنفوس .

- تذكير الناس بقضية فلسطين , بالرجوع إلى الحقائق والمصادر الموثقة لا الأكاذيب المزورة للحقائق , لتقلب الحق على المقهور المقتول , وتعفي القاتل الجزار الصهيوني من المسؤولية!! .

- مقاومة الإحتلال حق مشروع تقره كل الأعراف الوطنية والمواثيق الدولية , ولايمكن بحال من الأحوال إلقاء اللوم على المقاومة بكل أشكالها الإعلامية والسياسية والعسكرية ,
بل توجه أصابع الاتهام إلى المجرم الحقيقي المحتل الصهيوني .

- طرح رؤى وأفكار عملية للنصرة حتى لانتوقف عند الكلام , بل نتجه للفعل ولو خطوة , وأن لانستهين بالخير مهما كان قليلًا

ومطالبنا مطالب كل إنسان حرّ :

1- فك الحصار عن الشعب الفلسطيني وعن قطاع غزة تحديدًا .
2- أن تتخذ المؤسسات العربية الرسمية موقفًا واضحًا ينكر ويدينُ الاعتداءَات الصهيونية .
3- فتح معبر رفح المصريّ والسماح بدخول المساعَدات الإنسانية والدوائية والغذائية .


لاتقف صامتا , تقدم ولو نصف خطوة

انشرها بين اهلك واصحابك وخليهم يصموا معانا واشرح لهم القضيه وخطورتها وان كل واحد لازم يعرف انها قضيتنا كلنا ولازم نصلح من نفسنا ونتغير للاحسن وانت اكيد عندك كلام ممكن تواجهه وتصلح بيه اللي حواليك وان شاء الله خير
ارجو اني وضحت

غربتي

المعتصم يقول...

بسم الله الرحمن الرحيم
السلام عليكم ورحمة الله وبركاته
أختى الكريمة غربتى
تحياتى وتقديرى وشكرى
ان شاء الله نحاول وربنا يكرمنا وننجح فى مانسعى اليه ابتغاء مرضاته
اختى جزاكى الله كل الخير ودمتى بود
ولكى كل الشكر
والسلام عليكم ورحمة الله وبركاته

فارس بلا جواد يقول...

اخى النصر ات ات


ان اجلاا او عاجلا


الا ان نصر الله قريب

Unknown يقول...

السلام عليكم ورحمة الله وبركاتة
جزاك الله خيرا على البوست
وفعلا حضرتك عندك حق فى كل الذى قولتة
والحل كما ذكرت ان نصلح انفسنا
فينصلح حال كل المسلمين
فيرضى الله عنا
فينصرنا ويثبت اقدمنا
ان شاء الله
جزاك الله خيرا

م/ الحسيني لزومي يقول...

غزة تحترق..غزة تباد
عجزة الأنظمة علي إنقاذها
أو تواطئوا علي إبادتها
من أجل سلطانهم الزائل
نحن ماذا نقدم حتي لو كنا مكبلين بالحديد والنار
شاركنا مقترحاتك العملية لنا كشعب من أجل
نصرة إخواننا الذي سوف نسأل عنهم
أمام الله وأمام التاريخ وأمام الإنسانية جمعاء
نتلقي اقتراحاتكم علي مدونة مواطنون ضد الشعب
www.moatnondedelsh3ab.blogspot.com

بـسـمـــة صـــــلاح يقول...

السلام عليكم
فعلا صمتنا على المنكر هو اللي وصلنا لكده
~~~
لازم نغير من نفسنا لسه عندنا فرصه
لازم نرجع لربنا عشان ينصرنا ويكون معانا
~~~~
أنا والله دخلتالرابط بس معرفتش اعمل اي حاجه خالص
لو ممكن تساعدني
معلش هتعبك
~~~~~
دمت بكل ود
تحيــــــاتي:)

المعتصم يقول...

بسم الله الرحمن الرحيم
السلام عليكم ورحمة الله وبركاته
***************
أخى فارس بلا جواد
تقبل تحياتى
نحن لانشك فى ان النصر ات من عند الله ولكن لابد لنا من العمل والسعى فى طريق الجهاد حتى نتعجل نصر الله لنا ((إن تنصرو الله ينصركم))اخى تقبل تحياتى وشكرا على مرورك
***************
حتى تشرق الشمس
وعليكم السلام ورحمة الله وبركاته
جزاكم الله خيرا على حسن الظن بى وربنا يكرمنا واياكم واننا نقدر نصلح من احوالنا ومش بس نكون بنتكلم
شكرا على المرور وتقبل تقديرى
اللهم انصر الاسلام واعز المسلمين
آمين يارب
***************
م/ الحسينى لزومى
تحياتى وتقديرى لحضرتك على البوست الرائع فى مدونتكم الجميله ولعلنا ننتقل من مرحلة الكلام الى مرحلة الفعل لصالح امتنا الاسلاكية والعربيه
اشكرك على المروروتقبل تحياتى
*************
اختى الصغيرة بسمة صلاح
وعليكم السلام ورحمة الله وبركاته
تحياتى وشكرا ليكى على انك فعلا دخلتى على الرابط وعاوزة تساهمى معانا
انا برضو الاول مكنتش عارف اعمل ايه زيك لغاية مااختنا الكريمة غربتى وضحتلى الامور وربنا يسهل وهبعتلك التوضيح على مدونتك
ومافيش تعب ولا حاجه ابدا
دمتى بكل خير وود
والسلام عليكم ورحمة الله وبركاته

بـسـمـــة صـــــلاح يقول...

شكرا جزاك الله خيرا
ربنا يستر وافهم هههههههههه
اصل انا بلاش فضايح بقى
انت من الصعيد انا كمان من الصعيد
هههه والله حتى الاسم
ربنا يخليلك والدك