الخميس، 18 ديسمبر، 2008

اللهم انصر الاسلام والمسلمين

بسم الله الرحمن الرحيم

السلام عليكم ورحمة الله وبركاته

انا هحكى موقف حصل مع احد الاخوة المسلمين لنرى فعلا صدق مقولة رسولنا الكريم - صلوات ربى وسلامه عليه- الخير في وفى امتى الى يوم الدين صدق رسول الله - صلى الله عليه وسلم -
أحمد شاب بسيط من محافظة بالصعيد ذهب ليعمل بائع فى احد بازارات الغردقه وجاءت له بنت فرنسيه تتكلم عربى كويس اتكلمت معاه شويه وبقو اصحاب وعجبها وفى يوم قالت له ماتتنصر وتسافر معايا وانا عندى فلوس كتير والمشروع اللى انت عاوزة نعمله مع بعض
رد عليها احمد وقالها : صحيح انا مش ملتزم ويمكن ماعرفش حاجه فى دينى غير انى اسمى احمد ومكتوب فى البطاقه مسلم بس انا عاوز اسألك اسئلة لو جاوبتى عليها افكر ادخل فى دينكم .
قالت اتفضل اسأل . قالها انتو بتقولو المسيح ابن الله انا همشى معاكم بس هو ربنا لما حب يخلف مارضيش يخلف غير واد واحد بس ليه؟ ليه مش اتنين او عشرة ؟ وبعد عشان يخلف لازم يتجوز ولما هو هيحب الستات ماتجوزش غير السيده مريم ليه ؟ ماهو قادر يخلق واحده تانى احلى واجمل منها يبقى اشمعنى ؟ ردى عليا ؟ ولو اقنعتينى باجابتك انا اتنصر واسافر معاكى وانا متاكد انك مش هتقنعينى
قالت له انا مش اعرف الاجابه بس انا هسافر وارجعلك بعد كام شهر ومعايا الاجابة
وبالفعل سافرت وبعد عدة شهور دخلت البازار واحده اخت منقبه تسال على احمد اخبروها انه فى اجازة وهتخلص بعد اسبوع
وفات الاسبوع ورجعت لقيت احمد وسلمت عليه قالها مين حضرتك ؟ قالت له انا مالقيتش اجابه لسؤالك عند اكبر القساوسه فى الغرب وكل مااروح المركز الاسلامى فى فرنسا واسئلهم على حاجه يجاوبونى اجابات مقنعه على طول اعلنت اسلامى ورجعت لك وياريت تقبلنى زوجه ليك لانك كنت السبب اللى سببه ربنا ليا عشان اهتدى
وبالفعل تزوج احمد منها وهو كمان ربنا اكرمه والتزم ومبقاش مسلم بطاقه وبس ده بقى مسلم بحق وحقيقى
ده هو الشباب المسلم حتى وان خرج عن الطريق قليلا لكن لايضلها ابدا
اللهم بارك لنا فى شبابنا واهدهم الى طريقك القويم وحصنهم بالدين
اللهم امين
(هذه القصه حقيقيه وليست من وحى خيالى)

والسلام عليكم ورحمة الله وبركاته

هناك 9 تعليقات:

amato allah" هويتى إسلاميه " يقول...

ما شاء الله تبارك الله

حقاً دينهم كله أشياء لا يُصدِقها ولا يتخيلهاأى عاقل

الحمدلله على نِعمة الإســلام


جزاك الله خيراً على البوست

م/ الحسيني لزومي يقول...

بارك الله فيك وليس امامنا سوي المحاولة
تم ارسال كود البنر
رجاء دوام التواصل

ا بـن عــمــر يقول...

قصة جميلة
سبحان الله

المعتصم يقول...

بسم الله الرحمن الرحيم
السلام عليكم ورحمة الله وبركاته
ـــــــــــــ
أختى الكريمة أمة الله
تحياتى وتقديرى وشكرا على المرور وهو امر يسعدنى
هناك الكثير والكثير من تلك القصص حدثت وتحدث فى بلدنا وماحولها هنا وهى كلها تصب فى مصلحة ديننا الحنيف ونتيجتها والحمد لله دخول الكثير فى الاسلام ولكن مصيبتنا ان من يعلن اسلامه عن اقتناع تعيده الشرطة الى اهله المسيحيين ويتم ارساله الى الدير ولايعرف عنه اى شئ بعد ذلك
نسأل الله نصرة دينه
والحمد لله على نعمة الاسلام
أختى الكريمة دمتى بكل خير وود
ـــــــــــــــــ
م/ الحسينى لزومى
تحياتى وبارك الله فيكم وان شاء الله تعالى نبقى على اتصال دائم خاصة واننا طلعنا بلديات
الكود وصل وهحاول انزله ولو ماعرفتش هبعتلك علشان تبعتلى الخطوات الصحيحه
شكرا على مرورك واهتمامك
ــــــــــــــــ
الاخ الكريم ابن عمر
تحياتى وتقديرى
وتقبل شكرى ليس فقط على مرورك وانما ايضا على مدونتك الجميلة
تحياتى وتقديرى ودمت بكل خير

م/ الحسيني لزومي يقول...

تم ارسال خطوات وضع البنر علي المدونه بالميل

موناليزا يقول...

:) فرحتنى بجد
ربنا يكرمك ويعزك
اللهم اهدى شبابنا

المعتصم يقول...

بسم الله الرحمن الرحيم
السلام عليكم ورحمة الله وبركاته
أختى الكريمة موناليزا
تحيه طيبه وتقدير
اشكرك على مرورك ووالله اننا كلنا بنفرح جدا لما بنشوف ديننا العظيم وهو بيثبت لكل اللى بيحاربوة انهم مهما حاولو وعملو مش هيقدرو يأثرو فيه ولو بالقليل
وهناك الكثير مثل هذه القصه حدثت واعرف اصحابها معرفة شخصيه وربما اذكرها مستقبلا
اختى الكريمة شكرا على المرور وتقبلى تحياتى ودمتى بكل خير وود
والسلام عليكم ورحمة الله وبركاته

المستنصر بالله يقول...

لاتتخيل اثرت فيا هذه الحكايه ازاى
اللهم اجعلنا هداه مهتدين غير ضالين ولا مضلين
جزاك الله خيرا

تحياتى

المعتصم يقول...

بسم الله الرحمن الرحيم
السلام عليكم ورحمة الله وبركاته
أخى الكريم المستنصر بالله
كم سعدت بزيارتك الكريمة لمدونتى البسيطه
واللهم امين على دعواتك
وادام الله المحبة بين قلوب المسلمين
والسلام عليكم ورحمة الله وبركاته