الخميس، 1 يناير 2009

2009


بسم الله الرحمن الرحيم

السلام عليكم ورحمة الله وبركاته

من شوية وصلتنى رساله كل سنة وانت طيب بالعام الجديد 2009 ومش عارف ليه قلقت لما قريت الرساله
يمكن علشان انه العام الجديد هالل علينا واحنا فى الظروف دى (حصارغزة وموت اهلها)
الواحد مش عارف يعمل ايه
يتشائم من العام اللى من اوله كده ظلم وموت وقهر وخراب

ولا يقول ((وعسى ان تكرهو شيئا وهو خير لكم))

ويكون فى العام بداية الصحوة والانتفاضه بسبب كثرة الظلم اللى واقع علينا
انا قربت اتجنن مش عارف اتفاءل ولا اتشائم
صحيح احنا بنحاول اننا ناخد موقف ايجابى من اللى بيحصل حوالينا

بس لسه مش عارفين هننجح فعلا ولا شوية كده وهنتعب ونرجع نسكت تانى زى الاول

ربنا يستر

اللهم انصر الاسلام واعز المسلمين

اللهم امين

والسلام عليكم ورحمة الله وبركاته



هناك 10 تعليقات:

بـسـمـــة صـــــلاح يقول...

السلام عليكم ورحمة الله ةوبركاته
ملهمش الصعايدة ناس انا منهم وبفتخر بكده
....
((وعسى ان تكرهو شيئا وهو خير لكم))

الايه الكريمه دي قاعدة في حياتنا
لازم مننسهاش ابدا
وكل سنه وانت طيب
ربنا يجعلها سنه خير وبركه وسعاده عليك وعلى المسلمين في كل مكان
دمت بكل ود:)

المعتصم يقول...

بسم الله الرحمن الرحيم
وعليكم السلام ورحمة الله وبركاته
أختى الصغيرة بسمة تحياتى
وكل سنة وانتى طيبه وكل امتنا الاسلامية بخير ان شاء الله
وشكرا على مجاملة الصعايدة
دمتى بكل خير وود
والسلام عليكم ورحمة الله وبركاته

fnoonh يقول...

احنا ندعي ربنا كتير ونحاول نتفائل الرسول صلى الله علية وسلم قال تفائلوا بالخير تجدوه وربنا ينصر كل مظلوم ويجعل السنة دي بداية لينا نغير فيها نوايانا للاحسن ونحاول نبتعد عن اي شئ يغضب المولى سبحانه وتعالى
تقبل تحيتي

anas3laa يقول...

أولا أنا مش مع اللي بيبعت رسايل تهنئة بالعام الجديد . بلا عام جديد بلا بتاع . هو احنا ماشيين على التقويم الميلادي زي المسيحيين ؟ بلاش نتفاءل ف الظروف دي نتفاءل ازاي يعني والناس بتموت . لا يضرهم من خذلهم بل يضرنا أنا خذلناهم. اللهم انصر من نصرهم و اخذل من خذلهم

بـسـمـــة صـــــلاح يقول...

المنيا مين قلك اني من المنيا ايه ده هو انا قلت وانا مش فاكرة

موناليزا يقول...

اولا:مشكور جدا اخى الكريم على سؤالك ربنا يكرمك ويبارك فيك
ثانيا:ان شاء الله سيكون عام خير فالعبرة بالنهاية
تمنياتى بعام سعيد محمل بالخيرات لنا جميعا

المعتصم يقول...

بسم الله الرحمن الرحيم
السلام عليكم ورحمة الله وبركاته
**************
أختى الكريمة أفنان
تحياتى
احنا بندعى ونحاول اننا نتوب عن اخطائنا وان شاء الله نصر الله قريب
شكرا على مرورك ودمتى بكل خير وود
***************
أخى أنس تحياتى
موضوع الرسايل ده مش موضوع ذو اهمية موضوع عادى يعنى وبعدين حكاية التقويم الميلادى لو جيت للحق هتلاقى كل حاجه ماشية فى البلد عليه مش بس المسيحيين لان الحكومة عاملاه هو التقويم الاساسى يعنى ابسط مثال دخول المدارس بيكون 16/9 كل سنة عمرك شوفت ان المدارس فى سنه هتدخل 16 رمضان مثلا
انا شايف انك مكبر الموضوع
وبعدين كمان حكاية التشاءم دى ياريت تحاول تقلل منها شوية وخلى عندك امل فى ربنا عز وجل انه ينصرنا بس احنا نعمل اللى علينا او على الاقل نحاول
اخى الكريم شكرا على المرور وتقبل تحياتى ودمت بكل خير
****************
اختى بسمة تحياتى
هو انتى ماقولتيش بس انا عرفت
مش بقولك الصعايده بيفهموها من قبل ماتطير مش وهى طايرة
تحياتى ودمتى بكل خير وود
****************
أختى الكريمة موناليزا
شفاكى الله وعفاكى ويارب تكونى بكل خير وسلامة
دائما كلامتك تثلج صدرى وتعطينى الامل بارك الله فيكى وجزاكى كل الخير وان شاء الله يكون عام كله خير لامتنا الاسلاميه والعربيه
شكرا على مرورك الذى اسعدنى كثيرا
تقبلى تحياتى وتقديرى ودمتى بكل خير وود
والسلام عليكم ورحمة الله وبركاته

ghorBty يقول...

السلام عليكم ورحمة الله وبركاته

اولا التشاؤم دا مش من صفات المسلمين ازاي مؤمن ربه الله القادر علي كل شئ يتشائم وبعدين كل شئ بامر الله وتحت حكمه فاكيد ربنا بيقدر اللي فيه الخير والصالح ولعل اللي احنا شايفينه مش خير يكون هو عين الخير بس الصبر وربنا يلهمنا الحكمه في فهم الاشياء

ان شاء الله ربنا اكيد عايزنا نفوق من الغفله ونرجع واكيد اللي بيحصل دا خير لينا


غربتي

saheda.com يقول...

المرشد العام يطالب المسلمين بالتحرك لنجدة غزة... كتائب شهداء الأقصى وسرايا القدس وباقي فصائل المقاومة تعلن أنها تقاتل جنبًا إلى جنب مع كتائب القسام وتقول إنها معركة الفرقان كما أعلنت القسام... الجيش الصهيوني يسحب أجهزة اللاسلكي من جنوده بعد اختراق حماس لها... سلطات الاحتلال تطلب من المغتصبين على بعد 40 كم من غزة التزام الملاجئ... مصادر صهيونية تعترف بسقوط قتلى و25 جريحًا بين قواتها... الاشتباكات بين المقاومة الفلسطينية وجيش الاحتلال تدور في محيط 2 كلم فقط... كتائب القسام قصفت العدو اليوم بـ 24 صاروخًا و17 قذيفة هاون و4 عبوات ناسفة... أنباء صهيونية عن ارتفاع القتلى في صفوف جيش الاحتلال إلى 9 من بينهم قائد لواء جولاني... جيش الاحتلال يؤكد سقوط 5 صواريخ للقسام في النقب... القسام تحاصر أكثر من 12 جنديًّا صهيونيًّا أعضاء قوة صهيونية خاصة بالقرب من شرق قطاع غزة... نتيجة المقاومة الشرسة مجلس الأمن يعقد اجتماعًا خاصًّا لبحث الأوضاع في غزة بعد ساعتين من الآن... توغل قوة صهيونية خاصة في منطقة رفح... إعلاميون صهاينة: حماس نجحت في شن حرب نفسية على الجيش الصهيوني... مصادر إعلامية صهيونية تؤكد التفاف المقاومة على جنود الاحتلال من الخلف مستخدمين الأنفاق... القناة العاشرة الصهيونية تعترف ببطء العملية العسكرية في غزة نظرًا للمقاومة الشرسة... الرقابة العسكرية الصهيونية تفرض حظرًا إعلاميًّا على مجريات الأحداث في الحرب الدائرة داخل قطاع غزة بعد الأنباء عن وقوع قتلى وجرحى في صفوفهم... كتائب القسام تؤكد أنها تحاصر قوتين صهيونيتين في رفح وشرق قطاع غزة... كتائب القسام تعلن اختراقها لموجة اللاسكي الخاصة بالجيش الصهيوني وأنها سمعت من خلاله التبليغ عن مقتل 5 جنود صهاينة وإصابة 21

المعتصم يقول...

بسم الله الرحمن الرحيم
السلام عليكم ورحمة الله وبركاته
****************
أختى الكريمة غربتى
تحياتى وشكرى على رأيك الذى اعتز به من اخت فاضلة والذى يتكلم بكلام العقل والمنطق وهو مايجب علينا كمسلمين ان نبعد عن التشاؤم وان نفكر مليا فى الايه الكريمة((وعسى ان تكرهو شيئا وهو خير لكم))وان نتفاءل ونصبر وسيأتى نصر الله بإذنه
شكرا على مرورك ودمتى بكل خير
****************
الاخت شهيده
تحياتى وشكرا على مرورك
هى بعض الاخبار التى تعطى بصيص من الامل ولعلها تكون البداية ان شاء الله
جزاكى الله خيرا
ودمتى بكل ود وخير
والسلام عليكم ورحمة الله وبركاته