الأحد، 28 يونيو 2009

حبة تهييس

بسم الله الرحمن الرحيم
السلام عليكم ورحمة الله وبركاته


كنت قاعد كده زهقان وشطحت بدماغى وسرحت
واتخيلت موقف غريب قووووووووووى
خير اللهم اجعله خير
قال ايه قال
البشمهندس اللى ماسك الحكم

(الريس بتاعنا يعنى)
واقف على المنصه وهو لابس الجلابيه
وقدام جموع الجماهير العريضه اللى بتهتف له
راح داخل دخلة سخنه قووووى
وراح رازع يمين كبيييييييييييييير وقال ايه:
على الطلاق بالتلاته ماهنستورد ولا حبة قمح تانى من اى حته
ولا اى سلعه تانيه
وهتزرعوا اللى هاتكلوه بايديكم

وغصب عن بوزكم هتشجعوا الصناعه الوطنيه
وعليا اليمين اللى هيبنى على قيراط ارض زراعيه
اذا لم يستصلح قصاده 10فدادين فى الصحرا
لاخرب بيته واصادر منه البيت اللى هيبنيه

واديه لاى شاب كويس هيستصلح العشر فدادين
والبلد اللى عاوزانا نشترى المنتجات بتاعتها
ماتبعتلناش المنتجات دى مشحونه فى الطيرات والسفن
لاااااااااااااااااااااااااااااااااااااااااااااااااااا على جثتى
البلد اللى عاوزانا نبقى زباينها

يبقى تيجى تبنى مصنع للمنتج بتاعها هنا
وبشرط ماتجيبش عمال من عندهم
يادوب ممكن نسمح بحدود 7 أو 8 موظفين اللى هيديروا المشروع
وهيكونوا هما اصحاب راس المال او من ينوب عنهم
والعماله من عندنا اهه وحاجه زى الفل
واللى مش عاجبه يخبط دماغه فى اتخن عمووود
وخدوا بقى القرار ده
ها........................
باب الاوضه انرزع قوى فطبعا انا اتخضيت وافتكرتها كبسة حكومه
وعرفوا انى كنت بحلم الحلم المهبب ده
طلع البشمهندز اخويا الصغير كان ناسى الموبايل بتاعه عندى
والحمد لله اتسترت ده انا كنت هخربها
هههههههههههههههههههههههههه
والسلام عليكم ورحمة الله وبركاته

هناك 59 تعليقًا:

غير معرف يقول...

تعليق قبل أي حد ..

تمام يا باشا

أشوف الموضوع وبعدين أعلق الأول


بعد كدة يعني

صباح الخير :)

غير معرف يقول...

باين عليك لازم تتغطى في الصيف..


أنا قلتلك لازم تشرب ينسون وحاجات دافية..

ويا سلام لو معلقة عسل أبيض ع الريق..

الحاجات دي بتنفع في الإنفلونزا اللي ماشية اليومين دول

ومنظمة الصحة العالمية بتقولك غسيل الإدين من 40 إلى 60 دقيقة

خير إن شاء الله

الشعب لابد له من حكومه تشكمه يقول...

اولا كيف صاصا الصغير يارب يكون كويس وتمام,وبفكر جديا انى اخطبه الحقيقه:))حتى ماشاء الله شكله كميله,يارب يكون كويس.
ندخل باه على البوست ونقول كيفك يامشكوم باشا:):
تصدق والله تنفع,طب فكر كده واحنا وراك يازعيم,انت ترةح تقدم ورقك واحنا كلنا هنرشحك اومااااال.سؤال باه بجد وحق وحقيقى هو ليه مش بيحصل كده فى الواااااااااقع.؟؟
كخه ولا عيب ولا ميصحش.ب

شموع يقول...

حضرة الصعيدى الهمام
السلام عليكم
القرارات دى فى الحلم بس أما الحقيقة يا عم مصطفى شىء تانى سرطانات وإنفلونزا على كل الألوان إشى طيور وإشى خنازير
وكمان خد عندك تدمير لزراعة بلدنا عشان نستورد القمح أبو سوسو هو إسمه كدة
تقبل مرورى

المعتصم يقول...

غير معروف
بقى اتغطى فى الصيف يامحمد !!!!!
ماشى ماشى
طب ايه رأيك بقى
صورة الغلاف بتاع الديوان بتاعك مش هتتحط فى المدونة هنا ولا عند اى حد من اصحابى
بالعكس كمان انا هعملك دعاية سلبيه
واقولهم انه ديوان وحش وماحدش يشتريه
علشان اتغطى كويس
(طبعا انت فاهم وانا فاهم موضوع اتغطى ده)
وبعدين غسيل الايدين من 40 الى60 دقيقه ده يعملوه الجماعه الموسوسين اللى زى حلاتك مش انا يا بابا
ههههههههههههههههه
يلا ياد من هنا
امششششششششششششششششششششى
***************
شيما
تحياتى
الحمد لله الباشا الصغير كويس وبخير وبيعض
هههههههههههههههه
هو موضوع الارتباط ده بصراحه جه فجأة
انما انا هحاول اقنعه
ههههههههههههههه
وبعدين يعنى هو يطول
دا حتى كده يبقى هو اللى هيحسن نسل العيله
هههههههههههههههههه
بس انتِ مالك ؟؟؟ زعلانه ليه ؟؟ ياترى ممكن اعرف ؟؟؟ ولا دى نبقى رخامه منى ؟
.............
انا اروح اقدم ورقى
وماارجعش تانى
وتسألوا عليا يقولولكم فى الزنزانه بتاعة ايمن نور
مش كده
لا يااختى الله الغنى
هههههههههههههههههه
انا عاوز اتجوز واجيبلى حتة عيل اربيه يمكن يشوف اليوم اللى انا هيست بيه ده
ههههههههههههههههههه
مش بيحصل كده فى الواقع لانه ماينفعش انه يحصل مع النظام السايد فى البلد
لاننا ماشيين فى ديل الكبيرة ومانقدرش نخرج عن طوعها وهى اللى بتدينا القمح والمعونة
يبقى ماينفعش ولا ايه ؟؟؟
شكلك هتودينا منتجعات العادلى السياحيه قريب
ســــــــــــــــلام
***************
شموع
وعليكم السلام ورحمة الله وبركاته
الاستاذ المنوفى التمام
تحياتى ياعمنا
ياخوفى يابدران تطلع منهم (مش انتوا بلديات يامعلم)ويكونو وازينك عليا
ههههههههههههههههههه
وبعدين ماله ابوسوسو ده حتى راجل كويس ومفيد للصحه اهو منه بروتين حيوانى ونباتى فى نفس ذات الوقت
ولا ايه ؟؟ بلاش نظريات قاسم السماوى دى
وكل حاجه فى البلد تطلعوها وحشه
عيب عليكم
ههههههههههههههههههههههه
نورت ياعمنا
ســــــــــــــــــلام

ستيتة يقول...

السلام عليكم

الحمد لله انك صحيت
الحمدددددددددد لله

كنت ها تقول ايه تاني
اوعى يكون بقية الحلم وها ندخل جيشنا سينا براحتنا
وها ناخد تعويضات لجنود 67 اللي قتلهم ولاد الشياطين ومش بس كده يا شعب
لأ ها ندور على أهالي الجنود دول ونديهم التعويضات
وعلى الطلاق لأبعت سويسرا اجيب كل مليم اتهرب في عهدي وفي العهود التي سبقته
وكمان ها اخطف العيال السيس اللي سرقوا ملايين الشعب وهربوا على دول مفيش بينا وبينها اتفاقية تسليم مجرمين وها يكون من حق كل مواطن يضربهم على قفاهم قلم لما عينهم ها تخرج لبره


الحمد لله انك صحيت

قدر ولطف

سلام

عمرو جويلى يقول...

حضرة الصعيدى التمام
السلام عليكم
بطل أحلام أحسن الشعب يصدق وإخواتنا البعدة يعتقلوك ويقولوا عليك إرهابى والتهمة جاهزة قلب نظام الحكم
هذه تهمة من يحلم
هههههههه
تقبل مرورى

غير معرف يقول...

الأستاذ الفاضل :
السلام عليكم و رحمة الله و بركاته


كم عشتُ أسألُ: أين وجــــــــهُ بــــلادي

أين النخيلُ وأيـن دفءُ الــوادي

لاشيء يبدو في السَّمـَــاءِ أمـامنــــــــــا

غيرُ الظـلام ِوصــورةِ الجــلاد

أخي الكريم
((إن الله لا يغير ما بقوم حتي يغيروا ما بأنفسهم ))

د/على خميس يقول...

السلام عليكم و رحمة الله و بركاته
أخى العزيز
أنا بقى شفت حلم برده ( كده و كده يعنى )
قال ايه الباشمهندس اخد حبوب كشف الكذب ...
و اللى قاله فى الخطاب :.... سر مش هقولك عليه :):)
بارك الله فى أخيك الباشمهندس الصغير ...
دخل فى الوقت المناسب قبل ما تشوفه و هو بيعلن الحرب على اليهود

بارك الله فيك
تقبل تحياتى

المعتصم يقول...

د/ستيته
وعليكم السلام ورحمة الله وبركاته
منورانى ومكترانى ومفرحانى
بس ايه ده ؟؟
هو انتِ عرفتى منين باقى الحلم ؟؟ اه تلاقيكى كنتى واقفه جنبى والراجل بيخطب ولا انتِ قعدتى لكتب الكتاب ؟؟
مش بقولكم اختى الكبيرة
علشان تصدقوا بس
هههههههههههههههههههههههه
مش قادر امسك نفسى من الضحك والله
بس سيبك انتِ عقليه اجراميه صعيديه واعده وعرفتى لوحدك انى هبعت اخفط العيال السيس (بس هو كان لازم تسيحى يعنى على الملاء اهم دلوقتى هياخدو بالهم
وعلى رأيك الحمد لله ان الواد دخل فى الوقت المناسب
ههههههههههههههههههههههههه
والله مرورك بيسعدنى دايما يادكتورة
ســــــــــــــــــلام
*****************
اللؤلؤة
وعليكم السلام ورحمة الله وبركاته
صديقى العزيز
عمرو بك المنوفى
تحياتى
ايه ياعم انت ناسى انى قلبته قبل كده ولا ايه
انا دلوقتى كنت عاوز اعدله وهو اللى مش راضى
هههههههههههههههههههه
واطمن الشعب بتاعنا غلبان مش بيصدق غير اللى هما بيقولوا عليه بس
يعنى انا لو بيتت ادن فيهم ماحدش هيصدق حاجه
نورت المدونة ياعمنا
ســـــــــــــــــلام
*****************
غير معروف
(ممكن اعرف انت مين؟؟ انا بقعد اضرب اخماس فى اسداس ومش بعرف فى الاخر واديكم شايفين حالتى وبهيس اهه مش هتبقوا انتوا والبلد عليا)
نورت المدونة واهلا بمرورك الجميل
وكلامك صح وانا متفق معاك جدا
بس مش يمكن ييجى اليوم اللى الظلام فيه ينقشع ويسقط الجلاد
لعلها امنية ونتمنى تحقيقها
واهو يعنى حتى الاحلام مش هنحلمها ولا ايه ؟؟؟
شرفت المدونة بمرورك
وتقبل تحياتى
***************
د/على خميس
وعليكم السلام ورحمة الله وبركاته
منور ياابوعبدالله
(وحمدالله على السلامه ياعم)
هو انت كمان كنت حاضر الخطبه العصماء دى
ايه ده ؟؟ دى البلد كلها هيست مش انا بس هههههههههههههههههههههه
ع العموم ماتقولش احسن الله يخليك
والحمد لله ان البشمهندز(وليس الباشمهندس)اخويا لحق الموضوع قبل مايتطور
كانت هتبقى حوسه حوسه يعنى
ههههههههههههههههههههههه
اشكر مرورك الجميل
ونورت المدونه
ســــــــــــــــــــلام

عاشقة القمر يقول...

غريب حلمك طالعه عكس
انا كنت بحضر الطبع الاولي فعلا قال سنه دي مش ينفع نزرع الارز اوالقمح بعني اهستورد يس ياريت تحققمش يكون مهبب

MaNoOoSh يقول...

هو انت لما تحلم يعني مبتلاقيش غير الاحلام اللي تنقط دي
عاااااااااااااااااااا


يللا مش مشكله
مهو يمكن الحلم يبقى حقيقة
مش بعيده على ربنا
مش علشان الواقع وحش يعني يبقى لازم نيأس
احلم براحتك
(بس مش قوي يعني)
ههههههههههههههههه

موناليزا يقول...

جميل الحلم ده:)
ممكن تحلم لنا حلمين تلاتة كمان :)

جحا المصرى يقول...

إن شاء الله بكره الأحلام تتحقق
أتمنى دوام التواصل

yoyo يقول...

صباحك سكر

هههههههه
قشطة عليك ياريس
تمام انت فى اليمين المعتبرب و الجلابية ايه بس لو كان عليها عباية بقى و فى ايديك عصاية كدا كنت هتبقى ايه عمدة بجد
ههههههههههه

انا عندى تفسير بسيط يا مستر كل دا بسبب الحر بقى و الباقى انت تعرفه
يا عم شوفوا لكم كوفرته بقى
ههههههههههه

قرارت كانت فى الجون وكان لسه العملية هتبقى 100 فل و عشرة مش كنت تستنى شوية بقى
والله ريس تمام هى دى الرياسة والا فلا
وتلاقى بقى الجماهير الغفيرة طالعة فى الشوارع تهتف باسمك
بروح بالدم نفديك ياريس
نموت نموت و يحيا الريس
ههههههههه
واذا ايه بقى فجاتن كدا تروح بووووم طققق من على السرير على الارض
وتلاقى المنبه بيقولك يالا على المدرسة مش نجى لك فى رياسة يا ريس
هههههههههههههه

خلى بالك لو كنت طولت شوية كنت هتلاقينى طلعت لك وعملت عليك انقلاب ما انا مشاغبة بقى و سيطرت على نظام الحكم و دخلت المعتقل و احلى تعذيب بقى
هههههههه شريرة

والله موضوع جميل و تخيل اجمل
دمت اخى بكل خير وسعادة
تحياتى
يويو

القلم السكندري يقول...

السلام عليكم

كيفك ياريس؟

وده فين ده اللي بتقول عليه ده .. ده حتي مينفعش يتحلم بيه في هنا ف وسط الشعب الساجد تحت نعال الطاغية

وماله ياعم الريس بتاعنا؟

سبحان الله!

الناس عاجبها وراضية بيه

ومتقوليش مش راضية.. حتي اللي مش راضي ألأوي حسبها كويس وقالك حاجة من الاتنين:

يالحرية وأدفع تمنها

يا امشي جنب الحيط وخليني مستعبد

وطبعا بنسبة 99 % علي الاقل اختار الاستعباد

الكلام ده محتاج شعب لسة عنده كرامة الآدمية توجعه عشان يحس بيها ويتحرك

إنما النهاردة للأسف..

انت بس لو جيت تقول للظالم ياظالم.. هيطلع لك من أول كلاب حراسته.. للكلاب اللي بتعبده للاعقي نعله لحتي علماء السلطان اللي السلف قالوا فيهم "العذرة علي الذباب خير من العلماء علي أبواب هؤلاء"

هيطلع لك كل دول يدافعو عن معاليه

وطبعا هتبقي سيادتك الخارجي التكفيري الرجعي المهووس الارهابي المتطرف المتعصب

إنما اللي راكبهم ومدلدل رجليه ده أمير المؤمنين رضي الله عنه وأرضاه


لعنةالله علي الطواغيت

وعلي عباد الطواغيت
وعلي ماسحي نعال الطواغيت


وصدق رسول الله صلي الله عليه وسلم إذ قال:
إذا رأيتم أمتي تهاب الظالم أن تقول له ياظالم فقد تُوجِّع منها


أما اليوم.. فالأكثرية إلا من رحم الله:

يقبلُ راحة الطاغوتِ حيناً///ويلثمُ دونما خجلٍ نعاله

عفوا أخي الحبيب

شحنة واتفرغت عندك انت

نصيبك كدة بقي


حاولت أن اعيش معك حلمك فلم استطع

بذرةٌ طيبةٌ في أرضٍ بوار


تحياتي

الفراغ يقول...

الله...ايه الاحلام الحلوه دى
ياريتنى اقدر احلم زيك
انا احلامى كلها سوداويه


احلم احلم ...رمضان جاى والاحلام بتتحقق
كل سنه وانت طيب

Sweet Violet يقول...

ههههههههههههههههههههههههههههههههههه
و انا اقول قراراته و افعاله دى جاية منين
و كان نفسى الاقى تفسير واحد ليها
طلعت انت السبب
بالله عليك ياشيخ ماتحلم تانى لان احلمك بتيجى بالعكس
v_v

و طبعا لان كل واحد بيغنى على ليلها
و انت كنت بتحلم ان النسكافيه هيتمنع من السوق
يبقى كده الحمدلله ضمنت ان النسكافيه هيكون متواجد و بكثرة فى البلد
^_^

المعتصم يقول...

بسم الله الرحمن الرحيم
السلام عليكم ورحمة الله وبركاته
*************
عاشقة القمر
تحياتى
اهلا اهلا بأهل السودان الشقيق
منورة المدونة فى اول زيارة
الحلم مش غريب ولا حاجه
اولا هو ماكنش حلم
ده كانت شطحه كده بالخيال وطبعا الخيال بنعمل فيه كل اللى مش قادين اننا نحققه فى الواقع
بس ادى كل الموضوع
نورتى المدونة بالزيارة
تحياتى ودمتِ بكل خير وود
**************
منووووووووووش
تحياتى
ده مش حلم دى كانت شطحه كده
وبعدين تنقط ليه هه ؟؟ ده حتى كان حلم زى العسل اهه
اومال لو كنتِ سمعتى باقى القرارات كنتِ هتقولى ايه
هههههههههههههه
ومافيش حاجه بعيده عن ربنا ونعم بالله
مين عارف
(وحاضر هسمع الكلام)
نورتى يامنى هانم
تحياتى ودمتِ بكل خير وود
**************
موناليزا
تحياتى
اه هو جميل الحلم ده
بس لو كان كمل كان بقى ايه روعه
هههههههههههههههه
حلمين تلاته كمان !!!!!!
هو انتِ متغاظة منى فى حاجه وعاوزانى اروح زيارة لمنتجعات العادلى السياحيه رحله فول اوبشن !!
ليه كده ياموناليزا حرام عليكى
ده احنا بنقول اتسترت والواد لحقنى قبل مااخبط فى الحلل
تقولى انتِ حلمين تلاته كمان
هههههههههههههههههههه
اسعدنى مرورك
تحياتى ودمتِ بكل خير وود
*************
جحا المصرى
تحياتى
واهلا بيك فى اول مرور فى مدونتى المتواضعه
على فكرة انت مغلب الناس كلها وعاوزين يعرفوك منين فى مصر ياعمنا
ههههههههههههههه
ربنا يسهل ويحققلنا ولو جزء بسيط من الحلم خلى اليأس يبعد عننا شويه
نورت المدونة
تحياتى ودمت بكل خير وود

المعتصم يقول...

يويو
صباحك سكر زياده
بس بقولك ايه كفايه سكر علشام النمل احتل الاوضه عندى
ههههههههههههههه
والله كنت كاتب الحته دى وكمان الشال الصوف
بس لاقيت مالهاش لازمه قووى يعنى فشلتها
اه تصدقى هو الحر اللى بيعمل ده كله
ههههههههههههه
بس هنعمل ايه بالكوفرته ؟؟ممكن اعرف؟؟

دى العمليه كانت هتبقى فل بجد لو كنت شطحت حبه كمان
وكنت هدخل فى الغميق الغميق
بس الحمد لله اتسترت ولحقنا روحنا
ااااااااااه هتنفعنى انا الجماهير الغفيرة دى لما اقعد فى الزنزانه بتاعة ايمن نور مش كده ؟؟
ههههههههههههه
بس انا مكنتش نايم انا كنت صاحى وشاطح بخيالى كده وانا قاعد على الكرسى
يعنى تقولى عليه حلم يقظه
او هلوسة حر ماشى
والحمد لله انى ماطولتش شويه تانى
مش خوف منك انتِ امرك مقدور عليه والتعذيب بتاعك امره معروف هتحرمينى من الايس كريم يومين
انما الاخوة الاعداء بعيد عنك ربنا يكفينا شرهم
ههههههههههههههههه
نورتى المدونة واسعدنى مرورك يامس
تحياتى ودمتِ بكل خير وود
************
القلم السكندرى
وعليكم السلام ورحمة الله وبركاته
صديقى العزيز واخى الحبيب
تحياتى
وده فين ده ؟؟؟؟؟؟
لاااااااااا انا كده هزعل منك ياهندسه
ده انت كنت واقف جنبى يابنى حرام عليك
وبعدين انت هتلبسنى تهمه وبس ياعم انت
هو انا قلت على الراجل حاجه
ده حتى زى الفل
يعنى هو مثلا بيضرب الناس على ايدها علشان تشترى البضايع الصينى اللى ملت البلد ؟؟؟؟
ولا هو بيستورد القمح(المسوس)ليه ؟؟؟
مش علشان يكفى الناس اللى مافيش وراها غير الاكل دى
بقولك ايه بلاش الافكار السوداويه بتاعتك دى ياعم انت
ده حتى انت فى التاج فى السؤال بتاع القضيه وتتحبس علشان ايه
قلت هو مافيش غيرى
(ضحكت عليها ضحك فظيييييييييييع)
بس على فكرة ياهندسه
السياسه بتاعة الناس دلوقتى اتغيرت ومابقتش امشى جنب الحيط
بقت امشى جوه الحيط
(الخارجي التكفيري الرجعي المهووس الارهابي المتطرف المتعصب)
كل ده ؟؟ بس متهيألى ناقصين اتنين كمان لما ابقى افتكرهم هبقى اقولهملك
ههههههههههههههههه
بس يارب بعد مافرغت الشحنه اللى كانت مضايقاك دى تكون ارتحت ولو حبه صغيرين
هههههههههههههه
نورت المدونة ياهندسه
تحياتى ودمت بكل خير وود
****************
الفراغ
ست الكل
تحياتى
عجبك الحلم ؟؟؟ والله كويس
وبعدين هى احلام حضرتك سوداويه ليه بس ؟؟ ربنا يبعد عنك السواد خالص
ادينا بنحلم وهو احنا نملك حاجه تانيه غير كده
يمكن لعل وعسى
وكل سنه وحضرتك طيبه وبكل خير وصحه وسعاده
نورتى المدونة بتشريفك الجميل
تحياتى ودمتِ بكل خير وود
**************
سويت هانم
تحياتى
كنت عارف انى مش هخلص منك ومن تريقتك
بس مش انا السبب فى القرارت والافعال
ليييييييييه ياناصحه ؟؟؟؟
اقولك
لان الاحلام دى بتكون نتيجه عكسيه لافعاله
مش العكس
يعنى مش افعاله هى اللى نتيجه عكسيه لاحلامى
وبلاش تفترى عليا بالباطل ده انا اخوكى الكبير عيب
وبعدين اسمها كل واحد بيغنى على ليلاه مش ليلها ياست الصوحفيه
(وش مطلع لسانه هههههههههههه)
طب وشنب النجعاوى الكبير لامنع النسكافيه من السوق هه
هههههههههههههههههههههههه
وان شاء الله كل مصانع النسكافيه اللى فى العالم هتولع مرة واحده ومش هيلاقوا ميه يطفوها بيها هه
هههههههههههههههههههههههه
نورتى ياسويت هانم
تحياتى ودمتِ بكل خير وود
***************
والسلام عليكم ورحمة الله وبركاته

القلم السكندري يقول...

السلام عليكم مرة أخري

صحيح ياباشا

حضرتك مجاوبتش التاج

وأطالبك باسم نيابة الحلف باستلامه

فتفضل مشكورا

ولا تحب اعمل لك اعلاااان؟؟

بـسـمـــة صـــــلاح يقول...

ولا يهمك يا استاذ مصطفى
انا هوديلك الحلم عند اكبر مفسر في البلد
هع هع هع
ههههههههههههههههههههههههههه

لا بجد حاجه جميله
ادينا نعيش نفسنا في الخيال ونحقق فيه احلامنا
يعني احنا نتحرم منها في الحقيقه
ونحرم نفسنا في الاحلام والخيال كمان
لا دي متبقاش عيشه خالص
ههههههههههه

اخبارك ايه يامعلم ياكبير

واخبار ختيشيبي صاصا ايه
خف ولا لســا؟؟

بقولك ايه
عجبتني حكاية الجلبيه دي
ههههههههههههههههه

تقبل مروري يارئيس الحلف العظيم
تحياتي

بسومة النعومة(:

د.آيه يقول...

بسم الله الرحمن الرحيم

حلو أوى الحلم ده ..
ده اللي في أدينا دلوقت إننا نحلم إلى أن يصبح الحلم حقيقة ..

بس يا سلام على الحقيقة بتاك جميلة ..
الباشمهندس و هو لابس جلابية هههههههههه
هيبقي شكله سكره

Unknown يقول...

السلام عليكم ورحمة الله وبركاتة
هههههههههههههههههههههههه
اصحى وفوق
لان البشمهندس
بتاعنا مستحيل
يعمل كدا
ربنا بقة
يرزقنا بمشمهندس بجد
دمت بالف خير
وحلم جميل
ربنا يحققة

Unknown يقول...

ههههه
منيح انه حلم :D
يعطيك العافية عزيزي المعتصم
بتمنالك التوفيق
وان شاء الله نشوف الابتسامه هادي دايما على شفايفك
وربي ما يحرمنا منك يا مستر
ارق تحية

Me7'o يقول...

عليا النعمة إنت زعيم

وأنا رشحتك تتكلم بأسمى وأكون أنا أول واحد يجبلك عيش وحلاوة

ههههههههه

أومال
ماهو لازم برضه أقف ورا الريس بتاعى

تحياتى

Sweet Violet يقول...

اعوذ بالله ياجدع
اللى يشوفه بيقول كده
يقول انه جاب حروف من عنده مثلا
مش انه شقلب حرفين مش اكتر
لكن هنقول ايه
ماهما مالقوش فى الطماطم عيب قالولها يافواكه
^_^

و كمان ايه هو اللى نتيجة عكسية
انت عايزنى علشان يعنى انت اخويا الكبير
اخدر ضميرى و ماقولش الحقيقة لاااااااااااااااااااااااااااااااااااااااااااااا
مش انا ابدا v_v

اولا ده الحكومة يعنى عارفة كويس قوى انت بتفكر فى ايه
ايوة هما حاطين جهاز تجسس فى الادمغ بتاعت الشعب "فى اعتراض ؟"
وكمان الحكومة هى اللى بتقول انها بتدلع الشعب و بتخاف على نفساوياته
علشان كده بتخليك تعتقد ذلك
ايه بقى
عايزين اصدق المنطق و العقل و اكدب الحكومة !!!!!
هى فى حكومة بتكدب o_O

جاوب بقى و اعترض هه
انا عايزة اشوف كده اجابة السؤال ده لانه اجباااااااااااارى هق هق ^_^

اما بقى عن النسكافيه فهو موجود يعنى موجود
و بقرار من الريس بذات شخصه
" اسمع بقى ردك ^_^ "

نيهاهاهاهاهاهاهاهاهاها

المعتصم يقول...

بسم الله الرحمن الرحيم
السلام عليكم ورحمة الله وبركاته
*************
القلم السكندرى
نائبنا العزيز
وعليكم السلام ورحمة الله وبركاته
تحياتى ياباشا
حضرتى ماجاوبتش ومش هجاوب
ايه ياحسام ؟؟؟؟؟
هو فيه نائب يقول للريس بتاعه جاوب
هو عشان انا ديموقراطى ولا ايه
لااااااااااااااااااا
ركز كده شويه
التاج ده جالى كذا اهداء من بعض الاخوة وانا رفضت الاجابه عليه
وعلشان كده ماينفعش انى اقبله لوقتى
هتبقى بايخه ولا انت ايه رأيك؟؟
خليها بقى للتاج الجديد
هههههههههههههههههههه
اسعدنى مرورك ياهندسه
تحياتى ودمت بكل خير وود
**************
بسومه هانم صلاح
تحياتى
اخبار العلم ايه معاكى ؟؟
ومستنى انا اشوف المفسر هيقولك ايه وان كنت عارفهم بس اهه يمكن يخيب ظنى
ههههههههههههه
مش قال والنبى نحلم شويه
يعنى هيبقى لا حلم ولا حقيقه
ههههههههههه
الحمد لله تمام وماشى الحال (دى اخبارى)
اما بقى صاصا باشا(موضوع ختشيبك ده لسه مش مؤكد) فالحمد لله اهو احسن بس انت عارفه الجو اليومين دول شويه كده وشويه كده والحمد لله
نورتى ياوزيرتنا الهمامه
تحياتى ودمتِ بكل خير وود
**************
د/ايه
تحياتى
حمدالله على السلامه
قوليلهم مش هو ده اللى نملكه حاليا
يعنى حتى الحلم مش عاوزينا نحلمه
لا ده كان فيه حته تانيه بتاعة العباية والشال الصوف
بس علشان الاطاله انا حذفتهم ومكنتش متخيل انها هتعلق كده
ههههههههههه
نورتى المدونة يادكتورة وحمدالله على السلامه مرة تانيه
تحياتى ودمتِ بكل خير وود
*************
مستر حازم
تحياتى
منور المدونة
والف مبروك لصديقك اللى اتجوز وربنا يهنيه يارب ويبارك له
والحمد لله انه طلع حلم والا كان زمانى دلوقتى فى حتة يمكن تسمع عليها
هههههههههههههههههههه
اسعدنى مرورك اخى الكريم
وتحياتى لك ولكل اهلنا فى فلسطين الحبيبه
تحياتى ودمت بكل خير وود
**************
Me7'o
تحياتى
منور المدونة فى اول مرور جميل
ويارب مايكونش اخر مرور
هههههههههههه
اهو انت كده اثبتلى ولاء الشعب لزعمائه الاحباء
هههههههههههههههه
ومتشكرين على العيش والحلاوة ولو انى عارف انى مش هشوفك ولا هسمع عنك هناك
هههههههههههههههههههههه
بس ياريت تبقى حلاوة بالشيكولاته
ماشى ؟؟
ههههههههههه
نورت المدونة ياعمنا
تحياتى ودمت بكل خير وود
**************
سويت هانم (اختى اللمضه)
تحياتى
بقى هما قالولها يافواكه !!!
مكنتش اعرف
ههههههههههههههه
انا مايرضنيش انك تخالفى ضميرك ابدا حتى ولو علشان خاطر اخوكى الكبير
تصدقى ممكن الحكايه دى تكون صح
وانهم حاطين اجهزة تجسس فى نوافيخ الناس
هههههههههههههههههههههه
وبعدين هو انا مش صحيت من الحلم يبقى مااقدرش اعترض خالص
(انتِ شكلك عاوزة تخلصى منى)
بس بقولك ايه بقى
اه انا عاوزك تكدبى الحكومه وتصدقى المنطق هه
ورزقناعلى الله(العمرواحدوالرب واحد)
والحكومه مش بس بتكدب
لأ دى بتستهبل كمان هه
وانا هبقى اكلم الريس فى موضوع النسكافيه ده
ماهو اكيد بعد ماهيعتقلونى هيعرف وهما هيسألونى نفسك فى ايه قبل ما.....
ههههههههههههههههه
هقولهم اقابل الريس وساعتها هقوله على النسكافيه وهخليه يصدر قرار بمنعه من الاسواق
ليه بقى ؟؟؟
لانى هقوله ان الشعب كله بيحب النسكافيه هه
وطبيعى بما ان الشعب كله بيحبه يبقى لازم النسكافيه يتوفر بشده فى الاسواق
تمام زى ادوية القلب والسكر كده
ههههههههههههههههههههههههههههههههه
نورتى المدونة يالمضه هانم
تحياتى ودمتِ بكل خير وود
************
والسلام عليكم ورحمة الله وبركاته

لو عرفوه هيحبوه يقول...

الا تنصروه فقد نصره الله

شاركونا فى حمله التعريف بالنبى صلى الله عليه وسلم حمله لو عرفوه هيحبوه

رابطة هويتي اسلامية يقول...

موضوع جميل وحلم اجمل اتمنى ان نحلم جميعا كى يتحقق الحلم قريبا

جزاك الله خيرا

تدعوكم اسره رابطه هويتى اسلاميه لزيارتها

نسعد بذلك,,

المجاهد الصغير يقول...

السلام عليكم
كان حلم ؟؟؟
هو اكيد كان حلم؟؟؟
عشان الزعيم الهمام الى فى الاحلام ما يقدر ان يرفع صوت او ينجد جيران .......ولا ينفذ احلام ولا يقف امام البوبع اميره كامل على رئ المسرحيه ؟؟؟؟حسبنا الله ونعم الوكيل..
جزاكم الله خيرا

ghorBty يقول...



السلامـ عليكمـ

وتبقي احلامــ

داخل منامـ

نسأل الله صلاح الاحوال

غير معرف يقول...

يعني اغيب يومين ارجع الاقي الصيف جايب اخره معاك كده ........ والاسلاك ساحت في بعض
بس يا ريت الباشمهندس اسلاكه تسيح زيك....... قصدي اخوك يعني :)

Unknown يقول...

كلام جميل
كلاممعقول
مااقدرش اقول
حـــــــاجة عنه
لكــــــــــــــن
(واخدلى بالك من لكن دى !)
كــــان حلم جميل
ياريتنى فضلت عايش فيه!
صحيح استاذ المعتصم المنتصر ممكن
فى يوم من الايام كل الاحلام تبقى
مش احلام ولا اوهام ولا شطحــــــات
يبددها قفلة باب او زقة كتف من اللى جنبك؟
يارب تتحقق !

ريمان يقول...

ههههههههههههه


الحمد لله ان ربنا سترها معاك

المره الجايه ابقى اتغطى كويس وانت نايم وبرضه اقفل الباب كويس عليك لاحسن الريس يشم خبر باحلامك الجميله دى

وساعاتها قول بقى يا رحمن يا رحيم


هههههههههههه

Kiara يقول...

هههههههههههههههههههههههههههههههه


يالهوي

اوعي تحلم تاني لحسن الواحد مش ضامن يحصل ايه هههههههههههههههههه

موناليزا يقول...

يافندم عاجزين عن الشكر
رغم انى مش فاهمة صيغة السؤال بالظبط؟
وبغض النظر عن ده
ممكن ادعوك للاجابة على تساؤلاتى فى آخر موضوع:)
(ممنوع الرفض)

د/عرفه يقول...

أهو انا بخاف اوى من حلفانات

الباشمهندسين بتكون عجيبة

وربنا يستر وميجلناش الباشمهندس الصغير ابن الباشمهندس الكبير


على فكرة حاليا بيحاسبوا على الاحلام
وهيقبضوا عليك بتهمة حلم محظور

جريدة الصباح العربي يقول...

من السبب في القتل ؟!!
سؤال يراودني منذ علمي بمقتل واستشهاد الدكتورة مروة على يد متطرف ألماني.
من السبب في هذا التعصب الأحمق ؟!!
هل هو الغرب المادي الذي عن الروحانيات الدينية وأصبح الانتماء الديني لديهم هو أنتمائهم للمادة وعبادتهم لها ؟
أم السبب يرجع إلينا نحن المسلمين بعد ظهور المتطرفين والذين أقحموا الدين في تفجيراتهم وارهابهم الغاشم ؟!
أم السبب يعود الى رجال الأعمال امسلمين الذين ابتعدوا عن الحوار مع الغرب وتمادا معهم في مادياتهم وأصبحوا جزء من لعبة الغرب , ولم يهتموا بإنشاء قناة توحد صفوف المسلمين وتوضح الوجه الاصح للاسلام بعيداً عن السلفية والتشدد الغبي ؟!!
أم السبب يعود إلى أنظتنا العربية التي أصبحت ضعيفة وهشة وأصبح الانسان العربي ليس له ثمن يقتل في غزة أو العراق أو حتى ألمانيا دون أن يدفع الجاني ثمن جريمته ؟!
لو اجتمعت كل هذه الأسباب فما الحل ؟!! وما هو الطريق الذي يمكن أن نتخذه دون ماهرات لا تقدم ولا تؤخر , و سباب لا يفيدنا بشيء ...
سنفتح باب المناقشة بيننا والحل الذي سنصل اليه ستراعه الجريدة عن طريق حملة سنقوم بها حتى يصل صوتنا الى العالم أجمع ...
شاركونا بأرائكم عبر جروب الجريدة
http://www.facebook.com/group.php?gid=78080770039#/topic.php?uid=78080770039&topic=9342

موناليزا يقول...

ما سر هذا الغياب؟
لعل المانع خير

Unknown يقول...

السلام عليكم ورحمة
الله تعالى وبركاته
انا بصبح يافندم
انت فين يازعيم
وسيبنا لمين يازعيم
اوعكش تكون بتصيف فى
مارينا ولا بورتو مارينا
وسايبنا فى الحر أهنــــــه
على العموم لو مبسوط يبقى
خلاص احنا كمان حنكون مبسوطين:)

رحلتنا في الحياة يقول...

صباح التهيس ياريس
هو انا مجننتش ولا حاجة لسه الحمد لله فيه شوية عقل صغنين :)
انا الحمد لله بخير ومش مكتئبة ولا حاجة لانى مكنش عندى وقت اكتب للاسف :(
شفت بقى حتى الاكتئاب مستخسرينه فيا عاااااااا
شوية ظروف وعدت الحمد لله شكرا على سؤالك
وصحيح كل سنة وانت طيب انت بقيت 31 سنة :)
عقبال ال 100 ان شاء الله وكلنا لها انتم السابقون ونحن اللاحقون

غير معرف يقول...

انا داخلة اسلم واطمن
حاسة انك غايب شوية يامصطفى
المهم يكون خير تكون بتصيف
المهم طمنى
تحياتى

قيس بن الملووووح يقول...

بالضبط هوه ده الرئيس اللي عايزينه...
بس برضه لو الحكومه سمعت بالحلم ده هاتكون اخرتك طين سامع ياولد العم

Nora 7wades يقول...

ابقى اشرب لبن قبل ماتنام
ههههههههههه

MaNoOoSh يقول...

هو الاحلم ده خلاك تختفى فين
يارب منضطرش نجيب عيش وحلاوة بقى

طمنا عليك يا معتصم

بـِصَمتـِـ أميرة ــــى يقول...

ههههههههههههههههههههههه
بئى المعلم الكبير
هيحلف يمين طلاق
ههههههههههههه
والله دى كانت تبقى لييييله
لييييله ياعمدة
وهتبقى مسخرررة على القنوات الفضائية والمحلية والـ أى حاجة يه
بجد سكر
ضحكتنى مع كوباية الكابتشينو بتاعة الصبح
:)

تقبل مرورى
(ملكة بحجابى )

موناليزا يقول...

؟؟؟؟

موناليزا يقول...

يافندم افتقدنا وجودكم وتصحيحكم لاخطائنا المطبعية:)
انا كمان ماكنتش مرتاحة لحروف الكلمة وبعد تعليقك بحثت وعرفت ان فعلا الكلمة كانت مكتوبة غلظ والهمزة المفروض تبقى على الواو
والحمدلله تم التصحيح:)

ربنا يوفقك وييسرلك امورك ويهيئ لك كل الخير

القلم السكندري يقول...

السلااام عليكم

كيف الحال يا زعيم الصعايدة

ووينك مختفي فين؟؟

يسر الله لك الخير

الشعب لابد له من حكومه تشكمه يقول...

اين انت مختفى؟ لعل المانع خير يارب.

♥..~*شـــوشـــو هـــانــم*~..♥ يقول...

انا بصراحه كده مش فاهمه البوست اوي

عشان كده مش هعلق وانا مش فاهمه عشان مبقاش عبيطه هو انا اساسا عبيطه بس اهو عشان مبقاش عبيطه زياده

---------------
المهم انت فين ياباشا يعني مش باين لا ليك لا حس ولا خبر

ابقى طمنا عليك

وحشتنا (:

♥..~*شـــوشـــو هـــانــم*~..♥ يقول...

اه صحيح

انا كااااااااااااااااايه مصررررررررررررررررررررررر
بكرررررررررررررررررررررررررررره ان شاء الله

ادعيلنا نوصل بالسلامه

(:

تأثير الفراشة يقول...

السلام عليكم و رحمة الله و بركاته

تحياتى لحضرتك، أتمنى تكون بكل خير

أعتذر جدا عن انقطاعى الفترة السابقة و اللى كان لظروف قهرية جدا، أشكر حضرتك جدا على سؤالك ، جزاك الله خيرا

بالنسبة للبوست، أتمنى إنه يحصل فعلا و يتحول الحلم لعلم، ربنا يصلح الحال

تحياتى لحضرتك ، بالتوفيق لك دائما

موناليزا يقول...

لعل الاسباب خير

عمرو جويلى يقول...

السلام عليكم
حضرة الصعيدى الهمام
غيابك طال ولعله يكون خيراً طمنا عليك
دمت فى خير

غير معرف يقول...

فينك يا استاذ مصطفى ..... هو الحر في اسيوط يعمل كل ده ؟
لعل المانع خير

موناليزا يقول...

عايزين رأيك هنا
http://rovygannah.blogspot.com/2009/07/blog-post.html

Unknown يقول...

يــــــــــــازعيم اين انت؟
طمنا عليك يافندم وارجع تانـى
لما انت فيه وإن لم يكن هذا
باستطاعتك ابعت مكتوب
على اى مدونة بس
طمنا عليك
وعلى
الاسرة الكريمة.