الخميس، 25 يونيو 2009

طــــفولــة

بسم الله الرحمن الرحيم
السلام عليكم ورحمة الله وبركاته
الحمد لله رب العالمين
مصطفى باشا الصغنن اتحسن وابتدى يبقى كويس
بس اللى تاعبه شويه اليومين دول انه بيسنن
والحمد لله رب العالمين
*******
وبما ان كلامى وتعليقاتكم فى الفترة الاخيرة كانت عن الاطفال
وبرضو بما انى عايش فى مورستان هنا
بسبب بنت عمى اللى ولدت وربنا اكرمها بعبدالرحمن
والسبوع بتاعه بكرة ومصدعينى
يبقى هكتب النهارده عن الاطفال
مش عارف ليه مشغلين الاغانى بتاعة رمضان
يكونوا هيسموا الواد رمضان من ورايا ؟؟؟؟
ماعلينا
المهم ان اغانى رمضان فكرتنى بابن واحد جيراننا
الولد كان اسمه رمضان
وكان شقى قووووووى
فى يوم رمضان كان مشترى جاز(كيروسين)
وراجع والجركن اللى فيه الجاز وقع من ايده
وطبعا اتدلق منه شويه على الارض فى الشارع
اخد الجركن وروح
وشويه كده لقيت رمضان جايب حتة حديد
وبيحفر فى الارض
*بتهبب ايه يامنيل يارمضان عندك
- بطلع الجاز بتاعنا ياعم مصطفى
ههههههههههههههههههههههههه
مقدرتش امسك نفسى من الضحك
ومعرفتش اقنعه ان الجاز ضاع خلاص
وفى الاخر شخطت فيه علشان يروح
*********
صديقى العزيز والانتيخ بتاعى ابوعبده
(ربنا يخليله عبده يارب )
راجع من الشغل
دخل البيت لقى المدام ام عبده فى المطبخ
كتر خيرها بتحضر الغدا
امال فين الوااااااد
بيلعب جوا
دخل الاوضه يشوف ننوس عين ابوه عبده باشا
لقى عبده بيحط صباعه فى الفيشه بتاعةالكهربا
* ابوعبده : بتعمل ايه ياعبده
- عبده : عبده مش راضى ينور يابابا
وكان زعلان مووووت ان صباعه مش فايت فى فيشه الكهربا
ههههههههههههههههههههههههههه
بجد بجد الاطفال دول وعلى الرغم من كل شقاوتهم
الا انهم اجمل شيئ فى الدنيا
يارب يرزق كل اللى نفسه فى طفل ويفرح قلبه
وسلامو عليكم

هناك 46 تعليقًا:

موناليزا يقول...

توقعتك هتتكلم عن طفولتك:)
عموما الف مبروك لبنت عمك والف سلامة على مصطفى الصغير
وعقبال مانباركلك قريب:)
وبالمناسبة دى ممكن اسألك على احب اسماء الاطفال اليك سواء ولاد او بنات؟

عمرو جويلى يقول...

حضرة الصعيدى الهمام
السلام عليكم
حمداً لله على سلامة مصطفى
بوست دمه خفيف وخاصة الواد رمضان اللى مصمم يأخد الجاز بتاعهم ما شتء الله على الذكاء والعبقرية تقول إيه صعيدى
ههههههههههههههههههههه
دمت فى حفظ الله ورعايته

المعتصم يقول...

موناليزا
تحياتى
اتكلم عن طفولتى انا !!!!!
مش عارف
بس هى دى صعبه شويه
ههههههههههههههه
انا كنت معجون بعفاريت مش بالميه بتاعتهم
ههههههههههههههههه
الله يسلمك
وربنا يكرمك يارب
احب اسماء الاطفال ليا ؟؟؟؟؟؟
مش عارف بس عموما مش اسماء اطفال هى اسماء عموما يعنى
اسماء الرسول (اناواخواتى كلنا على اسمائه عليه الصلاة والسلام)
ده فى الولاد
وكمان طبعا اسم والدى (صلاح) لدرجة انى نادر انى لما ربنا يرزقنى بولد اسميه صلاح وكله يبقى يندهلى ابوصلاح
هههههههههههههههههه
اما اسماء البنات فمش عارف ليه بحب اسم انجى (ومعناه اللؤلؤة)وطبعا امنيه (ومتهيألى تعرفى صاحبة الاسم)
واروى مش عارف ليه
وكمان يارا
بس هى دى الاسماء اللى بحبها
انما كان ليه السؤال ممكن اعرف بقى ؟؟
ههههههههههههههههههههه
نورتى المدونة
تحـــــــــــــــياتى

المعتصم يقول...

اللؤلؤة
صديقى العزيز
المنوفى التمام
وعليكم السلام ورحمة الله وبركاته
تحياتى ياعمرو باشا
صحيح هو رمضان صعيدى
بس الحته بتاعة الجاز بتاعهم دى بتفكرنى بالمنايفه مش عارف ليه
ههههههههههههههههههه
ممكن الواد يكون فيه عرق من عندكم
............
الله يسلمك وشكرا على سؤالك
نورت المدونة
ودمت بكل خير وود
تحــــــــــــياتى

شموع يقول...

السلام عليكم
مليون سلامة على الباشا مصطفى الصغير
وكل سنة وأنت طيب بمناسبة حلول شهر رجب وقرب شهر رمضان وربنا يكتر من أفراحكم
وسلم لى على رمضان بتاع الجاز
هههههههههههه
تقبل مرورى

المعتصم يقول...

شموع
وعليكم السلام ورحمة الله وبركاته
الله يسلمك ياصديقى العزيز
وكل سنه وانت طيب وامتنا الاسلاميه بخير
اشكر مرورك الجميل
وهبقى اسلملك على رمضان
ههههههههههههههههههه
بس على فكرة هو كبر دلوقتى وبقى راجل وعاوز يتجوز كمان تخيل
ههههههههههههههههههههه
نورت المدونة
تحـــــــــــياتى

mohamed ghalia يقول...

ياااااااااااااااااارب
اللهم امين

ستيتة يقول...

الحمد لله على سلامة صاصا الصغنن

وعاوزة موغات ياريس علشان ادعي لك
بقالي ميت سنة محدش عندنا جبر بخاطرنا وعمل موغات ولا حتى انا
قال يعني حبة الموغات دول هم اللي ها يجيبوا لنا السمنة المبكرة

ربنا يرزق كل مسلم ومسلمة بالزوج الصالح والخلف الصالح المعافى

بس موقف الجاز ده مش ممكن
واد ناصح حقيقي مبيسبش حقه
ههههههههههههههههههههههه

تحياتي

Unknown يقول...

السلام عليكم ورحمة الله وبركاتة
الحمد لله على السلامة
مصطفى الكبير والصغير
وعلى كمان ام عبد الرحمن
ما شاء الله ربنا يزيد ويبارك
وعقباااااااااااااااااال ما نسمع انك تزوجت
وربنا كرمك بنونة حلوة زى صفصف وعبودى
اطرف حاجة انا فكراها دلواقتى ان بنت اختى وهى عندها 3 س
كانت شيفانى فرحانة وكل لما تسألنى انت فرحانة لية يا توتا
مفيش خالتو غير لما تزوجت ابوها اجبارها انها تقولى يا خالتو
المهم
كنت اقولها علشان خلاص خالتو توتا هتتزوج والبس فستان كبير وابيض
واحاول افهمها
فراحت هى لباباها وقالتلوا
بابا انا عاوزة اتزوج زى خالتو توتا
ههههههههههههههه
ويوم بنائى ولاد اخواتى كانوا عاوزينى اروح معاهم ومقعدش لوحدى مع ابو سلمى
شوفت الهنا اللى انا فية
هههههههه
دمت بالف خير

yoyo يقول...

صباحك سكر يا مستر

الف مليون سلامة على صاصا و يارب يبارك فيه يارب

حمد لله على سلامتك بنت عمك ربنا يبارك لها فى النونو يارب و يعيش فى عز وهنا وسط باباه ومامته يارب

هههههههه و الله رمضان دا زى السكر
انا بحكم تعاملى مع الاطفال وحبى لهم بجد عالم جميل اوى و كله براءة وشقاوة مش لها حل
بس اكيد انت كمان كنت شقى موت بقى وانت صغير صح ولا انا غلطانة ؟!

ربنا يارب يفرح قلوب كل الاباء و الامهات و يرزقهم الذرية الصالحة اللهم آمين

وان شاء الله يرزقك انت كمان بابن صالح

دمت اخى بالف خير
تحياتى
يويو

ghorBty يقول...

السلامـ عليكمـ

الحمد لله علي سلامة مصطفي ربنا يحميه ويبارك فيه ..

ومبروك عليكمـ المولود الجديد اللهمـ انبته نباتا حسنا ..

مواقف جميله ومرحه الاطفال نعمه من رب العالمين ويبيدوا البيت بهجه وفرح بس في سن معين بيبقوا كتله غلاسه متحركه .. ربنا يهديهم .. ولا يحرم احد ابدا ..

علي الفكره تاني مرة اكتب التعليق .. الله يسمحه اللاب توب فصل :(

بارك الله فيك ..

يوميات شاب منوفى يقول...

ربنا يكمل شفاء الامور الضغير والف مبروك لبنت عمك ماتسيب رمضان بحفر ياعم مش يمكن يطلع بترول والبلية تلعب معاكوا بس ابقا افتكرنا

غير معرف يقول...

الحمد لله اننا اطمنا على مصطفى
الصغير ربنا يحفظه ويحميه
ومبارك لبنت عمك واضم صوتى
لستيتة انى عاوز كوباية موغات
معمول كويس اصل مش اى حد له
فى موضوع الموغات ده
اما عن نوادر اطفال الصعايدة
فسألنى انا انا لما بروح زيارة
بفطس من الضحك من حركاتهم
ربنا يرزقك يامصطفى الزوجة الصالحة
والذرية الصالحة اللهم امين
تحياتى

القلم السكندري يقول...

السلام عليكم ورحمة الله وبركاته

سعادة زعيم حلف "أبر إيجيبت"/ أبو صلاح المصري

حمدا لله علي سلامة سعادتك

وعودا حميداً

ورزقك الله ما تتمني من خيري الدنيا والآخرة

وبوركت يا زعيم

والسلام

Sweet Violet يقول...

هههههههههههههههههههههههههههه
الاطفال دول فعلا ليهم شوية نوادر فظييييييييييييييعة

بس تعالى هنا يعنى تتكلم على نوادر الاطفال و مش تتكلم عنك

لاااااااااااااااااااا اعتراااااااااااااااااااااااض لازم تقر و تعترف بمواقف الطفولة بتاعتك انا بقول اهو .. امال افرح فى اخويا الكبير ازاى انا بقى دلوقتى v_v

حمدلله على سلامة الجميل الصغير
و الف مبروك لبنت عمك ^_^
و كمان ماتسيبهم يفرحوا بيه ده ايه الحقد بتاع البشر ده ^_*

عقبالك ياااااااااااااااااااارب و امنيتى تتحقق بقى v_v

^^^^^
بجد اشكرك على سؤالك .. بس للأسف عقبال لما بتابع المدونين بيبقى وقت القراية حضر و بعد مااخلص بيكون دماغى خلااااااااااااااااااص بتقولى ارحمينى ابوس كيبوردك ^_^

بس ان شاء الله هحاول اظبط وقتى اكتر من كده

الفراغ يقول...

الف حمد لله على سلامة مصطفى باشا
وربنا يبارك لبنت عمك
الا هى قاعده فى البيت عندكم ولا ايه؟
ومتعرفش يمكن رمضان ده يطلع مهندس بترول
ويحفر ويطلع بترول
ماهو خدوا فالكم من عيالكم


وعقبالك يابو صلاح

غير معرف يقول...

هههههههههههه
ددول الملائكه تمشي على الارض ...... ودمهم زي العسل
ربنا يرزقك الذريه الصالحه يا رب

د/عرفه يقول...

ههههههههههههه
لا جميلة

بس صحيح هو ليه منورش


فكرتنى بيا وانا صغير
برضه مسكت المقص وقطعت سلك التليفزيون وهو شغال
كان نفسى اقطع اى حاجة قدامى ويومها اتكهربت جامد
ههههههههههههه

الشعب لابد له من حكومه تشكمه يقول...

اولا الحمد لله على سلامة مصطفى باشا الصغنن وبالنسبه للتسنين عادى عادى جهز نفسك بس للعض اصل ابن اخويا عملها قبله :))
لما اتكلمت عن رمضان افتكرته بيحفر علشان يدور على بترول:)))
وخد دى باه:الواد القرد ابن اخويا البالغ من العمر سنتين ونص ماسك الريموت وبيقلب,بسأله انت عاوز ايه يامودى قالى البنت اللى تقص جمبها(ده كلامه طبعا واكيد محتاج الترجمه)بيقول ياسيدى عاوز البنت اللى بترقص بجمبها:)) بتيجى على ميلودى تريكس:))
جيل يجنن ابشروا:))

غير معرف يقول...

مش هاكلمك عن طفولتي لأنك أكيد تعرف اني عبقري من يومي..

:)

مش هحكي يا عم خلاص

بإذن الله مصطفى وعبد الرحمن بخير

و


مش فاكر أنا موضوع إنجي ده

مانجيلكش في حاجة وحشة.. وعموما أنا هاخلي محمد ولدي ييجي كتير يزور إنجي. لازم نعمل على توطيد العلاقة بين الأولاد يا ابو صلاح.. وإنجي

المعتصم يقول...

بسم الله الرحمن الرحيم
السلام عليكم ورحمة الله وبركاته
*************
محمد غاليه
صديقى العزيز
تحياتى
اللهم امين يارب
وربنا يكرمك ويرزقك بالزوجه الصالحه والذريه الصالحه ان شاء الله
اسعدنى مرورك
تحياتى ودمت بكل خير وود
*************
د/سوتيته
تحياتى
الله يسلمك
بس كده ياافندم
طلبات معاليكى اوامر واجبة التنفيذ
هبعتلك طرد موغات متوصى عليه
هههههههههههههههه
اللهم امين على دعواتك
المعلم رمضان بقى دلوقتى بشمهندس لحام قد الدنيا (بقى عنده حوالى16سنه)
هههههههههههههههههههههه
نورتى المدونه يادكتورة
تحياتى ودمتِ بكل خير وود
**************
حتى تشرق الشمس
وعليكم السلام ورحمة الله وبركاته
اختى الكريمه ام سلمى
تحياتى
الله يسلمك
شكرا على دعواتك الجميلة
بس يعنى هما يجيبوا صفصف وعبودى وانا اللى اجيب انجى !!! ماشى مش مشكله كله كويس
هههههههههههههههه
والاطفال دول نوادرهم مش بتخلص
ربنا يخليلك ولاد اختك ويخليلك عروستنا الجميلة سلمى يارب
نورتى المدونة
تحياتى ودمتِ بكل خير وود
**************
يويو
تحياتى
صباحك عسل يامس
الله يسلمك
اما بقى بنت عمى ف دى الوحيده من بنات عمى اللى بكلمهم مش بكلمها
(فهمتى حاجه؟؟)هههههههههههههههههههه
رمضان ده مش زى السكر
رمضان ده ازمه عالميه وحاليا بيتعلم اللحام وهيبقى بشمهندز قد الدنيا
وهيولعلنا فى البلد كلها
هههههههههههههه
عالم الاطفال عالم كله براءة وطهر وعفويه ومافيهوش اى تكلف
انتِ غلطانه لانى انا مكنتش شقى وانا صغير
انا كنت عفريت مش معجون بمية عفاريت انا كنت العفريت نفسه
هههههههههههههههههه
وكنت اعمل العمله وتشوفينى كل البراءة اللى فى الدنيا فيا ويلبسها اى حد تانى غيرى (مصطفى طيب ومايعملش الشقاوة دى)ههههههههههههههههههه
اللهم امين على دعواتك
اسعدنى مرورك اختى الكريمه
تحياتى ودمتِ بكل خير وود
**************
غربتى
وعليكم السلام ورحمة الله وبركاته
اختى الكريمه
تحياتى
الله يسلمك وشكرا على دعواتك الطيبه
معاكى حق هما وعلى الرغم من لذة شقاوتهم وعفرتتهم
الا انهم فى اوقات كده بيكونوا غلسين ورخمين جدا ولا يطاقوا وخصوصا لما يشتغلوا فى الزن زن زن زن زن
هههههههههههههه
الله يسامحه اللاب توب بقى (مبروك)
بس انا ماليش ذنب والله ماصلطه عليكى
ههههههههههههه
نورتى المدونة
تحياتى ودمتِ بكل خير وود

المعتصم يقول...

المعلم رامى المنوفى
تحياتى
اولا شكرا على دعواتك للباشا الصغير
والله يبارك فيك وعقبال مانباركلك قريب
ثانيا مش هتبطلوا طبع المنايفه ده ابدا !!!!!
يعنى حتى لو الواد طلع بير بترول عاوزين تقسموا معاه فيه
مش كفايه عليكم تلتين البلد فى جيوبكم ومشاركين فى التلت التالت وكمان عاوزين تشاركو رمضان المسكين فى شويه الجاز بتوعه
ههههههههههههههههههههههههههه
نورت المدونة يارامى
تحياتى ودمت بكل خير وود
***************
ام مالك
امنا الفاضله
تحياتى
اشكر دعواتك الطيبه
والله يبارك في حضرتك وربنا يفرح كل المسلمين يارب
وبخصوص الموغات ياسلام بس كده
من عنيا الاتنين
احنا نبعتها مع مخصوص لغاية باب البيت
بس يعنى هما اطفال الصعايده بس اللى ليهم نوادر وبتوع بحرى عيالهم مالهمش يعنى ولا ايه ؟؟؟؟
هههههههههههههههههه
امنا الفاضله اسعدنى مرورك
تحياتى ودمتِ بكل خير وود
*************
القلم السكندرى
وعليكم السلام ورحمة الله وبركاته
نائبنا الهمام
اخى الحبيب وصديقى العزيز
تحياتى
انت خليتها ابوصلاح المصرى
ماشى ياعم ابوحفص
كده يبقى رايحين عند اللى بالى بالك رسمى بقى هههههههههههههههههههههه
الله يسلمك ياهندسه
وشكرا على دعواتك الجميلة
وربنا يكرمك ويرزقك ويحققلك كل ماتتمنى ان شاء الله
نورت اخى الحبيب
تحياتى ودمت بكل خير وود
***************
سويت هانم
تحياتى
نوادر ايه اللى انتِ عاوزانى احكيها دى ؟؟؟ بتاعة طفولتى انا ؟؟ مستحيل
دى كانت مصايب مش بس لعب عيال
وبعدين بما انك اختى الصغيرة يبقى المفروض انك وعيتى ولو على جزء من الكوارث اللى كان المفروض انى بعملها ولا ايه؟؟؟؟
الله يسلمك ويبارك فيكى وعقبال مانفرح فيكى قريب يارب
انما موضوعى انا ابدا بعينك ولا هسيبك تفرحى فيا
هههههههههههههههههه
......
سؤالى ده لازم وقلنا مليون مرة مافيش حاجه اسمها شكر بين الاخوات ولا ايه
انتِ شكلك مش بتسمعى الكلام وغلباويه
هههههههههههه
ظبطى الدنيا وقسمى وقتك
نورتى المدونة
تحياتى ودمتِ بكل خير وود
*************
الفراغ
ست الكل
تحياتى
منورة المدونة
الله يسلمك
ويبارك فيكى
هى بنت عمى قاعده عند بيت ابوها اللى هو جنب بيتنا لزم يعنى الحيط فى الحيط يعنى بالظبط زى مايكونو محتلين الاوضه بتاعتى كده هههههههههههههه
لا فالكو من عيالكو مين
مش مع رمضان الكلام ده
المعلم رمضان دلوقتى عقبال عندنا جميعا بقى بشمهندز فى ورشة لحام قد الدنيا
وشويه كده يكبر كام سنه كمان ويفتح ورشه خاصه بيه
وساعتها بقى
هيولعلنا فى البلد كلها
هههههههههههههههههههههههه
ست الكل اسعدنى مرورك
وشكرا على دعواتك الجميلة
تحياتى ودمتِ بكل خير وود
*****************
فتاة من الصعيد
تحياتى يامروة
هما مش ملايكه قوووى يعنى
لانهم ساعات كتير بيقلبوا عفاريتى
ويطلعوا عنينا
هههههههههههههههههههه
ربنا يخليكى ويرزقك بالزوج الصالح والذريه الصالحه انتِ وكل بنات المسلمين
الله امين
نورتى المدونه
تحياتى ودمتِ بكل خير وود

المعتصم يقول...

د/عرفه
حبيبى
تحياتى
انت الوحيد اللى علق معاك موقف عبده
منورش زى الاباجورة علشان الخايب معرفش يدخل صباعه فى الفيشه
هههههههههههههه
هو انت كنت كده وانت صغير
ههههههههههههههههههههههههههههههه
الف سلامه عليك بس الظاهر ان الكهربا عملت مهاك شغل اهه
وخلتك بقيت دكتور ولا ايه ؟؟؟؟
ههههههههههههههههههههه
نورت يامحمد
تحياتى ودمت بكل خير وود
****************
الشعب لابد له من حكومه تشكمه
تحياتى
(الاسم طويل قوى ياشيما)
الله يسلمك
وعامل حسابى لموضوع العض ده ومستعد له كويس خالص ماتقلقيش
ماهو رمضان كان بيدور على البترول بتاعهم اللى انكب منه
هو مش الجاز بترول برضو ؟؟؟؟؟
هههههههههههههههه
يانهار ابيض الواد عاوز اللى بتقص جمبها
ياخرااااابى
لما هو عاوز كده دلوقتى امال لما يروح الابتدائيه هيعمل ايه ؟؟؟؟
بس هى كده البشرى تفرح بصراحه
هههههههههههههههههههههه
نورتى المدونة ياشيما
تحياتى ودمتِ بكل خير وود
****************
غير معروف
محمد افندى
حمدالله على سلامة معاليك
اكيد طبعا ياباشا انا عارف كل العبقريات الفذه بتاعتك ومش محتاج انك تقول
الحمد لله مصطفى بخير اما عبدالرحمن مش عارف بصراحه بس اعتقد انه كويس لانى لسه ماشوفتوش (عارف انت مع الحريم وكده وانا مش بروح هناك )
وانت مالك ومال انجى بقى ان شاء الله
تشكر ياسيدى بس محمد ياريت مايعديش منالشارع احسن له واحسن لك (فاكر انا كنت بقولك ايه زمان ؟؟ التهديد لسه سارى يامعلم)
وبعدين هتسمى الواد محمد برضو حرام عليكم هو انتوا واخدين توكيل محمد فى البلد ولا ايه ؟؟؟؟؟؟؟؟؟؟؟؟؟؟
انا معترض
اقولك
احنا نسميه بخيت احسن
ههههههههههههههههههههههههههه
وهخلى الواد صلاح يروقهولك
ههههههههههههههههههههه
نورت يامحمد افندى
تحياتى ودمت بكل خير وود
وابقى طمنى عليك وعلى الشغل
************
والسلام عليكم ورحمة الله وبركاته

Unknown يقول...

ابن واحد جيراننا؟؟؟ يعنى ايه؟؟ انجليزى دة يا مورسى؟؟ ابن واحد جيراننا؟؟ انت بتتكلم عربى مكسر وللا اييييييييييه؟؟
طبعا دى رخامة يعنى غير مقصود اى شىء بيها طبعا...

المهم...مين قال ان العيال احلى حاجة فى الدنيا؟؟؟ العيال دول المفروض يتسلسلوا ويتحطوا فى اقفاص زى الوحوش كدة...اعوذ بالله دول كائنات مؤذية يا جدع والله....

مبروك لبنت عمك وقلها ربنا معاكى ويوفقك فى الكفاح المسلح

سلام

د/على خميس يقول...

السلام عليكم و رحمة اله و بركاته
حمدا لله على سلامة مصطفى الصغير

كنت سيب رمضان يا عم يمكن يطلع بترول و لا حاجة و ساعتها نيجى كلنا بقى نشتغل عندكم و يجيلكم ناس من الهند و السند و بلاد تركب الأفيال

الموضوع دمه خفيف و الأولاد نعمة أحمد الله عليها و أسأله ألا يحرم منها أحد

بارك الله فيك
تقبل تحياتى

لاسع افندى يقول...

شقاوه ..دوشه...صداع..اسئله واستفسارات ماتنتهيش ...كركبه فى البيت..بس اول ما ينام ربع ساعه يوحشنى وابقى عايز اصحيه


تحياتى وربنا مايحرمنا من شقاوتهم

Unknown يقول...

السلام عليكم ورحمة
الله تعالى وبركاته
حمدلله على سلامة مصطفى
الصغير ياعم مصطفى الصغير
وعقبال كده ما نبارك لحضرتك
فى اولادك بنين وبنات كتير وعلى
قولك كل اللى نفسه فى عيل ربنا
يرزقه بتوأم علشان يبقى تعب
ومصاريف مرة واحدة ويخلصوا .

♥..~*شـــوشـــو هـــانــم*~..♥ يقول...

بخخخخخخخخخخخخ

♥..~*شـــوشـــو هـــانــم*~..♥ يقول...

عوووووووووووووو

♥..~*شـــوشـــو هـــانــم*~..♥ يقول...

اتخضيت مش كدا


شوشو هانم وصلللللللللللللللللت

أنا عارفه ومتأكده انك حزين ومدايق ومخنوق عشان كل الفتره دي مش بشرفك بتعليقاتي العسوله الظريفه الكميله بس اتلمسلي العذر انا اختك الثغننه بردو
خخخخخخ ثقه عمياء

بجد بجد والله وحشتني المدونات والتعليقات

قدومي هنا لا يدل على انني انتهيت من الامتحانات لا انا بس قلت اخد ريست لسا هخلص يوم التلات ان شاء الله واااااااااء

المهم نيجي للاطفال العثاثيل البريئين
اللي زيي بس انا اختلف عنهم في اني مش بريئه انا جريئه
ههههههههههه

متخدش في بالك ولا كلمه من اللي انا قلته ده كله فوق ده لانه كله تهييييييييس لان دماغي خلاااص مبقاش في دماغ اساسا من المزاكره

----------
نعلق بقى

الواد رمضان ده فزيع هو وعبده دحكت عليهم اوي

الاطفال بجد رغم شقاوتهم اجمل حاجه في الدنيا

طب اقولك
انا اختي الصغيره نونا (5 سنين) قاعده تزعق لاخويا في اولى اعدادي فبيقولها "بنت احترميني انا اخوكي الكبير" راحت قالتله بقى وهي حاطه ايدها في وسطها وبكل زعيق وعصبيه وغرور "كبييير ده انت عيييل"

ساعتها دحكت دحك

بس بقى كفايه رغي كده

سلاااام مشنكح..

موناليزا يقول...

:) انا جيت
اولاً: شكر خاص لسؤالكم والحمدلله انا بخير
وانا فعلا ما بتأخرش غير للشديد الاوى زى مابيقولوا:)
ثانيا: شكر خاص برضه لاجابة تساؤلاتى
واول مرة اعرف معنى اسم "انجى"
اما عن "امنية" فتوقعته فعلاً هيكون من ضمن الأسماء:)
وربنا يكرمك يارب بالزوجة الصالحة والذرية الطيبة وتجيب كل الفريق ده:)

اما ليه بقى أنا بسأل :) فتقدر تقول كده ده طبع فيا (مش عارفة حلو ولا وحش) بس يمكن عشان كان نفسى اوى ابقى مذيعة أو صحفية وده محصلش فبحاول اعوض ده.. حقيقى مش عارفة
هى بتيجى كده:)
المهم بقى انى ممكن اطلب منك بوست مخصوص عن ذكريات طفولتك ولا ايه؟
وعايزاك برضه تعرفنى لما ييجى اى سؤال فى دماغى ابقى اسأله عادى ولا أنت بتتخنق من أسئلتى
قول بصراحة ومش هزعل والله انا ديمقراطية وواخدة على كده(أنا آه مش ببطل اسئلة للى بيتخنقوا منها بس على الاقل ببقى عارفة انهم بيتخنقوا فبراعى حالتهم بعد كده :)

بـسـمـــة صـــــلاح يقول...

الف مبروك لبنت عمك عقبال سبوع عيالك بعد ما نفرح بيك يارب
يــــــــــــــــارب

وبجد الموقفين فرفشوني وكنت هموت من الضحك
لا حاجه عبقريه خالص
انت هتقولي
بس احنا بأه
عندنا الشقاوة نفسها واللئامه والإفترى
والذكاء
كل دا موجود في وحده عيله اسمها نهله
بعيد عنك تغلبك في الكلام ولسانها اطول منها

بقولك ايه
اسم يارا دا انا بحبه
متقربش منه
اديني بنصحك اهو
هههههههههههههههههههههههه

اه نسيت اقولك عملت ايه في التاريخ

ولاااااااااا
اممممممممممممممممممم
لا مش هقولك
هبقى اكتب بوست
وحضرتك هتيجي وتبقى تعلق
وتعرف ايه اللي حصل
لانه موقف فظيع يعني

انا مبطلتش رغي كدا ليه
اه صحيح
الف سلامه على صاصا
روح القلب من جوه
ربنا يعينه
انا بردو بسنن
لسا ضروس العقل بتطلع
وموتاني
ههههههههههههههههههههه

ادعيلي عندي بكرة امتحان جغرافيا
واصول فقه
ومرعوووووووووووووبه
بجد ادعيلي

كفايه كدا
في امان الله
سلام(:

همسة ايمان يقول...

ههههههه عساسيل خالص الاطفال دول

بس انت مفروض كنت تسيب مصطفى يدور

مش ممكن كان يلاقى بترول بدا الجاز

الف مبروك لبنت عمك وربنا يارب يجعل عبد الرحمن

ولد صالح ويبارك لهم فيه

تقبـــــ مرورى ـــــــــل

Kiara يقول...

طيب وفين مصطفى فين طفولته بقي

اكيد فيها مواقف تشششششششششششيب

الاطفال نعمه بجد :)

المجاهد الصغير يقول...

السلام عليكم
بجد جزاكم الله خيرا
ادخلت السرور على قلوبنا
انا تخيلت عندما ذكرت انك هتتكلم عن الطفوله قلت مشاكل ومراحل........الطفل .
عرض الطفل من منظور مختلف
تقبل مرورى
والف مبروك على المولود الجديد

المعتصم يقول...

بسم الله الرحمن الرحيم
السلام عليكم ورحمة الله وبركاته
*************
انجى
تحياتى
ايه يادكتورة ؟؟ فيه ايه ؟؟
شكلك كده عاوزة تروحى عند دكتور نفساوى
ههههههههههههههههه
ولا يهمك عادى انا متعود على الرخامه
انا اللى قلت ان العيال احلى حاجه فى الدنيا
وتصدقى ان الحاجه الوحيده اللى بتخلينى ساعات افكر انى اتجوز هى الاطفال
غير كده انا ممكن اعيش باقى حياتى عازب وزى الفل
الله يبارك فيكى وعقبال كده اما نفرح بيكى ونشوف هتعملى ايه مع العيال
ههههههههههههههه
نورتى المدونة
تحياتى ودمتِ بكل خير وود
************
د/على خميس
وعليكم السلام ورحمة الله وبركاته
منور يادكتور
الله يسلمك
ماهو انا عارف اللى فيها يادكتور وعارف انه مافيش بترول
(اصل بينى وبينك انا حفرت قبله)
الاولاد اجمل نعمه فى الحياة وربنا مايحرم حد منهم الله امين
اسعدنى مرورك يادكتور
تحياتى ودمت بكل خير وود
**************
لاسع افندى
تحياتى
لخصت الطفوله كلها فى تعليقك الجميل ده
واللهم امين على دعائك
نورت المدونة ياعمنا
تحياتى ودمت بكل خير وود
***************
د/نورا
وعليكم السلام ورحمة الله وبركاته
تحياتى ياوزيرتنا
الله يسلمك
وشكرا على دعواتك المزدوجه (بس مش شايفه انه اسراف موضوع التوأم ده)
ههههههههههههههههه
نورتى المدونة يادكتورة
تحياتى ودمتِ بكل خير وود
**************
شوشو هانم
تحياتى
لا لا لا لا لا لا لا لا لا لا لا لا لا لا
انا مش مصدق
ايه ده
معقوله دى
بصراحه الفجأة دى جامده عليا
شوشو هانم بذات نفسها هنا
لأ ده كتير بجد
يابنتى ده انا قلت انك انتحرتى ولا حصلتلك حاجه من الامتحانات
انما حمدالله على السلامه
وايه الرعب اللى جايه بيه ده
بخ وعوووو شكلك كده نسيتى انا منين
ماعلينا
مين بقى اللى قال انى حزين ومتضايق الفترة اللى فاتت دى
بالعكس بقى انا كنت مرتاح من غلاسة ناس هه(وش مطلع لسانه)
ههههههههههههههههههههه
ان شاء الله تخلصى امتحانات على خير وترجعى تصدعينا تانى قصدى تمتعينا تانى بموضوعاتك الجميلة
والاطفال فعلا اجمل حاجه فى الدنيا على الرغم من شقاوتهم اللى تجنن دى
وربنا يخليلكم نونا يارب (واهى بتخلص ذنب الناس منكم)
هههههههههههه
نورتى المدونة ياشوشو هانم
وسلاااااااااام مشنكح علشان خاطرك

المعتصم يقول...

اختى الكريمه موناليزا
اهلا وسهلا
انتِ نورتى
اولا لاداعى للشكر احنا اخوات
ولانى عارف انك لما بتغيبى اكيد بيكون فيه حاجه وحبيت اتطمن بس
ثانيا برضو لاداعى للشكر لان الاسئلة بتخلينى اقول حاجات ممكن كنت ببقى عاوز اقولها فى البوست ومعرفتش
اسم انجى ده جميل خالص وهو تركى على فكرة(متهيألى دى تعرفيها)هههههههههههه
كنت متأكد انك هتعرفى امنية :)
ايه ده ؟ مش معنى انى بحب كل الاسماء دى انى هخلف كل دول
انا ومراتى اذا ربنا اراد انه يرزقنا بولاد هنبقى نشوف مع بعض الحكايه دى(شوفتى العقل والديموقراطيه)
هههههههههههههههههه
بس انتِ نسيتى حاجه
صحفيه او مذيعه او وكيلة نيابه
ههههههههههههههههههههه
شوفى حكاية بوست مخصوص عن ذكريات طفولتى المشرده ده صعب
لانى بجد الزهايمر عامل معايا عمايل جامده وكمان انا مبحبش الفضايح
وان الله حليم ستار
لما ييجى اى سؤال فى دماغك
على طول تقوليه وهتلاقينى مجاوب عليه طواااااااالى ولو كان محرج ولا حاجه هبقى اجاوب عليه فى تعليق من بتوع ممنوع النشر
انا مش بتضايق من الاسئلة خالص
ولو فيه حاجه ضايقتنى مش هجاوب عليها اطمنى من الناحيه دى وماتشغليش بالك مش بتخنق انا
ههههههههههههههههههههه
اسعدنى مرورك اختى الكريمه
تحياتى ودمتِ بكل خير وود
***************
بسومه هانم
الله يبارك فيكى
الحمد لله ان الموقفين خرجوكى شويه من جو الرعب بتاع الامتحانات
على فكرة انتِ ظالمه نونا قوووى
كل الاطفال كده بس هى لما بتعمل عمايلها فيكم فانتوا متهيألكم انها زياده حبتين
ربنا يخليها وتطلع عنيكم كمان وكمان واهى ذنوب وبتخلص منكم
ههههههههههههههههههه
وبعدين انا الكبير يبقى انا اللى انقى واسم يارا عاجبنى
اقولك على حاجه طيب
اللى يتجوز فينا قبل التانى هو اللى يسمى بنته يارا
ايه رأيك ؟؟؟؟
ههههههههههههههههههه
ماشى ياستى مستنى البوست بتاع امتحان التاريخ
وهبقى اسلملك عل صاصا باشا
لسه بتسننى برضو اتاريكى
وانا بقول ياربى البت مجنونه ليه
ههههههههههههههههههه
ربنا معاكى وان شاء الله هيكرمك وينجحك ويوفقك انتِ وشوشو وايمان (ابقى سلميلى عليها)
نورتى المدونة ياوزيرة السكافه
تحياتى ودمتِ بكل خير وود

المعتصم يقول...

همسة ايمان
تحياتى
واهلا بيكى فى اول زيارة لمدونتى المتواضعه
(مش عارف هتصدقينى ولا لأ بس انا لسه النهارده الصبح شايف اسمك فى مدونة من المدونات اللى بزورها ومش عارف ايه الصدفه العجيبه دى)
الاطفال كلها دمها زى العسل
وبعدين انا حبيت اوفر على رمضان التعب علشان انا عارف انه مافيش حاجه تحت لانى حفرت قبله بكتير ومالاقيتش
والله يبارك فيكى وربنا يرزقك الزوج والذريه الصالحه يارب
نورتى المدونة بمرورك الطيب
تحياتى ودمتِ بكل خير وود
***************
كيارا
تحياتى
نعم ؟؟؟ عاوزة ايه يابتاعة الحر ؟؟
طفولة مين ؟؟؟؟؟؟؟؟؟؟؟؟؟؟؟؟
مين مصطفى ده ؟؟ انا معرفوش
دى كانت طفوله مشرده ومواقفها كلها مهببه
اسكتى الله يسترك
هههههههههههههههه
الاطفال دول اجمل نعمه فى العالم كله
نورتى المدونة ياكيتى هانم
تحياتى ودمتِ بكل خير وود
**************
المجاهد الصغير
وعليكم السلام ورحمة الله وبركاته
اهلا بيك فى اول زيارة
(مش عارف انك جيت قبل كده بس الزهايمر شغااال معايا)
والله اذا كان فعلا حصل ان البوست ساهم ولو بشكل بسيط انه يخلى واحد يبتسم فده شيئ يسعدنى جدا وشكرا لحضرتك
لاااااااااااااااااا
ماليش انا فى موضوع المشاكل والمراحل .... والليلة دى
الموضوع ده له ناسه المتخصصين
زى الاستاذ معتز شاهين
انا ممكن اكتب موقف كده زى بتاع رمضان وبس
ههههههههههههههه
والله يبارك فيك يااخى ونورت المدونة بمرورك الجميل
تحياتى ودمت بكل خير وود
*************
والسلام عليكم ورحمة الله وبركاته

Kiara يقول...

مليس دحوه

عاوزه اعرف طفوووووووووووولتك

المعتصم يقول...

كيارا
تحياتى
عاوزة تعرفى ايه بس
ماتخلى الطابق مستور الله يخليكى
عاوزة تعرفى لما كبيت على الراجل جيران جدى جاز وولعت فيه
ولا لما عملت فيها ابن فرناس وعلمت براشوت وكنت عاوز اطير بيه من فوق سطح العمارة اللى كنا ساكنين فيها
ولا لما كنت بضرب العربيات بالزلط واكسر القزاز بتاعها واقول مش انا والبسها لواحد غيرى
ولا لما كنت عامل عصابه من عيال الشارع بتاعنا وكنا على طول نتضرب
ههههههههههههههههههه
اسكتى الله يخليكى دى فضايح وجرس
بلاش الفضول البناتى ده اللى بيودى فى داهيه
ههههههههههههههه
ســــــــــــــــــلام

MaNoOoSh يقول...

معلش موضوع التسنين ده متعب شوية
ربنا يعديه على خير ان شاء الله

ومبروك على النونو الجديد


تصدق انا زماااااااااااااااااااااااان
على مستوى نظري
ايام ما كان عندي نظر يعني
كان نفسي اجيب 25 عيل
مش عارفة كنت هلحق اجيبهم امتى وازاى اساسا
وبعدين مش لما ابقى اتنيل اتجوز اساسا
احم احم
المهم.. خلينا فى موضوعنا
دلوقتى بقى انا عايزة اتنين بس او 3 بالكتير قوي
دة لو ربنا قدرلي ابناء اصلا
وبعدين دة بردو لو اتنيلت اتجوزت اصلا

يللا ربنا يعدينا من الدنيا على خير
اصل تربية الاطفال الوقتى بقت حاجة متعبة جدا
زي ما يكونوا بيتولدوا وهم فاهمين وعارفين كل حاجة
وهم اللي بيعلموا اهلهم مش اهلهم اللي بيعلموهم

ربنا يرزقنا واياكم بالذرية الصالحة

فارس بلا جواد يقول...

ازيك يا معتصم عامل ايه
منتظر تعليقاتك

Kiara يقول...

ههههههههههههههههههههههههههههههههههههه



ههههههههههههههههههههههههههههههههههه

ههههههههههههههههههههههههههه

موتني من الضحك
تاني تاني

احترف لا وقول كل الفضااااااااايح

انا مستنيييييييه

وهزحل او لو مث كملت

هههههههههههههههههههههههههههههه

المعتصم يقول...

بسم الله الرحمن الرحيم
السلام عليكم ورحمة الله وبركاته
****************
منووووووووووووووووش
تحياتى
الله يبارك فيكى وعقبال مانباركلك قريب يارب (وربنا يهدى ابن ام برعى بقى وييجى)
وبعدين موضوع ال25 عيل ده سهل خالص
كنتِ هتجيبيهم على 5 مرات كل مرة خمس توائم
سهله خالص اهه
ههههههههههههههههههههه
ربنا يحققلك كل ماتتمنى
وان شاء الله ربنا هيرزقك الزوج الصالح والذريه الطيبه
(بس ياريت بلاش حكاية العض دى احسن انا بينى وبينك سمعت كلام كتير على بلوجر ان العرسان خايفه منك)
ههههههههههههههههههههههه
نورتى المدونة يامنوووووووشه
تحياتى ودمتِ بكل خير وود
***************
فارس بلا جواد
تحياتى
اهلا اهلا ياابراهيم
حمدالله على السلامه
ان شاء الله هرجع اعلق عندك تانى
بس انت ماتقطعش كده وتروح تقول عدولى
نورت المدونة
تحياتى ودمت بكل خير وود
**************
كيارا
تحياتى
كويس انك ضحكتى
دى حاجه تفرحنى
بس مش هقول حاجه تانيه ياختى
هو انا عبيط علشان اقولك
وتروحى تشردينى زى منامينو
هههههههههههههههههه
كفايه عليكى اللى عرفتيه
نورتى المدونة ياكيتى هانم
تحياتى ودمتِ بكل خير وود
****************
والسلام عليكم ورحمة الله وبركاته

Kiara يقول...

هههههههههههههههههههههههههههه

عاوزه اعرررررررررف

اعترررررررررررررررررف

Unknown يقول...

السلام عليكم
مبارك لكم الصغير ربنا يجعله من الصالحين .