الجمعة، 16 يناير، 2009

الدعاء


بسم الله الرحمن الرحيم


السلام عليكم ورحمة الله وبركاته


كلنا يعرف ويعيش الظروف المريرة التى تمر بها أمتنا الاسلامية


وبعضنا يقول اننا لانملك الا الدعاء


فيرد عليه البعض الاخر ويقول وهيعمل ايه الدعاء


مااحنا طول عمرنا ندعى


وانا مش هقول حاجه


انا بس هقول بيتين شعر قالهم الامام الشافعى رحمه الله



أَتَهْزَأُ بِالدُّعَاءِ وَتَزْدَرِيهِ ..... وَمَا تَدْرِي بِما صَنَعَ الدُّعَاءُ

سِهَامُ اللَّيلِ لا تُخْطِي وَلَكِنْ ..... لها أمدٌ وللأمدِ انقضاءُ


بس مش معنى كده اننا نقول اننا مانملكش غير الدعاء ومانعملش اى حاجه تانى


لأ


لازم نحاول نصلح من نفسنا ونعمل اللى علينا


ساعتها الدعاء بتاعنا هيتحقق


اللهم انصر الاسلام وأعز المسلمين


وأعلي بفضلك كلمتى الحق والدين


اللهم آمين


والسلام عليكم ورحمة الله وبركاته

هناك 20 تعليقًا:

*shosho* يقول...

السلا عليكم ورحمة الله وبركاته

البوست جميل جدا وبيلمس واقع الناس دلوقتي فعلا

ومننساش قول الله تعالى:((إدعوني أستجب لكم)).

**************
دمت ودام قلمك المبدع
تحياتي..

المعتصم يقول...

بسم الله الرحمن الرحيم
اختنا الصغيرة شوشو هانم
وعليكم السلام ورحمة الله وبركاته
طبعا احنا مانقدرش ننسى ولا حرف من كلام رب العزة جل وعلا
بس برضو احنا واجب علينا اننا نعمل عشان ربنا يكرمنا ويتقبل دعاءنا
وبعدين انتى صاحية لغاية دلوقتى ليه؟
مش فيه مدرسة الصبح؟
ياريت نركز فى المذاكرة الامتحانات ع الابواب
ربنا ينجحك انتى وبسمة وكل ابناء المسلمين
دمتى بكل خير وود وتقبلى تحياتى

fnoonh يقول...

جميل جدا والله
وربنا يجزيك خير على كل موضوع بتنزله والواحد بيدعي كتير وربنا يستجيب
تقبل تحياتي

حتى تشرق الشمس يقول...

السلام عليكم ورحمة الله وبركاتة
فعلا للدعاء مفعول عجيب
بس لازم اللى بيكون بيدعى يكون واثق ان ربنا هيستجيب
لان الله عز وجل
عند ظن عبدة بة
والدعاء ايضا مخ العبادة
ويجب علينا وايضا المقاطعة لااااااااااااازم نقاطع
دمت بالف خير

موناليزا يقول...

صدقت اخى الكريم
ربنا يكرمك

عابر سبيل يقول...

بسم الله الرحمن الرحيم
السلام عليكم ورحمه الله وبركاته
اولا تقبل مروري
ثانيا الدعاء هو اهم سلاح مش النبي عليه الصلاة والسلام علمنا الدعاء في كل شئ حتي شراك نعله يعني ابسط الامور
بس اللي احنا محتاحينه هو ان نلهم الدعاء كما قال سيدنا عمر اني لا احمل هم الدعاء ولكن احمل هم الاجابه
المهم بس ندعي لان ربنا سبحانه وتعالي قال(ادعوني استجيب لكم)فشرط الاستجابه الدعاء
وليس شرط الدعاء هو اصلاح النفس فقط بل علينا ان ندعو باصلاح انفسنا
وكمان حتي لو عملنا اللي علينا لازم نستعين بالله وندعي
انا يمكن ما اضفتش حاجه ولكن
(وذكر فان الذكري تنفع المؤمنين)
ممكن اسأل حضرتك سؤال ممكن تجاوب وممكن لا
انا اتكلمت مع حضرتك قبل كدا في موضوع الاغاني وحضرتك قلت انك توقفت عن سمعها ولكن السؤال هل لازالت الاغاني موجودة علي جهاز حضرتك
واذا كانت الاجابه بنعم فلدي اقتراح ان تقوم بمسحها جميعا وذلك بنيه الاقلاع عن ذنب نصرة لاخواننا في فلسطين
وربنا ينفع بينا جميعنا
فكل واحد منا علي ثغر من ثغور الاسلام فليحذر ان يؤتي الاسلام من قبله
وتقبل رائي (ان اريد الا الاصلاح ما استطعت وما توفيقي الا بالله)
اللهم ثبتنا جميعا علي طريق الخير
اللهم امين
نأسف للازعاج
عابر سبيل

ghorBty يقول...

السلام عليكم

الدعاء هو سلاح المؤمن وهو مفتاح التوفيق

فاذا اردت الفلاح والنصر فعليك بالدعاء

واذا اردت الامن والنجاه فعليك بالدعاء

فنحن ندعوا رب هذا الكون الذي بيده ملكوت ففضله لا ينفد وخزائنه ملئ

والانبياء كانوا يدعون ربهم ويلحون في الدعاء فيجدوا النصر والتأييد والعزه ولكنهم كانوا يدعوا وهم مؤقنين بالاجابه واثقين بوعد الله

فعلينا بالدعاء دائما وابدا ففي الحديث من لم يسأل الله يغضب عليه


جزاك الله خيرا فقد قلتم كل شئ

غربتي

المعتصم يقول...

بسم الله الرحمن الرحيم
السلام عليكمورحمة الله وبركاته
************
أختى أفنان تحياتى
شكرا على المرور وربنا يتقبل دعواتنا ان شاء الله
دمتى بكل خير وود
************
أختى حتى تشرق الشمس
وعليكم السلام ورحمة الله وبركاته
تحياتى وبالفعل للدعاء مفعول عجيب صدقتى ولكن من اين لنفوسنا الضعيفه بالثقه نسأل الله التثبيت
شكرا على مرورك ودمتى بكل خير وود
************
أختى موناليزا تحياتى
شكرا على مرورك
وربنا يكرمنا واياكم من فضله
ودمتى بكل خير وود
************
أختى عابر سبيل
وعليكم السلام ورحمة الله وبركاته
مرورك على الرحب والسعة ونقاشك دوما يسعدنى
أشكرك على الاضافه وهذا ماتعودته منكى جزاكى الله كل خير
اما موضوع الاغانى ف أنا لست الشخص الوحيد الذى يجلس امام الجهاز وقد حاولت ان اتحدث واقول الاغانى حرام وخصوصا بعد ماسمعت درس لشيخنا ابو اسحاق الحوينى عنها الا انهم مسكو فى اختلاف الاراء وان بعض المشايخ قال كلام حسنه حسن وقبيحه قبيح بس
انا بعد كده عملت حاجه كده روحت ماسح بعض الملفات من نسخة الويندوز اللى على الجهاز طبعا اى حد ييجى يشغله مايشتغلش وبما انى العبقرى بتاع البيتوالبيوت اللى حواليها(بيوت العيله)يبقى انا اللى هحل المشكله
روحت قاعد قدام الجهاو وقلت ده الويندوز جاله فيرس ولازم الهارد ديسك يتفرمت كله
وعنها فرمته ومابقيش عليه لا اغانى ولا افلام ولا اى حاجه حتى نسيت انى كنت حاطط عليه ملفات وورد بتاعة شغل عندى وضاعت والحمد لله
وبعدين انتى كاتبة نأسف للازعاج ليه؟؟
رأيك دوما مقبول حتى وان كان هناك اختلاف
تقبلى تحياتى ودمتى بكل خير وود
************
والسلام عليكم ورحمة الله وبركاته

المعتصم يقول...

بسم الله الرحمن الرحيم
السلام عليكم ورحمة الله وبركاته
أختى الكريمة غربتى
تحياتى وتقديرى
شكرا على مرورك الكريم وعلى اضافتك الجميلة وندعو الله عز وجل ان يرزقنا اليقين وحسن الظن به
تقبلى تحياتى ودمتى بكل خير وود
والسلام عليكم ورحمة الله وبركاته

anas3laa يقول...

الله الله
كلام مظبوط جدا
ربنا يوفقك يا رب

فارس بلا جواد يقول...

كويس جدا ربنا يجزيك خيرا يا اخى
فارس بلا جواد

zainab elmosalamy يقول...

المعتصم

فعلا عندك حق فى كل اللى قلته

صدق الله إذ قال "و اذا سألك عبادى عنى فانى قريب أجيب دعوة الداع اذا دعان فليستجيبوا لى و ليؤمنوا بى لعلهم يرشدون" الأيه 186 من سورة البقرة

يارب اللهم انصر أهلنا فى غزة نصرا عزيزا مؤزرا و أصلح أحوال المسلمين

تحياتى

بـسـمـــة صـــــلاح يقول...

السلام عليكم ورحمة الله وبركاته

أَتَهْزَأُ بِالدُّعَاءِ وَتَزْدَرِيهِ..وَمَا تَدْرِي بِما صَنَعَ الدُّعَاءُ
سِهَامُ اللَّيلِ لا تُخْطِي وَلَكِنْ .. لها أمدٌ وللأمدِ انقضاءُ
ازاي معقول في ناس بتقول على الدعاء كدا
ربنا يهديهم
وانت بجد لمست جانب مهم
ربنا يجزيك كل خير
~~~~~~
معلش جيت متأخر بس الامتحانات وكدا
ادعيلنا بالتيسير
دمت بكل ود
تحيـــــــــاتي(:

بـسـمـــة صـــــلاح يقول...

أنا حطيت حضرتك في قائمة المدونات اللي بتابعها
معلش مستأزنتش

المعتصم يقول...

بسم الله الرحمن الرحيم
السلام عليكم ورحمة الله وبركاته
************
اخى انس
اهلا وسهلا نورت المدونه وشكرا على المرور
دمت بكل خير وود
************
صديقى فارس بلا جواد
تحياتى وشكرا على مرورك
دمت بكل خير وود
************
أختى الكريمة زينب
تحياتى ونورتى المدونة
واللهم آمين على دعواتك
على فكرة انا بزور مدوناتك بس مش بسيب تعليق
دمتى بكل خير وود
************
أختى الصغيرة بسمة
تحياتى
ولا يهمك ايه يعنى جيتى متأخرة اكيد المواصلات كانت صعبة
ربنا يكرمك وينجحك ويوفقك انتى وكل ابناء وبنات المسلمين اللهم آمين
وبعدين انتى مش عاوزة تستئذنى ولا حاجه
بس اللى انا مستغرب له ان المدونة بتاعتى مافيهاش اصلا حاجه تتقرى وانا مش بعرف اكتب
يللا ماعلينا انتى حرة
دمتى بكل خير وود
***************
والسلام عليكم ورحمة الله وبركاته

saheda.com يقول...

حَيَّ عَلَى الْجِهَادِ.. لدعم المقاومة بالسلاح فى مواجهة الآلة العسكرية الصهيونية.

حَيَّ عَلَى الْجِهَادِ.. بالوقت والعلم والمال والدم لتتحقق الوحدة بين كافة طوائف الأمة..

حَيَّ عَلَى الْجِهَادِ.. بفتح المعابر والحدود وأبواب التطوع ودعم المجاهدين بكل الوسائل.

حَيَّ عَلَى الْجِهَادِ.. لتبرأ الأمة إلى ربها من تقصيرها في حق ربها ودينها ورسالتها.

حَيَّ عَلَى الْجِهَادِ.. لنصرة المظلوم وإعادة الحق لأصحابه.

حَيَّ عَلَى الْجِهَادِ.. للوقوف في وجه الظلم والاستبداد والاستكبار الصهيوني غير المسبوق على مرأى ومسمع من العالم بأسره.

حَيَّ عَلَى الْجِهَادِ.. جهادًا نرفع به سقف مواجهتنا لهذه المحرقة لأقصى درجاتها الممكنة.

حَيَّ عَلَى الْجِهَادِ.. لنحسن علاقتنا بربنا ونتقرب إليه وندعوه آناء الليل وأطراف النهار، وبخاصة وقت السحر، لنصرة المجاهدين الصابرين الصامدين.

بـسـمـــة صـــــلاح يقول...

هههه ازاي يعني مفيهاش حاجه تتقري
بعدين والله ماشاء الله عليك
كفايه ان كلامك بيطلع منك بصدق وموضوعاتك اللي بتطرحها بتعجبني
لو مكنش كدا مكنتش ارخم على حضرتك وازورك
هههههههه
دمت بكل ود
تحيـــــــــاتي(:

zainab elmosalamy يقول...

السلام عليكم ورحمة الله و بركاته

أخى المعتصم

أنا سعيده بزياراتك لى فى مدونتى بس الغريب انك بتزورنى و مش بتسيب تعليق

تحياتى

zainab elmosalamy يقول...

أخى المعتصم

أنا سعدت بوجودك فى مدونتى وتعليقك عندى و لا تعتذر على الإطاله انت ماطولتش و لاحاجه
أمال احنا عاملين مدونات ليه

تحياتى

المعتصم يقول...

بسم الله الرحمن الرحيم
السلام عليكم ورحمة الله وبركاته
***********
اختنا الكريمة شهيدة .كوم
جزاكى الله خيرا على ماتبذلينه من جهد
وبارك الله فيكى ونفع بكى
دمتى بكل خير
************
أختى الصغيرة بسمة صلاح
يارب تكونى بخير
واشكرك على رأيك فى المدونة ولو انا برضو شايف انى بقول نفس الكلام اللى كتير غيرى بيقوله
ماعلينا
ياستى رخمى براحتك وانا هتحمل مايهمكيش بس المهم ان ده مايكونش على حساب المذاكرة
ربنا يوفقك وينجحك يارب
دمتى بكل خير وود
***********
أختى زينب المسلمى
تحياتى لكى
شكرا على مرورك
عادى يعنى انى ازور المدونة ولا اكتب تعليق بعملها كتييييييير
انا بزور مدونات كتير خالص
تقبلى تحياتى ودمتى بكل خير وود
والسلام عليكم ورحمة الله وبركاته