الأربعاء، 17 ديسمبر 2008

يارب لك الحمد حمدا كثيرا طيبا مبارك فيه كما ينبغى لجلال وجهك وعظيم سلطانك

بسم الله الرحمن الرحيم
السلام عليكم ورحمة الله وبركاته
النهارده يوم عيد فى بيتنا وده ليه ؟ اولا انا صحيت من النوم مفزوع على صوت اخويا الاصغر منى بينادينى ولبست نص هدومى تقريبا وانا بجرى فى الشارع جبت العربيه بسرعه مراته كانت على وشك الولاده اخدناها على العيادة وبعد كده الدكتورة دخلتها العمليات وبعد عشر دقايق تقريبا خرج لنا اول حفيد فى البيت ولى العهد المنتظر مش قادر اوصف مشاعرى ومش عارف اقول ايه انا كنت فرحان بيه اكتر من ابوة خطفته منهم واذنت له فى ودنه اليمين وبعدين اقمت الصلاة فى ودنه الشمال واول مااذنت فتح عنيه الحلوين وبص عليا يااااااااااااااااااااه ماتعرفوش السعااااده اللى انا فيها وبعد كده اخده جده اذن له واقام وقعد يقرا قرآن وبعد كده اتفقو كمان انهم يسموه مصطفى على اسم سيد الخلق اجمعين - عليه الصلاة والسلام - واللى انا اتشرف بحمل اسمه ايضا
شوفتو السعاده اللى انا فيها
مش عارف اعمل ايه عشان اشكر ربنا على السعاده والفرحه اللى انا فيها دى
يارب لك الحمد والشكر حمدا وشكرا ملئ السموات والارض وعدد مخلوقاتك مانعلم منها ومالانعلم وماانت به اعلم حمدا وشكرا يليقان بجلال وجهك وعظيم سلطانك
ماتنسوش يااخوانا العقيقه يوم الاتنين الجاى ان شاء الله
وطبعا كلكم معزومين
والسلام عليكم ورحمة الله وبركاته

هناك 5 تعليقات:

م/ الحسيني لزومي يقول...

من اجل مصر
شارك في الحملة الشعبية للقيد بالجداول الانتخابية وادعو غيرك
ضع بنر الحملة علي مدونتك
البنر موجود علي مدونتي
اذا كنت ترغب في وضعه علي مدونتك ارسل ميلك كي ارسل لك كود البنر
ارجو المعذرة للدخول بلا مقدمات لأني ادخل علي مئات المدونات يوميا
م/ الحسيني لزومي
مدونة /مواطنون ضد الشعب

ghorBty يقول...

السلام عليكم ورحمة الله وبركاته

اللهم بارك ربنا يجعلوا من الصالحين يا رب

بارك الله لك في الموهوب وشكرت الواهب ورزقت بره

المعتصم يقول...

بسم الله الرحمن الرحيم
السلام عليكم ورحمة الله وبركاته
ـــــــــــــــــ
م/ الحسينى لزومى
تحياتى
وانا بعت الايميل على الرغم من انى مشترك وكل مرة بروح اصوت وارقع بالصوت الحيانى بس محدش بيسمعنى انما مش هيضر ( من باب وذكر)
ــــــــــــــــــ
أختى الكريمة غربتى
وعليكم السلام ورحمة الله وبركاته
الله يبارك فيكى وربنا يكرمك
مش قادر اوصفلك الفرحه هنا قد ايه والحمد لله رب العالمين على نعمه التى لاتعد ولا تحصى
اللهم امين على دعواتك
وتقبلى تحياتى وشكرا على مرورك
دمتى بكل خير وود
والسلام عليكم ورحمة الله وبركاته

amato allah" هويتى إسلاميه " يقول...

اللهم بارِك

بورِك لكم فى الموهوب وشكرتم الواهب ورزقكم بِره وبلغ أشُده


الف مبارك ربنا يجعله صالح وقرة عين لأبويه

المعتصم يقول...

بسم الله الرحمن الرحيم
السلام عليكم ورحمة الله وبركاته
أختى الكريمة أمة الله
بارك الله فيكى واكرمك
اللهم آمين على دعواتك الطيبه
وشكرا على مشاعرك الجميله وعلى مرورك
دمتى بكل خير وود