الاثنين، 19 سبتمبر، 2011

الخيـــــــــــــــــــــــــــــــــانه

بسم الله الرحمن الرحيم
السلام عليكم ورحمة الله وبركاته
عارف كل اللى هيتقال ومنقطع ومبتعد وكده
بس هى الظروف الصعبه وياريت تلتمسوا لى العذر
******
وعلشان الغيبه ماتطولش لغاية ماصلاح باشا يروح المدرسه
(واخدلى بالك انت ياابراهيم)
انا قلت انزل اى حاجه من المسوده موجوده من قبل كده
اهو تعملى منظر برضو
الموضوع ده كنت كاتبه من سنتين ومش عارف ليه مانزلتوش
ياريت اللى يقراه يقولى رأيه
********
قاعد وانا ومجموعه من الشباب فى مكان كده
وسمعت حوار اتنين منهم مع بعض واللى فهمته من الحوار
ان البشمهندس اللى بيتكلم ده بيكلم بنتين وواحده فيهم واعدها بالجواز
ويبكلم التانيه من وراها
ولما صاحبه قاله انه كده دى تبقى خيانه اعترض وقال لأ
مش خيانه لانى لسه مش متجوزها او مش مرتبط بيها رسمى
ياترى هى الخيانه ماتبقاش خيانه الا بعد الارتباط الرسمى
ولا هو مفهوم الخيانه انحصر فى ان الزوج يعمل علاقه مع واحده تانيه غير مراته وبس
ولا الخيانه دى هى اننا نخون مبدائنا ونخالف ضميرنا فى اى حاجه تانيه مش بس العلاقه الزوجيه
الخيانه ممكن تكون انى ماقلتش لواحد على حاجه ممكن تنفعه وانا كنت عارفها
ممكن تكون انى قصرت مع حد عنده ظروف ومن غير عذر ومتعمد
الخيانه ممكن تكون بالكلام
الخيانه ليها اشكال كتير مش بس محصورة فى صورة العلاقه بين الزوجين
ولما ابتديت اتكلم واقول رأيى للناس اللى كانوا قاعدين معايا لقيت ردود افعال مختلفه منهم اللى موافق ومنهم اللى معترض على كلامى ومنهم اللى شايف انى مكبر المواضيع زياده عن اللزوم
لدرجة انهم خلونى شكيت فى روحى
فى الاخر وعلشان انا مابحبش الجدل واللى ابتدينا ندخل فيه من غير لزمه انهيت الموضوع
وكل واحد يعمل اللى يريحه واللى هو شايف انه صح
مع انى مش مقتنع
بس هعمل ايه؟؟؟؟
ياترى بقى مين فينا اللى صح ومين اللى غلط؟؟؟

والسلام عليكم

هناك 11 تعليقًا:

شمس النهار يقول...

الخيانة خيانة

يعني ايه يكلم اتنين في وقت واحد

دي مسئلة مبدء

ماينفعش
طيب هو يقدر يقول لهم الاتني؟؟
مايقدرش يبقا غلط
الصح دايما بيبقا في النور والغلط هو اللي دايما مستخبي

أم مالك يقول...

مصطفــــــــــــــــى
ازيك وعامل ايه
عارف الخيانة ايه اننا منسألش على بعض كل المدة ديه
والله ليك وحشة والف الف مبروك على صلاح الدين ربنا يجعله ذرية صالحة باذن الله

المعتصم يقول...

بسم الله الرحمن الرحيم
السلام عليكم ورحمة الله وبركاته
********
شمس النهار
تحياتى
منورة مدونتى لتانى مرة
يعنى ايه يكلم اتنين فى وقت واحد؟
طب ومستغربه قوى كده ليه ؟
دا فيه شباب وبنات برضو بيكلموا اكتر من اتنين فى نفس الوقت
وكلهم للاسف عارفين انه غلط بس بيختلقوا مبررات واعذار ويجادلو ومحدش يعرف يتكلم معاهم لغاية مابيصدقوا نفسهم انهم صح
بس نقول لمين
سيبك انتى احلى حاجه انك شرفتينى ونورتى المدونة بتعليقك
***********
ام مالك
امى العزيزة
تحياتى الكثيرة والكبيرة
انا عارف انى غلطان ومقصر معاكى لاقصى الحدود
بس انا عارف انك هتسامحينى
ماهو مافيش ام بتزعل من ابنها مهما كان غلطان(احرجتك اهه)
ماتعرفيش ياست الكل فرحت قد ايه لما شوفت تعليقك
ربنا يبارك فيكى وشكرا على دعواتك الجميلة الصادقه
وربنا يديكى الصحه ويخليكى لينا منورانا دايما يارب
تحياتى ياست الكل
**************
والسلام عليكم ورحمة الله وبركاته

كيــــــــــــارا يقول...

خيانة طبعا

بس مش تزعل نفسك او تحتد كدا لان مش بئا في اللي بيقبل الراي الاخر والوجهات النظر المخالفة

اخبار المدرسة ايه ^_^

ليس فقيرا من يحب يقول...

كنت مستنيه الواد صلاح يروح المدرسه

علشان تيجى تبشرنا بس الحمدلله جيت قبلها اهو

الحمدلله انك بخير يارب يكون الجماعه كويسين

الخيانه هى الخيانه سواء بالتفكير او الفعل بس الناس بتنيم ضميرها شويه
علشان ميقرصش عليها وتحجمها فى شكل واحد بس

انت اخبارك ايه واخبار كل حبايبك

عودا احمد

فتاه من الصعيد يقول...

حمدلله ع السلامه ومبرووووك المولود :)

انا رأيي طبعا معروف طبعا دي مش خيانه لو مافيهمش واحده بيحبها .... دي اسمها معصيه ولعب ببنات الناس :)

norahaty يقول...

من قبل ماأقرأ
اى شىء اقولك
الف مليون حمدلله
على السلامة سعادة
رئيس حكومتنا الرشيدة
حكومة ابر ايجيبت الكبرى

norahaty يقول...

ونروح نقرا بقى
حضر الـــشاى
والبسكويت
وياريت معاهم
دستين جاتووووة
مش ليا لأ !للمدونين:)

norahaty يقول...

الخيانة ممكن
تبقى بالنظرة
مش بس بالكلام
او بالوعد !!

norahaty يقول...

وماتغبش تانى
ياوزيرنا الأول

منجي باكير يقول...

أهلا و سهلا
مدونة الزمن الجميل تتمنّى لك عيدا سعيدا
و كلّ عام و أنت أنقى و أتقى و أرقى
http://zaman-jamil.blogspot.com/