الأحد، 12 يونيو، 2011

صـــــلاح الدين وصــــــل


بسم الله الرحمن الرحيم

السلام عليكم ورحمة الله وبركاته

ازيكم يااهل بلوجر الكرام وحشتونى جدااااااااااااا

يارب تكونوا كلكم بكل خير وفى احسن الاحوال

طبعا انا عارف انه فيه ناس كتيييييييييييييييير نسيتنى

وده طبعا من حقهم لانى بقالى كتيييييييييير كتييييييييييييير مش بدخل على النت خالص

بس معلش يااخواننا الظروف والدنيا والجواز ( ودى نهاية كل معتصم )

هههههههههههههههههههههههههه

طبعا فيه خبر حلو عاوز اقلكم عليه وهو ..........



الحمد لله رب العالمين ربنا انعم عليا وزوجتى ورزقنا بطفل جميل اسميناه صــــــــلاح الديـن

فحبيت بس اعرفكم

وطبعا بما انى فى البيت الكبير وفيه النت موجود

(لانه فى شقتى مافيش عندى نت)

فلازم استغل الظروف واهه حتى اسلم على الناس اللى وحشانى

وان شاء الله ربنا يسهل قريب وارجع تانى للمدونة وللعالم الجميل بتاع التدوين

مش هطول عليكم وارغى كتير

بس ان شاء الله البوست اللى جاى هيكون من يوميات مدرس لو لسه فاكرينها!!!!!!

ســـــــــــــــــــــــــــــــــــــــلام

هناك 11 تعليقًا:

المعتصم يقول...

السلام عليكم
معلش يااخواننا
التعلليق ده محجوز لموناليزا
علشان انا من امبارح مش عارف ادخل اكتب عندها كومنت او اعرفها الخبر
****
ده اذا كان يعنى فيه حد هيعلق اصلا
هههههههه

موناليزا يقول...

وعرفت منين انى هكون اول واحدة جاية تهنى وتبارك:)

الف مبروووووك يا ابو صلاح
يتربى فى عزك يارب

ربنا يباركلك فيه

موناليزا يقول...

بورك لك فى الموهوب وشكرت الوهاب وبلغ أشده ورزقت بره

أم هريرة.. lolocat يقول...

السلام عليكم

الف مبروك عليك اخى المولود الجديد
يارب يجعله ولد صالح بار بربه ونبيه وبوالديه

اللهم انبته نبات حسن واجعله من الصالحين العابدين الساجدين الحامدين الشاكرين لله


http://www.alghat.com/imgcache/4661443964926000eeee056b9f6eaaa8.jpg

ارق تحياتى

ليس فقيرا من يحب يقول...

لولولولولولولولولولولولولولى حمد الله على السلامه يا زميل

الحمد لله انك بخير والف مليون مبروك على ولى العهد يتربى فى عزك

ربنا يجعله ذريه صالحه ويقر عنيك وقلبك بيه

متغيبش بقى تانى ولا المرة الجايه هتيجى تقول ان صلاح دخل المدرسه
ههههههههههههههه

نايس باك يا ابوصلاح

حفيدة عرابى يقول...

بسم الله ماشاء الله اللهم بارك
ربنا يبارك فيه ويجعله من الصالحين وبارا بوالديه
الف مبروك يازميل :)

المعتصم يقول...

السلام عليكم ورحمة الله وبركاته
***********
موناليزا
منورة بلوجر كله مش مدونة اخوكى بس
الله يبارك فيكى ويارب يفرح قلبك زى مابتفرحى لينا كده يارب
وبعدين انا كنت تقريبا متأكد انك اول واحده هتدخل المدونة مش عارف ليه
اهو احساس كده
واهو صدق
اسعدنى مرورك
************
ام هريرة
وعليكم السلام ورحمة الله وبركاته
اهلا اهلا بيكى اختنا الكريمه
وشكرا على دعواتك الجميله
ومرورك الاجمل
نورتى المدونه
**************
رانيا هانم
منورة الدنيا
كل دى زغاريط
ههههههههههههه
ياستى يتردلك فى الفرح ان شاء الله
بس احنا مش بنزغرط احنا بنطوخ على طول
ربنا يبارك فيكى يارب
بس ده انتى متابعه اهه
بوست ينزل يقول انا خطبت ونقطع شويه وينزل بوست يقول الفرح بكرة ونقطع شويه
وبعدين بوست يقول صلاح وصل
تصدقى حلوة فكرة صلاح راح المدرسه
عجبانى بجد
هههههههههههه
اسعدنى مرورك
************
حفيدة عرابى باشا
استاذتنا الفاضله
منورة الدنيا
الله يبارك فيكى يارب
وربنا يفرح قلبك
وشكرا على دعواتك الجميلة ومرورك الاجمل
نورتى المدونه يازميلة:)

د/عرفه يقول...

يا هلا يا هلا


وحشتنا والله


وإزاى ننساك بس ياريس

والف مبروك على المولود الجديد وان شاء الله يكون من رواد الامة ويجعل من إسمه نصيب


نورت بلوجر مرة تانية

ليس فقيرا من يحب يقول...

ههههههههههههههههه ربنا يفرح قلبك يااارب

وطوخ براحه راحه هو احنا فى ديك الساعه لما ابوصلاح يشرف

ههههههههههه متغيبش تانى وتصدق موضوع المدرسه ده

شوكولاتة يقول...

مبروك صلاح الدين وان شاء الله تفرح بيه كده ويكبر بسرعة ويطلع عينك. وعيب متسالش فاكرينك ولا لأ

فاكرني انا بقى

MaNoOoSh يقول...

الف مبروك يا معتصم

ويارب يطلع لمض علشان يطلعه عليك زي ما كنت بتتلامض علينا
:)))))

ربنا يباركلكم فيه ويجعله من الذرية الصالحة ان شاء الله