الثلاثاء، 27 أكتوبر 2009

نحــــــو الأميه


بسم الله الرحمن الرحيم
السلام عليكم ورحمة الله وبركاته



النهاردة كان عندى امتحان محو الاميه لخمسه المفروض (واخدين بالكم من المفروض دى) انى بعلمهم علشان امحى اميتهم
الحقيقه انا ماليش فى الموضوع ده على الرغم من انه موضوع مربح عند بعض الناس
بس انا مش فاضى
انما لما جيت استلم الشغل وابقى معلم اجيال قد الدنيا الباشمهندز المحافظ بتاعنا اشترط انه اى شخص هيستلم تعاقد ويبقى مدرس لازم يجيب خمسه يمحو اميتهم
وطبعا بما انه كله فى الكليتش اكتب اى خمس اسامى وهات اى خمسه ناس يدخلوا يمتحنوا مكانهم وخلاص واهو كله شغاااااااااااااال
ومحدش يقولى طب ماتمحو الاميه بجد
اللى بيتكلم وايده فى الميه مش زى اللى ايده فى النار
ييجى هو ويورينى شطارته
انا راجل بشتغل الصبح مدرس وبقبض 300 جنيه

وعاوز اتجوز وابقى صاحب بيت واسرة

يعنى بشتغل كمان شغل تانى بيدخلى بتاع 200/300 جنيه كمان

(ده اقل ايجار شقه دلوقتى 350جنيه)

يعنى مش فاضى اعلم حد

واصلا الناس الكبيرة دى والعيال اللى طفشت من المدرسه عشان اقنعهم واقولهم تعالو محو الاميه يبقى كأنى بشتمهم بعيد عنكم

(تبص تلاقى الواحد راح زاغرلك كده وعنيه بتطق شرار وقالك اطلع من نافوخى ياافندى احسنلك يبقى من الاحسن انك تحترم نفسك وتمشى من وشه بالذوق والاااااا......)
فاضطريت اعمل زى الناس

(ماتفهمونيش غلط)

واضرب كشف نحو الاميه خصوصا انه انا مكنتش عاوز استلم الشغل ده

(لو تفتكروا)

وروحت متأخر خلصت الاوراق وكان لازم وضرورى وحتما كشف نحو الاميه
وفعلا

وكان النهارده الامتحان
طب لما انتو مهتمين قوى كده بمحو امية الناس الجاهله بتفبركو فى الامتحانات ليه؟؟؟
بعد القرف دا كله واروح الف على الناس واتحايل عليهم عشان ييجوا الامتحان ومايرضوش
واجيب ناس مكانهم عشان يدخلوا باساميهم وفعلا المراقب يوافق على تلاته (المشكله انه طلع الوحيد اللى كان فعلا اسمه فى الكشف بجد والله العظيم) ويدخلوا ويمتحنوا ويكتبوا
يطلع بعد ده كله انه اللى بيدخل الامتحان بيكتبوله على السبورة وهو يادوب ينقل

وممكن لو مش بيعرف ينقل حد من الموجودين يكتب له
طب لزومه اييييييييييييييييييييييييييييييييه ياناس ؟؟؟؟
حد يقولى ويفهمنى
هى فى الاخر انا عرفت انها سبوبه والناس القائمين عليها بيطلعوا من وراها بلقمة عيش حلوة
عشان كده انا هفضل مُصر على انها

نـــحـــــــــــــــو الاميــــــــــــــــــه
ولينا رب اسمه الكريم
وربنا يصلح الاحوال

ســـــــــــــــــلام

هناك 56 تعليقًا:

خواطر شابة يقول...

لله في خلقه شؤون فما تحرقش دمك

ريمان يقول...

يالهوى


هو الموضوع كده؟


انت عارف
انا بعمل الوقتى خدمه عامه وقالوا ان الاولويه فى التعيين لمحو الاميه بس قالوا انها مش اجبارى


طب انت مطلوب منك خمسه


انا مطلوب منى 15


قولت لاخويا يلف على الرجاله النجارين يجيبلى بطايق حد منهم عشان امحى اميته ولا حد رضى وكلهم استهزؤا بالموضوع

اروح للست بتاعه الخضار اللى على ناصيه الشارع مش راضيه


قولت بلا محو اميه بلا هباب


وكمان مصعبينها علينا اوى وبيقولوا هيبقى فى مراقبه وفصول ومتابعات ونيله


اشمعنى معاك انت الموضوع مشى كده


انا مشكلتى انى مستصعبه موضوع محو الاميه ده

لكن لو زى ما انت قولت كده يبقى الموضوع مجرد ورق وخلاص

موناليزا يقول...

ارفع رأسك يا أخى فأنت فى مصر:)

من ضمن حاجات مخلتنيش اقدم فى التعاقدات حكاية محو الأمية دى:)

Ahmed يقول...

يووووووووووووووه
يادي النيله
حتى في ديه كمان

طب لما هيا العمليه كلها روتين وتمثيل, مايطلعش واحد ويقول لموا نفسكم وبطلوا لعب عيال
محدش يقول تعالوا نمحي الأميه بجد

لا حياة لمن تنادي

الشعب لابد له من حكومه تشكمه يقول...

اه انا اعرف الموضوع ده فعلا وفى ناس علشان تتعين لازم يعملوا محو اميه بس بينى وبينك عمرى مشوفت حد علم واحد كله كلام...
احنا بص بلد ميهمهاش الافعال مش ورقك سليم وختم النسر والدمغه يباه كله تمام وسيبك انت من اى حاجه والاجمل من الشغل تظبيط الشغل:))

اسسسسسسسسسسسسكت انا بكتب حاليا وبتفرج على اوبريت اكتوبر الجديد وعلى الهواء مباشرة اوم من ضمن الحجات الى بيغنوها ان من انجازات اكتوبر القراءه للجميع ههههههههههههههههههه اى والله بكلمك جد او مى كساب بتقول كده اهى وتقولك القراءه يعنى حضاره المفروض انت تروح تقولها هأأأأوووووو مش لما يعرفوا يقروا الاول هههههههههههههههههههههههههههههههههه.

غير معرف يقول...

هههههههههههههههههه

كلنا سنتجه نحو الاميه بعون الله

تحياتي

عمرو جويلى يقول...

حضرة الصعيدى الهمام
السلام عليكم
هى فى الاخر انا عرفت انها سبوبه والناس القائمين عليها وهى دى الحقيقةياصديقى
فيلم كبير ومانشيتات أكبر والآخر غنيمة
ويتقاسمها الحرامية
خالص تقديرى

المجاهد الصغير يقول...

السلام عليكم
حسبنا الله ونعم الوكيل
حسبنا الله ونعم الوكيل
قال عوزين نبقى ذى الصين
وفقك الله لما يحبه ويرضاه

ليس فقيرا من يحب يقول...

هههههههههههههههههههههههههههه

هو فى التعين كمان لازم نحو الاميه ده
اصلى قدمت فى الخدمه العامه فكان اجبارى انى انحى اميه 10 افراد فضلت ادور ملقتش حتى فرده واحده
قمت مدياهم هما والخدمه بالفرده وعملولى انقطاع
كاتهم ستين نيله بلد بتاعت اوراق صحيح

تحياتى ليك وربنا يطمنك يا اخويا زى ما طمنتنى

Sweet Violet يقول...

اخويا الكبير
مش مستغربة من اللى بتقوله لان اى حاجة متوقعه فى البلد دى
لكن
فى نفس الوقت مصدومة !!!
v_v

حفيدة عرابى يقول...

انا عايزة اقولك حاجة بس مش قادرة
عايزة اقولك ان كده حرام
وانك المفروض تعلمهم بجد
بس قلت لنفسى
انا من مرحلة سبقته بشوية
لحقت التعيين فى اواخره
وانا مش راجل
ومرتبى قرب يوصل 800 جنيه
لانى معلم أول اد الدنيا
وبتخنق من العيال الصغيرين الاغبياء
ومقدرش اعلم حد نحو الامية
وعندى اللى يصرف على
ومش محتاجة اشتغل تانى بعد الضهر علشان
ادفع ايجار شقة واتجوز زى كل البشر
يبقى ماينفعش اقعد رايقة اقولك حرام وحلال

فى الاخر
ربنا يعينك انت وكل اللى زيك
ويغفر لك ويغفر لنا كلنا كل خطايانا
الظاهرة وغيرها
وحسبى الله ونعم الوكيل فيك ياحسنى يامبارك
انت وكل اللى بيساعدوك تخرب فى البلد اكتر ماهى
ياولى الامر
ياامام المسلمين
ماذا تقول لربك غدا

ستيتة يقول...

حسبي الله ونعم الوكيل فيكي يا بلد
مدرس ب 300 جنيه
يمحي امية خمسة يعني يقعد سنة يطفح الكوتة ببلاش
عاوز يتجوز وخلاص اصبح حقه من غير كلام ولا مماطلات
اللي بتشترطوه بتهدوه يا ولاد ...... بالضبط زي جودة التعليم حدانا .. جودة في بلد البلاهة المفرطة
لأ
حرام عليك يا درش
الله يخرب بيوتهم
يارب
نفوخي

طوبه فضه وطوبه دهب يقول...

الشعب المصرى كل ما يعمل حاجه لازم يطلع من وراها سبوبه اللى ليه واللى مالهوش الناظر والفراش حتى بواب المدرسه ياه لو يسيبوا الموضوع اختيارى واجتهاد وما يكونش شرط ابدا لاستلام وظيفه لان اللى بيعمل شىء مرغم عمره ما بيعمله بحب وبالتالى عمره ما هيكون كامل يارب الناس دى بقى تفهم وتحط النقط على الحروف الصح وتبطل تصدر قرارت وهى قاعده على الكراسى مش دريانه بالتحت ينزلوا على ارض الواقع شويه بلاش الكرسى اللى فى السما اللى مش حاسين بسببه باى حاجه من اللى بتحصل

مسدس صغير يقول...

ع العموم انا هتصل بوزير الامية واعرفه انك مبتمحيش امية حد
بل بالعكس انت السبب فى الامية
وكمان قايل عليهم كلام مينعش ابدا مواطن زيك وكمان بتقبض يقول الكلام ده عليهم
بتشتم وزير الامية؟؟؟؟؟؟؟؟؟؟؟
طوووووووووويب
هتشوف
ههههههههه
نحو الامية صحيح

حبيبى يا درش

adel يقول...

انا لو مكانك

هاعمل اللي بتعمله برضه
وده مش غلط فعليا

اللي عاوز يصلح يبدأ من فوق مش من تحت ابدا

♥نبع الغرام♥♪≈ يقول...

يع يع

الله اكبر

ازيك يا ابو زمل
اختك زميله فى الكفاح بردا

ممممممممممممممم

خلى الطابق مستور

هههههههههههههههههههههههه
والله قلبت عليا المواجع
نفسى اللى بيحصلى بس على مين على نوسه
ولا بعبرهم
ههههههههههههه
تسلم

Unknown يقول...

السلام عليكم ورحمة
الله تعالى وبـركاته
وصباح الفل يازعيـــم
من قلبى والله بقول الله
يكون بعون كل من يشتغل
بالتعليم سواء نحو أو محو
الأميـــــــــــــــــــــة
شغلانة التعليم ذات نفسها فى
بلدنا مهمة شآآآآآآآآآآآقة اوى
حاولت انا الحكاية دى زمان لما كان
فيا صحة ونفس مع اتنين من (الشغالات)
عندنا واحدة لم تستجب اطلاقاً لان لم يكن لديها الرغبة أما الاخرى فأتعلمت
لانها فعلا كانت حاطة فى دماغها
الموضوع دا وكمان كانت ماشية
معايا خطوة بخطوة فى المدرسة
التعليم فى الكبر من أصعب
الاشياء ةاسألنى انا
حاليا على حالى
:(:(:(:(:(

رحلتنا في الحياة يقول...

ازيك ياابن خالى الحمد لله انك لسه عايش ^_^
وبعدين انت مزعل نفسك ليه قوى كده انت مش عملت زى الناس وامتحنوا نحو امية خلاص بقى مش تزعل نفسك خالص اصل هى دى مصر ياعبلة
وابقى ابعتهم لى انا العمهم انا قاعدة فاضية بهش دباب

رحلتنا في الحياة يقول...

الله الله ايه موضوع الخدمة العامة بقىىىىىىىىى انا لسه هروح اخلصها يبقى هيستهبلوا معايا ولا ايييييييييييه
مع انى واخدة دورات فى محو امية الكبار ^_^

mohamed ghalia يقول...

هههههههههههههههه
يلا ياعمنا نحو الأمية نحو الأمية جت على دى

Unknown يقول...

نحو الأمية
يا ننيس
:-)
منور يا عبد الله
ههههههههه
تيدا

فاهم قصدى طبعاً
اقصد عبد الله مشرف فى شخصية عبد الله فى مسلسل ونيس

تحياتى
و متزعلش نفسك اذا كان مصر نفسها لسة بتفك الخط من يومين بس
!!!

ايوشة يقول...

ايه الاستغلال ده محاضرات ايه اللى اظبطها دى ايه الاستغلال ده
بنت خالتى تقولى هتظبطيلى المحاضرات وزمايلها وحتى صاحبتى اللى بتاخدها سنة واحدة تقولى هتظبطيلى المحاضرات علشان هى بتشتغل وانا عاطلة طيب وانا مين يحضرلى محاضراتى ان شاء الله عاااااااااااا :(








الجدول تقريبا تقريبا هيكون موجود يوم السبت على حسب كلام الناس اللى فى الجامعة بس الكلام ده على الدبلومة المهنية علشان هى نظام ترم والمفروض يعنى ان عندنا نص سنة يبقى نبدا بدرى
على العموم انا هروح الجامعة السبت واشوف الجدول لقيته نزل هبقى اقولك عليه

المعتصم يقول...

بسم الله الرحمن الرحيم
السلام عليكم ورحمة الله وبركاته
********
خواطر شابه
تحياتى
واهلا بيكِ فى اول مرور ويارب مايكونش اخر مرور
بحاول انى مااحرقش دمى بس للاسف مش عارف اكبر
(هو انا سميت المدونة مش عارف من شويه)
نورتى المونة بمرورك وشكرا على النصيحه
**********
ريمان
ده الموضوع اكبر من كده
مطلوب منك 15 ؟؟؟؟؟؟؟
سيبيها احسن
بلا تعليم بلا كلام فاضى
دوريلك على شغلانه تانيه احسن
وبعدين جايه فى اخرها وبتقرى عليا!!!!
وبعدين فاكرة انه مجرد ورق
طب ورينى شطارتك وخلصى الورق ده
ماهو الكلام فى البراح سهل انما لما ندخل فى الجد لازم الكلام يتغير
على فكرة بقى انا بجهز كشف تانى فيه 10 همحى اميتهم(وش مطلع لسانه)والكلام ده بجد
هههههههههههههههههههههه
نورتى يالماضه
************
موناليزا
مش قادر ارفعها علشان رقبتى وجعانى
يعنى ماقدمتيش عشان محود الاميه بس؟؟
طب كنتِ قوليلى وانا كنت ظبتهالك
ههههههههههههههههههههه
نورتى ياموناليزا
************
احمد ابوالعلا
ايه ياعم
طب يعنى ينفع الكلام اللى انت بتقوله ده؟؟
ياراجل عيب عليك
بقولك سبوبه ولقمة عيش حلوة
هو انت مش من هنا ولا ايه
اهدا كده وركز يابشمهندز
وبعدين اللى بتنادى عليه ده مات وشبع موت ياعم
نورت ياهندسه
*************
الشعب لابد له من اسمهم ايه دول
وحياتك ياشيما عمرك ماشوفتى ولا هتشوفى حد بيمحى اميه حد
الله ينور ياباشا اهم حاجه الورق والختم بتاع النسر
اوبريت اكتوبر ازاى يعنى
التعليق ده مكتوب يوم27 هو مش الفروض ان الاوبريت بيبقى يوم6اكتوبر
وبعدين ماهو مهرجان القراءة للجميع فكروا فيه وهما بيعبروا قناة السويس
يبقى من انجازات اكتوبر اومال ايه
وشوقيه هى اللى بتغنى كمان
هأأأأأأأووووووووو واحده مش كفايه
(هى بصراحه عايزة كلمه تانيه بس عيب)
نورتى المدونة ياشيما
************
فتاة من الصعيد
ايه يامروة كلنا سنتجه دى؟؟؟
احنا اتجهنا وخلاص من زمان
متغيريش فى الحقايق
عيب كده هزعل منك
هههههههههههههههه
نورتى يامروة
**************

المعتصم يقول...

اللؤلؤة
صديقى المنوفى التمام
وعليكم السلام ورحمة الله وبركاته
ماانا كنت فاكر الاول انها فعلا حاجه كويسه بس بعد كده عرفت زيك بالظبط انها سبوبه وسبوبه جامده كمان
وحسبنا الله ونعم الوكيل فى كل الحراميه اللى ماسكينها وناهبينها
نورت بمرورك الجميل ياباشا
***********
المجاهد الصغير
وعليكم السلام ورحمة الله وبركاته
ام انس يارب تكونى بخير
وكمان مرة من عندى حسبنا الله ونعم الوكيل
نبقى زى الصين ازاى يعنى ؟؟؟
مين اللى قال الكلام الفاضى ده
هههههههههههههههه
اشكرك على زيارتك
نورتى
****************
ليس فقيرا من يحب
ايه يارانيا كل الضحك ده
لازم فى التعيين عندنا فى محافظتنا بس
والله عملتى خير
وعلى فكرة يعنى ورقة الخدمه العامه بتتظبط بعد كده مش مشكله كبيرة يعنى
اى خدمه
اى موضوع عاوزة تتطمنى فيه قوليلى وانا اطمنك على طوووووووووول
هههههههههههههههههههه
نورتى يارانيا بمرورك الجميل
**************
سويت هانم عندنا
لا لا لا انا مش مصدق
وياترى الرضا السامى دا كله ايه سببه
ماانتِ كنتِ مقطعانى
ههههههههههههههههه
بس بقى بلا اخويا الكبير بلا اخويا الصغير جايه تثبتينى مابكلش انا من الكلام ده
وبعدين ايه دى حاجه متوقعه وانتِ مصدومه
طب منين وفين وليه
يعنى متوقعاها يبقى ايه اللى يصدمك
؟؟؟؟؟؟؟؟؟؟؟؟؟؟؟؟؟؟؟؟؟؟
نورتى معاليكى
*************
لقد خلقنا الله احرارا
(حفيدة عم عرابى)
يعنى هو بعد اللى قلتيه دا كله وفاكرة نفسك ماقولتيش انه حرام؟؟؟
حرام عليكى
ههههههههههههههههه
شوفى انا عارف كويس انه حرام
وعشان كده انا عملت ايه ؟؟
قلت للناس اللى امتحنت انه كل واحد فيهم هينجح انا هديله 100 جنيه اللى هى هتتصرف ليا بدل تعليم لهم
يعنى انا مش طالع من ورا الموضوع ده غير بوجع الدماغ من اللى اتعمل فيا فى اليومين بتوع تخليص الورق والامتحان
يبقى حرام بقى ولا حلال ؟؟؟؟؟؟؟
ياريت تقوليلى بجد
ومتشكرين على الدعوتين الحلوين اللى فى الاخر دول
وماليش دعوة انا بآخر حته دى
ولا اعرفك
ده عمك حسنى ده احسن واحد
وبعدين غدا هو هيقول ايه ولا ايه ولا ايه من كتر اللى المفروض يقوله مش هيلاقى حاجه او مش هيعرف يقول حاجه وهيروح عند مالك بقى وهو يظبطه
هههههههههههههههههه
نورتى المدونة بمرورك الجميل
**************

Sweet Violet يقول...

انا متوقعه الفعل
لكن
مصدومة من رد الفعل

و كمان بقى انا مين قال انى مقاطعك ؟؟
مابطلوا بقى الظلم ده
هو بس علشان بوست مش رديت عليه
ياساتر مافيش التماس عذر خالص كده
الله يسامحك
v_v

المعتصم يقول...

د/ستيته حسب الله الحمش
اهلا اهلا بنوارتنا ووزيرتنا
اه والله المرتب 300جنيه
عشان مابقاش كداب 314 يعنى هدخل النار على 14 جنيه
هههههههههههه
لااااااااااااا
انتِ ماتعرفيش كل واحد ينجح من الخمسه اللى المفروض امحى اميتهم ينجح اخد عليه مكافاة 100 جنيه
ده المفروض
وهما يهبشوا من وراه بقى اللى يهبشوه معونات ومساعدات وميزانيات وغيره
بس عجبانى حتة جوده فى بلد البلاهه المفرطه دى قوى
النهارده بسأل ولد عندى فى الفصل عمل حركه كده عملتها ليه ؟؟ قالى اصل انا غبى جدا
هههههههههههههههههههههههه
طب الله يخرب بيوتهم ماشى
انما حرام عليا انا ليه؟؟؟
ههههههههههههههه
يعنى مااحكيش ولا افضفض واتجنن والسع اكتر مانا لاسع مش كفايه بمشى اكلم نفسى فى الشارع
هههههههههههه
نورتى يادكتورة وسلامة نافوخك
*************
طوبه فضه وطوبه دهب
اهلا اهلا بالبياطرة
ماهو نظام الفهلوة والشطارة والنصب ده خلاص بقى طبع فى الغالبيه وخصوصا الناس اللى بتمسك مناصب ولازم يطلعوا سبوبه من اى حاجه تحت ايديهم ايا كان المنصب ده ان شاالله البواب
ههههههههههههههههههه
وبعدين ينزلوا تحت فين ؟؟؟ هو تحت ناقص قرف
الله يسترك سيبيهم احنا مش ناقصين
اصلهم حتى لو نزلوا تحت انتِ فاكرة يعنى انهم هيشوفوا الامور زينا كده ؟؟
ابدا وحياتك دول ليهم نظرة مبعديه خاصة بيهم و ......
بلاش احسن هخبط وانا لو اتفتحت مش هسكت
واحنا اليومين دول مطبقين علينا فى البلد الطوارئ
نورتى يادكتورة
***************
مسدس صغير
ابوصلاح حبيبى
ليه كده بس ؟؟ يرضيك ابونسب بتاعك يتعمل فيه اللى هيتعمل ول كلمت وزير الاميه
حرام عليك
بس انا عارف ان قلبك طيب وبتطخ على مافيش وكله تهويش ومش ههون عليك
ههههههههههههههه
وبعدين تعالى هنا انا ماشتمتش حد ياعم هو انت عاوز تلبسنى قضيه وبس ولا ايه؟؟ فين الشتيمه دى؟؟؟
ايه يامتر فين الادله بتاعتك
اهو كده انت بقيت تبع نحو الاميه القانونيه يامتر
ههههههههههههههههههههههههههه
نورت ياصلاح باشا
*****************
عادل بتاع الحكومه
(اوعى تطلع عميل وتبيعنى)
الله عليك هو ده الكلام
قولهم والنبى ياعادل
طب اعمل ايه انا؟؟
وبعدين معاك حق اللى عاوز يصلح المفروض انه يمحى الامية اللى فوق الاول بتاعة الناس اللى المفروض انهم متعلمين وبعدين يدور على الناس اللى مش متعلمين اللى زى حلاتنا
اممممممممممممم
كفايه كده
هههههههههههههههه
نورت يادولا
****************
ايناس هانم
طب قرفانه ليه بس ؟؟؟؟
الله اكبر ولله الحمد
هو انتِ طلعتى زميلة كفاح برضو
بصره
ههههههههههههههههههههههههههه
سلامتك الف سلامه من المواجع
اعدلى كل المواجع اللى انا قلبتها ولا كأن فيه حاجه حصلت وانسى
ههههههههههههههه
ومين سمعك انا برضو ولا بعبرهم ولا هعبرهم
ويحصل اللى يحصل
تيييييييييييييييييت كبيره فيهم
هههههههههههههههههههه
نورتى يانوسه
*************
الدكتورة نور
وزيرة الصحه حدانا
منورانا
وعليكم السلام ورحمة الله وبركاته
صباح الورد والياسمين على عيونك يادكتورتنا
اه والله الله يكون بعون اللى بيشتغل فى التعليم عموما(بس اللى مش منفض او مش عارف ينفض زى حلاتى كده)
بس والله التجربه بتاعة حضرتك زى الفل اهه وفيه واحده اتعلمت
انا الناس ماكنتش راضيه تيجى حتى الامتحان مش تتعلم حتى بعد ماقلتلها على الفلوس وانى هدى كل واحد فيهم 100 جنيه لانهم مش حاطين التعليم فى دماغهم من ناحيه وبعدين شايفين انه مالوش لازمه
ياترى ايه اخبار الفيديو كونفرانس؟؟
هههههههههههههههههههههه
نورتى المدونة يادكتورتنا بمرورك الجميل
****************
ايوشه بنت خالى
ايه لسه عايش دى؟؟ عمر الشقى بقى
وحياتك كنت فى وسط المعمعه راجع من المدرسه ورجال الامن ماشيين حواليا بيقفشوا فى الناس بس ربنا سترها معايا
اصل انتِ عارفه انا غلبان ومسكين
ههههههههههههههه
وبعدين يعنى هى عبلة دى ورايا ورايا فى كل حاجه فى البلد ؟؟
واللى امتحنوا عندى تلاته بس والمفروض اعلم خمسه يعنى كده كده عندى ملحق ولازم اجيب ناس تانيه
شوفى الكلام فى الوسع حلو قوووووى وزى العسل بس لو بعتلك الناس اللى المفروض انك تعلميهم هتكرهى التعليم اساسا ده من ناحيه (ده انا قابلت واحد يوم الامتحان عبارة عن كتلة غباء متجسده فى شكل واحد كان بيقول اسمه غلط ولما المراقب بيسأله يقوله اصل انا مش بعرف اقرا طب وهو مال القرايه ومال اسمك قال ايه بيثبتله انه جاهل)
......
سيبك انتِ ورق الخدمه العامه بيتظبط بس انتِ فتحى نافوخك والدنيا عتبقى فله
وخدى عبلة معاكى وهى تخلصلك كل حاجه هناك
دورات مين وبتاع مين يابنتى دول مش بينفع معاهم الكلام ده
نورتى يابنت خالى
*****************

د/عرفه يقول...

بتسأل لزمته ايه
تستيف الورق
وتخليص الاجراءات
وعلشان توصل التقارير
كله تمام يا ريس

بالظبط زى لجان التطوير عندنا
كلها ورق فى ورق وخلاص

واخرهم يدهونوا حيطة ولا يركبوا سيراميك
وكده يبقى كله تمام وزى الفل


بالش والنبى انا ضغطى بيعلى

Kiara يقول...

هههههههههههههههههههههههههههههههه

موتني من الضحك وربنا

كاتبين علي السبورة فكرتني بشكل سمير غانم وهو بيعلم الكبار والكل فاتح بقه

********

صعب اوي موضوع شغلتين وكمان تعلم ناس يانهاري

بس المرتبات عندكم مالها نازله اوي كدا ليه ؟؟ دول يكفو ايه ربنا يكون في عونك بجد بس نصيحه دور علي شغل تاني

المعتصم يقول...

محمد غاليه
ياهلا بالمنايفه يااهلا
على رأيك والله يامحمد يعنى هى جت على دى
معاك حق
نورت ياباشا
**************
بدراوى
يامرحب يامرحب
وبعدين هو فيه حد مايعرفش عبدالله يااحمد
مكنش لازم تفسرها كانت هتبقى احلى
وبعدين بحاول ماازعلش نفسى مش عارف ياجدع تصدق
ومين اللى بيطلع علينالااشاعات المغرضه دى؟؟
مين اللى قالك ان مصر بتفك الخط اصلا ياعم؟؟
بطلوا اشاعات بقى
ههههههههههههههه
نورت يااحمد
***********
ايوشه بنت خالى
طبعا لازم استغلك مش انا ابن عمتك الكبير
وبعدين انتِ لازم تخلى فيه شويه من الاحمر وتقولى حاضر اديكى شايفه شغل ونحو اميه وبلاوى
يعنى مش فاضى
يبقى الفاضى ياخد من المليان وسيادتك فاضيه مافيش وراكى اى حاجه يبقى انتى اللى تظبطى الدنيا
وكده كده اديكى بتذاكرى
وبعدين انا ماليش دعوة بالناس الكتير اللى قولتى عليهم دول سيبك منهم انتى تظبطيلى انا المحاضرات وبس دول ممكن يحضروا ويذاكرو
انما اخوكى نسى يعنى ايه محاضرات ومذاكرة من زمااااااااااااان ده انا دفعة 2001
وبعدين هو انتى هتاخدى دبلومه مهنيه ولا عامه؟؟
عموما انا مش فارقه معايا
الجدول ينزل ولا يطلع براحته
هههههههههههههه
متشكرين ياست ايه على دور الواجب اللى لسه مااتعملش (شوفتى التثبيت ده)
هههههههههههههههههههه
نورتى ياايه يابنت خالى
**************
سويت هانم اختنا الصغيورة
بعد الشر عليكى من الصدمه
بس للاسف هو ده اللى بيحصل واكتر
وبعدين يعنى لما ممافتريش على اختى الصغيرة هفترى على مين؟؟ هه؟؟
هى ماشيه كده
هههههههههههههههه
بس خدى بالك هو مش بوست واحد
اكتر من واحد
وبعدين التماس عذر لمين ؟؟ ماانا عارف انك مافيش وراكى اى حاجه وفاضيه هو مش احنا اخوات وقاعدين فى بيت واحد وانا عارف كل حاجه بتعمليها
ولا تكونيش بتعملى حاجه من ورايا؟؟؟
(حلوين البقين دول صح؟؟)
هههههههههههههه
نورتى ياسويت
*************
د/عرفه
الف سلامه عليك من الضغط
هو انت زى حلاتى جالك بدرى بدرى
ههههههههههههههه
ماهو انا كنت على نياتى وكنت فاكر ان الدنيا ممكن تكون ماشيه عدل فى حاجه واحده
طلعت حتى دى سبوبه ومالهاش لازمه
سيبك ياعم
المهم انت عامل ايه؟؟
يارب تكون كويس
نورت يابشمهندس محمد
هههههههههههههههه
تحياتى
والسلام عليكم ورحمة الله وبركاته

المعتصم يقول...

كيارا
لألألألألألألألأ
انا مش مصدق نفسى
هو انتِ لسه فاكرة المدونة بتاعتى
كويس انك ضحكتى
يارب دايما
خلى بالك اللى بيحصل اغرب كتير من اللى ممكن نشوفه فى المسلسلات
ده انا يوميها ضحكت لما عنيا دمعت ساعه كامله من الضحك المتواصل على المهازل اللى بتحصل
واحد اسمه محمود عبدالله احمد حسن
المراقب يسأله اسمك ايه يقوله محمد حسن احمد عبدالله
وليه دا كله عشان يثبت للمراقب انه مش بيعرف يقرا ويكتب
طب ياابنى هى دى محتاجه اثبات ماانت شكلك باين عليه الغباوة اصلا
وغيره كتييييير
شوفتى التعب اللى انا فيه
مش انا مسكين وغلبان والنبى
ههههههههههههههههههههههههه
يعنى هو مثلا عندكم المرتبات طالعه؟؟ ماهو المترب بتاع المدرس المساعد كده فى كل حته
ولا يكونوا قالوا دول صعايده وبيدوهم عندكم اكتر مننا؟؟؟
ده انا اخرب الدنيا
ابقى اسأليلى فى الموضوع ده
وبعدين ماانا بشتغل شغل تانى ولا انتِ قصدك شغل غير التدريس ؟؟ ايدى على كتفك بس انا من كتر التعب اللى فى الدنيا نسيت المحاسبه خالص
نورتى ياسموالاميرة منى

Kiara يقول...

لالالالالا دا فعلا اثبات جامد انه مش بيعرف يقرا ههههههههههههههه

ربنا يكون في عونك وربنا

بس انا منستش المدونة ولا عمري هنساها بس والله ظروف مرت عليا مش اكتر

اما موضوع المرتب انا اقصد ان تشتغل في مدرسه قطاع خاص يعني كان معروض عليا اشتغل مدرسة كمبيوتر في مدرسة خاصه ب1200 ومدرسه تانيه ب400 واخويا بياخد في التدريس في الرينج دا

يعني تشوف مدرسة قطاع خاص مثلا

وبالنسبه للمحاسبه خد دورة تدريبيه مثلا عشان تدعم السي في بتاعك

وقدم في شركات ودي مرتبها لايقل عن الف جنيه

ليه زانق نفسك في 200 و300 جنيه دور شويه دوووور

الشعب لابد له من حكومه تشكمه يقول...

يانهاااااااااااااااااااارى انت مش عايش فى النيا خاااالص.
انت متعرفش ان 6 اكتوبر غيروه اه باه يوم 27:)
يامستر متفهمش ليه بقالهم كام سنه بيعملوا الاحتفال فى اخر اكتوبر مش زى الاول.ايه الحكمه اله اعلم.
بس بينى وبينك من وانا صغيره بحب اتفرج عليه تقولى ليه اقولك من وقت اخترناه وبيعناه وانا بقيت مدمنه كل اكتوبر امشى ادور على اغنيه زيها:)

mimi يقول...

خد إسمي أنا فعلا محتاجة كورس نحو الأمية بجد

هيا الشهادات العالية عملنا بيها إيه؟

ربنا يوفقك يارب ونفرح فيك

أأأقصد نفرح بيك طبعااااااا

يساري نوبي يقول...

نحو الأميه
الأميه مش وحشه برضه...المغول بنوا حضاره عظيمه من غير مايعرفوا الكتابه ممكن احنا كمان نكون زيهم
عامة الكتابه والقراءه شئ غير مرغوب فيه ف بلادنا حتي من خريجي الجامعات
شكرا علي الموضوع الجميل و ربنا معاك

ايوشة يقول...

اخلى عندى شوية من الاحمر طيب بذمتك اللى بيحصل فى البلد دى يخلى الواحد لسه فيه دم
انا كل يوم بحرق بتاع 4 لتر دم من الغيظ :)
وانا دبلومة مهنية علشان خريجة تربية مش زيكم ياعينى ادبستم فى الدبلومة العامة اللى كلها مواد تربوية :)
وبصراحة ربنا يكون فى عونكم دبلومة ولا نحو امية ولا دورات الicdl انتم حالتكم كرب والله

غير معرف يقول...

هييييييييييه انا جيت اخيررررر

لا بجد متقلش عاااااارفة

من غير ما تقول

انا وحشة بجد ومقصرة معاك

تصدق اول ما اشوفك منزل بوست بدخل افتحه علطوول

ومش بعرف لا اقرا ولا اعلق واسيب الصفحة مفتوحة بالايام

اعمل ايه بمزاجي الزفت

حقك عليي يا خويا :)

غير معرف يقول...

يابختك ياعم بتقبض 300 جنيه مرة وحدة

اشمعنى بقى :]

سمعت انه مدرسين ودكاترة جامعة بيقبضوا بتاع مية وشوية فكة ولا انا غلطانة

اشمعني انت يلا اعترررررررف

هههههههههههههه

عندنا بقى المدرسين بيقبضوا من وكالة الغوث الانروا بيقبضوا جامد وبالعملة الصعبة اضعاف اضعاف مرتباتكم بمصر

ياعيني عليكم غلابة ولهي :]

غير معرف يقول...

نيجي بقى لمحو الامية

هي ايه الحكاية بالضبط

انا سمعت نفس الكلام من بنوتة معنا بالتدوين ومرت بنفس المعاناة لما اتوظفت

الي عاوزة اعرفه اش دخل المدارس العادية بمحو الامية ؟؟

مش انتوا بدرسوا طلاب عادي بتحتاجوا تمحوا امية الناس ليه ؟؟

مش مراكز الامية بيكون مراكز مختصة غير المدارس ؟؟

وبعدين بتربحوا منها ازاي اذا انتوا جايبين ناس اي كلام مين الي بيربح ومين المستفيد ؟؟؟

فهمني والنبي ياخويا :]

عاوزة افهم مليش دعوة

متنحة اهو ومنتظرة تفهمني

:]

غير معرف يقول...

ازيك يامصطفى
عامل ايه يادرش
ليك وحشة كبيرة خالص
جاية اطمنك واقولك ان الامور عندى مستقرةوالحمد لله
اقول ايه بس على اللى انت كاتباه
ااااااااااااااااه يابلد
ولك الله ولامثالك من الشباب
تحياتى

المعتصم يقول...

كيارا
تحياتى
اه الادله عندنا بتبقى ادله دامغه وغاية فى الذكاء
ههههههههههههههههههههه
انا كنت بهزر طبعا وعارف انك مش ناسيه المدونة وربنا يكون فى عونك وتكون الظروف عدت على خير يارب
انتِ بتتكلمى على المدارس الخاصه اللى فى كايرو ماتنسيش انى عايش فى الصعيد ومش فى محافظة لأ ده انا فى مركز
يعنى الكلام اللى بتقولى عليه ده مش موجود
وانا مش مبطل تدوير بس تعبت
وربنا يسهل واعرف اركز فى شغلى التانى وربنا يكرم ان شاء الله
نورتى بمرورك الجميل
************
الشعب لابد له من حكومة تبهدله
ياست الكل يامحبطه منى دايما
انتِ عارفه ان الصعايده احباب الله
ومش بيعرفوا اى حاجه فى الدنيا الا بعدها بقرن
بقى هما نقلوه 27 والله كويس
وبعدين يعنى هو العوج هيجيبوه من بعيد دا هو اصلا شغلتهم
يللا ماعلينا يعنى هى جت على احتفالات اكتوبر
بس ايه المزاج العالى ده
وعندك خلق ومرارة تسمعى الاوبريت كامل ده انتِ طلعتى جبارة
اصل اخوكى شايل المرارة بدرى بدرى ومش بيتحمل يفوت من قدام ال تى فى ساعتها
(الله يسهله شفت الواد راكب الفسبه من شويه)
هههههههههههههههههههه
***************
ميمى شقاوة
اه فعلا شكلك عاوزة كورس نحو الاميه
خلاص الكشف الجديد لو ينفع هكتبك معايا
بس الشهادات عملنا بيها اننا بقينا المدرسين اللى يطلع عين ابوهم فى نحو الاميه
موضوع نفرح فيك او بيك ده مش عارف ماله معقد
تقريبا هى الظروف عاجبها حالى كده ومش عاوزة تفرح حد فيا
ماعلينا ده نصيب يابنتى
نورتى المدونة ياميمى
*************
يسارى نوبى
اهلا اهلا
منور المدونة فى اول مرور ويارب مايكونش الاخير
مين قال ان الاميه وحشه؟؟؟ انا ماقلتش كده
وهو فعلا الدرب اللى الحكومه ماشيه عليه شكله كده انهم عاوزين يعيدوا امجاد حضارة المغول اللى كانت مبنيه على الاميه
وعشان كده بيحرصوا على نشرها زى ماانت شايف
هههههههههههههههه
اسعدنى مرورك
******************
ايوشه بنت خالى
هنبتديها فشر كده
كل يوم 4 لتر دم بتحرقيهم؟؟؟
اومال لو مكنتش انا اللى بجيبلكم الدم من عند البقال؟؟ بلاش كدب وقولى الحقيقه
هما تلاته لتر ونص بس اللى بتحرقيهم كل يوم يافشاره
اه طبعا من حقك تتريقى ومواد تربويه ومش عارف ايه وادبستم ونحو اميه
ماشى ماشى لن انسى لكى هذا الموقف ياايه
نحو الاميه خلصت من نصه تقريبا اهه
والدبلومه وادينا معاها وتخلص براحتها ودورة الICDL دى اسهل حاجه فى الموضوع لانى كنت واخدها من الاول بس هروح الامتحان وخلاص
وبعدين لما انتى عارفه ان حالتنا كرب نفسك تشتغل ليه؟؟ غاويه تعب؟؟
اعوذ بالله مافيش حد راضى بحاله ابدا
هههههههههههههههههههه
نورتى ياايه
**************
نوارة بتاعة الجمال كله
(وخالة العيال سابقا)
هييييييييييييييييييه نوارة جت
ابدا ابدا ولا مقصرة ولا حاجه انا عارف انك كان مزاجك مش تمام الايام اللى فاتت
ولا يهمك ومافيش بين الاخوات حقوق

انتى جايه تقرى عليا بقى ولا ايه؟؟
اااااه اتاريكى كنتى عاوزة تجوزينى اختك
تلاقيكى كنتى طمعانه فى ال300جنيه
هههههههههههههههههههه
انتى ماتعرفيش اصل انا معايا واسطه كبيرة خالص هى اللى جابتلى الوظيفه دى وبالمرتب ده اومااااال
(ماينفعش اجى اشتغل عندكم فى وكالة الغوث دى شويه؟؟؟؟؟)
ههههههههههههههههههههه

عادى مالها حكاية نحو الاميه
كل اما ييجوا يعينوا حد يشترطوا عليه حكاية محو الاميه دى
لانه فيه ميزانيه كبيرة وتبرعات وغيره فى الموضوع وعشان يبقى التهبيش بتاعهم قانونى يبقى لازم يخلوا الشباب يعمل انه بيمحى الاميه وهما يلهفوا الفلوس بتاعتها واهى سبوبه وربنا مايجعلنا من قطاعين الارزاق
يارب تكونى فهمتى حاجه
وبعدين ماتنحيش هنا فى المدونة انا مش ناقص
مش كفايه انا صعيدى
ههههههههههههههههههههههههه
نورتى المدونة يانوارة
*************
ام مالك
امنا الفاضلة
تحياتى
ماتتخيليش سعادتى وفرحتى بتعليقك ده قد ايه
معنى كده انه فيه تحسن والحمد لله
سيبك من اللى انا كاتبه ومن البلد وحالها ومن الدنيا كلها
خلينا فيكى وفى صحتك
ربنا يعجلك الشفاء ان شاء الله ويحافظلك على صحتك ويفرح قلبك
اللهم امين
انا كنت ناوى انا وياسر اننا نيجى زيارة لحضرتك فى السريع كده بس معلش مقدرتش اليومين اللى فاتو انما ان شاء الله هتحصل قريب عشان نتطمن عليكى ونسعد برؤياكى
نورتى بلوجر كله واسعدنى مرورك جدا جدا
تحياتى ودمتِ بكل خير وود

ميمى واحمد يقول...

مصطفي

اقرا الموضوع ده مهم جدا

ايوشة يقول...

انا بعتلك الجدول بتاع المحاضرات شوفه هو ده التخصص ولالا لو مش هو يبقى قولى على التخصص واجيبه من الجامعة ماانا خلاص بدات بقى محاضرات مش زى ناس عاطلة معاها لبعد شهر12 لما تبدا :(

م/ الحسيني لزومي يقول...

من اجل
وطن آمن مستقر...حياة افضل.
من اجل
محاربة الفساد....مقاومة التزوير
من اجل
ان تكون مقدرات هذا الوطن بأيدينا
شارك في الحملة الشعبيه للقيد بالجداول الانتخابية
ضع شعار الحملة علي مدونتك
عذرا علي عدم التعليق علي البوست

غير معرف يقول...
أزال المؤلف هذا التعليق.
Unknown يقول...

انا بمــسى
مش عايــــزة
لا شاى ولا قهوة
إن كان فيه جاتوة
مفيش مانع هاتووووه:)

سلمى يقول...

السلام عليكم
الصراحه حضرتك انا فضلت اضحك وانا بقرء البوست
بس لو لاحظت حضرتك ان لو الموضوع مشى صح
حتكون حاجه كويسه فعلا
يعنى لو فى ناس عاوزه تعمل محو اميه يبقى كويس بس الغلط مش عندك
بس تفتكر الغلط فين؟

غير معرف يقول...

السلام عليكم و رحمة الله و بركاته
كيف حالك يا أستاذ / مصطفى ،،
أولا : الله يكون في عونك .
ثانيا : ما يحدث هو شيء طبيعي فعندما تكون قمة الهرم فاسدة فمن الطبيعي ان يسري هذا الفساد من القمة بإتجاه القاعدة حتى يصل للأرض التي كانت يوما ( طيبة) .
و تنتشر ( الفهلوة ، تفتيح الدماغ ، سبوبة ) و غيرها من القبح الذي شوه اسماعنا .
أسوأ شيء أن تصبح الأوطان حبيسة رجل .
و المطلوب شعب ينخر فيه الجهل و الفساد فهما الضمانه لبقاء الفرعون .
(( إن الله لا يغير ما بقوم حتى يغيروا ما بأنفسهم )) قانون إلهي .
تحياتي

Unknown يقول...

فعلا دا الطريق الصحيح نحو الامية

شوكولاتة يقول...

أنا عندي اقتراح ممتاز يا أستاذ مصطفى هيريحك خالص

سيب الحكومة هو فيه حد يروح للجحيم برجليه

تحياتي

المعتصم يقول...

بسم الله الرحمن الرحيم
السلام عليكم ورحمة الله وبركاته
*********
ميمى واحمد
علم ياباشا وتمت قراءة الموضوع
والتعليق عليه كمان
*********
ايوشه بنت خالى
شكرا ياايه تعبك معايا انا عارف
طلع هو التخصص
بس والنبى بلاش قر هى العمليه مش ناقصه الله يسترك
ده انا مش عارف هحضر ازاى
مش فاضى ياناااااااااااس
هههههههههههه
************
المهندس / الحسينى لزومى
والله يابش مهندس حاطط الشعار بتاع شارك فى الحملة الانتخابيه بس هو نزل مع الايام لتحت شويه انما علشان خاطر حضرتك نحاول نطلعه تانى
نورت بمرورك
************
ســـارهـ
حذفتى التعليق ليه؟؟؟؟؟؟؟؟؟؟؟؟؟؟؟؟؟
***********
الدكتورة الوزيرة الهمامه
الدكتورة نور
احلى علبة جاتوه من عند قويدر
ياسلام بس كده
غاليه وماطلبتيش ياوزيرتنا
(اهه مش مخلى الوزرا بتوعى نفسهم فى اى حاجه مافيش بعد كده دلع)
هههههههههههههههههه
نورتى يادكتورة
**************
سلمى
وعليكم السلام ورحمة الله وبركاته
اهلا بيكى فى اول زيارة ويارب ماتكونش الاخيرة
معلش الرد متأخر عشان مكنتش فاضى شويه ومش بدخل على النت
الحمد لله ان الموضوع ضحكك
وبعدين مش سمعتى عن المقوله بتاعة شر البلية مايضحك
ماهو ده شر البلية
لو الموضوع اتنفذ صح كان هيبقى فيه حملة توعيه صح والمشرفين عليه هيدققوا صح والناس اللى هتروح تبقى عاوزة تمحو اميتها فعلا
انما ده كله مش موجود يبقى عمره ماهيتنفذ صح
اسعدنى مرورك ياسلمى
**************
سـارهـ
وعليكم السلام ورحمة الله وبركاته
اولا الحمد لله انا بخير
ثانيا هو ممكن كلامك يكون صحيح بنسبة كبيرة وان قمة الهرم فاسده
بس متهيألى ان الارض لسه طيبه وانه فيه امل ولو بسيط انها تنبت من تانى ناس تقدر تبنى وتصلح
والا بقى يبقى مالوش لزوم اننا نقول الايه((ان الله لايغير مابقوم حتى يغيروا مابأنفسهم))لان الارض (اللى بتقولى عليها كانت طيبه)ماتت يبقى مافيش امل اننا نغير من نفسنا عشان نغير حالنا والواقع اللى احنا فيه
ومش عافرف ليه انا متفائل انه ممكن تحصل حاجه الايام اللى جايه فى البلد
حتى لو جيمى مسك الحكم برضو هتحصل حاجه
ايه هى مش عارفها بس حاسس انه ممكن ده يغير حاجه فينا كشعب
ربنا يصلح الاحوال
اه صحيح مبروك الصورة الجديده حلوة قوى بس ياترى هو ده السبب فى حذف التعليق الاول؟؟؟؟؟(مش مقتنع)
هههههههههههههههههه
نورتى المدونة بمرورك الجميل
*************
العيسوى الصغير
اهلا اهلا بيك فى اول مرور
واى خدمه ياعم علشان ماتتوهش
ادينا بنوريكم الطريق اهه
هههههههههههههههههه
نورت المدونة
**************
شوكولاته
ايدى على كتفك يااختى
هاتيلى شغل فى اى حته تانيه وانا اسيب الحكومه
بس على فكرة كله جحيم
سواء الحكومه او القطاع الخاص
وللاسف مافيش رأس مال عشان اعمل مشروع خاص بيا
ربنا ييسر الاحوال
نورتى ياشوكولاته
ســــــــــــــــــــــلام

محمد الحسيني يقول...

تم بدء التدوين بمدونة اسيوط بلدي نسعد بزيارتكم

تأثير الفراشة يقول...

هو كده يبقى فعلا زى ما حضرتك وصفتها، نحو الأمية ،

مش عارفة أقول لحضرتك إيه ، ربنا يعيننا لتنصلح الأحوال للأفضل

وفقك الله لكل خير

ريتاج يقول...

مساء الخير

مدونتك كلامها وموضوعته هادفه
احيك عليها
ربنا يكرمك يارب
وادعوك لزيارة مدونتى ويبقا التواصل
ريتاج

موناليزا يقول...

كان نفسى أقول حل فورى ولكن مثل هذه الامور يصعب مداواتها
ولكنه ليس بمستحيل
عن تجربة خاصة ليس بمستحيل
فالارادة القوية والدعاء بصدق علاج مضمون ومجرب جدا
أكرر تانى مش مستحيل
ممكن تقعد مع نفسك وتواجهها وتسألها سؤال واضح اجابته يا اما آه يا إما لأ
أنت عايز تنسى؟؟؟
فكر كويس قبل الاجابة
لا يسمح بالتسرع:)

---
ممكن تستحملنى وماتزعلش من اى كلام بقوله؟
لو اه اوكى كمل قراءة
ولو لأ انا بقولك من الاول ماتقرأش وامسحه على طول:)(انت عارف انى ديموقراطية:))
======
بص انا هقولك اللى واصلنى وتقدر تغلطنى او تصدق على كلامى
البطل مبسوط جدا انه بيحب البطلة وان حبها جواه لسه موجود(بتكلم بصفة عامة مش على الموقف الاخير) وده معناه انه للاسف مش عايز ينساها بل بالعكس مبسوط بكده لدرجة انه كل ماييجى ينسى هو اللى يقعد يفكر نفسه ويجيب الشريط من اوله
وده برضه معناه انه بعيد جدا عن الصواب
ولذلك ياترى هو بجد عايز ينسى ولا متلذذ بعذابه وبهذه المشاعر
انا عارفة ان المشاعر الجميلة دى مش بالساهل حد يحسها وبيبقى صعب تتنسى وخصوصا لان البطل فى الوقت ده بيكون مقتنع تماما ان عمره ماهيحب حد تانى كده
وده بقى بداية اكبر غلط لان الدنيا مابتقفش لحد ومش معقول طرف يبقى عايش حياته من غير الطرف التانى عادى والطرف الاخر لسه باقى على الذكرى!!
مش هندخل فى حكاية البطل التانى يمكن يكون لسه فاكر او تعبان من غير البطل
بس هنتكلم على بطل اسكتفى بالذكرى عن الواقع وده يجعله غير مؤهل نفسياً للارتباط الفعلى على ارض الواقع وبما ان الارتباط الواقعى ده شئ مسلم به وهيحصل هيحصل يبقى يحصل وهو مبسوط وراضى وأهم حاجة صافى من جوه عشان مايظلمش حد معاه وعشان هو كمان يكون سعيد
طيب يعمل ايه بقى
اولا: مايفكرش نفسه بأى حاجة حصلت حتى لو كانت من قريب وينفض اى فكرة او خاطر ممكن تيجى فى دماغه
ولو حصل غصب عنه يغير النشاط اللى هو فيه لو قاعد مع نفسه يروح مثلا يلعب مع ابن اخوه:) او يغلس على الحجة:)
او يصلى ركعتين قضاء حاجة
أو يقرأ حاجة
أو يكتب كل مشاعره على ورقة ويحرقها
وما الى ذلك
ومع الوقت هيبدأ يخرجها من جواه تدريجيا(مش مخليها قاعدة على قلبه ومتربعه:))
هو نفسه هيبدأ يشعر بخروجها بألم رهيب عضوى ومعنوى(بس ده معناه ان العلاج اشتغل.. مايقلقش يعنى:))
هيحزن عليها اوى وهيعيط عليها اوى
ويوم مايشوفها صدفة هيبتسم لها ويتمنى لها حياة سعيدة بجد من قلبه لانها خلاص نزلت من منزلة الحبيبة الى منزلة حد كان فى حياته يعرفه ويكن له كل الاحترام
ثانيا: مايروحش فى اى مكان هو عارف او متوقع انها ممكن تيجى فيه بل يبتعد قدر الامكان ولو حصل حاجة بالصدفة يعمل مش واخد باله, يودى وشه الناحية التانية وما الى ذلك
ثالثا: مايحاولش يعرف عنها اى اخبار من اى نوع ولو فرض وعرف بالصدفة لا يلقى لها بالا ولا يظل يرسم تخيلات فيما قد يحدث
رابعا: لو فيه هدايا او اغانى او اماكن معينة بتفكره بيها يتجنبها تماما طوال هذه الفترة
ملحوظة:لازم يكون عايز يتعالج بجد مش بيهزر ليه بقى لان مفيش رقيب عليه غير نفسه يعنى لو نفسه أمارة بالسوء يبقى لا حياة لمن تنادى
لكن لو نفسه قوية وخير معين فهيعديها بنجاح
اما بقى لو مش عايز ينسى فمش هيفيد اى كلام:(

نحن معكم والله قبلنا ويسعدنا دوام التواصل

Unknown يقول...

حتأخذ أجازة
يااستاذ مصطفى
ترجع بالسلامة
باذن الله بس هات
معاك هدية اى حاجة
انا مش حتأمر او بشرط
اى حاجة الحزب واعضائه
يدعيلك عليها خلى بالك
يــــدعــــــى لك
ي د ع ى ل ك :)

موناليزا يقول...

يااااه
أخيرا البطل عمل كل الحاجات دى:)
مع انه كان المفروض يعملها من بدرى
بس الحمدلله بجد انه قدر يتغلب على نفسه وخد قراره ونفذه فورا
بجد بحييه جدا على مافعله
وعجبنى كمان انه قدر يتحكم فى نفسه قدام البطلة بس ده مش معناه انه كل مايحس انها موجودة فى مكان يروحه:) عشان يختبر نفسه
هى مرة وخلاص على كده:)
=====
ربنا ييسرلك امورك ويهيئلك كل ماهو فيه خير لدينك ولدنياك