السبت، 12 سبتمبر 2009

انفلونزا الخنازير

بسم الله الرحمن الرحيم

السلام عليكم ورحمة الله وبركاته





الدنيا كلها بتتكلم عن انفلونزا الخنازير

يبقى اشمعنى انا يعنى مااتكلمش

بس هى المشكلة انى مش عارف هتكلم اقول ايه

وبعدين بفتح الايميل بتاعى لقيت رساله جاية من ميمى بوخارست

عن الموضوع ده وفيها شوية نصايح كده حلوين وممكن يكونوا مفيدين

نقرا الرساله مع بعض :

**********

السلام عليكم ورحمه الله وبركاته
دكتور كويتي
تحدث عن مرض
(H1N1) إنفلونزا الخنازيروذكر أمور مهمه جدا
بطريقة سلسة سهله وقام بتجربة عملية
للوقاية من ذلك الفايروس بإذن الله حفظكم المولى من كل شر
تعريف بسيط
بالبداية مرض إنفلونزا الخنازير ينتقل من الإنسان إلى الخنزير نفسه فى حين يتناول الإنسان لحمه يتكون لديه نوع من الفايروس ومن ثم تنتقل العدوى
من الإنسان إلى الخنازير
كالمزارع الذي يمتلك مزرعة خنازير فينقل المرض لجميع خنازيره عبر الإحتكاك بها أو السعال أو العطاس حتى تصبح مصابة بذلك الفايروس
الأعراض تكون مشابهة للإنفلونزا العادية ولا تظهر الأعراض حين الإصابة بل يأخذ المرض فترةحضانة أيام ومن ثم تظهر علامات كإرتفاع الحرارة والإعياء .....الخ من الأعراض
كيفية الوقاية من ذلك المرض بإذن الله ؟هنا الطبيب قام بتجربة عملية بمنتهى الروعة بإمكانكم القيام بها بالمنزل
قام بإحضارورق تباع الشمس ومعروفة علميا بإسم(PH - PAPER )
وأحضر أمامه3 أكوابالأول / وضع به ماء + ماده بيضاء سنعرفها لاحقاالثاني / وضع به ماء فقط الثالث / وضع به مشروب غازي وحين وضع شريط تباع الشمس بالكوب الأول أصبحت الورقة لونها غامق جداوبالكوب الثاني لم يتغير لون الورقة ظلت صفراء
وبالكوب الثالث أصبحت الكارثة وتحولت الورقة إلى لون أصفر فاتح جدا جدا بعد تلك التجربةأوضح الدكتور بإن الوقاية من أي فايروس على وجه الأرض حتى السابق منها( كفايروس إنفلونزا الطيور وسارس )تكون بجعل الدم ذا وسط قلوي لأن الفايروسات تحب الدماء ذات الوسط الحمضي
فالوسط القلوي لا تتحمله الفايروسات فتموت على الفورسبحان الله وأما الدم ذا الوسط الحمضي فهو بيئة ممتازة للفايروس فورقة تباع الشمس حين تغير لونها للأغمق كان الوسط قلوي وحين تغيرت للون الأصفرالفاتح كان الوسط حمضي إذا الوقاية تكون بجعل دمائنا ذات أوساط قلوية كيف ؟أخبر الطبيب بأن أخذ ملعقة صغيرة جداملعقة شاي ممسوحة من بيكربونات الصوديوم موجودة بالسوبرماركت وهي تستخدم للخبز وإذابتها بكوب ماء ومن ثم شربها كفيلة بإن تجعل الدم قلوي
وبيئة تقتل أي فايروس على الفور سبحان الله وهي مادة لا خوف منها أبدا ونأكلها يوميا نحن عبر تناول الساندويتشات والخبز لأنها مكون رئيسي فيهاونبه الدكتور على أن تناول الوجبات السريعة والمشروبات الغازية والسكريات والشوكولاتة هي عوامل مساعدة تجعل الدم حمضي على الفورلإرتفاع الدهون فيها والسكربالتالي الدم يكون مستجيب تما ما لأي نوع من الفايروس حتى فايروس الإنفلونزا العادية لذلك يجب التقليل من تناول ما سبق ذكره بالذات لمن هو كثير إحتكاك بالأجانب
ملاحظة / حتى الآن لم يتم التوصل لمصل مضاد حتى وإن وجد سيكون بتكلفة عالية جدا جدا
تجربة مني منذ أيام قليلة مضت إستيقظت و إذا بأعراض الزكام بدأت علي كإرتفاع بسيط بالحرارة والرشح وفورا تذكرت حديث الطبيب وقمت بشرب كوب ماء مذاب به بيكربونات الصوديوم وأقسم بالله وأشهده على ذلك سبحانه وتعالى إختفت الأعراض بعد ساعات قليلة جداسبحان الله بعض الأشخاص يتخوف من الأضرار أو من كثرة إستخدام البيكربونات رغم انه لاخوف منها أبدا شرط إستخدام (ملعقه شاي صغيرة جدا ممسوحة )وإذا أردت ان تكون بالجانب الآمن إستخدم ( المشروب ) في الأيام التي ستكون فيها بإختلاط مع العديد من الأشخاص كالبنوك أو المستشفيات
كما أكد أطباء صينيون أن إحتساء كوب من اليانسون الدافيء وليس المغلي عقب الاستيقاظ صباحاُ يعد أفضل وقاية من الاصابة البشرية من مرض انفلونزا الخنازير الذي تفشى في بقاع شتى من العالم وذكرت مجلة ( ميديكال ريسيرشيز) الصينية المعنية بالشؤون الطبية أن إحتساء اليانسون الدافيء يفوق في فاعليته تناول عقار(تامفيلو) الذي طورته شركة "روش" السويسرية ويستخدم حاليا على نطاق عالمي واسع للوقاية من انلفونزا الخنازير ذلك أن أحد المكونات الاساسية المستخدمة في إنتاج ذلك العقار هو ( حمض الشيمكيك ) الذي يستخرج من قرن ثمرة اليانسون ويترك عدة اسابيع ليتخمر
*****************

انا عارف ان الموضوع ده طويل

بس متهيألى انه كويس ولو الكلام اللى فيه صحيح

يبقى مفيد جدا

بس سؤال كده قبل ماامشى

هى ايه بيكربونات الصوديوم دى بالظبط؟؟؟؟؟

يعنى الخميرة ولا البيكنج بودر ولا ايه بالظبط

ياريت والنبى حد يقولى علشان انا عندى انفلونزا

وعايز اجرب الوصفه دى يمكن تجيب نتيجه

ســــــــــــــــــــــــــــــــــــلام

هناك 56 تعليقًا:

بـسـمـــة صـــــلاح يقول...

أووووووووووووووووووووووول تعليييييييييييييييييييييييق هييييييييييييييييييييييييييه

المعتصم يقول...

يخرب عقلك هو انتِ لسه عايشه يابت يابسمه
ده انا قلت خلاص هاجرت وراحت بلاد الواق الواق

adel يقول...

وصلني الميل بس قلت اثبت وجود برضه

وتقريبا بيكربونات الصوديوم
ده زي الشاي بلبن بس مش بيبقي لونه سمني كده
بيبقي بينك يعني بمبي
هههههههه
وبتشربه بالتلج او الصودا :):)

----
سلامتك
بس نصيحة متسمعش كلامي نوهائي

المعتصم يقول...

عادل
منورنى
ياباشا احنا يكفينا طلتك البهيه على المدونة
وحاضر مش هسمع الكلام
هو انا مستغنى عن عمرى ياعم ولا ايه
هههههههههه
لونه بينك !!!!!!
يعنى انا دلوقتى حيرتى زادت
الاول ماكنتش عارف البيكربونات بس
دلوقتى بقت البيكربونات والبينك
(ماتقوليش البمبى)
متشكرين ياعم

شوكولاتة يقول...

بيكربونات الصوديوم دي اللي هيه البيكنج بودر يعني الحق اشتريلك علبة تاج الملوك قبل مايغلى
لو الكلام ده حقيقي يبقى ربنا كتبلنا النجاة

سلامتك من الأنفلونزا

Unknown يقول...

معتصم باشا
اصحى للون

انت فى مدرسة
و مدرس
و الأنفلونزا الخنازيرى
حتجتاح المدارس
ربنا يستر عليك
:-)

بقول ايه
هو ايه اللى بيقوله ده
ناكل لحم ايه يجلنا ايه
و بعدين انفلونزا خنازير
بتيجى من الإنسان للخنزير
ازاى
ههههههههههه

انا مقرتش البوست كله
معنديش خلق

Unknown يقول...

و سلامتك 1000 سلامة
من الانفلونزا
اصحى لا تكون خنازيرى

د. ياسر عمر عبد الفتاح يقول...

هوه فعلاً موضوع مفيد
وأنا شفته قبل كده

أنا معرفش بيكربونات الصوديوم إسمها إيه في المطبخ
بس دي حاجة كمان بتتحط في الفوارات
وكمان بتستخدم في الأدوية كثير أوي

مره تانية حمد الله علي سلامة الوالد
وافتح الموبايل

غير معرف يقول...

بيكربونات الصوديوم هي بيكربونات الصوديوم :))

اسمها كده عند العطارين

غير معرف يقول...

والف سلامه ... الشعب كله عنده انفلونزا على فكره

♥نبع الغرام♥♪≈ يقول...

السلام عليكم

الف مليون سلامة عليك ياقمر


وبجد انا بتهيألى كده انت ربنا بيحبك
ههههههههههههههههه
لان بعد اللى قريته المفروض ما كنتش تبقا موجود هنا
هههههه
اوعا تزعل بهظر

مودتى

ستيتة يقول...

لو على بيكربونات تبقى فله
وسع يا واد يا عفرتو مفيش بسبوسة
ها اسففك البيكربونات
طب ما ياسر يقول لنا ايه الفورات اللي فيها بيكربونات بدل ما نخدها سك كده
اهو نغير طعمها شوية
كتر خيرك انت وميمي
اخبار الوالد ايه؟
كل سنة وانت طيب
لا تنسانا من صالح الدعوات

المعتصم يقول...

بسم الله الرحمن الرحيم
السلام عليكم ورحمة الله وبركاته
************
شكولاته هانم
تحياتى
متأكده من موضوع البيكنج بودر ده ولا فى الاخر هتطلع مؤامرة عليا مع خالتك ام محمد(امى) علشان اشتريلها البيكنج بودر ببلاش ؟؟؟؟؟؟
والله انا نقلت اللى مكتوب وهجرب انما حكاية انه حقيقى ولا لأ دى انا مااعرفهاش انا مش دكتور
والله يسلمك
نورتى المدونة بمرورك
***************
البشمهندز بدراوى
تحياتى
انا مدرس وجاتلى الانفلونزا قبل ماالمدارس تفتح اهه وربنا يستر وماتكونش خنازيرى(بس فى بلدنا مافيش خنازير هى ممكن تطلع حميرى ماشى)
ومعلش انا عارف ان الموضوع طويل حقك عليا ياعم(اذا كنت انا ماكملتهوش)
ههههههههههههههه
الله يسلمك يابوحميد
نورت المدونة
****************
د/ياسر وزيرالصحه
تحياتى ياباشا
طب لما انت شوفت الموضوع ده قبل كده ماتفيدنا يفيدك ربنا وتحاول تأكدلنا صحة الموضوع من عدمه
وبعدين يعنى بما انك بشمهندز اجزجى زى الفل ماتقول على اسم فوار من اللى فيهم البتاع ده بدل مانقعد نسف فيه كده عمال على بطال
ولا ايه ؟؟؟
الموبايل مفتوح ياباشا ومش مقفول من اول امبارح شوف انت كنت طالب مين؟
هههههههههههههه
نورت يامعالى الوزير
****************
مروة هانم
طول عمرى بقول على الصعايده هما اللى بيجيبوا من الاخر
بيكربونات الصوديوم هى بيكربونات الصوديوم
ياسلاااااااااااااااام اهى هى دى الاضافه والا فلا
هههههههههههههههه
وفعلا انا ملاحظ ان الناس كلها عندها انفلونزا
ودا من ايه ده؟
دى مؤامرة خارجيه واكيد امريكا ليها دخل فى الموضوع
ههههههههههههههههههه
يبقى علينا وعلى العطارين على طول
بس ياخوفى لا البيكربونات تشح فى البلد
ههههههههههههههههههههه
نورتى المدونة يامروة
****************
عاشقة الاحزان
نوسه هانم
وعليكم السلام ورحمة الله وبركاته
تحياتى
الله يسلمك من كل شر يارب
والحمد لله ان ربنا بيحبنى هو حد يطول
وبعدين انا فعلا مش موجود هنا انا موجود هناك ههههههههههههههههههه
هظرى براحتك ولا يهمك
نورتى المدونة بمرورك
******************
ستوته حرم الدكتور حسبو
تحياتى ياستنا
انا خايف لاحسن الواد عفرتو يدعى عليا فى ليلة القدر ماتبقيش تكترى البيكربونات غير بعد ما رمضان يخلص
هههههههههههههههههه
ماانا مستنى البشمهندز ياسر يقول اهه على الفوار بس خايف يطلع مش عارف اسمه
وبصراحه يعنى هو كتر خير ميمى
انا مجرد ناقل ليس الا
الوالد الحمد لله احسن شويه بس لسه يعنى حكاية الاكل مااتظبطتش معاه وربنا عنده العفو وهو الشافى
وكل سنه وحضرتك طيبه
وربنا يكرمك ان شاء الله ويعزك ويحققلك كل اللى بتتمنيه يارب
اسعدنى مرورك يادكتورة
تحياتى والسلام عليكم ورحمة الله وبركاته

المعتصم يقول...

وكمان التعليق ال13 حتى فى المدونة بتاعتى
ده ايه ده
هو الرقم ده عامل معايا عقد ولا ايه
انا كده هشك انه فيه مؤامرة وامريكا برضو وراها فى الحكايه دى
وانا هفضل ورا امريكا دى ياانا ياهى
هههههههههههههههههههههه

كيكى عوووووو يقول...

ع كدة
انا هحتل المخبز الى عند ستى!!!

غير معرف يقول...

يا استاذ مصطفى هي اسمها كده .... روح بس للعطار وقوله عايز بيكربونات صوديوم .... بتستخدم في شيء ما مهم .... انا بلمع بيها المقتنيات الفضيه بتاعتي :D

انا هغش الزعيم برضه

الشعب لابد له من حكومه تشكمه يقول...

امممممممممم طب عقم البوست ده باه والبلوج كله اصلى انا كمان عندى برد:))
ربنا يسترررررر...يالهوى ولما اموت يقولوا ماتت بانفلونزا الخنازير اخييييييييييييييييه شكلها وحش اوىىىىىى...
بيكربونات الصوديوم دى لونها ابيض زى الدقيق كده بس فيها لمعه واسمها زى ماهى وبتتحط فى الطعميه علشان تقرمشها:)) يلا اى خدمه معلومه وببلاش كمان كنت تعرف انها بتتحط على الطعميه؟؟؟؟؟؟ اه اعترف..
ربنا يستر علينا بس الحق اتخطب بس قبل الانفلويسه متجتاح البلد وبعدين يقفلوها..الحق اتخطب لواحد مصرى اصل شكلهم هيباوا عمله نادره:)) وزير الصحه اعترف ان مفيش امكانيات لمواجهة المرض

الشعب لابد له من حكومه تشكمه يقول...

اه صحيح شوفلك حل فى رقم 13 ده برضه عندى بتباه التعليق رقم 13 ليكون معمولك عمل فى نمله ليها 13 رجل ولا حاجه :))

"أحلام حقيقية" يقول...

السلام عليكم ورحمة الله وبركاته
اولا شكرا على المعلومات دى هبقى اجرب الموضوع ده لانى دايما بعانى من انفلونزا
البيكربونات الصوديوم هى اسمها كده واو عند الناس اللى بيبعوها اسمها كربوناتو تقريبا والله اعلم
لكن هى تختلف عن بيكنج بودر بتاع الحلويات واللى قالت عليه شكولاتة اسمه تاج الملوك دى غير دى والله اعلم بقى

mimi يقول...

أحب أفكرك إن النهاردة ... (13)سبتمبر

وهتلاقي قط أسود واقف علي باب بيتكم ... ( أنا اللي بعتاها)

نيااااااهااااااااااا

كلاكيت تاني مرة أسمي منور البوست ... سيبك أنت ....

mimi يقول...

أسمها عند العطار ( كربوناتو)

وبتتحط معلقة صغيرة في كوب مياه زي فوار الفواكه كده ... وطعمها مش وحش خالص ... وياريت تحط عليها نقطتين لمون

تبقي كده في السليم

إن شاء الله ... سلامي للوالد ... وكل سنة وأنت طيب

mimi يقول...

السلام عليكم
يا جماعة انتو عارفين خطر انفلونزا الخنازير اللى بيهددنا كلنا و ممكن جدا يتحول لوباء قاتل و يبيد مننا كتير.. و اكيد محدش عايز دا يحصل ابدا و لا عايز حاجة وحشة تحصل ليه أو لأى حد بيحبه.. فى حملة اننا كلنا نوحد الدعاء يوم سبعةو عشرين27 رمضان ع الفطار بالرحمة من وباء انفلونزا الخنازير.. تخيل لما مسلمين كتير يدعو نفس الدعوة.. هيبقى فى ساعة متواصلة ناس بتدعى نفس الدعوة منهم صالحين ا ش ا.. و مفيش حاجة بعيد عن ربنا.. دا لينك الجروب ع الفيس بوك اشترك و ابعت دعوات و انشر الفكرة على قد ماتقدر ارجوك http://www.facebook.com/group.php?gid=124302732892&ref=ts
شكرا :)

( إيه رأيك ؟)

mimi يقول...

فعلا في اذاعة القران الكريم بيدعوا في صلاة الفجر اللهم عافنا من الوباء

طيب يلا نبدأ حملة ...

اتفقنا؟

Tarkieb يقول...

الكلام ده كله مش صحيح ...الدم قلوي على طول ولازم يكون الpH بتاعه 7,35 - 7,45 ....وحكاية الينسون دي كمان اونطة لان التاميفلو يصنع ولا يستخرج من اليانسون اصلا اما حكاية حمض الشيمكيك فهو يستخرج من اليانسون الياباني Illicium anisatum وده نبات سام اصلا وليس له علاقة بالينسون بتاعنا

ريمان يقول...

ازيك يا مصطفى


يا رب تكون بخير

وكل سنه وانت طيب


بالنسبه لبيكربونات الصوديوم انا كنت درستها فى الكيميا


تقريبا يعنى يعنى هى مادده منظفه للخضروات والفاكهه يعنى قبل ما تاكل الفاكهه والخضروات تغسلها ببيكربونات الصديوم عشان تبقى نضيفه جدا وكمان مش يحصل اصابه بالسرطان


تقريبا يعنى مش متذكره

غير معرف يقول...

لو الكلام دا صحيح فعلا

يبقى فلا اووي و هنخلص من المرض دا

وبسيطة عالبيكربونات الصوديوم موجودة في كل بيت

والف سلامة عليك اوعك تكون الانفلونزا اياها والا هعمل حجر صحي على مدونتك :]

هههههههههههههه

جرب تشرب مش هيضرك متقلقش

بالتوفيق يارب

fnoonh يقول...

اولا احب اقولك الف حمدلله على سلامة باباك وربنا يديم علية الصحة والعافيه انا كنت علقتلك على البوست اللي قبل اللي فات بس تقريبا تعليقي مانزلش يلا عموما اهم شئ انه دلوقتي كويس وبخير وربنا نجاه من المستشفى اللي كان فيها اصلها بتكون بعض الاحيان سبب في وفاة بعض الناس اللي حتى لو عندهم سخونة او برد
تانيا احب بردو اعرفك ان كربونات الصوديوم والله اعلم هيا البكنج باودر اللي بيتحط على الكيك مش الخميرة
ثالثا تقبل خالص تحياتي وتقديري
رابعا لالا خلاص كده مافيش رابعا

م/ الحسيني لزومي يقول...

تقبل الله منا ومنكم
وكل عام وانتم بخير

نبض الحياة يقول...

السلام عليكم ورحمة الله وبركاته
وكل عام وانت بخير وعيد سعيد مبارك
وربنا يعافينا ويعافيك من شر الامراض
دمت بخير

غير معرف يقول...

الابن العزيز مصطفى
ازيك وعامل ايه
واخبار الوالد ايه
يارب تكونوا بخير
وكل سنة وانتم طيبين وكنت بدعى لك كثير
يامصطفى بالزوجة الصالحة
ربنا يتقبل
عيد مبارك عليكم
تحياتى

فشكووول يقول...

السلام عليكم ورحمة الله وبركاته

رمضان كريم وصوما مقبولا وافطارا شهيا

كل عام وانتم بخير ويعيد الله عليكم هذه الايام بالخير واليمن والبركات

وتحياتى وكل سنه وانتم طيبون

Unknown يقول...

انفلونزا خنزير
ايه بس يازعيم
هى الحاجات دى
بتيجى للزعماء
برضه؟ولا انت
زعيم اونطا
(بردون يعنى)
المهم كل سنة وانت بألف
خير وعيد سعيد وعمر مديد
بأذن الله وانت بكامل الصحة
والعافية...............
عملنا الواجب وخلاص
تعالى معايا بقى
مش بعيد ماتخافش
ومش فى الاوضة
الضلمة ولو انها
حتنور بوجود حضرتك:)
(جبر خواطر ماتصدقش)

Unknown يقول...

المهم سعادة
الزعيم
فين العيدية :)
والكحك والذى منه
يارب السنة الجاية كدا
تبقى ناظر المدرسة كلها
ونفرح فيك!ياوووه قصدى
نفرح لك ياافندم.

Unknown يقول...

مصطفى الصغير
كبر شوية ربنا
يحفظه يـــــارب
غير صورة البروفيل
بقى (اعمل ابديت لها:)

المعتصم يقول...

بسم الله الرحمن الرحيم
السلام عليكم ورحمة الله وبركاته
**********
كيكى عوووووو
تحياتى
احتلى المخبز ياستى براحتك اهو حتى تاخدى الكربونات ببلاش يابختك
نورتى المدونة
************
فتاة من الصعيد
انتِ اخدتى الموضوع قفش كده ليه ؟؟
انا كنت بهزر معاكى يامروة
بس هى اسمها عند العطارين كربوناتو فعلا انما بيكربونات الصوديوم صعبه شويه على العطار
نورتى يامروة هانم
*************
الشعب لابد له من حكومه تشكمه
انا جايب ديتول وبيتادين وسافلون وكحول وهروق المدونة تمام التمام
ماتقلقيش
بعد الشر عليكى ياشيخه برضو ده اسمه كلام تموتى بانفلونزا الخنازير
هنبقى نشوفلك حاجه احلى من كده شويه ماتقلقيش
وشكرا ياافندم على المعلومات التمام اللى زى الفل دى
واما الحق انا التانى اشوفلى عروسه قبل الوبا
هههههههههههههههههههههه
مش عارف اعمل ايه فى حكاية الـ13 دى
هبقى اشوف واحد شيخ يمكن حكاية العمل دى بجد
ههههههههههههههههه
نورتى ياشيما
***************
احلام حقيقيه
وعليكم السلام ورحمة الله وبركاته
نورت المدونه وشكرا لحضرتك على المعلومه وعلى الزيارة الجميلة للمدونة
اسعدنى مرورك ويارب ماتكونش اخر زيارة
تحياتى
************
د/سمرمر
وعليكم السلام ورحمة الله وبركاته
تحياتى
للاسف ماشوفتش التعليقات غير النهارده ويوم 27 فات خلاص
ومش هقدر انضم للجروب على الفيس بوك لانى مش بحبه خالص
انما مافيش مانع يعنى انى هدعى ان ربنا ينجينا منها
نورتى المدونة بمرورك
***************
ميمى شقاوة
مش عارف خايف ليكون معمولى عمل فى حكاية ال13 دى
اتعرفيش سكة شيخ كويس اروحله ويبقالك الحلاوة
وبعدين حددى انهى قطه سوده فى الاربعه اللى عندى (ده انا بربيهم)
اسم سيادتك دايما منور اى مكان بيكون مكتوب فيه
..........
تمام ياافندم ووصلت المعلومه
بس ياريت اعرف انفذها
عموما هحاول يمكن تجيب نتيجه
وكل سنه وانتِ طيبه
بس ياريت تبقى تدعى لوالدى علشان تعب تانى
.......
بالنسبه لموضوع الفيس بوك ده انا مش بحب الفيس بوك ده خالص ومش بعرف اتعامل معاه خالص
انما هدعى من غير فيس بوك ولا هو ماينفعش؟؟؟
ههههههههههههههه
نورتى معاليكى
*****************

المعتصم يقول...

تركيبه
تحياتى
والله انا راجل مش متخصص وقايل الكلام ده فى البوست وقلت ان الرساله دى وصلتنى على الميل
لو حضرتك عندك كلام تانى ياريت تفيدنا بيه ويكون كلام علمى
وياريت تدينا نصايح نقدر نخفف بيها من خطر الاصابه بالانفلونزا
شكرا ياافندم على الزيارة
واسعدنى مرورك
**************
ريمان
ازيك عامله ايه
يارب تكونى بخير
وكل سنه وانتِ طيبه
اسمها عند العطار كربوناتو وبتستخدم فى عمل الطعميه وفى تلميع الحاجات
وبعدين يالماضه لما انتِ مش فاكرة بتتكلمى ليه فى الموضوع
هههههههههههههههههههههه
(بهزر معاكى)
نورتى المونة يالماضه هانم
***************
نوارة
تحياتى
والله انا مقدرش اقول الكلام ده صحيح ولا لأ
انا قلت ان الرساله دى وصلتنى على الميل ونشرتها زى ماهيا
واللى عنده كلام علمى تانى يفيدنا بيه
واهو نجرب ومش هنخسر حاجه
والحمد لله مش الانفلونزا اياها ماتقلقيش
الله يسلمك
نورتى المدونة بمرورك
**************
فنونه
تحياتى
أولا :الله يسلمك وشكرا ليكى
والحمد لله على كل حال
ثانيا :لا يافنونه هانم بيكربونات الصوديوم طلعت مش هى البيكنج بودر طلعت حاجه كده عند العطارين اسمها كربوناتو وبتتحط فى عجينه الطعميه
ثالثا بقى شكرا ياستى على خالص تحياتك وتقديرك
ونورتى المدونة بمرورك الجميل
**************
م/الحسينى لزومى
تقبل الله منا ومنكم ياافندم
وكل عام وحضرتك بكل خير
نورت المدونة
*******************
نبض الحياة
وعليكم السلام ورحمة الله وبركاته
اهلا اهلا اهلا
غيبه طويلة وحمدالله على السلامه
وكل عام وانتِ بخير وسعاده
وربنا يجعله عيد سعيد علينا كلنا يارب
واللهم امين على دعواتك
نورتى المدونة
****************
ام مالك
امنا الفاضله
تحياتى
الحمد لله رب العالمين انا فى احسن الاحوال
اما بالنسبه للوالد فالحمد لله على كل حال بس هو تعبان لسه وربنا عنده العفو
وكل سنه وحضرتك طيبه وشكرا على دعواتك الجميلة وربنا يتقبل منا ومنكم
وعيد مبارك علينا وعليكم ان شاء الله
نورتى المدونة بمرورك العطر
*************
فشكووول
وعليكم السلام ورحمة الله وبركاته
منور المدونة ياعم صلاح
وكل سنه وانت طيب
معلش انا مقصر معاك انا عارف بس عارف كمان انك هتسامحنى علشان قلبك كبير وكمان غصب عنى النت فاصل عندى بقاله 6 ايام
وكل سنه وحضرتك طيب وبكل خير
نورت المدونه
*****************

المعتصم يقول...

وزيرة الصحه حدانا
الدكتورة نور
تحياتى يادكتورتنا
لاااااااااااااااا
احنا بنتكلم على الحاجات اللى بتيجى لعامة الشعب بس انما مش معنى كده انها ممكن تجيلنا
انتِ بتتكلمى ازاى ؟؟ ده انا الزعيم
كل سنه وحضرتك طيبه يادكتوره
وشكرا على شوية البكش والاونطه وجبر الخواطر
(بس لعلمك انا مش بخاف من الضلمه)
...........
الكحك والعيديه بكرة الصبحيعنى هو فيه عيديه بتتاخد قبل العيد
وعموما قررنا نحن زعيم الحلف بصرف شهر عيديه لكا العاملين بحلفنا الموقر
ينفع كده؟؟؟ وكل ده علشان خاطر سيادتك اى طلبات تانى
(خدى بالك الشهر ده غير الشهر اللى كنا قايلين انه يتصرف قبل كده يعنى كده شهرين)
وهبقى اخصمهم من مرتبات الوزرا بعد العيد
هههههههههههههههههههه
ويسمع منك ربنا فى كل دعواتك يارب
ههههههههههههه
وانا فعلا كنت غيرت صورة البروفايل من كام يوم سبحان الله
نورتى المدونة يادكتورة بمرورك الجميل
تحياتى ودمتِ بكل خير وود
والسلام عليكم ورحمة الله وبركاته

دكـــــتور جدا يقول...

بيكربونات الصوديوم
مادة قلوية تساعد في تقليل الحموضة في الجسم
ممكن تلاقيها في الحاجة الساقعة
أو بتتباع كمادة منفصلة في محلات العطارة
وأي خدمة
وكل سنة وانت طيب

موناليزا يقول...

أولا: مين السكر اللى صورته فى البروفيل ده؟ مصطفى الصغير معقول!
ماشاء الله والله اكبر ربنا يحميه يارب ويبارك لكم فيه
ممكن تشتريله بالونة وتقوله دى من موناليزا
ممكن صح؟
ميرسى يا فندم كلك ذوق والله

ثانيا: الف سلامة على صحة الوالد ويارب دلؤتى يكون بقى أحسن

ثالثا: كل سنة وانت طيب ويارب يكون عيد سعيد علينا جميعا

رابعا:سلامتك من دور البرد واشرب سوائل كتير

خامسا: الموضوع بجد مفيد اول مرة اعرفه ونشكرك على افادتنا

mimi يقول...

ميمي جابت العيدية ... عيد سعيد

http://2.bp.blogspot.com/_wyjXbHak4DY/SOH3035f_ZI/AAAAAAAAAWI/vXOd49itD38/s400/untitled.bmp

د. ياسر عمر عبد الفتاح يقول...

كل عام وأنتم جميعا بخير

كل عام والأمة الإسلامية إن شاء الله منتصرة

كل عام ونحن جميعاً إلي الله أقرب وعلي طاعته أدوم

تقبل الله منا ومنكم صالح الأعمال

رحلتنا في الحياة يقول...

كل سنة وانت طيب ياابن خالى :)
فين العيدية بقى ؟؟؟

رحلتنا في الحياة يقول...

طبعا تلاقيك غايب علشان تهرب من موضوع العيديات اللى المفروض تتدفعها للجماهير الغفيرة دى بس رئيس حلف اونطة :)

ghorBty يقول...

كل عامـ وانتمـ في قائمة الابرار الخاشعين

كل عامـ وانتمـ عون للضعفاء والمحتاجين

كل عامـ والسنتكمـ تلهج بذكر الله الجليل

كل عامـ وهناكـ ملك ينادي ان الله قد جعلكمـ من المعتوقين ..

كل عامـ وانتمـ بخير ..

ليس فقيرا من يحب يقول...

السلام عليكم

وش ميت من الكسوف

معذرة على التقصير والتأخير

يارب تكون بخير

كل سنه وحضرتك طيب وبالف صحه وسلامه

عيد سعيد عليك وعلى كل حبايبك يارب

yoyo يقول...

مسائك سكر

و الله لك وحشة كبيرة
يارب تكون بالف خير يارب
ربنا يحفظنا جميعا يارب

كل سنة وأنت طيب
يارب كون عيد سعيد عليك وعلى اسرتك يارب
دمت اخى بالف خير و سعادة
تحياتى
يويو

غير معرف يقول...

جايه اعيد على الزعيم .... كل سنه وانت طيب يا استاذ مصطفى

وانا على فكره ماقفشتش ولا حاجه .... انا افتكرتك ما فهمتش كلامي :)

غير معرف يقول...

مختفي فييييين شكلك مشغوول بالعيد بقى والكحك والعيدية :]

كل سنة وانت طيب

عيد سعيد عليك وعلى اسرتك الجميلة

ربنا يجعل ايامكم كلها اعياد

تأثير الفراشة يقول...

كل سنة و حضرتك طيب و فى أحسن حال

ملأ الله عيدكم بالسعادة
و رزقكم الحسنى و زيادة
و حبب فيكم ملائكته و عباده
تقبل الله منكم رمضان
و كل عام و أنتم بخير و إلى الله أقرب و فى طاعته أدوم إن شاء الله

عيــــــد سعيــــــد

غير معرف يقول...

انت فين بقى مختفى
ورغم ان الرسالة وصلتنى
لكن اتصلت كثير وتقولى النمرة غلط
اكيد فيه حاجة غلط
وليه مجتش تعيد
بجد حاول تطمنى عليك وساحاول الاتصال مرة اخرى

mimi يقول...

يوووه بقي ...


أنت فين ... مختفي مختفي مختفي

لعل المانع خير ....


ممممممممممم

تكونش أخدت العيدية ورحت تتفسح؟

من غيري يا مصطفي ؟؟؟؟؟؟؟؟

عاااااااااااااااااا

Unknown يقول...

طمنا عليك
وعلى الوالد
يااستاذ عبد السلام
يوووووووووووووووووووووه
قصدى يااستاذ منتصر المعتصم

عمرو جويلى يقول...

حضرة الصعيدى الهمام
السلام عليكم
أولاً :- كيف أحوالك ؟
وكيف أحوال والدك
ثانياً :- كل عام وإنت بكل خير
كل عام وإنت إلى الله أقرب
وتقبل الله
خالص تقديرى
ومعذرة ع التأخير

المعتصم يقول...

بسم الله الرحمن الرحيم
السلام عليكم ورحمة الله وبركاته
**************
ضكتور جدا
كل سنه وانت طيب يادكترة
وشكرا على المعلومه
بس انا مش بشرب الحاجه الساقعه
نورت المدونة
****************
موناليزا
تحياتى
اولا : هو مصطفى الصغير
وانا اشتريتله يجى 10بالونات بس ماقولتلوش مين اللى جايبهم انما حاضر هقوله على اللى فاضله عنده ومافرقعتش انها منك ياافندم
هههههههههههههههههه
ثانيا: الحمد لله على كل حال هو والدى طلع من المستشفى والحمد لله بس لسه تعبان شويه دعواتك
ثالثا: كل سنه وانتِ طيبه وبكل خير
رابعا الله يسلمك وشكرا على النصايح
خامسا الموضوع ده جالى على الميل من ميمى مش انا اللى كاتبه(ده للامانه)
نورتى المدونه وحمدالله على السلامه من الاجازة الرمضانيه
****************
ميمى
كل سنه وانتِ طيبه وعيد سعيد عليكى وعلينا
**************
د/ياسر عمر
كل سنه وانت طيب وبكل خير
وامين على دعواتك يادكترة
نورت المدونة
***************
ايوشه بنت خالى
اولا كل سنه وانتِ طيبه
ثانيا ايه اللماضه دى هو مش انا بعتلك ربع جنيه عيديه
ايه الطمع بتاعك ده ؟؟ عاوزة فلوس تانى ولا ايه؟؟
بقولك ايه اوعى تكونى ضيعتيه كله؟؟
بلاش تبذير
ثالثا انتِ بنت خالى يعنى انا ابقى ابن عمتك ركزى شويه
ههههههههههههههههههههه
نورتى ياايه

المعتصم يقول...

غربتى
اختى الكريمه
تحياتى
كل سنه وانتِ طيبه وبكل خير
وجعلنا الله واياكم من عباده الذين ذكرتيهم وخاصة المعتوقين من النار
امين على دعواتك
اسعدنى مرورك
****************
ليس فقيرا من يحب
وعليكم السلام ورحمة الله وبركاته
كل عام وانتم بكل خير وسعاده
ولاكسوف ولا حاجه انا اصلا مافيش عندى نت وانا اللى اعتبر مقصر
شكرا على المرور الجميل وكل سنه وانت طيبه
****************
يويو
مسائك سكر زياده
والله انتِ اللى ليها وحشه كبيرة
كل سنه وانتِ طيبه ويارب يكون العيد كان عيد سعيد
معلش النت فاصل من عندى ومش متابع ومقصر
شكرا على مرورك الجميل يا مس
نورتى المدونة
****************
فتاة من الصعيد
كل سنه وانتِ طيبه يامروة هانم
ويارب تكونى بكل خير
نورتى المدونة بمرورك
****************
نوارة
كل سنه وانتِ طيبه وعيدك سعيد يارب
بس للاسف السنه دى مافيش كحك ولا الكلام ده(لان والدى تعبان ماانتِ عارفه)
شكرا على مرورك الجميل
نورتى المدونة
********************
تأثير الفراشه
كل سنه وانتِ طيبه يادكتورة وبكل خير يارب
وشكرا على دعواتك الجميلة ولكِ بالمثل ان شاء الله
معلش انا مقصر بس بسبب النت والله
شكرا على مرورك الجميل اللى اسعدنى
وكل سنه وانتِ طيبه
*****************
أم مالك
تحياتى ياامنا الفاضلة
وكل سنه وانتِ طيبه وبكل خير يارب
انا مش مختفى ولا حاجه بس كل الموضوع ان النت فاصل من عندى
وانا كنت محول التليفون يوم العيد العصر علشان انام وبعدين رجعته وحاولت اتصل بحضرتك كتيييير بس ماكنش فيه رد(كنت بطلب من رقم تانى)
ماتقلقيش ياامنا كله تمام
كل سنه وحضرتك طيبه وبكل خير
نورتى المدونة بمرورك الجميل
******************
ميمى شقاوة
انا مختفى لان النت فاصل من عندى وماليش يد فى كده غصب عنى
اما موضوع العيديه ده فظلم كبير حرااام عليكى ايلى مافيه حد عبرنى بجنيه واحد حتى ده انا تقلبت فى حوالى 600 جنيه فى يومين العيد دول وطبعا من غير فلوس مافيش فسح
عاااااااااااااااااااااااااااا
***************
اللؤلؤة
حضرة المنوفى التمام
وعليكم السلام ورحمة الله وبركاته
وكل سنه وانت طيب ياعمنا وبكل خير
نحمد الله ونشكر فضله على كل حال
والحمد لله الوالد احسن
ومافيش داعى للاعتذار لانى انا اللى مقصر معاك
نورت المدونة واسعدنى مرورك اخى الفاضل
تحياتى
والسلام عليكم ورحمة الله وبركاته

المعتصم يقول...

بسم الله الرحمن الرحيم
السلام عليكم ورحمة الله وبركاته
الدكتورة نور
وزيرة الصحه حدانا
كل سنه وحضرتك طيبه وبكل خير
وبعدين مش هتفرق كتير ياافندم عبدالسلام زى منتصر زى معتصم
الحمد لله انا بخير والوالد الحمد لله وان كان لايزال تعبان شويه
شكرا يادكتورة على السؤال وعلى المرور الجميل
تحياتى ودمتِ بكل خير وود