السبت، 8 أغسطس 2009

لقاء المدونين

بسم الله الرحمن الرحيم
السلام عليكم ورحمة الله وبركاته

النهارده وفى الازهر بارك كان يوم جميل جدا
وحصل اللقاء المنتظر للمدونين
صحيح فيه ناس
كتير ماجتش
انما برضو فيه ناس كتير اتصلت وسلمت
من مصر ومن بره مصر
وكان اللقاء ممتع والجو أُسرى وعائلى
وكنا بالظبط زى مانكون نعرف بعض من زمان
******

انا وصلت الساعه 9 ونص ودخلت الجنينه
واستنيت عند الباب
واول واحده اتصلت بيا هى فاتيما (مدونة روح قلب ماما)
ودخلت وقعدت معايا نستنى الناس بعد كده الكل هل
ودى الناس اللى حضرت اللقاء
(طبعا الترتيب مش مهم)

الدكتورة ستيته (مش عارفه)
خالد فوده
رامز عباس
محمد غاليه (هل تبحث عن السعاده)
المهندس احمد ابوالعلا
بدراوى (طعم البيوت)
عادل (البلد دى فيها حكومه)
ايمى بيبى

اينو(رقة الاحساس)
مبتسمه دائما
كيكى فكك منى
دموع ملائكيه
د/ياسر عمر عبدالفتاح(ومضات)
مصطفى (هرتله )
فاتيما (روح قلب ماما)
عم صلاح (فشكووول)
الاستاذهانى (نط فى الكوز)

ميمي(ميمايا)
عيش احلامك
صلاح (مسدس صغير)
وكان الكلام فى الاول بعد التعارف
ازاى كل واحد فينا دخل عالم التدوين ونوع الكتابه فى المدون
ة بتاعته
وكمان اتصلت المدونة ايناس علشان تسلم علينا
وام مالك اتصلت وسلمت وخصوصا على الدكتورة ستيته
وبعد كده الناس اتكلمت فى السياسه شويه بس مش كتير
وكمان فى موضوع ال دى اس ال وقانون الاستخدام العادل
واننا لازم نعمل اعتراض على الحاجاات بتاعه وزارة الاتصالات
والهبل اللى كل شويه يألفوة فى العقود بتاعة الاشتراك فى خدمة النت
وبعد كده الكلام بقى عن عيوب التدوين ومميزاته
وكل واحد من الموجودين قال رأيه عن اكتر حاجه هو شايف انها
من عيوب التدوين واكتر حاجه هو شايف انها من المميزا
ت
ثم كان الحوار عن الاختلاف فى الاراء وازاى نتقبل نقد الاخرين من غير تجريح او اهانه
واننا ماعندناش ثقافة تقبل النقد بصدر رحب
وبعدين رامز قال قصيده كتبها من وحى المكان
وبعد كده مصطفى (هرتله)قال 3 قصايد من الديوان بتاعه
وبعدين رد عليهم وزير الصحه حدا الحلف بتاعنا الدكتور ياسر

بقصيدتين باللغه العربيه الفصحى(صعايده بقى ومحدش يقدر علينا)
وبعد كده الناس ابتدت تمشى علشان اللى وراه مشوار واللى مسافر
واللى مش فاضى ومزوغ من الشغل(سورى يابشمهندس احمد)
وبعدين قعدت انا ومحمد غاليه وايمى بيبى واخت محمد
ايمى بيبى واخت محمد كان بيلفوا شويه فى الجنينه
وانا محمد كنا بنحاول نصور شوية مناظر كده


بس للاسف الصور طالعه وحشه خالص علشان الكاميرا بتاعة تليفونى مش قد كده
وبدين جه اتصال لمحمد من ابوعلى (shape your life)
وجه عند البوابه وبعد كده دخل قعد معانا لغاية الساعه 6 ونص
بس بصراحه شخصيه جميلة جدا ومثقف وله حضور ودمه خفيف خالص
وبعد كده قام ابوعلى مشكورا بتوصيلنا
وصل محمد واخته لغاية محطة المترو
ووصل ايمى لغاية اقرب شارع لبيتهم وانا لغاية شارعنا
وانتهى اللقاء بس كان يوم جميل جدا والحمد لله
وكفايه عليكم كده علشان انا تعبان على الاخر
ولو كنت نسيت حد من الناس اللى حضرت ماكتبتش اسمه او مدونته
يسامحنى علشان انا مكتبتش فى ورق انا بكتب من الذاكرة
والزهايمر يدينى العذر
والسلام عليكم ورحمة الله وبركاته

هناك 53 تعليقًا:

المعتصم يقول...

الناس كلها طبعا رجعت تعبانه من اللقاء ومحدش فاضى يدخل يعلق
استغل انا الظروف واعلق لنفسى
ههههههههههه
انا ضربت من الحر باين
بس بجد من الشخصيات اللى عجبتنى النهارده قوووى فى اللقاء احمد ابوالعلا انسان محترم ومهذب ومه خفيف وزعلت خالص انه كان مشغول ومقدرش يطول فى القعده معانا
وكمان كان نفسى اتكلم مع البت ميمى اكتر وانكش معاها بس الظروف بقى والحر
المرة الجايه ان شاء الله
وكفايه كده

فشكووول يقول...

الحمد لله على السلامه يا مصطفى

انا يا دوب لسه واصل وتعبان جدا ومش قادر اقعد خالص بس قلت الف على الجماعه اللى كانوا معانا واسلم عليهم وعلى تشرفى بمعرفتهم

انا كنت ناوى اكتب بوست عن اللقاء اليوم لكن شكها انى مش ح اقدر ان شاء الله بكره اكتب بوست وكل واحد بيكتب من وجهة نظره وكلنا بنكمل بعض

تحياتى

غير معرف يقول...

يااااااااااي يابختكم

اكييييييد جميل بوحود احلى مدونين

ان شاء الله تتعوض واكون معكم يوما ماا

بالتوفيق وشكررررا على الموجز

دمت بالف خير

ستيتة يقول...

انا لسه صاحية وبقول بالضبط زي العمدة سليمان غانم
جااااااااااااااااااي يا نفوخي
الشمس قورتني
مش عاوزة اخشوشن تاني

بس هل انا استمتعت
يالهوي
فوق تخيلكم يا بشر ياللي مجتوش
"وش مطلع لسانه لكل الغائبين"

مصطفى انا اتشرفت بمعرفتك جدا وفعلا جدع قوي وتستاهل نسلمك قيادة الحلف واحنا مغمضين عينينا
وده لأنك سترتني بقى والمعنى في بطن وكشري ستيتة
هههههههههههههههههههههههههه

تشرفنا ياباشا

Ahmed يقول...

رئيس الحلف الجميل مصطفى بيك

انت راجل جدع وجميل ومعرفتك مكسب لأي حد

وبعدين استر عليا ربنا يستر عليك, اهم سعتين الواحد فك فيهم عن نفسه وشاف ناس جميله زيك

خلاص ياسيدي, بصفتنا ممكلة الشمال هنديك وسام شرفي من أول بني سويف وانت نازل
ههههههههه


رنا يكرمك انت انسان جميييييييييييييل

mohamed ghalia يقول...

بااااااااااااااااااااشااااااااااا
وحشتنى والله
ياجدعان الراجل ده كان معايا من ساعتين ووحشنى
انت بجد الى شخصية هايلة
ربنا يكرمك وتتجوزززززززز
ههههههههههههههههههههه

غير معرف يقول...

بحقد والله بحقد عاااااااااااا
يلا ان شاء الله يكون فى لقاء تانى قريب وتكون الظروف سامحة اننا نتجمع كلنا
واعتقد انها كانت فرصة جميلة للناس اللى راحت واتعرفوا على بعض




صحيح هو البوست مش عجباك ليه كمل النصايح للاخر هتعجبك :)

ايوشة

فرفشة الوان يقول...
أزال المؤلف هذا التعليق.
EMMY BABY يقول...

ههههههههههههههههههه انا لسة صاحية من النوم

بجد والله كان لقاء حلو وعرفتنا على ناس حلوة اوووووووى

وحلوة الصور على فكرة وانا عندى صور كتير للحديقة حلوة اوى برضه

اشمعنى انت لحد شارعك وانا لاقرب شارع ههههههههههههههههههه كدة ظلم اعترض

سعيدة جدا بالتعرف عليك

تحياتى

ايمى

ليس فقيرا من يحب يقول...

السلام عليكم

طبعا حضرتك بتحكى علشان تغيظ

اللى محضرش اللقاء وانا فعلا

متغاظه ومفروسه كان نفسى احضر

فعلا بس للاسف الظروف

الحمد لله انكم استمتعتم باللقاء

وكل سنه وحضرتك طيب

فى حفظ الله

Unknown يقول...

يارب دايماً مجتمعين فى الخير
وفى حب الخير وفى طاعة الله
كل لقاء وأنتم طيبين
ياطيـــــــــــبين.

Unknown يقول...

انما يازعيم ايه
الدكتور ياسر بقى
وزير الصحة فى الحلف
فى الحلف!!!ازاى يعنى!!!
امال انا بعمل ايه اهنه؟!!!
هو فيه حركة تغير(حلفاوى)وانا
مش عارفة(واخد لى بالك)ولا ايه؟

الشعب لابد له من حكومه تشكمه يقول...

متغااااااااااااظه متغااااااااااظه
خساره كان نفسى اكونمعاكو وكان نفسى اتصل اسلم عليكو بس اتكسفت:) قعدت اقول اتصل على مصطفىولا سنيور هانى وبعدين اتكسفت بصراحه:)
اشوفكو على خير ان شاء الله فى مره تانيه..

Somaya Kamal El Din يقول...

اهىء اهىء اهىء


كان نفسى احضر

ومفروووووووووووسة جداااااااااااا

يلا يوم تانى تتشرفوا بحضورى هههههههههههه واكيد طبعا هتشرف بيكم

الحمد لله انكم ستمتعوا

موناليزا يقول...

يافندم عاوزين بالتفصيل الممل وانطباعات سيادتكم عن كل من قابلتهم
وعن المكان
واكتر شئ لفت نظرك فى اليوم ده
واكتر حاجة كنت مبسوط بيها
وايه اللى توقعته ومالقيتوش
وايه اللى توقعته ولقيته
ومين اكتر شخص حسيت انه مألوف شكلاً بالنسبة لك
ومين حسيت انه شبه مدونته من غير حتى ما يتكلم
وكده يعنى
انا مش هسأل كتير اهو عشان ماتقولش انى وكيل نيابة
وهسيبك بعد الاجابة تحكى بقى براحتك:)

ريمان يقول...

السلام عليكم

اكيد كان يوم جميل



يا رب تكمونوا اتبسطوا يا رب

تحياتى


كان نفسى ابقى معاكم بس معش بقى خيرها فى غيرها القاهره بعيده عليا شويتين

adel يقول...

استمتعت جدا باللقاء و معرفتك :)
تصدق نسيت ااقولك اني من اسيوط زيك
بس قاهري لاني مروحتهاش اصلا :)
بس الاصل يحكم طبعا :):)

mimi يقول...

أنا مخي ساااااااااااااااح النهاردة

بس كنت مبسوطة جداااااااا

والله كأني أعرف الناس اللي هناك من زمان

أنا حسيت إني قاعدة في المدونة بتاعتي عادي جداااا

بجد لازم أقابلك تاني

تيجي الخميس في حفل التوقيع بتاع مصطفي؟

mimi يقول...

أنا هستني لما كلكم تخلصوا بوستات وصور


وبعدين ييجي دور ميمي المحتلة

تاخد الصور والكلام

علي الجاهز طبعا

بس


ديموقراطية بقي

ههههههههههههههههههههههه

mimi يقول...

أنا كده مضيت حضور وانصراف

ههههههههههههههههههههه

فاتيما يقول...

انا إتشرفت بيك يا مصطفى
و بالكلام اللى قولناه قبل هجوم المدونين ما يأتى ...
ربنا يسمعنى عنك كل خير
إنت حد طيب و جدع قوى
حمدلله على سلامتك

yoyo يقول...

صباحك سكر يا مصطفى

حمد لله على السلامة من اللقاء الجميل
ماشاء الله اللقاء بجد كان فيه ناس كتير و الاجمل ان كلهم شخصيات محترم تستحق المعرفة بالفعل
لانهم مش مجرد مدونيين عاديين لا دول علامات مضيئة فى عالم التدوين

الصورة مش وحشة والله يا مصطفى
انا حاسة بجد انكم كلكم استمتعتم و قضيتوا وقت حلو
يارب دايما متجمعين على الف خير يارب
كل سنة وانت طيب
دمت اخى بالف خير و سعادة
تحياتى
يويو

hasona يقول...

السلام عليكم
ياااااااااااه

مش حسد ولا نق يا جماعة
غبطة ومحبة
لأنه أكيد كان لقاء جميل و ممتع
لأنه في مكان جميل
وجمع ناس حلوين
وجمع بين أفئدة وعقول نيرة
فكل المقاييس تجمعت ليصبح لقاء رائع
ان شاء الله يتكرر
ويزيد العدد والعدة والتعداد
قلوب تجتمع في الله وفي حب الله
تغلفها المحبة والجمال الداخلي قبل الخارجي

تحياتي

fL0weR-giRL يقول...

السلام عليكم
ــــــــــــ
والله انا كنت عايزة اروح انا عايزة اعيط سبوني اعيط ااااااااااااه مليس داعوه ااااااااااااااااه بس اهم حاجه انكم اتبسطوا ^_^ فرصه تانيه ان شاء الله
اااااااااااه ياخساره اااااااه

%_% :(

** تقبل مروري **

غير معرف يقول...

دايما مصطفى مجمعين على خير
وتكون انت برضه قائد المتجمعين ودليلهم
سعدت بسماع صوتك
وكمان شفت صورتك فى مدونة خالد فودة
علشان كده تبقى الصورة
اكتملت فى عين الام واللى لم تفرق ابدا
عن ماكنت ارسمه فى الخيال
دمت بخير

بنجاواتى يقول...

السلام عليكم

ما شاء الله يا مصطفى

واضح ان اللقاء كان جميل
جميل بوجودكم طبعا

واحييك على تنظيمك اللى واضح انه كان موفق جدا ومجهودك الرائع

ان شاء الله اكون معاكم المرة الجاية

تحياتى

غير معرف يقول...

السلام عليكم
ربنا يجمعكم ويجمعنا فى الجنة إن شاء الله
خالص تقديرى

عمرو جويلى يقول...

السلام عليكم
ربنا يجمعكم دايماً فى الخير
خالص إحترامى

غير معرف يقول...

يا بختكم

انا متغاظه اني مرحتش ..... وزعلانه جدا :((

حمد الله ع السلامه

الفراغ يقول...

حمدلله على سلامتكم
وعقبال المقابله الجايه واكون معاكم
وكل سنه وكل اللى حضروا المقابله وبدخل المدونات بتاعتهم كلهم كلهم بخير
بس البوست دا مش بيملا الفراغ اللى كنت منتظره انه يتملا بالصور والحكايات والمناقشات
انتوا بتختسروا اللقاء فى كلمتين
احنا عايزين شرح مفصل
ولا بتعاقبوا اللى ماجوش
والله غصب عنى...بجد كان نفسى اكون معاكم
بس للسن احكام
ربنا يديكم الصحه

Unknown يقول...

وشفتـــــــــــــ__ـــك
يازعيــــــــــــــــــم
أخيرا اخيرا شفــــــت صورتك
او بالاصح البروفيل(منظر جانبى)
بتاعك ايه دا!عمر الشريف مين ؟
براد بيت مين ؟الشاويش عطية مين:)
بجد بجد مش قادرة اوصف فرحتى :):):)

د. ياسر عمر عبد الفتاح يقول...

قعدتوا بعد ما أنا مشيت
خياااااااااااااااااااااانة

يلا مش مهم
أنا أصلاً كنت تقريباً بموت
وكان لازمن أروح أخد غطس نوم لحد تاني يوم ,, بس الغريب إني نمت في التاكسي وأنا مروح

كان يوم جميل يا زعيم

بالله عليك تشيل خصم اليومين اللي عليا
ده المرتب بيكفي بالعافية
ده أنا غلبااااااااااااان

محمد عرفه يقول...

ياريتني كنت معاهم



انا ومصطفى واحمد كنا هانيجي فعلا بس الظروف .... اصل عندنا امتحان يوم الاربعاء
ان شاء الله نكون موجودين المرة اللي جاية

كيكى عوووووو يقول...

عملوهاااااااا الوحوش!!
انا لتانى يوم والله لسة تعبانه من الهواء السااااااقع والطرواه ولمة الدنيا مطرت فاااكر؟؟
ياااااااه كان جوة بجد يخليك تعيط من فرط المشاعر
ع فكرة بقى انت شخصية لذيذة جدااا اى نعم انا متكلمتش معاك بس كنت واخدة بالى من كلامك
بخبث كنت بتابع
كع كع كع كع
كفايه بقى عشان حاسه انى هيغمى عليه

مسدس صغير يقول...

قعدت تقولنا مش عارف حاجة مش عارف حاجة
لحد مطلعت عارف كل حاجة
وبتقبض مرتب اد كده
وبتدى دروس خصوصية كمان
هههههههههه
بجد انا سعيد جدا بمعرفتك
وفرحان اوى انى شوفتك
احييك على البوست

تأثير الفراشة يقول...

ما شاء الله ، يارب دايما متجمعين فى الخير و عقبال لقاءات تدوينية عديدة و مفيدة


دمت بكل خير

المعتصم يقول...

بسم الله الرحمن الرحيم
السلام عليكم ورحمة الله وبركاته
..............
فشكووول
تحياتى منورنى ياعم صلاح
الله يسلمك
وحمدالله على سلامتك
نورت المدونة فى اول مرور وشرفتنى ويارب ماتكونش اخر زيارة يارب
انا سعيد جدا انى قابلت حضرتك وكل الناس اللى كانوا فى اللقاء
وان شاء الله نتقابل مرة تانيه واسعد بأرائك الجميلة حتى وان كنا مختلفين
اسعدنى مرورك
.............
نوارة
تحياتى
منورة المدونة فى اول مرور ويارب مايكونش الاخير
وان شاء الله نعمل لقاء تانى وتكونى معانا فيه هنا فى بلدك التانى مصر
فى زيارة سريعه لمدوناتك التلاته لقيتها كلها جميلة وذوقها عالى خالص
اسعدنى مرورك واتمنى دوام التواصل
.............
د\ستيته
تحياتى
انا اللى اتشرفت بمعرفتك يادكتورة وزى ماكنت بقول للى كل هناك اختى الكبيرة ياناس لدرجة انه كان فيه ناس فاكرة اننا اخوات بحق وحقيقى ونسيوا تماما حكاية الصعيد
اما حكاية الكشرى والمحشى دى انا مخليها على رواقه ده انا هعملها بوست مخصوص ههههههههههههههههه
نورتى المدونة يادكتورة
..............
البشمهندز احمد ابوالعلا
منورنى ياباشا
والله العظيم من اكتر الحاجات اللى اسعدتنى فى اللقاء انى اتعرفت عليك
ياعم يستر علينا كلنا ربنا
اسعدنى مرورك ويارب يدوم التواصل
شرفتنى ياهندسه
.................
صديقى العزيز محمد غاليه
ياباشا انت اللى وحشتنى بجد
وبعدين ماانا قلتلك شوفلى عروسه من عندكم وانت اللى رفضت
ربنا يكرمك يامحمد يارب ويحققلك كل احلامك وكل اللى بتتمناهانت انسان جميل
نورت المدونه ياباشا

المعتصم يقول...

ايةشه بنت خالى
منورة بلوجر سيبك انتِ
عارفه الناس كلها كانت بتسألنى عليكى وانا اقولهم ماعندناش بنات تحضر لقاءات ههههههههههههههههههههههههه
دى تنطخ على طول
ان شاء الله المرة الجايه ابقى اخدك معايا هههههههههههههههههههه
كملت النصايح للاخر ساعتها بس انا قلت انكش معاكى
نورتى المدونة يابنت خالى
...............
مين اللى حذف التعليق؟؟؟؟؟؟؟؟
................
ايمى بيبى
منورةالمدونه يادكتورة(يابتاعة القطط)
اللقاء كان حلو بسبب الناس الحلوة اللى كانت فيه زيك وبجد انا مبسوط انى اتعرفت عليكم
اما موضوع اشمعنى يبقى تسألى فيه ابوعلى انا ماليش ذنب فيه
ههههههههههههههههه
انا اسعد بالتعرف عليكى وحصلى الشرف ياافندم
اسعدنى مرورك ويارب يدوم التواصل
...............
ليس فقيرا من يحب
وعليكم السلام ورحمة الله وبركاته
اولا حضرتك منورة المدونة فى اول زيارة
ثانيا اه انا بحكى علشان اغيظ الناس اللى ماجتش اللقاء
ههههههههههههه
لأن اللقاء كان بصراحه كان يستاهل
وكل سنة وحضرتك طيبه وكل امتنا الاسلاميه بخير
اسعدنى مرورك
................
نورهاتى
اهلا يادكتورة ياوزيرتنا
اللقاء كان ناقص حضورك الجميل علشان كانت سعادتى تكمل
الدكتور ياسر وزير الصحه للشئون الرجالى ياافندم انما معاليكى وزيرة الشئون النسويه ولا ايه ؟ هو مش احنا حددنا الاختصاصات قبل كده ولا ايه؟؟

ماتشوفيش وحش يادكتورة يعنى شوفتى الامله
بس لما اشوف الواد خالد بس اللى سيحلى فى بلوجر
بس انا عاوز اعرف الفرحه دى كلها ليه يعنى؟؟؟
هههههههههههههههههههههههههه
نورتى المدونة يادكتورة
تحياتى
...............
الشعب لابد له من حكومه تشكمه
اهلا اهلا ياشيما هانم
تحياتى
متغاظه ليه بس وانا ذنبى ايه علشان تتغاظى عندى هنا
هو انا اللى قلت لك ماتجيش اللقاء
وبعدين فيه واحده تتكسف تتصل باخوها علشان تسلم عليه؟؟ انا بقى اللى زعلان منك
عموما ان شاء الله نتقابل مرة تانيه فى لقاء تانى قريب
نورتى ياشيما
...................
سميه كمال الدين
يعنى فى اول مرور ليكى عندى هنا تبتديها بالعياط كده ؟؟
ان شاء الله تحضرى معانا اللقاء الجاى واكيد طبعا كنا هنتشرف بحضورك
ههههههههههههههههههههه
نورتى المدونة وان شاء الله ماتكونش اخر زيارة

المعتصم يقول...

موناليزا
تحياتى
منورة المدونه
ايه ده كله ؟؟؟؟؟؟؟؟؟؟؟؟؟؟؟؟؟؟؟؟
دا كده مش وكيل نيابه
دا كده ظابط امن دوله
ههههههههههههههههههه
لو حضرتك تعبتى نفسك شويه ولفيتى لفه عند الناس اللى حضرت اللقاء هتعرفى كل التفاصيل دى لاننا كلنا تقريبا اتكلمنا عليه بس من وجهات نظر مختلفه
انما كل ده كتييييييير عليا وانتِ عارفه الظروف مش قد كده اليومين دول
نورتى المدونه واسعدنى مرورك
تحياتى
.................
ريمان
وعليكم السلام ورحمة الله وبركاته
اهلا يالماضه هانم
الحمد لله اليوم كان جميل
بس كان نفسى تيجى اللقاء
عموما خيرها فى غيرها ان شاء الله
نورتى يالماضه هانم
.................
عادل
بتاع الحكومه
منورنى يافنان
انا اللى استمتعت جدا باللقاء وسعيد بالتعرف عليك
ااااااااااااه نسيت تقول انك من اسيوط ولا خفت احسن يقولوا عليك صعيدى؟؟؟؟
اوعى هزعل منك ياعادل
ههههههههههههههههه
اكيد طبعا الاصل يحكم ياباشا
نورت المدونة بمرورك الجميل واتمنى دوام التواصل
تحياتى
.................
ميمى
تحياتى
الف سلامه على مخك ياست الكل
والله انا اللى مبسوط قوووووى انى اتعرفت عليكم بس كان نفسى ارغى معاكى شويه زيادة
انما عموما خيرها فى غيرها
مش هقدر اجى الخميس التوقيع بتاع مصطفى حسنى لانى فى البلد ومش هقدر اجى كايرو وكمان بابا تعبان شويه
هروح اشوف البوست بتاعك اكيد نزلتيه دلوقتى
انتِ نورتى وشرفتى ياباشا
.....................

المعتصم يقول...

فاتيما
ام يوسف
منورة المدونة وبلوجر كله
تحياتى
انا اللى اتشرفت بالتعرف عليكى وعلى كل الناس الحلوة اللى كانت موجوده
انا اول ماشوفتك حسيت انك اختى الكبيرة مش عارف ليه وعلشان كده اتكلمت معاكى بكل صراحه وده شيئ اسعدنى وان شاء الله هتبقى اول واحده تعرفى لما يكون فيه جديد
الله يسلمك ونورتى المدونه واسعدنى مرورك واتمنى دوام التواصل
...............
يويو
تحياتى
صباحك ومسائك سكر زيادة ياايه
الله يسلمك بس اللقاء كان ناقص وجودك
الصور انا جايبها من على النت مش من تصويرى انا مبحبش الكدب
الحمد لله الناس كلها كانت مبسوطه وان شاء الله اللقاء القادم نشوفك معانا
وكل سنه وانتِ وكل امتنا الاسلاميه بخير
ورمضان كريم
اسعدنى مرورك الجميل
.................
حسونه
وعليكم السلام ورحمة الله وبركاته
اخى الكريم اهلا بيك وبمرورك الجميل
اكيد غبطه ومحبه فى الله ياعمنا وربنا مايجيب بينا لا حقد ولا حسد
الحمد لله اللقاء كان جميل والناس اللى حضرت كلها كانت عقليات جميلة والواحد لايملك الا انه يحترمها
وان شاء الله اللقاء القادم تيجى معانا ونسعد بالتعرف عليك
شرفت المدونة بمرورك الجميل
تحياتى
.................
فلور جيرل
وعليكم السلام ورحمة الله وبركاته
انا زعلان منك على فكرة لانى قلتلك تعالى وكنت مستنى انك تيجى بس انتِ نفضتى
روحى بقى عيطى بعيد عن هنا هه
على فكرة اللقاء كان حلو قوووى والناس كلها اللى جت دى ناس زى العسل والواحد اتبسط كتيييييير بالتعرف عليهم وكل اللى ماجاش خسر كتييير
(وش مطلع لسانه)
ســـــــــــــــــــلام
.....................
ام مالك
امنا الفاضله
تحياتى
ربنا يجمعنا دايما على الخير وعلى المحبه فيه
انا بجد من اكتر الحاجات اللى اسعدتنى انى سمعت صوت حضرتك
بس الواد خالد سيح لى بحكاية نشر الصورة دى وخدنى على خوانه
اسعدنى مرورك وان شاء الله اللقاء الجاى نشوفك معانا ونسعد بوجودك
نورتى المدونة

Unknown يقول...

السلام عليكم ورحمة
الله تعالى وبركاته
الف لابأس على الوالد
الكريم ياأستاذ مصطفى
ربنا يطمنك عليه ويكمل
شفائه هو وجميع مرضى المسلمين
اللهم امين يارب العالمـــــين

موناليزا يقول...

الف سلامة على الوالد وان شاء الله نطمن عليه قريباً وربنا يشفيه ويخفف عنه
عذراً لم أعلم هذه الظروف إلا الآن
ولذلك وبناء عليه قررنا نحن موناليزا الشهيرة بـ أمة الله تأجيل الأسئلة المعروضة من جانبها مع الوعد من سيادتكم بإجابتها فى أقرب وقت ممكن:)

ملحوظة: على فكرة الأسئلة دى ماينفعش أعرف إجابتها من متابعتى للمدونات التى حضرت اللقاء لأنها بلغة المدونين "تاج" لا يجوز ان يجيبه شخص بدل من شخص اخر

Kiara يقول...

واضح انه كان يوم حلووووووووو يالا مش هقر بقي

بس مجموعه جميله جدا الي حضرت

عامل ايه مصطفى

المعتصم يقول...

الدكتور بنجاواتى
تحياتى
وعليكم السلام ورحمة الله وبركاته
اللقاء كان جميل بس كان ينقصه وجودك
وكان هيبقى اجمل بيك
بس على فكرة فيه حاجه انا مكنتش المنظم بتاع اللقاء
ده كان من تنظيم الدكتورة ستيته
ان شاء الله اللقاء القادم تكون معانا
ونشوفك ونسعد بمعرفتك
نورت المدونة يادكتور
تحياتى
..............
العصفورة
وعليكم السلام ورحمة الله وبركاته
اختى الكريمه
ربنا يجمعنا واياكى فى الجنه ان شاءالله
شكراعلى مرورك الجميل
..............
اللؤلؤة
وعليكم السلام ورحمة الله وبركاته
زعلان زعلان زعلان
بقى انا قاعد مستنيك وتنفضلى كده ولا حتى مكالمة تليفون
زعلاااااااااااااااااااااااااان
ســــــــــــــلام
................
فتاة من الصعيد
مروة هانم
منورانى
الله يسلمك وان شاء الله تبقى معانا المرة الجايه
تحياتى
.................
الفراغ
ست الكل منورة المدونة
تحياتى
الله يسلمك
وان شاء الله المقابلة الجايه تكونى منورانا
ربنا يديكى الصحه ويخليكى لينا
وكل سنة وحضرتك وكل امتنا الاسلاميه بكل خير
معلش على موضوع الاختصار ده بس الناس كلها كتبت عن اللقاء يبقى كل واحد يكتب من وجهة نظره
انما لو واحد كتب كل حاجه يبقى هيقطع على الباقيين
ربنا يديكى الصحه
وتكونى معانا اللقاء الجاى ان شاء الله
نورتى المدونة بمرورك الجميل ياست الكل
...............
د/ياسر
اهلا ياوزيرالصحه
بقى فيه وزير يقول للرئيس بتاعه خيانه؟؟
وقال يعنى كنت هتقعد لو كنا قلنالك
الف بعد الشر عليك يادكترة
الحمد لله كان يوم جميل وانا سعدت فيه بالتعرف على الناس الحلوة اللى كانت كلها
وخلاص ياعم علشان انت مش بتهون عليا شيلنا الخصم(انا عارف الظروف)
ههههههههههههههه
نورت ياوزير
...............
د/عرفه
منور يادكترة
طب ماانا اتحيلت عليك علشان تيجى وانت اللى ماجيتش
هعملك ايه بقى
ماتتحججش بالامتحان اللقاء كان يوم السبت والامتحان كان يوم الاربعاء يعنى كان فيه فرصه يامحمد
وعلشان كده انا زعلان منك لانى كان نفسى اقابلك
ان شاء الله الرة الجايه تكون موجود وهاخد منك تعويض عن المرة دى
ههههههههههههههههه
نورت يامحمد
...................
كيكى عووووووووو
اهلا اهلا بيكى فى اول زيارة ويارب ماتكونش الاخيرة
اه انا فاكر كويس كل الاجواء الممطره والرعد والبرق والمطرة
وكمان فاكر الشنطه اللى كان فيهاساندويتشات واخدتيها وخلعتى انتِ وصاحبتك من برة برة
هههههههههههههههههههههههههههه
ربنا يخليكى على ذوقك ورايك
ولو انا شاكك فى موضوع شخصيه لذيذه ده ممكن يكون حصل لبس فى الامور
ههههههههههههههههه
وبعد الشر عليكى انما انتِ مانزلتيش حاجه جديده بقالك فترة ليه
لعل المانع خير
شرفتى المدونة ونورتيها
.................
مسدس صغير
اهلا ياعم صلاح
منور
ليه الاتهامات الباطله دى يامتر؟؟
فين الحاجات اللى انا عارفها دى؟؟
لاااااااااااااااااااا خلى بالك انا كده ممكن ارفع عليك قضيه
هههههههههههههههههههههه
وبعدين انت هتطلع عليا سمعه؟؟ دروس ايه ياعم ياريت يسمع منك ربنا
هههههههههههههه
بجد والله ياصلاح انامبسوط جدا انى اتعرفت عليك وقابلتك
نورت المدونة ياباشا وان شاء الله يدوم التواصل
تحياتى
.....................
تأثير الفراشه
تحياتى يادكتورة
منورة بلجر
معلش انا مقصر معاكى شويه
انما سماح بقى
كان نفسى تكونى موجوده معانافى اللقاء
ونسعد بالتعرف عليكى
انما ان شاء الله مرة تانيه
نورتى المدونة وكل سنه وانتِ طيبه
.................
الدكتورة نور
وعليكم السلام ورحمة الله وبركاته
الله يسلمك وشكرا على دعواتك الجميلة
واللهم امين
مش هتدينى بقى العنوان علشان اجيبه اكشفله عندك؟؟؟؟؟
ههههههههههههههههههههههههههه
نورتى المدونة يادكتورة
................
والسلام عليكم ورحمة الله وبركاته

المعتصم يقول...

موناليزا
(ولا نقول حضرة الظابط)
هههههههههههههه
تحياتى
الله يسلمك
وشكرا على دعائك الجميل
والله بنشكر كرم سيادتكم اللى مش عارف بس نوافيه ازاى
بس موضوع التاج ده صعب شويه لانه مع الوقت ممكن يعنى الزهايمر يعمل عمايله وانتِ عارفه الشيخوخه المبكرة وكده
هههههههههههههههههه
انما ربنا يسهل وخليها بظروفها
ممكن نعمل ملحق للبوست بتاع اللقاء
ينفع كده ؟؟؟
نورتى المدونة
................
كيارا
تحياتى
اليوم كان جميل والحمد لله بس كان ناقص انى اشوفك انتِ وسويت
مصطفى الحمد لله بخير وبيسلم عليكى
ههههههههههههههههههه
نورتى المدونة يامنى
ســـــــــــــــــلام

Kiara يقول...

يلا معلش بقي الشغل واحكامه عااااااااااااا

موناليزا يقول...

منعاً لاى أعذار من جانبكم
ممكن سيادتك دلؤتى تجيب ورقة وقلم وتجاوب عليهم
ولكم مطلق الحرية فى مكان الاجابة
(سواء فى بوست منفصل- بس لو كده يبقى فيه شوية أسئلة كمان عشان يبقى بوست معتبر يعنى ويملا العين- .
او فى مدونتى ومش هيكون للنشر وده لو كانت الاجابات صريحة زيادة عن اللزوم ومش عايز حد يزعل منك:).
او فى تحديث لهذا البوست .
أو فى ردك على تعليقى عندك وأمرك لله بقى.

اسفة جداً بجد بس حقيقى لا يقبل أعذار:)
بمارس مهام وظيفتى اللى أنت أديتهالى:)

القلم السكندري يقول...

السلام عليكم

يااه

بقي تنسي نائب الحلف كدة ولا كأنه كن حاضر؟


لا اتعزمنا ولا أي شئ

ماشي ياحضرة الصعيدي الهمام

لك حساب عصير معايا ان شاء الله




جزك لله خيرا علي سؤالك

ودمت بحفظ الله

fnoonh يقول...

الله جميل جدا والله ربنا يوفقكوا لكل خير وكويس ان حد حضر واعتبرونا كنا معاكو تقبل خالص تحياتي

Eno يقول...

السلام عليكم :)

انا اسعد باللقاء يااستاذ مصطفي

وفعلا كان لقاء مثمر جدا ومفيد

تحياتي :)

موناليزا يقول...

:) يافندم شاكرين متابعتكم الغالية والتى تفيدنا دائما وتنبهنا إلى غلطاتنا المطبعية
:)
:)
ما زلت مُصرة على اللغة العربية مهما يحدث منى من قصور غير مقصود:)
عموما نحتاج نظرة ثانية من جانبكم للتأكد من إزالة الأخطاء
ولكم منا جزيل الشكر:)

mimi يقول...

رحت فين؟

غايب كده ولا حس ولا خبر؟

إيييييييه

المعتصم يقول...

بسم الله الرحمن الرحيم
السلام عليكم ورحمة الله وبركاته
************
كيارا
تحياتى
تتعوض مرة تانيه ان شاء الله
منورانى
ســــــــــلام
*************
موناليزا
تحياتى
عُلم وينفذ ياافندم
وان شاء الله قريب يتم التنفيذ
.........
وبعدين انا بيسعدنى انى بتابع مدونتك الجميلة وده من دواعى سرورى
وعلى فكرة انا مبسوط بانك مُصره على اللغه العربيه بس يارب ماتزعليش من غلاستى
ههههههههههههههههه
اسعدنى مرورك
ســـــــــــلام
*****************
القلم السكندرى
وعليكم السلام ورحمة الله وبركاته
اخى الحبيب حسام
تحياتى لمعاليك
ياباشا انا عارف انك بتصيف فماحبيتش انى ازعجك وقلت افوتلك الاجتماع ده
هههههههههههههههه
انا كان عندى شوية ظروف كده وقعدت فترة منقع عن التدوين وعن النت عموما ورجعت لقيت اللقاء ده واتدبست فيه بطريقه ظريفه
انما ملحوقه ياباشا احنا نعمل لمعايك لقاء مخصوص بس كده
ياريت العصير يبقى مانجه مااحنا فى الموسم بتاعها بقى
ههههههههههههههههههه
اخى الحبيب دوما يسعدنى مرورك
نورت المدونة
ســـــــــــلام
**************
فنونة
تحياتى
ربنا يخليكى وان شاء الله المرة الجايه تكونى معانا
نورتى المدونة
ســــــــــلام
***************
اينو هانم الحساسه
تحياتى
واهلا بيكِ فى اول زيارة ومرور ويارب مايكونش اخر مرور
هههههههههه
اللقاء كان جميل والروح كانت حلوة والحمد لله الواحد استفاد منه واتعرف على ناس زى الفل
نورتى المدونة بمرورك
تحياتى
****************
ميمى
تحياتى
مين اللى قال انى مختفى ؟؟؟
بطلى اشاعات
انا موجود اهه
بس فى المدونات التانيه
حتى عديت عندك مرتين
صحصحى كده وفوقى وركزى
ههههههههههههههههههه
نورتى المدونة بمرورك
***************
والسلام عليكم ورحمة الله وبركاته