الجمعة، 21 أغسطس، 2009

حكاية العريس

بسم الله الرحمن الرحيم
السلام عليكم ورحمة الله وبركاته
كل سنه وانتم طيبين
ورمضاااااان كريييم


طبعا الناس كلها مستنيه تعرف حكاية العريس اللى انطخ علشان مسك ايد عروسته يوم الفرح وهو بينزلها من الكوشه علشان يروحوا بيتهم
وطبعا كل واحد وواحده فيكم راسم احداث للحكاية فى دماغه
زى ابه ده مسك ايدها ياولد طخه بسرعه وكده
انما الموضوع غير كده خااااااااااالص
وطبعا انا يؤسفنى انى هخيب ظنكم ومايطلعش فيها السسبنس اللى كنتوا متخيلينه
ده لايمنع طبعا انها فيها سسبنس انما مش بنفس الحجم
طبعا كلكم دلوقتى اتخنقتوا منى ومن الرغى بتاعى
هههههههههههههههههههههههههه
نخش على الحكايه
.............
هنسمى العريس احمد والعروسه منى ماشى؟
منى بنت كويسه اتقدم لها ابن عمها(بسطويسى) علشان يتجوزها ولكن ابوها رفض
وبعد كده بفترة بسيطه جدا اتقدم احمد وخطبها وابوها وافق وهى قبلت
طبعا النار مسكت فى قلب بسطويسى وحاول بشتى الطرق انه يطلع قدامهم ان احمد ده وحش ماعرفش
واتكتب الكتاب والناس اتفقوا على يوم الفرح
وهوووووب جه اليوم الموعود وطبعا فرح عندنا يعنى ضرب نار للصبح
وكل عيلة لازم تتفشخر بكمية السلاح اللى عندها قدام العيلة التانيه وكل الناس تبقى معلنه حالة التأهب والاستنفار ولا كأنهم طالعين حرب
جه عمنا بسطويسى يوم الفرح وراح متخانق مع عويس اخو العريس
يبقى عويس ضرب بسطويسى
جه سيد اخو العروسه يدافع عن بسطويسى ابن عمه وراح ماسك عويس ومظبطه والدنيا هاجت وماجت
الناس الكبار هدوا الجو شويه
انما الشباب كان سخن خلاص
فضلوا على الحال ده شويه مابين شد وجذب ومناوشات من كلا الطرفين
لحد ماخلاص الفرح خلص والعريس والعروسه هيتزفوا ويروحوا على بيتهم
العريس نزل من الكوشه وبيمسك ايد عروسته
راح عمنا بسطويسى قايل لسيد اخوها وكمان بيمسك ايدها ايه قلة الحيا دى
هووووووووووووووووووب الخناقه قامت وماقعدتش وفى النص احمد اخد رصاصه ومات
طبعا عويس اخوه ماسكتش راح طاخخ بسطويسى وسيد
يبقى طاخ من هنا على طاخ من هناك مات سته من العيلتين
بــــــــــــس هى دى الحكاية
بس على فكرة الحكايه دى حصلت من فترة كبيره جدا
يعنى تاريخ
انما مايمنعش انه لما حد مننا يعوز يتلكك لحد ممكن يعملها تانى
ههههههههههههههههههههههههههههه
وكل سنه وانتوا طيبين
ســــــــــــــــــــــلام


هناك 40 تعليقًا:

شـقـاوة مـراهـقـة يقول...

ههههههههههههههههههههههههههههههههههه


ولله في خلقه عجاااااااااايب

شـقـاوة مـراهـقـة يقول...

وهيييييييه


انا اول تعلييييييييييييييق

فين الجايزة بتاعتي

ههههههههههههههه

شـقـاوة مـراهـقـة يقول...

انا متضايقه من بسطويسي ده قوووووي

اسمه مستفزز بصراحه

هههههههههههههه

هو مش اوي يعني لاحسن يطلع حد قريبكم وانطخ انا بالنار

ههههههههههه

شـقـاوة مـراهـقـة يقول...

بس بجد حرام ده ايه ده

احمد مات في الاخر

يلا ربنا يرحمه ويرحم الــ 5 الباقيين

شـقـاوة مـراهـقـة يقول...

يلا كفايه عليك كده تعليقات يا مستر ههههههههه

وكل سنه وحضرتك طيب

ربنا يعود عليك الايام بكل خييييييييييير

سلاموكااااااااا

adel يقول...

هههههههههه
كل سنة و انت طيب

ونصدق كنت راسم سيناريو تاني خالص للحدوتة :)
بس ده في ساسبينس برضه و يشد الواحد لحد اخر مشهد
وده تحذير لكل اللي عاوز يتجوز و اسمه احمد و ناوي ينزل العروسة من الكوشة
ماكان يسيبها تزل لوحدها هو العمر بعزقه

آيوشة يقول...

دى حكاية ماساوية العريس مات :(
وستة كمان غير العريس وطبعا غير ما كنا متوقعين خالص بص بصراحة ناس مجنونة وعارف انا لو من العروسة هطخ بسطويس ده اللى قلب الفرح ميتم
يلا ربنا يرحمهم ويصلح احوال الناس كلها

كيــــــــــــارا يقول...

ايه والنبي التفكير دا

بسطويسي دا حتي اسمه يرعب مديرية

لا حول ولا قوة الا بالله

كل سنة وانت طيب

بدراوى يقول...

هههههههههههه
بوست ظريف
و مناسب لأجواء رمضان
هههههه

رمضان كريم ابر اجبت

ضكتور جدا يقول...

هههههههههههه
كل سنة وانت طيب

ستيته حسب الله الحمش يقول...

اي نعم انا كنت فاكرة العروسة زي زيبة مرات سنبل ولما مسك ايدها ادته طوبة في نفوخه
او قلت ابوها قال التار ولا العار ازاي جوز بنتي يمسك ايدها
لكن الحمد لله بسطويسي ابن عمها وحمى شرف العيلة
نهارهم ابيض منقرش بموف غامق
مكنش فيه حد كبير عدل يهرب العروسة والعريس من الفرح الغم ده

سبحان الله قدر الله
بس صعبة قوي قوي القصة
الله يرحم الأموات ويرحم شعبنا من الغباء المستحكم

لأ خلاص انت رئيس رئيس يعني

بدليل انك بتستخدم المؤثرات القصصية علشان تردعنا
تمام يا ريس
ده انت احسن ريس
هههههههههههههههههههههههههه

كل سنة وانت بخير وسعادة

Sweet Violet يقول...

طب ممكن افوق من الصدمة و بعدها ارد ؟؟
دى بجد الحكاية
يعنى بجد جد يعنى
ولا ايييييييييييييييييييييييييييييييه
هى مش كانت مراته
ولا هو ماكنش عنده علم
انت بتخاوفينى ولا ايه
لالالالالالا مافيش حد كده ابدا
ينهار ابيض
بس طيب علشان نخفف الموضوع
هو اصلا بسبب الخناقة حصل كده صح ؟؟
ايوة ماهو فى الخناقة الشيطان بيهيص بقى
ايوة هو كده صح
لكن مش علشان العريس تجرأ و مسك ايد مراته يعنى
معتصم
تخيل بقى بسبب القصة الغريبة دى
مافيش كل سنة و انت طيب
هه بس
×_×

الفراغ يقول...

صح النوم يامصطفى
ان قرأت وعملت اللى عليا
الله يرحم الجميع
ورمضان كريم
وبلاش الحكايات اللى توجع القلب دى
والله اللى صعبان عليا فى الموضوع ..هى العروسه اللى ماتهنتش بمسكة ايده
تفتكر هاترضى باى حد يمدلها ايده بعد كدا؟؟؟؟؟؟؟
ياما فى الدنيا مظاليم

د. ياسر عمر عبد الفتاح يقول...

مهو برضه غلطان يا زعيم
هوه يمسك إيدها ليه؟


إيه العالم دي

اللؤلؤة يقول...

حضرة الصعيدى الهمام
السلام عليكم
أولاً : مبارك عليك وعلينا هذا الشهر الكريم
ثانياً : الحكاية جميلة جداًوربنا يرحم الكل
دمت بكل الخير
ورمضان كريم يا صديقى العزيز

المعتصم يقول...

بسم الله الرحمن الرحيم
السلام عليكم ورحمة الله وبركاته
**************
شقاوة مراهقه
تحياتى
دا احتلال رسمى بقى
ههههههههههههههههه
ومبروك عليكى اول تعليق
بس انا مش بدى جوايز انما ممكن تاخديلك طلقتين من اللى اتضربوا فى الفرح تلعبى بيهم
هههههههههههههههههههههههه
الاسماء طبعا مش حقيقيه (ماتودوناش فى داهيه دول صعايده)
وكل سنه وانتِ طيبه
نورتى المدونة
*****************
عادل
وانت طيب ياحبيبى وبكل خير
انا عارف ان كل واحد كان راسم فى ذهنه حوار كده للقصه غير ده خالص
يللا بقى هو كان عمره خلص فطلبت معاه يمسك ايدها
انما ماتقلقش من ساعتها والناس اتعلمت الدرس
هههههههههههههههههههههه
نورت ياعادل
****************
ايوشه بنت خالى
منورانى
ليه هو انتِ مكنتيش تعرفى ان العريس هيموت !!!!!!!!!!!!!!!!!!!!!
ههههههههههههههههههههه
بس على فكرة ال6 اللى ماتو من ضمنهم العريس علشان مانبقاش كدابين
هههههههههههههههه
وبعدين ماعويس طخ بسطويسى ماتقلقيش
ههههههههههههههههههههههههه
ربنا يصلح الاحوال
(هتعزم على الفطار امتى؟؟؟؟؟؟)
ســـــــــــــلام
*******************
كيارا
كل سنه وانتِ طيبه وبكل خير
اهو اللى حصل بقى
بس ايه رأيك فى الساسبينس ده
ههههههههههههههههههه
بس الاسامى انا مغيرها وحاطط اسامى من نافوخى
نورتى المدونة
******************
بدراوى
تحياتى
كل سنه وانت طيب
الحكاية دى نازله بناء على طلب الجماهير يابدرا
هههههههههههههههههههه
بس ايه رأيك مش كلها تشويق واثارة ومتعه
ههههههههههههههههههههه
نورت يابدراوى
*******************
ضكتور جدا
تحياتى
اهلا بحضرتك فى اول زيارة
وكل سنه وانت طيب وبكل خير
ورمضان كريم
نورت المدونة
*******************
د/سوتيته
تحياتى
كنت عارف انك راسمه احداث تانيه خالص وعلشان كده مارضيتش اقول القصه على طول
ههههههههههههههههههههههه
بسطويسى مش غريب برضو ولحق شرف العيله من الوحل
هههههههههههههههه
بس ايه رأيك فى جو الرعب ده ؟؟ اى حد يكح كده ولا كده اهو شاف وعرف
ههههههههههههههههه
كل سنه وحضرتك طيبه وبكل خير
نورتى المدونة
*****************
سويت هانم
كل سنه ومعاليكى طيبه وبكل خير
القصه بجد وحق وحقيقى
اه كانت مراته بس يمسك ايدها ازاى يعنى ؟؟ احنا ماعندناش المياصه دى
هههههههههههههههههه
احنا عندنا الشيطان اصلا بيخاف يجى لنطخه غلط فى الخناقه
ههههههههههههههههههههه
اديكى شوفتى اهه يعنى تركزى كده وتعقلى وبلاش كل شويه تناكفى فيا احسنلك (كل لبيب بالاشارة يفهم)
هههههههههههههههههههه
وعموما انا طلعت اكرم منك وقلتلك كل سنه وانتِ طيبه
نورتى المدونة
******************
الفراغ
ست الكل
كل سنه وحضرتك طيبه وبكل خير يارب
القصه دى نزلت بناء على طلب الجماهير العريضه
هههههههههههههههههه
والعروسه مش هتفكر ترضى باى حد بعد كده لانه مافيش اصلا حد فكر انه يتقدملها بعد كده
ههههههههههههههه
نورتى المدونة ياست الكل
ورمضان كريم
*******************
د/ياسر
منور ياوزيرنا الكبير
مش كده برضه ؟؟ الجماعه دول مش قادرين يقتنعوا ان احمد غلطان من ساسه لراسه
حبكت يعنى يمسك ايدها
خلاااااااااااص يعنى
مش قادر يستنى شويه
ههههههههههههههههههههههههه
نورت يادكتور
وكل سنه وانت طيب
والسلام عليكم ورحمة الله وبركاته

المعتصم يقول...

اللؤلؤة
حضرة المنوفى التمام
وعليكم السلام ورحمة الله وبركاته
صديقى العزيز عمرو
كل سنه وانت طيب وبكل خير يارب
ورمضان كريم
مش هتبطلوا العاده اللى فيكم دى؟؟
كل حاجه حاشرين فيها مبارك حتى فى الشهر الكريم؟؟ ياناس حرام عليكم
ارحمونا منه شويه مش كده
ههههههههههههههههههه
بس انت بتقول ان القصه جميلة.طب ازاى يعنى؟؟ مش فاهم؟ ايه ياترى وجه الجمال اللى فيها؟؟ولا تكونش انت صعيدى متنكر فى زى منوفى؟؟
ههههههههههههههههههههههه
نورت المدونة ياعمنا
وكل سنه وانت طيب

آه من قلبي يقول...

هو كل دة ومفيش سسبنس
اومال لو فيه بقى
انا تخيلت انه مسك ايدها فالبنت طلبت الطلاق
ولله في خلقه عجائب
اتمنى تشرفني في مدونتي

رامز عباس يقول...

كل سنة وانت طيب

يا زعيم ارهابيوا اسيوط العظيم الملأ المعتصم

كل سنة وانت طيب ويارب نحضر فرحك ويارب في رمضان تعزمنا علي فراخ كنتاكي


من اللي قلبي بيحبهم ولساني عمر مدقهم


بقا ياراجل داخل تعلق علي الامام فشخراوى واخر ك انك تقولي انه الزعيم متجوز من 28 مش من تلاتين هينعي هي فرقت سنتين وكمان قاعد بتعدله

هو مفيش فوايد دا حتي البنوك بتطلع فوايد

ريمان يقول...

������ �����

�� ����� �� �� �����

����������������


��� ����


�� �� ��� ���


����� ����

ريمان يقول...

ايه ده؟

هو الكلام فى التعليق بتاعى ظهر كده ليه


البلوجر شكله مهيس حبتين

mimi يقول...

كل سنة وانت طيب

ورمضان كريم

حتى تشرق الشمس يقول...

السلام عليكم ورحمة الله وبركاتة
كل عام وانت بالف خير
وههههههههههههههه
على الحكاية
واعانك الله على رمضان والطاعة
دمت فى عبادة

أحمـــــــــــــد أبو العلا يقول...

كل سنه وانت طيب ياجميل
كل سنه وانت بصحه وسلامه

اللي انت بتقوله ده يخلي أي أحمد ميقربش ولو كيلو من أي منى من بتوع الجنوب
هههههههههه

كلام من قلبي يقول...

كل سنة وانت طيب
حلوة القصة ده بس تخوف
ده اول زيارة ومستنية زيارتك
ورمضان كريم

ঔღঔ نـــوارة ঔღঔ يقول...

ههههههههههههههههههههههه

ربنا يرحمهم بقى

دول مش اول ناس تموت بسبب ذكاء الصعايدة :] ولا اخر ناس طبعا

ههههههههههههههههههه

اهم حاجة ياخويا انتبه على مستقبلك واخطب بنت ملهاش اي ولاد عم ومحدش متكلم عليها اصلا

يعني مثلا اخطب واحدة قرردة وبايرة ومحدش بيبصلها ههههههههههههههههههههه

انا حايفة عليك مش اكتر :]

عشان تحرم ترفض اختي (وش ملطع لسانه )

ههههههههههههههههه

كل سنة وانت طيب

دمت بالف خير

الشعب لابد له من حكومه تشكمه يقول...

بجد والله دى قصه حقيقيه انا مستنيه انك تقول انك بتهرج لقيتك بتقول انها حصلت من زمان؟ يالهوىىىىىى:)
كل سنه وانت طيب ورمضان كريم عليك والسنه الجايه يكون فى بامبينو صغنن كده نهشتكه

ليس فقيرا من يحب يقول...

السلام عليكم

بقه الحكايه كده دا انا

فكرى راح لبعيد وكنت مالفه قصة بس ايه

عموما العريس ارتاح وريح بدرى

بدرى ههههههههههههههههههههههه

كل سنه وانت طيب

رمضان كريم

خالد فوده - Khaled fouda يقول...

ههههههههههههههههه
يا دماغك العاليه

كل سنه وانت طيب يا باشا
ورمضان كرييييييييييييييييييييييييم

المعتصم يقول...

بسم الله الرحمن الرحيم
السلام عليكم ورحمة الله وبركاته
**************
اه من قلبى
تحياتى
منورة فى اول مرور ويارب مايكونش الاخير
لااااااااااااا
ده فيه حكايات تانى كتير مليانه سسبنس
بس انا مش بحب انزلها علشان الرعب اللى فيها زياده شويه
ههههههههههههههههه
نورتى المدونة واسعدنى مرورك
*****************
رامزعباس
حبيبى
كل سنه وانت طيب وبصحه وبخير
وانا عارفك هتفضل ورايا مش هتسيبنى غير على باب امن الدوله
وان شاء الله المره الجايه لما نتقابل نبقى ناكل انا وانت كنتاكى ياعم
على فكرة بقى الفوايد حرااااام ولاانت عندك كلام تانى ؟؟؟
ههههههههههههههه
نورت ياباشا
****************
ريمان(لماضه هانم)
كل سنه وانتِ طيبه
هو انتِ كاتبالى تعليق بالهندسه الفراغيه!!!!
طب وده هفهمه ازاااى يعنى
ولما انتِ شوفتيه بالشكل ده ماهنش عليكى تكتبيه مره تانيه
شكلك كده قصداها معايا انا عارفك
ههههههههههههههههههههههه
نورتى المدونة بمرورك الجميل
***************
ميمى
كل سنه وانتِ طيبه
والله اكرم واكرم
****************
حتى تشرق الشمس
وعليكم السلام ورحمة الله وبركاته
ام سلمى
كل سنه وانتِ طيبه وبكل خير يارب
وربنا يعيننا ويقوينا على العمل الصالح
نورتى المدونة
****************
البشمهندس احمد ابوالعلا
منور يا باشا
وكل سنه وانت طيب وبكل خير يارب
هو العريس مكنش اسمه احمد بس انا كنت قاصد اخوفك بالحكايه دى
وبرضة هجوزك من عندنا وعروستك ست ابوها موجوده ومستنياك
وانا هفاتحهم فى الموضوع قريب
وانت ماتقدرش ترفض والا كده يبقى انت بتعيب على بنت الناس ودى كبيرة قوى فى حقهم وشوف انت ممكن يعملوا فيك ايه
اصل انا بصراحه بعزك بعزك يعنى
هههههههههههههههههههههههههههههههه
نورت المدونة ياهندسه
****************
كلام من قلبى
تحياتى
واهى بيكى فى اول زيارة ويارب ماتكونش الاخيرة
وكل سنه وانتِ طيبه ورمضان كريم
نورتى المدونة واسعدنى مرورك
****************
نوارة
تحياتى
وكل سنه وانتِ طيبه وبكل خير
من حقك تتريقى براحتك وانا استاهل
بس انا مكنتش اعرف انها اختك والواد عادل دخل فى الموضوع وهو اللى عمل اللخبطه
بس على فكرة هو داير اهه على بلوجر على حل شعره وانا حذرتك
لسه خاطب اول امبارح واحده مدونه
دى غير ماريا صاحبة ميمى بتاعة بوخارست قريبه دراكولا
هههههههههههههههههههههههههههههه
نورتى المدونة يانوارة
***************
الشعب لابد له من حكومه تشكمه
شيما هانم
كل سنه وانتِ طيبه وبكل خير
حقيقيه جدا خالص مالص
ههههههههههههههه
طب مش الاول تيجى ام البامبينو وبعدين ييجى البامبينو
ماانا بقولك شوفيلى عروسه حلوة فى بلدكم واكسبى فيا ثواب اديكى شايفه اخرة اللى بيتجوز هنا بياخد لقب مرحوم من قبل الدخله
ههههههههههههههههههههههه
نورتى المدونة ياشيما
***************
ليس فقيرا من يحب
رانيا هانم
وعليكم السلام ورحمة الله وبركاته
تحياتى
وكل سنه وانتِ طيبه وبكل خير
انا معاكى انه هو ارتاح بدرى بدرى
انما ماريحش ده ساب وراه بلاوى
دول 6 قتله يعنى تارهم هم مايتلم
ماهو انتوا ماتعرفوش
ههههههههههههههه
شكرا على مرورك الجميل
والسلام عليكم ورحمة الله وبركاته

المعتصم يقول...

خالد فوده
الباحث عن المتاعب
وتاعبنا معاه
منور المدونة ياعمنا
كل سنه وانت طيب وبكل خير
والله اكرم واكرم ياسيدى
شكرا على المرور الجميل

z!zOoOo يقول...

السلام عليكم

ازيك يا معتصم يارب تكون بخير

كل سنه وانت طيب والعائله طيبه وبخير

ومصطفي الصغير بخير

قولي بقي جبتله فانوس؟؟

يلا هسيبك عشان تجيبله فانوس

ثم بسطاويسي ده زي ما قال د/ احمد

خالد توفيق اي مخبر اسمه بسطاويسي :D

وانا مع ايوشه لو من العروسه هطخ بسطويسي المخبر 15 مره

طبعا ديه بلدنا الحبيبه :)

يلا يا سيدي اسيبك في الدم الي انت عايش فيه ده

واقولك تاني كل سنه وانت طيب

ورمضان كريم

غير معرف يقول...

هههههههههههههههههههههههه

اخيرا هى دى حكاية العريس

طب اموت واعرف بسطوويسى قال ايه قلة الحيا دى ليه مهو جوزها

انتم هتجننونى قريب انا عارفة

انا لازم اخليهم يودونى الصعيد فى يوم فرح علشان اطخ ههههههههه

كل سنة وانت طيب

تحياتى

ايمى بيبى

سمسم/سما يقول...

السلام عليكم
اول زيارة لي هنا\
والاقي الناس تتطخ وتموت
انا ارجع احسن
كل سنة وانت طيب
وربنا يجعلنا ممن يغفر له
ويعتق من النار
ويعيده علينا بالخير
اللهم اميــــــــن

فتاه من الصعيد يقول...

هههههههههههههه

كان قلبي حاسس ان فيها حد سخن الموضوع

بس كده تخوف الناس مننا :(

يلا كل سنه وانت طيب

العصفورة يقول...

عمو المعتصم
السلام عليكم
كل عام وحضرتك والأمة الإسلامية آجمعين بكل خير
ورمضان كريم
خالص تقديرى

واحده من الناس يقول...

ايه ياعم ما احنا من سوهاج ومعندناش الكلام ده ولا هى المنيا بتبدع لوحدها
:)
ثم كل ده عشان ايدها
كنتى سيبيه يمسك ايدك يا فوزيه يمكن تطرا ف ايده
ههههههههههه

ثم انت ياعم نت كده هتسوء سمعة الصعايده وتخوف المصراويه مننا وانت الجانى على روحك دول مش بعيد يبطلوا يزوروك فى المدونه
حقهم
مش يمكن بسطويسى مستخبيلهم هنا ولا هنا
قد اعذر من انذر

فشكووول يقول...

ازيك يا مصطفى ... الحمد لله انى مش من عندكم ... اصل بخاف من الطاخ واى حد ممكن يطخنى

كل سنه وانت طيب ورمضان كريم

النت رجع وكل حاجه بقت معدن والحمد لله وصحيح هو تقيل جدا والامر بياخد حوالى ربع ساعه لكن انا كنت فين وبقيت فين

رمضان كريم

z!zOoOo يقول...

السلام عليكم

بلدياتي العزيز

فينك يا عم صباح الانتخه

انت بتفطر وتنام ولا إيه

إصحي كده وتعالي طمنا عليك

دمت بكل ود

في رعايه الله

فاتيما يقول...

انا صعبان عليا العروسة بصراحة
طلعت من الفرح بلا عرسان خالص
و طبعا دى محدش يهوب يمتها بتاتاً
إيه يا عم طبعكو الصعب دا
دا الواحد يخاف يهوب حداكم خالص
إنت لما تتجوز تعمل فرحك ف مصر بقى عشان نعرف نيجى من غير قلق ف القعدة
الحكاية معبرة من غير كلام
بس الناس تفهم و تعى
أسلوب سردك تحفة على فكرة
و رمضان كريم يا فندم
بس من غير ضرب نار