الأربعاء، 5 أغسطس 2009

اللقاء


بسم الله الرحمن الرحيم

السلام عليكم ورحمة الله وبركاته

ان شاء الله لقاء المدونين هيكون بعد يومين

والناس اتفقت انه هيكون فى الازهر بارك

ده كويس وجميل وزى الفل

انما الحوسه بقى انه ماحدش عارف هو هيبقى فين جوه الازهر بارك

يعنى المفروض انه يكون فيه مكان محدد نتقابل فيه

انما المشكله اننا قلنا الازهر بارك وسكتنا

فمعلش اخوكم مارحش الازهر بارك قبل كده ومايعرفش ايه الكافيهات اللى فيها جوه

فياريت اى حد يعرف اى كافيه جوة يلحقنى بيه بسرعه

اشوفكم يوم السبت ان شاء الله

ســــــــــــــــــــــــــــــــــــــــــــــــــــــــــــــلام

هناك 21 تعليقًا:

mimi يقول...

انا معرفش برده

mimi يقول...

كان نفسي في الاحتلال بس خليه يوم السبت

وان غاب القط

العب يا فار

نيااااااااهاااااااااا

بنجاواتى يقول...

للاسف مش عارف برضه

الظاهر اننا فى ورطة

المجاهد الصغير يقول...

السلام عليكم
معرفش المكان بس ان شاء الله نرجو من حضرتك ان تنزل تدوينه بما حدث فى هذا اليوم واكيد يوم جميل
وفقكم الله
كل سنه وانتم طيبين
اللهم بلغنا رمضان

fL0weR-giRL يقول...

السلام عليكم
*************
بصراحه مش عارفه لانه بردوا مش عارفه اجي ولا لع

عمرو جويلى يقول...

السلام عليكم
يوم السبت إن شاء الله سوف يكون يوم مبارك
لأن
الأحباب المدونون سوف يجتمعون فى هذا اليوم
دمت بكل الخير

المعتصم يقول...

بسم الله الرحمن الرحيم
السلام عليكم ورحمة الله وبركاته
***********
ميمى هانم
تحياتى
وبعدين فى الحوسه اللى انا فيها دى ؟؟
والعمل ايه بقى ؟؟
يوم السبت يحلها المولى من عنده
ابقى احتلى براحتك ولا بيهمنا لانك فى الاخر انتِ اللى هتزهقى وتمشى
ههههههههههههههههههههه
انما قوليلى بقى البوست بتاع منكم لله ده محيرنى قوووووى زى مامحير الناس كلها ده انا خليت ناس صحابى دخلوا شافو البوست علشان يقولوا رأيهم وبرضو احتاروا(والكل اجمع وبصراحه ومن غير زعل على انها صدمه.......)
بس مش عارف ليه انا شاكك فى كده
عموما سيبك المهم انك بخير
ومعاليكى نورتى المدونة
**************
بنجاواتى
تحياتى واهلا بيك فى اول مرور بالمدونة
بس هو مش الظاهر اننا فى ورطه لاننا فيها فعلا
انما سهله ان شاء الله احنا نروح هناك ونقضيها تليفونات بقى واكيد هنظبط الدنيا لاتقلق
نورت المدونة واسعدنى مرورك
*************
المجاهد الصغير
وعليكم السلام ورحمة الله وبركاته
اهلا وسهلا اختى الكريمه
منورة المدونة
ان شاء الله هنزل بوست بكل اللى حصل (بس اللى هقدر افتكره علشان ماابقاش كذاب علشان الزهايمر شغاااال معايا عنب)هههههههههههههههه
وكل سنه واحنا وانتِ وكل امتنا الاسلاميه بخير
نورتى المدونة واسعدنى مرورك
***********
فلور جيرل
وعليكم السلام ورحمة الله وبركاته
مش عارفه هتيجى ولا لع (جيبتى لع دى منين؟؟؟ محدش بيقولها غيرنا؟؟)
ههههههههههه
عموما ان شاء الله هتحضرى وتنورينا
نورتى المدونة بالمرور
************
اللؤلؤة
وعليكم السلام ورحمة الله وبركاته
صديقى العزيز
المنوفى التمام
تحياتى
هو ان شاء الله يوم السبت هيكون يوم جميل
بس يعنى مالقيتش وصف توصفه بيه غير مبارك
يعنى هو علشان بلدياتك يااخى حرام عليك طب نفك منه ولو يوم من نفسنا مش كده
ههههههههههههههههههههه
اشوفك يوم السبت ان شاء الله
نورت ياباشا
تحياتى
والسلام عليكم ورحمة الله وبركاته

غير معرف يقول...

السلام عليكم
معرفش المكان بس ان شاء الله نرجو من حضرتك ان تنزل تدوينه بما حدث فى هذا اليوم
خالص تقديرى

غير معرف يقول...

عارف الحوسة فى ايه يامصطفى
ان تليفونك مكتوب
يعنى اكثر التايهين حيتصلوا عليك
يلاقكوا تايه زيهم
لازم انت بالذات تتصرف فى الموضوع ده
اقولك اقف فى مكان معين وكل اللى يتصل عليك اوصف له مكانك وبكده تبقى انت يابطل صاحب تحديد المكان
مش كده برضه وبعد اللقاء عاوزين تفاصيل بالبطىء
كلنا معاكم بقلوبنا
ربنا يبارك ويبعد عنكم الشيطان
تحياتى

د. ياسر عمر عبد الفتاح يقول...

محدش عارف الأزهر بارك؟
امال وافقنا عليها ليييييييييييييييييه؟


علي العموم متقلقوش
احنا نتقابل كلنا جنب النخلة وخلاص
أو تحت السحابة :)

غير معرف يقول...

لما موش عارفين هي فين ...... وافقتوا عليها ازاي

ربنا معاكم في الحوسه ...... ولقاء مبارك

Sweet Violet يقول...

طيب و ليه كافيه ؟؟
ماتتجمعوا الاول وبعدين تحددو انتم المكان اللى هتقعدوا فيه
عموما
افضل مكان ممكن تتقابلوا فيه عند النافورة دى موجوده قدام الباب الرئيسى على طوووول وواضحة يعنى من السهل تلاقوا بعض

ان شاء الله يكون لقاء سعيد
دمت بكل ود

mohamed ghalia يقول...

ههههههههههههههههههههه
ذكاء خاريق ههههههههههههههه
صاحبك برده ميعرفش
أقولك هكلمك على رقمك ونتقابل مكان منتقابل
ربنا يستر

z!zOoOo يقول...

السلام عليكم

ازيك يا عم مصطفي
ايه يا زعيم لا سؤال ولا سلام ولا اي شيء

طيب تليفون

ماشي يا عم بس خد بالك انت كده مقصر ناحيه مرؤوسيك

يلا يا عم مش مهم

المهم انا جيت اسئل عليك واقولك يارب تكون بخير

ويارب يكون لقاء جميل

وفعلا لو فيه نافوره او تمثال عند الازهر بارك إتقابلوا عنده او مثلا واحد من القاهره من الي هيروحوا اللقاء
ينزل يدن هناك ويعرف أيه الدماغ ويلاغيكم

ربنا يستر ويوفقكم

وهستني التفاصيل الممله المشله

تحياتي

رامز عباس يقول...

متقلقش واستني هكلمك تلفونيا

الفراغ يقول...

ربنا يسعدكم
وماتنسوش الصور
اصلها جنينه حلوه قوىوربنا يجعل يومكم جميل ودرجة حرارته هاديه وناديه
ههههههه
بس ان شاء الله بقلوبكم الحلوه هايكون كل شيء جميل
قلبى معاكم وبسلم على كل واحد فيكم

المعتصم يقول...

بسم الله الرحمن الرحيم
السلام عليكم ورحمة الله وبركاته
**************
العصفورة
وعليكم السلام ورحمة الله وبركاته
تحياتى
ان شاء الله ربنا يسهل ويكون لقاء جميل
وان شاء الله هحاول انزل بوست بالتفاصيل
نورتى المدونة يامى
تحياتى
**************
ام مالك
تحياتى
ولا حوسه ولا حاجه احنا قدها وقدود
انا هروح بدرى شويه وان شاء الله الموضوع يتحل
اما حكاية تفاصيل بالطئ دى فاانا هحاول انما لو الزهايمر اشتغل يبقى عندى عذر انا بقول اهه من الاول
ههههههههههههههههه
نورتى المدونة ياامنا الفاضله
**************
د/ياسر
تحياتى ياوزير
وانا ايش عرفنى وافقتوا عليها ليه؟؟
انا كنت غايب ورجعت لقيت الازهر بارك قلت اكتب النمرة علشان تكلمونى لقيت نفسى اتدبست ماتعرفش ازاى يامعلم ههههههههههههههههههه
انما وبما انى زعيم حلف يبقى لازم احل الموضوع ده
وعلى رأيك احنا نتقابل تحت النخله زى الفل ليك ساعات كده بتفهم وتبقى مجرم واقتراحاتك لوذعيه
ههههههههههههههههه
نورت ياوزير
****************
فتاة من الصعيد
تحياتى يامروة هانم
احنا مش مش عارفين هى فين احنا مش عارفين هنتقابل جواها فين
فيه فرق
بعدين سهله ان شاء الله هتتظبط
بس يعنى مالاقيتيش غير مبارك اللى توصفى بيه اليوم واللقاء؟؟
حرام عليكى هو من حبنا فيه يعنى؟؟
ربنا يستر واللقاء يعدى على خير
ههههههههههههههههه
نورتى بمرورك
****************

المعتصم يقول...

سويت هانم ابوالدهب
اهلا اهلا اهلا
عارفه والله ليكى وحشه كبيرة قووووووى
طول عمرك دوقرمه والحل بتاع النافورة ده كويس خالص بس هو يعنى انا هفضل واقف هناك لغاية ماالناس كلها تيجى !!!
حرام عليكى الدنيا هتبقى حر ولا ايه؟؟
على العموم هتتظبط ان شاء الله
بس ايه ده ؟؟ هو معاليكى مش هتيجى؟؟
امممممممممممممممم
فكرى فى الموضوع
نورتى المدونة بمرورك الجميل
تحياتى ودمتِ بكل خير وود
*****************
محمد غاليه
تحياتى
ربنا يبسطك كمان وكمان
بس هو اللى محيرنى : الذكاء الخارق هنا المقصود بيه مين ياحمااااده؟؟
شكلك كده عاوز تتبطح
عموما مستنى تليفونك يا باشا
نورت المدونه
*******************
زيزو
وعليكم السلام ورحمة الله وبركاته
صديقى العزيز
تحياتى
معلش انا صحيح مقصر معاك وفى حقك خالص
بس اعذرنى الظروف كانت صعبه قوووى
وان شاء الله لما ارجع من كايرو هبقى اكلمك ونحدد معاد ونتقابل فى اسيوط

وربنا يسهل ونعرف نلم الدور بكرة
هههههههههههههه
اما بخصوص التفاصيل الممله المشلة فيامسهل بس انا مااوعدكش انت عارف الزهايمر ياعمنا
نورت المدونة بمرورك الجميل
ســــــــــــــــلام
******************
رامز عباس
تحياتى
ياباشا انا مش قلقان خالص
ومستنيك ان شاء الله بس المعاد اللى بتقول عليه ده بدرى خالص
خليها الساعه 10 قبل المعاد بنص ساعه يبقى كويس
اسعدنى مرورك
***************
الفراغ
ست الكل
منورة بلوجر كله
ربنا يسهل ان شاء الله ويكون لقاء جميل وكان هيبقى اجمل لو حضرتك كنتِ قررت انك تشرفينا وتكونى معانا فيه
انما ان شاء الله نعمل لقاء تانى فى ابن سندر مخصوص علشانك
اما موضوع الصور ده فبصراحه مش عارف هنعمل فيه ايه
وكمان انا التليفون اللى معايا صورته مش حلوة يعنى ده هيبقى مش من اختصاصى انا
الصور هتبقى من اختصاص اى مدون زميل تانى معاه عدة تليفون بتصور كويس
اه ولانبى ربنا يجعل درجة الحرارة هاديه وناديه وفاديه وكل البنات اللى اسمائهم حلوة دول
ههههههههههههههههه
احسن انا مش بطيق الحر اصلا
وسلامك وصل ياست الكل
نورتى المدونه واسعدنى مرورك
والسلام عليكم ورحمة الله وبركاته

ريمان يقول...

سيدى يا سيييييييييييييدى ع اللقاءات


ههههههههههههههههه



يوم سعيد عليك ان شاء الله

يا رب مش تتوهوا من بعض

fnoonh يقول...

والله اتمنى اجي بس ظروف البعد عن القاهرة اقوى مني
يلا ابقوا قولولنا ايه الحصل هناك
وربنا يوفقكو

تحياتي

yoyo يقول...

مسائك سكر

ايوه يا عم الله يسلهه بقى
زمانك مستمتع بالازهر بارك
ناس لها البيت و ناس لها الازهر بارك
هههههههههههه
دا مش حسد يعنى
دا شوية قر على نق كدا

ربنا يسعدكم يارب وان شاء الله تستفيدوا و تتعرف اكتر على المدونين
بجد نفسى احضر لقاء زى دا ان شاء الله
انا فى انتظار الصور بقى وايه حصل و كدا
كل سنة وانت طيب
رمضان كريم
تحياتى
يويو