عن دار العين للنشر
صدر حديثا ديوان عالم واسع في حجرة مغلقة للشاعر محمد المصطفى
يحمل الديوان عدد من القصائد منها سودوكو وكلمات متقاطعة ووصية وزفاف
وأتمنى تقروه ويعجبكم
بسم الله الرحمن الرحيم
السلام عليكم ورحمة الله وبركاته
*****
طبعا فيه حبايب كتير عاوزين يعرفوا اسباب الغياب اللى كان
نقول شويه
اول سبب المعلم رفيق بتاع الشبكه اللى انا واخد منها الوصله ياعين امه
اتمسك والشبكه بتاعة النت حدانا راحت فى الكازوزة
والجماعه بتوع شرطة الاتصالات وبتوع المصنفات
ملبسين الواد ياعينى مش عارف كام قضيه (الله يكون فى عونه)
وبالتالى سيادتى لما بيحب يدخل نت بيدخل عن طريق الاتصال التقليدى بالتليفون
(ايووووووووه شاطرين اللى هو الدايل اب )
وكمان بعد كده انا فى الفترة اللى فاتت كنت مشغول شويتين لانى كنت بجهز علشان اشترى الشبكه
(خربوا بيتى واخدوا كل اللى حيلتى ماانا كنت قاعد ومبسوط)
وفعلا اشترينا الشبكه وعمكم عبدالعزيز الجواهرجى قشطنى ومخلاش ورايا ولا قدامى ولا جمبى
(اخد منى تمانيه وعشرين الف جنيه ابن المفتريه)
هوووووووووووب قوم ايه بقى
زى مااكون اول واحد فى العالم يجيب شبكه
القر والنق نازل عليا على ودنه ومناخيره كمان
وانا والبنيه ياعينى نقوم من دى نقع فى دى
انا تعبت وهى تعبت وروحنا عند الدكتور وهاتك يابراشيم وادويه
ونخف من دى نلاقى دى
ياعينى الانسهNوقعت من على السلم وهى طالعه الدور التانى ونزلت تكركب
بس ربنا سترها الحمد لله والموضوع طلع بسيط
ده غير الضغط بتاع سيادتى لما حسيت انى مصدع شويه وقسته
لقيت الدكتور بيقولى هو انت ايه اللى مضايقك
قلت له مافيش حاجه ده حتى انا عريس وفرحان ومبسوط
ازاى يعنى ده انت فاضلط نفخه وتفرقع ده انت ضغطك 190
شوفتوا الهنا اللى انا كنت فيه
والحمد لله ربنا برضو سترها وعدت على خير
وربنا يجيب العواقب سليمه
واخر حاجه بقى البورده بتاعة جهاز الكمبيوتر بتاعى جنابى ضربت وعاوز اغيرها
واجيب واحده جديده
بس كده كفايه عليكم نكد لحد كده
بس كده كفايه عليكم نكد لحد كده
نبقى نكمل مرة تانيه
***********
نيجى بقى لموضوع الصدفه
اقولكم انا شايف انى رغيت كتير خالص
اقولكم انا شايف انى رغيت كتير خالص
احنا نخلى صدفه للبوست الجاى
وربنا يخليلنا الدايل اب
ســــــــــــــــــــــــــــــــــــــلام
هناك 44 تعليقًا:
يا عيني يا ابني
هي الشبكة وصلت ل 28 الف
ربنا يعينك يا رئيس الحلف والله
وعلى رأي تامر علي
في بلدهم مطبخ العروسة وصل 70 الف جنيه
يبقى منطقي قوي شبكة بالسعر ده
معلش معلش
علشان N يتصرف المتحوش :)
ربنا يفاديكم ويبعد عنكم العيون العجيبة دي
ايه اول مرة الناس يشوفوا عريس رئيس حلف؟
وبعدين ايه هي اتكعورت من ع السلم وانت الضغط؟
ايه يا بابا امال ع الجواز ها يحصل ايه؟
استرها يااااااااااااااااارب
سلامتك وسلامة العروسة
وبعدين ايه يعنى تمن الشبكة تعيش وتجيبلها:)
وبما انك داخل من على تليفون البيت فاحنا عاذرينك جدا
وربنا ييسرلك امورك
هو فى اييييييييييييييييييييييييييه؟
هى خطوبه ولا نشرة اخبار الصحه؟؟
مالك ياسيدى؟ ههههههههههههههههه
يانهارى دى خطوبه اومال الجواز اييييييييييه؟ ربنا يستر.
مبرووووووووووووووووووك وربنا يكملكو على خير يارب
يالهوي 28 الف جنية
بص فاكر في مسرحية الجوكر لما صبحي و هناءء الشوربجي بيتكلموا عن البوسة
م ص : اديكي الفلوس و تديني ايه
هـ : بوسة
م ص : ليه بوسة ب 20 الف جينة !!!!
ده انا اروح لندن ادفعربعهم و اخدهم مشكلين كمان
فهمت قصدي ؟؟؟
لو معايا و الله اشتري بيهم لاب توب جديد و كلب (بحبهم جدا) واحتمال بلاي استيشن 3 و الباقي من حق الوفاء و الامل افضل و هاخد ثواب :):)
الف الف الف الف بليون مبروك
ربنا يبارك ويتمم علي خير
ويبعد عنكم شر عيون الناس اللهمـ آآآمين اصل ما حدش سايب حد في حاله اليومين دول
ربنا ييسر ويسترها يارب
هههههههههه
كل ده بسبب الخطوبه .... امال في الفرح هيحصلكوا ايه ؟
ربنا يتمملكوا على خير
تحياتي
الف سلامة عليك وعليها
يازعيم دا انـــت
لسه بتقول يا
مسهـــــــــــــل
امال لما تدخل فى الخشب
والسجاد والنجف
واهم حاجة
المقدم
والمؤخر
والقايمة:(
ومــــا أدراك
ما القايمة اللى
بتعطل المراكب السايرة
واهل العروسة يصمموا يكتبوا
الاطباق الصينى اللى ممكن الطقم
بعيد عنك يندش قبل ما يروح البيت
وساعتها يازعيم انت مسئول عنه من
قبل ما تشرب فيه بق ميه.:(
اقولك أنا مش عايزة اعقدك
كفاااااااااااااااية كده
ولا أكمل ؟اقولك كفاية :)
الف الف مبروووك على الشبكة
وعقبال ما تخلص الشقة يارب
وربنا يسعدك انت وعروستك يارب
والف سلامة عليك انت والعروسة
كدا تسيب الناس اللى مش عسولين يحسدوكم ؟
ربنا يعينك على مصاريف الجواز ويبعد عند الناس الوحشين وعيونهم
كدا انا زعلانة
لحد دلوقتى مش حطيت اللينك الجديد بتاعى
هو صحيح انا بئالى فترة مش عندى اى بوست جديد بس بردو لازم اللينك الجديد
ههههههههههههههههههههههههههه
الف سلامه عليك يا استاذنا
انا عارفه عنين الناس المدورة دى
وعارفه اثارها
ربنا يستر عليك يا زعيم
وبعدين لسه بدرى انى بتصوت من دلوقتى
اومال العفش والفرش والتنجيد
والستاير والنجف والشقه وتشطيبها
والسيراميك والاجهزة
ههههههههههههههههه هانت اهه
ربنا يتمملك على خير
ويسترها معاك انت وN ويكفيكم شر
الكوارث الطبيعيه والقر
هههههههههههههه
أحسن يا شماتت ابله ظاظا فيه
ربنا يوفقك يارب وحمدالله على سلامتكو
وربنا ييسر اموركم يارب
تحياتى
ايناس
لا حول ولا قوة الا بالله ايه كل الكوارث دي
معلش سيبها علي الله والف مبروك علي الشبكة وربنا يتمم لكم بخير يارب
لا الف سلامة عليك وعلى العروسة
بس انت خايف من الحسد
وبعدين تقول جهارا نهارا كده
الشبكة بكام:)
ربنا يبارك لكم
ويتمم بخير
لاحول ولا قوه الا بالله
ربنا يبعد عنكم عيون الناس
اقرءو اذكار الصباح والمساء ديما وكله هيبقى تمام ان شاء الله
وفقكم الله
ويبقى التواصل
ألف ألف ألف مبروووووك ، بارك الله لكما و بارك عليكما و جمع بينكما فى خير إن شاء الله
ربنا يبارك لكم و يحميكم من كل سوء
بالتوفيق لحضرتك بإذن الله
*معذرة إنى ماكنتش اعرف إن حضرتك كنت غايب الفترة اللى فاتت لإنى أنا كمان كنت متغيبة عن التدوين بقالى شهرين
*بالنسبة للضغط ، فبجد أوصى حضرتك بالشاى الأخضر له فوائد طبية عديدة من أهمها تخفيض الضغط و ضبط مستوى السكر بالدم - الحد الأقصى هو 4 أكواب فى اليوم
شفاكما الله و عافاكما من كل سوء
ألف مبروك مرة تانية
ههههههههههههههههههههه
هههههههههههههههههه
تستاهل ياراجل حد يجيب شبكة ب28الف جنيه ومش عاوز الناس تقر وخصوصا انه عندكم بيجيبوا شبكة بربع جنيه :]
اللهم لا حسد اي حد يقولك حاجة وتحسه هيحسدك قوله
الرحمن في قلبك :)
انا متبهدلة بسبب الحسد وكل ما اكون في فرح ولا مناسبة ارجع ميتة وعلى اخري واقعد اشغل الرقية بتاعت الحسد واعمل الطقوس الشرعية ههههههههههه اعمل زيي وانتوا تبقوا زي الفل ^ـ*
والف مبرووووك ياعم عقبال الفرحة الكبير
بس انت شد حيلك وجهز الشقة ومستلزماتها الي هتقطم وسطك ههههههههههههه
الف سلامة عليك وعليها وفعلا عين الناس وحشة اسم الله عليكم :)
ربنا يوفقكم ويهنيكم يارب
بسم الله الرحمن الرحيم
السلام عليكم ورحمة الله وبركاته
**********
د/ستيته
تحياتى
شوفتى اللى بيحصلى
وبعدين دى 28الف بعد التخفيض دول كانو عاوزين ب40الف
وعلشان خاطر N اهو اتصرف المتحوش واستلفنا كمان
هههههههههههههه
اه والله محتاج دعواتك وربنا يسترها على الجواز
نورتى يادكتورة
************
موناليزا
تحياتى
الله يسلمك ويخليكى
ياريت تدعيلنا بجد
لاحسن انا اليومين دول بتحصلى حاجات غريبه كده وربنا يسترها
هههههههههه
شكرا على مرورك الجميل نورتى المدونه
*************
الشعب لابد له من حكومه تبهدله
ازيك ياشيما
انا نفسى مش عارف هو فيه ايه تصدقى؟
بعيد عنك من ساعة ماجبت الشبكه وخدى عندك
دا انا فيه حاجات اكتر من كده بكتير بس طبعا ماينفعش انى اقولها
الله يبارك فيكى وعقبال مانباركلك قريب يارب
نورتى المدونة بمرورك
****************
عادل
ايه يابنى
مالك
ده الطبيعى بتاعنا هنا على فكرة
ده لسه واحد صاحبى جايب شبكه اول امبارح ب42 الف ولما عرف انا جبت بكام بيقر عليا ويقولى يابختك
هههههههههههههههه
وبعدين يادولا ماانا هاخدهم مشكلين برضة
وادينى مستنى وقاعدلك لما اشوفك هتعمل ايه مسيرك هتتجوز هتتجوز وساعتها هفكرك بموضوع الوفاء والامل واشوفك هتقول ايه
هههههههههههههههههه
نورت يادولا
***************
غربتى
الله يبارك فيكى يااميرة وعقبالك ان شاء الله قريب
اه والنبى ادعيلى ربنا يسترها معانا
شكرا على مرورك الجميل
نورتى المدونة
*************
فتاة من الصعيد
اضحكى براحتك يامروة
يعنى قال مش عارفه انه ممكن يحصل اكتر من كده
وربنا يسترها على الفرح احسن اخوكى مرعوب على الاخر
هههههههههههههه
وعقبال مانباركلك قريب يارب
(على فكرة لو عزمتينى على الفرح هاجى)
ههههههههههههه
نورتى المدونة يامروة
************
الدكتورة نور
تحياتى ياوزيرتنا
الله يسلمك من كل وحش يارب
شوفتى لسه بقول يامسهل وبيحصل كل ده
وعلى رأيك اومال لما ندخل فى المصايب السوده اللى انتى ماجبتيش سيرتها دى كلها هنعمل ايه ؟؟؟
كفايه الله يسترك انا مش ناقص عقد
وشكرا على رفعك لروحى المعدنيه
وإظهار الامور بالبساطه دى كلها
عموما الله يسامحك
ههههههههههههههه
نورتى المدونة يادكتورة
*************
ريم
الله يبارك فيكى يارب
وعقبال مانبارك للعروستين الصغيرين وربنا يفرح قلبك بيهم
والله يسلمك ويكفيكى شر الناس اللى مش عسولين
الا ماالاقيش عندك حل للناس دى؟؟
ههههههههههههههه
وبعدين ماتزعليش ابدا بس انتى اديكى شايفه انا بدخل نت بالعافيه
انما حاضر ياافندم طلبات سيادتك اوامر وهنضيف اللينك الجديد بتاع سموك
إحنا مانقدرش على زعلك برضو
ههههههههههههههه
نورتى المدونة ياريم
*************
ليس فقيرا من يحب
كل ده ضحك يارانيا
ماشى ماشى براحتك
الله يسلمك
كل اللى انتى قولتيه ده وبتقوليلى هانت !!!!!!!!!
ماشى ماشى
ليكم يوم ولو انا عارف ان كل ده بيبقى على دماغ العبيط قصدى العريس
ههههههههههههههههه
ربنا يسترها بس ادعيلى والنبى
ههههههههههههههههههههههههههههههه
نورتى المدونه يارانيا
****************
إبتسامة ملاك
منورة المدونه ياايناس
بقى شمتانه فيا
ماشى ماشى
ليك يوم ياجميل
والدنيا دوارة
واقولك على حاجه مش هسمى البنوته لو جبت بنت يعنى مش هسميها ايناس ومش هيبقى اسمها ايناس مصطفى هه
عشان خاطر ابله ظاظا
ههههههههههههههههههههه
عقبال يارب مااشمت فيكى قريب انا وظاظا
ههههههههههههههههه
شكرا على مرورك الجميل يانوسه
*****************
كيارا(أم حبيبة)
ههههههههههههههههه
شوفتى اللى بيحصلى
اومال على الفرح هيتعمل فيا ايه
ادعيلى ربنا يسترها معايا
ههههههههههههههههه
وعقبال مانباركلك قريب يارب انتى وابوحبيبه
(بس اعملى حسابك انا لو جبت ولد هحجزله البت حبيبه عشان نبقى متفقين من دلوقتى اهه)
ههههههههههههههههههه
نورتى المدونة يامنى
**************
حفيدة عرابى باشا
الله يسلمك من كل حاجه وحشه
انا خايف من حسد الناس الوحشين انما اخواتى المدونين انا عارف انهم مش حاسدين وبعدين ده مبلغ طبيعى فى بلدنا هنا على فكرة
هى المصيبه كلها فى الجواز عندنا بتبقى فى الشبكه وبعد كده كل حاجه بتبقى سهله ان شاء الله
الله يبارك فيكى
وشكرا على مرورك ودعواتك الجميلة
نورتى المدونة
****************
المجاهد الصغير
ام انس تحياتى
شكرا على مرورك ودعواتك الجميلة
وعقبال ماربنا يفرح قلبك بأنس يارب
نورتى المدونة اختى الكريمه
***************
تأثير الفراشه
الله يبارك فيكى يادكتورة
وعقبالك (اذا ماكنش حاصل يعنى)
وشكرا على دعواتك الجميلة
*ولايهمك وحمدالله على السلامه وعودا احمد من بعد غياب
*أما بالنسبه لموضوع الشاى الاخضر فانا بشكرك على النصيحه بس انا مش بحب اشرب الشاى الاخضر ده مش عارف ليه
انما فيه مشروبات تانيه بستعملها وكويسه والحمد لله وربنا هو اللى بيسترها
شكرا على مرورك يادكتورة
نورتى المدونة
*************
نوارة بتاعة الجمال كله
طبعا اضحكى اضحكى
بقى شمتانه فيا !! ماشى ماشى
هيجيلك يوم ياجميل وانا مش بنسى تارى
وبعدين مين اللى قالك اننا بنجيب شبكه بربع جنيه !! ده انا كده جايب شبكه قليلة على الاخر بالنسبه لقرايب خطيبتى
دول المتعارف عندهم فى الشبكه ربع كيلو دهب من غير فصال
هههههههههههههههههه
اهه لسه ماخلصناش كلامنا ولقيتك بتتحسدى اهه
ربنا بيخلص على طول
بس خلى بالك انا هيقروا عليا شويه وينسوا حكاية الشبكه انما انتى هتودى الحلاوة والجمال اللى بيحسدوكى عليه ده فين ؟؟؟؟؟؟؟؟؟؟؟؟؟ ربنا يحميكى
ههههههههههههههههههههههه
الله يبارك فيكى وربنا يفرحك على طول يارب
وادينا شغالين فى رحلة الكفاح والشقى والتجهيز وربنا يسترها
الله يسلمك من كل حاجه وحشه يارب
نورتى المدونة بمرورك الجميل يانوارة التدوين
تحياتى
يلااااااااااااا يابيبه وادى خطيب تالت خطابك كترو ياشقية
وربنا يتمملك بخير ياااااااارب ويرزقك من ان اطفال صالحين يارب
وادعيلي بئا حلم حبيبه يتحقق^_^
سلام عليكم
كيفك احوالك والله واحشنى
ويارب دايما منور الدنيا
ومنتظرين دخولك للفايس بوك كمان بقوة
فى الاول الف سلامة
وكمان الف مبروك
بس هقولك حاجتين من اخوك الصغير وعن تجربة
اول شىء
شوف اتنين معاك واشتروا خط نت لوحدكم ومش هيكلفكم كتير وسيبك من الشبكات الكبيرة المعفنة دى
تانى شىء وده الاهم
ربنا يتتمملك بخير
بس ياريت بلاش تحكى عن ظروف الخطوبة والشبكة وكده علشان فيه ناس كتيرة اوى عنيها وحشة
ومتتكلمش غير فى الاخر خالص
واظن انك لاحظن تعب ومصاريف و..........
عن تجربة النت مفتوح والناس فيها عنيها وحشة اوى ان شاء الله ربنا يتتمملكم بخير ومتنساش بس تعزمنا
هههههههههه
هههههههههههههههههههه
28 الف يا انسان
ليه يعنى هاتتجوز اربعة ايه ياعم
ملكة جمال الصعيد
ربنا يجعلهم يا بنى فى ميزان حسناتك وربنا يغفر ليك ويعفو عنك
شوف بقى بتمن الشبكة كونت انت عملت كام شبكة ووزعت انت النت على الصعيد كله وبقى مشروع استثمارى وهو حتة رواتر لاسلكى من غير سلوك يعنى
وتظبط نفسك
فكر كده وخلى الانسة N تعفو عنك
هههههههههههههههههه
المهم بارك الله لك ووفقك ومعلش اللى ناوى على جواز بيشوف حبة مطبات هوائية فى الاول ربنا يعنيك
قووووووووووول امين
ازيك
والله تستاهل كل اللى بيجرى لك
فيه حد فى الدنيا قاعد مسترح ومبسوط ولا ناعى هم للدنيا ويروح يشبك نفسه الشبكه دى
يا بنى ما شاورتنيش ليه كنت قلتلل وفر الكذا وعشرين الف جنيه دول وفنجر نفسك بيهم
الامر لله نقول لك سلامة العروسه وسلامتك .. بس انا متغاظ منك عشان حتحط نفسك فى خانة المحكومين والله اعلم الحكومه بتاعتك حتكون حنينه ولا قاسيه عليك زى فشكول كدا
تحياتى
على فكره
انت ممكن تتحجج بحكاية القر عليك وعليها دى وتقول لها تيجى نغير الدهب الحقيقى بدهب صينى عشان القر بتاع الناس ... وكله بعد كدا يبقى فوايد وابقى ادعى لى .. ان شاء الله انا حاوديك فى الكازوزه
مبروك علي الأنسة "إن" .. إنت
سيبك أنت من كل اللي قلته
ياتري إسمها إيه ؟
نيفين
نرمين
نهي
نيرة
نسمة
نادية
ناهد
ندي
نسرين
نشوي
نغم
نورا
نجلاء
نجوي
؟؟؟؟
إيه هاه إيييه؟
ربنا يسترها معاك انت وإن لغاية ما تجوزو وربنا يتمم على خير ان شاء الله
وربنا يكون فى عونك مع الدايل أب ده
بسم الله الرحمن الرحيم
السلام عليكم ورحمة الله وبركاته
********
كيارا
ايه ده ؟؟ خطيب تالت؟؟ لا بقولك ايه انا الواد صلاح ابنى مايتعيبش وسيبك انتى من العالم التانيه دى
وبعدين اديكى شايفه بنجيب شبكه ازاى وبنشهيص العروسه ازاى
يعنى بيبه هتتظبط وتتمنجه على الاخر
هههههههههههههههههه
ربنا يكرمك يامنى ويرزقك ابن الحلال اللى بتتمنيه يارب
نورتى المدونة بمرورك
*********
د/عرفه
وعليكم السلام ورحمة الله وبركاته
انت اللى واحشنى يامحمد وواحشانى المناكفه معاك
ههههههههههههههههه
انا داخل على الفايس بوك بس انا مش بحبه خالص مش عارف ليه
انا تقريبا من اوائل الناس اللى اشتركت فى الفايس بوك اول ماكان جديد بس مش بهتم انى اشارك فيه قوى
والله يسلمك
ويبارك فيك وعقبالك لما نفرح بيك قريب
* جارى البحث فى موضوع النت ده عشان نشترى خط لوحدنا ده اولا
اماثانيا:فشكرا على النصيحه وربك يسترها ان شاء الله
وربنا ييسر وهعزمكم بس انتوا تشدوا حيلكم وتشرفونى فى الفرح
نورت المدونة يامحمد
************
ابو على
اه 28 الف ياابوعلى
وهتجوز واحده بس مش اربعه
وعلى فكرة هى مش ملكة جمال الصعيد ولا حاجه ولو انا معايا فلوس تانى هجيبلها دهب تانى على اللى جبته
ههههههههههههههههه
وبعدين فكرك يعنى انا مفكرتش فى المشروع اللى انت قلت عليه ده !!
بس شرطة الاتصالات خارباها هنا ومش سايبه حد فى حاله
وولاد الحلال هيبلغوا هيبلغوا بسلك من غير سلك هتتعرف
وبعدين احنا ماصدقنا ان N وافقت حرام عليك
هههههههههههههه
الله يبارك فيك وعقبال ماربنا يفرح قلبك باولادك يارب ويسعدك بيهم
قول امييييين
نورت المدونة ياابوعلى
*************
فشكووول
عم صلاح حبيب قلبى
معلش ياعم صلاح مقصر معاك انا عارف بس سماح والنبى اديك شايف الظروف
يارب تكون بخير وفى احسن الاحوال
هو جحا مش قال ملعون ابو اللى اتجوزوا قبلى ومانصحونيش وابو اللى هيتجوزو بعدى ومش هيسمعوا كلامى
هههههههههههههههههههههه
وبعدين ده شر لابد منه (وبينى وبينك انا دلوقتى بلعب فى الوقت بدل الضايع)
الله يسلمك ياعم صلاح ومعلش يعنى هى جت عليا انا ماتاخدش فى بالك
(بس اغيظك الحومه بتاعتى حنينه ورومانسيه مش زى ناس)
هههههههههههههههههههههههههههههه
تصدق حلوة حكاية الدهب دى
لازم احطها فى موضع البحث والدراسه
فكرة جديرة بالبحث والفحص والتدقيق
يمكن اعرف استرد جزء من مالى المسلوب
وبعدين مااحنا داخلين على الصيف والكازوزة زى الفل
ههههههههههه
نورت المدونة بمرورك الجميل ياعمنا
واسعدتنى جدا بتعليقك
************
ميمى شقاوة
الله يبارك فيكى
وعقبال مانباركلك على الفرح قريب يارب
اممممممممممممممممممممممم
طب ارخم ومااقولش على اسمها يعنى ولا بلاش
طب اقولك هو واحد من الاسامى المكتوبه
برافو عليكى قربتى تعرفيه
اروبه ياميمى
ههههههههههههههههههههههههههه
اسهلهالك اكتر من الشويه اللى من تحت
اى خدعه
نورتى المدونة ياشقاوة
*************
منوووووش
مين فين ليه
ايه ده ايه ده
منووووش بذات نفسيتها هنا
لألألألألألأ انا مش مصدق نفسى بصراحه
هههههههههههههههه
حمدالله على سلامتك يامنى
وشكرا على دعواتك الجميلة وعقبال مانباركلك وندعيلك قريب يارب
نورتى المدونة بمرورك الجميل
ٍســـــــــــــــــلام
ازيك يامصطفى باشا
يارب تكون لسة فاكرنى
طبعا اختفاءك بعد الخطوبة اثار
حولك الشبهات عندى لدرجة انى قلت الواد
عملها واتجوز
وانت ياعينى مقضيها انت والبنية امراض
مش قادرة اقول عين الصعايدة بعد
ماشوفوا الشبكة لان ده تقريبا المعدل هناك من عشرين وطالع
عموما ربنا يسعد ايامكم يامصطفى
والحمد لله اننا اطمنا عليك
لله ما أعطى ولله ما أخذ وكل شئ عنده بمقدار
البقاء لله يا أستاذ مصطفى
ربنا يرحمه يارب ويغفر له وينور قبره
ويصبر قلوبكم جميعا اللهم امين
البقاء لله يا مصطفي
وان لله ما اعطي وله ما اخذ وكل شيء عنده بمقدار
ربنا يصبرك علي فراقه ويجعل الجنه موثاه والاخره يوم فرحه ودخول جنه ربه
الللهم ابدله دارا خيرا من داره وولد خير من ولده ونور ليه في قبره من مد بصره
اللهم اوسع مدخله واجعل قبره روضه من رياض الجنه
البقاء لله وشد حيلك
اخوك وليد الدوغري
انا لله وانا اليه راجعون
البقاء الله يامصطفى
ربنا يرحمه وبإزن الله فى الجنة
ربنا يصبركم انتم والاسرة الكريمة ان شاء الله
البقاء لله يا استاذ مصطفى
ربنا يرحمه ويسكنه فسيح جناته يا رب
البقاء لله يا استاذ مصطفى لله ماأعطى ولله ما أخد وانا لله وانا اليه راجعون
الهمهم الله الصبر ام شاء الله وتقبل فقيدكم بالقبول الحسن مع الصديقين والشهداء ان شاء الله
آنا لله وآنا إليه
راجعون.البقاء لله
أستاذ مصطفى ربنا
يصبرك ويرحمه هو وأموات
المسلمين أجمعين .اللهم تغمده
بفسيح جناته هو وامى وابى
وأموات المسلمين أجمعين.
مصطفى
البقاء لله
مش عارفة اقولك ايه؟
ربنا يطيب حزنكم و يجعل قبره روضة من رياض الجنة
البركة فيك يا مصطفى
عزائنا للوالدة و ربنا يصبرها
و يصبركم جميعا
و حسه ف الدنيا لن ينقطع
بفضل دعائك ليه و عملك الصالح
البقاء لله يا اخى العزيز
البقاء لله يا استاذنا
يارب يغفر له ويدخله الجنه
بغير حساب ولا سابقه عذاب
وجميع موتى المسلمين
انا لله وانا اليه راجعون
البقاء لله
ربا يرحمه يارب
البقاء لله
ربنا يرحمه ويحسن اليه
ويوسع مدخله ويرزقه الجنة
ويلهمكم الصبر
البقية في حياتك يامصطفي
معلش عرفت متاخر :(
إنا لله و إناإليه راجعون
لله ما أخذ و لله ما أعطى
نسأل الله أن يرحمه و يسكنه فسيح جناتك و يثبته عند السؤال و يجعل قبره روضه من رياض الجنة بإذن الله
و نسأل الله لكم أن يلهمكم الثبات و الصبر إن شاء الله
البقاء لله
إنا لله و إنا إليه راجعون
البقاء لله
يدخله فسيح جناته باذن الله
البقاء لله يامصطفى ربنا يأجرك فى مصيبتك
انا لله وانا اليه راجعون
اللهم تقبله قبولا حسنا وأغفر له وأرحمه
اللهم أرضى عنه وأكتب الرضا لأهله
اللهم لا تفتنهم بعده ولا تحرمهم أجره
أستاذ مصطفى
البقاء لله
ربنا يرحمه يارب رحمة واسعة ويغفر له وينير قبره
ويصبر قلوبكم جميعا
اللهم امين
إرسال تعليق