الجمعة، 31 يوليو 2009

عدنا والحمد لله

بسم الله الرحمن الرحيم
السلام عليكم ورحمة الله وبركاته
اولا انا بشكر كل الناس اللى سألت عليا
وحبت انها تتطمن عليا فى فترة غيابى
واحب اطمنكم انه الحمد لله انا بخير
بس هى كانت شوية ظروف كده خاصه صعبه شويتين
يمكن ابقى افضفض معاكم فيها بعدين
المهم انى رجعت تانى لعالم التدوين الجميل
لانه بجد وحشتنى مدوناتكم الجميلة
وان شاء الله هبتدى اتابع تانى زى الاول
*******
طبعا قاهرة المعز لدين الله الفاطمى منورة
انا عارف ومش محتاج انكم تقولولى
ان انا السبب بوجودى فيها
ههههههههههههههههههههههه
(غرور زعماء بقى هو مش انا راجل رئيس حلف قد الدنيا ولا ايه؟؟)
وان شاء الله ربنا يسهل واقدر احضر لقاء المدونين اللى هيكون فى الازهر بارك يوم السبت 8/8 الساعه 10 ونص صباحا لانى بجد نفسى اتعرف على الناس اللى انا بعتبرهم مش بس اصدقائى لأ دول اخواتى
ياريت فعلا كل اللى يقدر انه يحضر اللقاء ييجى
*********
نداء مخصوص للى عارفه نفسها
انا هنا اهه ومش ناسى عزومة الكشرى
وادينى قلت قبلها بكتير واما نشوف بقى
هههههههههههههههههههه
اشوفكم على خير ان شاء الله
والسلام عليكم ورحمة الله وبركاته

هناك 37 تعليقًا:

رحلتنا في الحياة يقول...

الف حمدالله على السلامة احنا قولت قرفت من مشاكل الحلف وحبيت تبيعنا بعد ما اخدت فلوس الشعب وهربت وسيبتنا احنا فى مواجهة كل الايدى اللى عايزة تبطش بينا :)
الف حمدلله على السلامة مرة تانية

د. ياسر عمر عبد الفتاح يقول...

حمد الله علي السلامه يا زعيم
هوه إنت كمان في قاهرة المعز
أمال يعني مشفتكش ...!!
أصل أنا مرمي هنا بقيلي فترة


ويارب أقدر أجي الإجتماع
يارب

المهم إنت عامل إيه..؟

الشعب لابد له من حكومه تشكمه يقول...

عود احمداومحمود شوف اللى يليق على اسمك:)

عمرو جويلى يقول...

حضرة الصعيدى الهمام
السلام عليكم
حمداً لله على سلامتك وعوداً حميداً
والبلوجر منور بوجودك يا زعيم
ربنا يقدرنى وأقدر أحضر الإجتماع واشوف كل الناس الحلوة
تقبل مرورى

mohamed ghalia يقول...

حمدا لله على السلامة
البلوجر كله نور
وبإذن الله نتقابل فى لقاء المدونين

غير معرف يقول...

حمدا الله ع السلامه يا زعيمنا المفدى
وانا فعلا سمعت ان القاهره نورها زاد حبتين

المعتصم يقول...

بسم الله الرحمن الرحيم
السلام عليكم ورحمة الله وبركاته
***********
ايوشه بنت خالى
تحياتى
الله يسلمك
على فكرة انا مش النوع اللى يهرب من المسئوليه
يعنى عمرى ماهسيب الحلف ابدا
وبعدين فين الفلوس دى ؟؟؟ انا نفسى اشوفها!!!!هههههههههههههههههه
الله يسلمك ونورتى المدونة
************
د/ياسر
وزيرنا الغالى
تحياتى
انا لسه واصل قاهرة المعز يادوب النهارده بس
وياريت نتقابل
بس انت عارف الزعماء اللى زيى لازم تحجز معاد عشان المقابله هههههههههههههه
انا الحمد لله بخير وكل اللى يجيبه ربنا كويس وانا فى نعمه كبيرة وفضل من الله
شكرا على مرورك الجميل يادكترة
************
الشعب لابد له من حكومة تشكمه
اهلا ياشيما
ازيك
انتِ عرفتى منين ان احمد ومحمود دول اخواتى الكبار
يعنى الاتنين ينفعوا
نورتى المدونة
***********
اللؤلؤة
حضرة المنوفى التمام
وعليكم السلام ورحمة الله وبركاته
الله يسلمك وشكرا على سؤالك الكريم
وبلوجر منور بيكم وبوجودكم الجميل
وان شاء الله تيجى الاجتماع ونتقابل هناك
نورت المدونة
*************
صديقى العزيز
محمد غاليه
تحياتى
الله يسلمك وشكرا على سؤالك
وبلوجر منور بوجودكم الجميل
وان شاء الله نتقابل فى اللقاء واسعد بالتعرف عليكم
نورت المدونة يامحمد
***********
والسلام عليكم ورحمة الله وبركاته

المعتصم يقول...

فتاه من الصعيد
تحياتى يامروة هانم
معاليكى منورة المدونه
الله يسلمك وشكرا على سؤالك الجميل
ربنا يستر ومايخلونيش احاسب على فاتورة الكهربا
احسن العمليه اليومين دول مايعلم بيها الا ربنا
هههههههههههههههه
نورتى يامروة

غير معرف يقول...

اهلا اهلا يامصطفى
والله ليك وحشة كبيرة وكنت قلقانة عليك خالصبس ايه حكاية القاهرة معاكم
يابتوع وجه قبلى
لوفيها بحر كنت اقول بيصيفوا
ايه السر قولوا لى اخطف رجلى واجى
نورت والله بالرجعة ديه
اوعى تضلمها تانى احسن حزعل
تحياتى

ستيتة يقول...

ياأخي نورت بلوج سبوت
كده الإختفاء الغريب المفاجيء ده
ماشي
كشري كشري ده انت تستاهل ع المجي وسطنا الدبح والله
اوعى تفهمني صح
مستنينك بقى وها أحط رقم موبيلك قبل اللقاء مباشرة بالبنط العريض
بلاش دلوقت علشان متتعاكسش
والا عاوزني احطه دلوقت؟
ههههههههههههههههههههههههههه

fnoonh يقول...

ان شاء الله الغيبة تكون خير
تحياتي ليك والحمدلله على سلامتك
والله الواحد نفسه يجي ملتقى زي ده بس صعب عشان السفر وكده يلا خير
تحياتي ليك مرة تانيه

غير معرف يقول...

السلام عليكم
أول مرة أدخل مدونة حضرتك وإن شاء الله لا تكون الأخيرة
حمداً لله على سلامتك وعوداً حميداً
فأتمنى لحضرتك التوفيق دائماً فى كتاباتك
خالص تقديرى

موناليزا يقول...

ياااه
حمدالله على السلامة
وفى انتظار معرفة اسباب الغياب:)

يوميات شاب منوفى يقول...

ياااة اية الغيب الطويلة دى ياعم لكن على العموم الف سلامة على العودة وفى انتظار ابداعاتك يا ملك الصعيد

بـِصَمتـِـ أميرة ــــى يقول...

السلام عليكم ورحمة الله وبركاته

نورتنى جدا بزيارتك مع انى حزنت انك ماعرفتش تغوص فى القصة
جيت بس اقولك انك عشان تفتح مدونتى لزم يكون عندك متصفح الانترنت اكسبلورر
افتحها من عالاكسبلورر مش من اى متصفح تانى

وهنتظر رأيك

تقبل مرورى
(ملكة بحجابى )

mimi يقول...

طيب ما دمت هتشرف اللقاء التدويني ... خليك جدع وأنشر رقم موبايلك علشان تبقي واسط خير... حد يتوه ... حد يجوع ؟؟

هاه فاهمني ؟

مستنيين

mimi يقول...

حمد الله علي السلامة

نورت بيتك

mimi يقول...

ظلمتك ... أتاريك ناوي تحط رقمك أصلا

عاااااااااااا

تأثير الفراشة يقول...

الحمد لله على سلامة حضرتك
بالتوفيق فى لقاء المدونين بإذن الله و يكون يوم جميل و مثمر

تحياتى لحضرتك

fL0weR-giRL يقول...

ياهلا ياهلا ياهلا

نورك غطي علي كل المدونات

وحمد لله علي سلامتك

مستنيه اعرف ايه الظروف ههههههههه

**تقبل مروري **

المعتصم يقول...

بسم الله الرحمن الرحيم
السلام عليكم ورحمة الله وبركاته
*********
ام مالك
امنا الفاضله
تحياتى
منورة المدونة
شكرا على سؤالك الكريم
حكاية القاهرة معانا عاديه جدا لو حضرتك قريتى ردى على موضوع د/ياسر الاخير هتعرفى انى مش باجى كايرو غير لما يكون مشوار رسمى وفيه حاجه ضروريه بس
انما ده لايمنع انى ممكن استغل الفرصه واتفسح بالليل او فى اى وقت فاضى فيه
ههههههههههههههه
وانا مااقدرش على زعل حضرتك بس هى الظروف كانت غصب عنى وربنا مايعيدها تانى ان شاء الله
نورتى المدونة واسعدنى مرورك
*************
اختى الكبيرة
د/سوتيته
تحياتى
بلوجر منور بيكم
الاختفاء كان لظروف ممكن نبقى نتكلم فيها بعدين
ومش هتنازل عن الكشرى مهما يكون
اما موضوع الدبح ده فخليه للصعايده واطمنى هيعملوه هيعملوه واحسن منكم كمان (عملت نفسى فهمتك غلط اهه)
ان شاء الله الظروف ماتمنعش واقدر احضر اللقاء
اما بخصوص الرقم يعنى فااللى يعمل خير مايشورش وكلك نظر شوفى انتِ بقى
ههههههههههههههههه
نورتى المدونة يادكتورة
************
فنونه
تحياتى
حمدالله على السلامه ورجوعك لمصر
والله يسلمك والحمد لله على كل حال والظروف انتهت وربنا مايعيدها تانى
لو عاوزة تيجى اللقاء المسافه بين القاهرة والشرقيه مش بعيده قووى يعنى
ده يادوب ساعتين زمن وتكونى هنا
واحنا هيسعدنا انك تكونى معانا
نورتى المدونة ياافنان
**************

المعتصم يقول...

العصفورة
وعليكم السلام ورحمة الله وبركاته
اهلا اهلا اختى الكريمه
نورتى المدونة باول زيارة
ويارب ماتكونش اخر زيارة
الله يسلمك وشكرا على دعواتك الجميلة
على فكرة مدونتك جميلة خالص والقصه بتاعة مالك ابن دينار دى مؤثرة جدا وكلها عبر وعظات
اسعدنى مرورك
تحياتى
************
موناليزا
اختى الكريمه
تحياتى
الله يسلمك
اسباب الغياب ممكن ابقى اتكلم عنها بعدين مش دلوقتى لانها كانت صعبه حبتين
انما اكيد هتعرفيها
ولو حتى من باب الفضفضه
هههههههههههه
نورتى المدونة
تحياتى
*************
يوميات شاب منوفى
اهلا اهلا رامى باشا
منور المدونة
الله يسلمك وشكرا على الترحاب الجامد ده اللى انا مااستاهلوش
اسعدنى مرورك ياعمنا
تحياتى
*************
ملكه بحجابى
وعليكم السلام ورحمة الله وبركاته
سمو الاميرة
تحياتى
معاكى حق انا كنت داخل بالفايرفوكس انما ملحوقه ان شاء الله
نورتى المدونة سموك
تحياتى

المعتصم يقول...

ميمى هانم (قريبة الكونت دراكولا)
اهلا اهلا
منورة المدونة
الله يسلمك والمدونة منورة بيكم وبوجودكم الجميل فيها
وبعدين رقمى هتلاقيه محطوط عند الدكتورة ستيته فى المدونة بتاعتها
صحيح يعنى هو رقم واحد زعيم حلف قد الدنيا يعنى حاجه كده توب سيكرت
بس انا ديموقراطى هه
والرقم اه
0103076271
وربنا يجعلنا دايما واسطه فى الخير يارب
هههههههههههههه
وبعدين عادى يعنى انا طول عمرى مظلوم يعنى هى جت على المرة دى
ولا يهمك
بجملة
ههههههههههههههههههههه
نورتى المدونه ياميمى
تحياتى
***************
تأثير الفراشه
اهلا اهلا يادكتورة
منورة المدونة
الله يسلمك
وان شاء الله اليوم هيكون جميل ونتمنى انك تقدرى تكونى معانا
بس انتِ حاولى تيجى
ههههههههههه
اسعدنى مرورك
تحياتى
************
fL0weR-giRL
ياهلا بيكى
ده انتِ اللى منورة بعد غياب طويل
والله يسلمك
بس جامده الصورة الجديده دى ومعبرة طبعا
ههههههههههههههههههههه
بس ياترى دى صورتك وانتِ فى معمل الكليه
ههههههههههههههههههه
الظروف هبقى اتكلم عنها بعدين مش دلوقتى معلش
نورتى المدونة واسعدنى مرورك
تحياتى
والسلام عليكم ورحمة الله وبركاته

mimi يقول...

أنا حفظت الرقم والموبايل نور يا زعيم

... ايه حكاية الحلف ده؟

طيب ماليش وظيفة معاكو؟

رئيس مجلس إداة

نائب رئيس مجس الإدارة

أمين عام

حاجة كده يعني ...

وانت عارف بقي ... نائب دراكيولا..

نيااااااااهااااااااا

مستنياك في الأزهر بارك
ان شاء الله

yoyo يقول...

مسائك وصباحك سكر

حمد لله على سلامتك يا زعيم
الظاهر ان الزعماء كلهم كانوا مشغولين وفى فترة غياب بقى
هيييييه هنعمل ايه بس مشاغل شعب وكدا
هنعمل ايه و لا ايه ربنا يوفق و يعين يارب
هههههههههه

ماشى ياعم الله يسهله باللقاء دا
يا بختك و الله
نفسى احضر لقاء زى دا ان شاء الله


حمد لله على سلامتك مرة تانية
ويارب دايما منور مدونتك
تحياتى
يويو

الفراغ يقول...

اذيك يا معتصم
وحشتنى بجد
حمد لله على سلامتك
بقا انت بقا فى القاهره عندنا
طبعا الدنيا منوره جامد بوجودك
وعاملين لقاء فى حديقة الازهر
يعنى مافيش مكان اقرب من كدا؟
مالها حديقة ابن سندر؟!!!!!!بنت حلال

حرام عليكم دانا برضه زى ماما يارجاله
سلامى للجميع ولجميع من سيحضراللقاء

ghorBty يقول...

السلامـ عليكمـ

عودا حميدا

وربنا يوفقكمـ جميعا ..

د/عرفه يقول...

انت غايب شبهى ولا ايه
حمدالله على السلامة

ووحشنى كتير

وممكن احضر اللقاء مع اصحابى احمدومصطفى ده احتمال لسه مقررناش

غير معرف يقول...

استاذ مصطفي :
السلام عليكم و رحمة الله و بركاته،،
عودا حميدا ، و عسى المانع يكون خيراً بإذن الله .

سـارهـ

ريمان يقول...

السلام عليييييييكم



ازيييييييييك


حمد لله ع السلامه

ايه اخيرا كده ظهرت


هههههههههههههههه


تحياتى

مش تغيب بقه تانى

انما ايه موضوع الكشرى ده

طب اكلونى معاكوا طيب


انا بموت فيه خصوصا لو الشطه كانت حراقه

حـــلـــم كـــان يقول...

حمد الله ع السلامه

ونورت تانى

Unknown يقول...

حمدلله على السلامة يازعيم
ياشيخ فرحتنا وقلنا ارتحنا
وعمتنا مباحث أمن الدولة
خدت خبر وقامت بالواجب :P

Unknown يقول...

التعليق السابق هذا
ليس لى به دعوة ومش
مسئولة عنه لكن تقدر
تقول أنه من عقلى الباطن
وأنكتب عصباً عنى وليس على
المغصوب حرج:P

Unknown يقول...

نــــــورتنا يازعيم
ونورت مدونتك ويارب
ما نتحرم منك ولا من
زعامتـــــــــــــــك
ابداً.بس ياريت ياريت ياريت
بسرعة تفضفض لنا باللى اخرك
عنا كل المدة دى (مش عايزين اعذار:)
ولا اعتذار خالص مالص هالص.
نورتنــــا يازعيم الحلف:)

المعتصم يقول...

بسم الله الرحمن الرحيم
السلام عليكم ورحمة الله وبركاته
**************
ميمى هانم
تحياتى
يافندم ده انا نمرتى حصلها الشرف انها اتحفظت عندك
اما بخصوص الحلف بقى
فكده لازم ترجعى كام بوست كده عندى علشان تعرفى الحكايه وكمان تعرفى الشروط علشان تمسكى منصب قيادى فيه
هههههههههههههههه
وعلى الرغم من انى رجعت البلد لان والدى تعبان شويه الا انى ان شاء الله هحاول اجى اللقاء يوم السبت ضرورى جدا
نورتى المدونة
ســـــــــــــــلام
*************
مس يويو
تحياتى
منورة بلوجر
الله يسلمك
طبعا انتِ عارفه مشاغل الزعماء ومسئوليات الشعوب وكده
بس ياريت الناس تقدر كده
ههههههههههههههههه
وياريت فعلا تفكرى تحضرى اللقاء معانا ومتهيألى ان بلدنا ابعد من بلدكم ومع ذلك ان شاء الله هحضر
فكرى انتِ بس شويه وبلاش كسل
هههههههههههههه
شكرا على مرورك الجميل اللى دايما بيسعدنى
ســــــــــــلام
***************
الفراغ
ست الكل
منورة المدونه وبلوجر كله
الله يسلمك وحضرتك ليكى وحشه كبيرة خالص
صحيح انا كنت منور قاهرة المعز بس رجعت البلد تانى علشان والدى تعبان شويه انما ان شاء الله جاى يوم السبت علشان اللقاء ضرورى
وبعدين حضرتك ماقترحتيش ابن سندر من الاول ليه؟؟ كنا عملنا اللقاء هناك
انما ملحوقه نبقى نعمل لقاء تانى مخصوص لولاد حضرتك وابقى اجى واجيب بنت خالى حبيبتك ايوشه معايا وانا جاى
ايه رأيك ؟؟ كده يبقى تمام
ههههههههههههههههه
نورتى المدونة ياست الكل
تحياتى
*****************
اختى الكريمه غربتى
وعليكم السلام ورحمة الله وبركاته
منورة المدونة
الله يسلمك وشكرا على مرورك الكريم ودعواتك الجميلة
اسعدنى مرورك
تحياتى
****************

المعتصم يقول...

د/عرفه
الله يسلمك يامحمد
والله وانت كمان لك وحشه كبييييرة
بس على فكرة انت اللى غايب شبهى انا الكبير (اوعى تنسى)
ههههههههههههههه
مستنيك يوم السبت ان شاء الله انت واصحابك ومافيش حاجه اسمها ماقررناش
ان شاء الله جايين يعنى جايين
امال انا هقعد اغيظ فى مين يوم السبت!!!
ههههههههههههههه
نورت المدونة يامحمد
ســـــــــــــلام
***************
غير معرف
وعليكم السلام ورحمة الله وبركاته
اهلا بحضرتك يااخت ســـارهـ فى اول مرور ليكى بمدونتى المتواضعه
ولو ان عودا حميدا دى بتقول ان حضرتك عديتى عندنا قبل كده
بس بصراحه انا مش فاكر انى قريت الاسم
معلش بقى راجل زعيم حلف ومشاغلى كتير والزهايمر عامل معايا عمايل جامده خالص
يعنى سماح (وممكن معاها شيماء وصفاء اخواتها)
الحمد لله على كل حال واشكر سؤالك الكريم
اسعدنى مرورك يااستاذه ســارهـ
ونورتى المدونة
تحياتى ويارب ماتكونش دى اخر زيارة
**************
ريمان هانم لماضه
وعليكم السلام ورحمة الله وبركاته
الله يسلمك
والحمد لله على كل حال
وحاضر ياستى ان شاء الله مش هغيب تانى بس ابقى ادعيلى انتِ
اما موضوع الكشرى ده فالمفروض انى هتعزم عليه انما انتِ لو عاوزة تاكلى كشرى احنا نبعت الكشرى لغاية البيت وكمان معاه شطه سودانى معتبرة من اللى مش بينفع معاها ولا خرطوم المطافى
ههههههههههههههههههه
ياسلام وهو احنا فى ديكى الساعه لما نولع فيكى يووووة قصدى نعزمك على حاجه بتحبيها
ههههههههههههههه
نورتى المدونة ياريمان هانم
ســــــــــلام
**************
حلم كان
تحياتى
الله يسلمك
وحضرتك اللى نورت المدونة بمرورك الجميل اللى اسعدنى
تحياتى ويارب ماتكونش اخر زيارة

المعتصم يقول...

الدكتورة نور
منورة ياوزيريتنا الهمامه
وليكى وحشه والله
انما انا قاعد على قلبكم
ولا امن الدوله ولا امن المحافظه
والكرسى اللى الناس طمعانه فيه ده مش هسيبه بالساهل انا بقول اهه

هعتبر انك مش مسئوله عن التعليق
وهفوتها بمزاجى
بمزاااااااااااجى هه
وماتخافيش مش هنخصم حاجه من المرتب والحوافز علشان رمضان

المدونة منورة بوجودكم الجميل يادكتورة
بس الاسباب اللى خلتنى اختفيت الشويه دول ممكن ابقى افضفض بيها بعدين
وخليكى كده على نار ومش هقول دلوقتى هه(وحياة امن الدولة)
ههههههههههههههههههههههههههههه
نورتى المدونه يادكتورة
واسعدنى مرورك
تحياتى
والسلام عليكم ورحمة الله وبركاته